Башҡорт донъяһы

📌 Башҡорт ҡыҙы - ҡытай теле буйынса фән кандидаты. Илүсә Әхмәҙуллина Өфө фән һәм технологиялар университетының башҡорт филологияһы, шәрҡиәт һәм журналистика факультетында студенттарға ҡытай теленән белем бирә. Бына күптән түгел ул Ҡабарҙы-Балҡар Республикаһының Нальчик ҡалаһында диссертацияһын уңышлы яҡлаған. Йәш ғалим башҡорт, урыҫ һәм ҡытай телдәре материалында иҡтисад лексикаһын тикшергән. 💯 "Республикала ҡытай теле буйынса тәүләп фән кандидаты дәрәжәһенә күтәрелгән башҡорт ҡыҙы ул Илүсә. Кейәү менән ике ул тәрбиәләйҙәр. Бөгөн рәсми документ алып ҡыуанып йөрөүе... Өс телде лә камил белгән йәш коллегама артабан да уңыштар юлдаш булһын!" - тип яҙған факультеттың деканы Гөлфирә Абдуллина. Афарин, бына шундай ул беҙҙең башҡорт йәштәре! 👏 Башҡорт донъяһы МАХ-та

📌 Белоретта "Урал батыр" эпосы көнө үткән. Был байрам беренсе тапҡыр билдәләнде. Сарала бар донъяға билдәле AY YOLA төркөмө сығыш яһаны. Байрамға килгән халыҡ уның тәрбиәүи әһәмиәтен, сағыулығын юғары баһаланы. 💯 "Урал батыр" - боронғо эпос ҡына түгел. Ул беҙҙең намыҫ, яуаплылыҡ, аҡыл. Беҙ уны йәш быуынға тапшырып ҡалдырырға бурыслыбыҙ", - тип яҙған Белорет районы хакимиәте башлығы Азат Хәкимов. Башҡорт халыҡ эпосына арналған был матур байрамды йыл да ойоштороға ниәт итеүҙәре тураһында ла белдергән етәксе. Уңыштар теләйбеҙ!

"Урал батыр" башҡорт халыҡ эпосынан өҙөктө Бөрйән районындағы Шүлгәнташ мәмерйәһе ауыҙында Республика халыҡ ижады үҙәге хеҙмәткәре Зөбәржәт Утарбаева һөйләй.

Байрам менән, кешелек! 🌸 Бөгөн кешенең фекер һәм һүҙ ҡеүәһенә, башҡорт халҡының аҡылына, донъяны танып белеүенә, йәшәйеш ҡанундарын төшөнөүенә, йолаларына, асылына, рухи ҡиммәттәренә һәйкәл булған бөйөк "Урал батыр" башҡорт халыҡ эпосы көнө билдәләнә. 📍Беренсе тапҡыр. Былтыр Башҡортостан Республикаһы Башлығы Радий Хәбиров был мөһим көндө 8 июндә билдәләргә, тигән указға ҡул ҡуйҙы. Был көнгә арналған байрам саралары 6 июндән Бөрйән ерендә башланды, 7 июндә Белорет районында үтте - AY YOLA төркөмө сығыш яһаны, бөгөн баш ҡалабыҙҙа БР Милли китапханаһында була - "Урал батыр мираҫы" тип аталған әҙәби-музыкаль кисә. Башҡорт донъяһы МАХ-та

📌 Балалар һәм үҫмерҙәр өсөн иң яҡшы китап билдәле булды. 12-се тапҡыр ойошторолған "Ҡыҙыл майҙан" Китап фестивалендә "Йылдың иң яҡшы китаптары - 2025" конкурсы һөҙөмтәләре иғлан ителгән. Бүләкләү тантанаһы Дәүләт универсаль магазинының (ГУМ) конференциялар залында үткән. 📚 З. Биишева исемендәге "Китап" Башҡортостан нәшриәте Юрий Андриановтың рус телендәге "Башҡорт әкиәттәре һәм легендалары" китабы өсөн "Балалар һәм үҫмерҙәр өсөн иң яҡшы китаптар" номинацияһында билдәләнгән. 📚 Ә Рәсәй китап нәшриәттәре ассоциацияһының "Йылдың иң яҡшы китаптары - 2026" дөйөм Рәсәй конкурсында Сергей Аксаковтың "Аленький цветочек" китабы өсөн махсус диплом тапшырғандар. Награданы "Китап" нәшриәте директоры Эльмира Хәйретдинова алған.

Үәт батырҙар исмаһам 🔥 Рамаҙан Өмөтбаев исемендәге Башҡорт лицейының 2026 йылғы сығарылыш синыф уҡыусыларының Һуңғы ҡыңғырау байрамында. Видео: Aliya Nurzhanovna.

📌 Иртә тимер быуат һыбайлыһы табылған. Башҡортостандың Баймаҡ районында урынлашҡан Ишмөхәмәт ҡурғанында пилотһыҙ осоу аппараты ярҙамында һыбайлы ҡәбере табылған. 🔥 Уға 2 мең йылдан ашыу. Ишмөхәмәт ҡурғанында археологик экспедиция тамамланған. Уны Күсмә цивилизацияларҙың Евразия музейы һәм республиканың күсемһеҙ мәҙәни мираҫын һаҡлау үҙәге хеҙмәткәрҙәре ойошторған. 🔹 Ҡаҙыныуҙар ваҡытында иртә тимер быуатҡа - беҙҙең эраға тиклем VIII быуаттар - ҡараған һыбайлы комплексы табылған. Быны кеше менән бергә күмелгән сбруйҙың бронза өлөштәре һәм ат һөйәктәре дәлилләй. 🔹 Был ҡомартҡы 65 гектарға яҡын ерҙе "цифрлаштырып" сыҡҡан пилотһыҙ осоу аппараты ярҙамында табылған.

📌 Бөрйәндә Һабантуй үткән. Һеҙҙең районда үттеме, әллә юҡмы? Район һабантуйына бараһығыҙмы? Видео: Алита.

Хәйерле көн ☔ 📍 Белорет районы, Тирлән быуаһы.

📌 Урал Килсенбаев "Урал батыр"ға арналған челлендж башлаған. Башҡортостан Республикаһы Хөкүмәте премьер-министрының беренсе урынбаҫары Урал Килсенбаев 8 июндә билдәләнәсәк "Урал батыр" эпосы көнөнә арналған челлендж иғлан иткән. 📍 "Урал батыр" эпосы көнө Башҡортостан Республикаһы Башлығы Радий Хәбиров указы менән 2025 йылда булдырылды. ✅ Төп шарт - башҡорт халыҡ эпосынан күңелеңә ятҡан өҙөктө уҡырға. 💯 "Был сарала бергәләп мәҙәни байлығыбыҙҙы социаль селтәрҙәрҙә танытыу һәм уның ысын матурлығын күрһәтеү өсөн яҡшы мөмкинлек. Үҙегеҙ теләгән телдә, оҡшаған өҙөктө алып, эпосты уҡый алаһығыҙ", - тип яҙған Урал Таһир улы. Ҡатнашыу шарттары ябай: 1. «Урал батыр» эпосынан өҙөк уҡып, ҡыҫҡа видео яҙҙырығыҙ. 2. Уны ВК-лағы үҙ аккаунтығыҙға ⁠#УралБатырХәтирәһе⁠ хэштегы менән урынлаштырығыҙ. 3."Челлендж"ды артабан өс кешегә тапшырығыҙ. Урал Килсенбаев артабан РФ Дәүләт Думаһы депутаты Эльвира Айытҡолова, Үзбәкстан Республикаһындағы Башҡорт мәҙәниәте үҙәге рәйесе Ринат Гуляев, Башҡортостандың халыҡ артисына, «Ay Yola» төркөмө солисы Ринат Рамаҙанов һәм шағир, әҙәби тәнҡитсе, журналист Азамат Юлдашбаевҡа тапшырған. Һеҙ ҙә ҡушылығыҙ!🔥 Башҡорт донъяһы МАХ-та

📌 Урал Килсенбаев "Урал батыр"ға арналған челлендж башлаған. Башҡортостан Республикаһы Хөкүмәте премьер-министрының беренсе урынбаҫары Урал Килсенбаев 8 июндә билдәләнәсәк "Урал батыр" эпосы көнөнә арналған челлендж иғлан иткән. 📍 "Урал батыр" эпосы көнө Башҡортостан Республикаһы Башлығы Радий Хәбиров указы менән 2025 йылда булдырылды. ✅ Төп шарт - башҡорт халыҡ эпосынан күңелеңә ятҡан өҙөктө уҡырға. 💯 "Был сарала бергәләп мәҙәни байлығыбыҙҙы социаль селтәрҙәрҙә танытыу һәм уның ысын матурлығын күрһәтеү өсөн яҡшы мөмкинлек. Үҙегеҙ теләгән телдә, оҡшаған өҙөктө алып, эпосты уҡый алаһығыҙ", - тип яҙған Урал Таһир улы. Ҡатнашыу шарттары ябай: 1. «Урал батыр» эпосынан өҙөк уҡып, ҡыҫҡа видео яҙҙырығыҙ. 2. Уны ВК-лағы үҙ аккаунтығыҙға ⁠#УралБатырХәтирәһе⁠ хэштегы менән урынлаштырығыҙ. 3."Челлендж"ды артабан өс кешегә тапшырығыҙ. Урал Килсенбаев артабан РФ Дәүләт Думаһы депутаты Эльвира Айытҡолова, Үзбәкстан Республикаһындағы Зәки Вәлиди исемендәге Башҡорт мәҙәниәте үҙәге рәйесе Ринат Гуляев, Башҡортостандың халыҡ артисына, «Ay Yola» төркөмө солисы Ринат Рамаҙанов һәм шағир, әҙәби тәнҡитсе, журналист Азамат Юлдашбаевҡа тапшырған. Һеҙ ҙә ҡушылығыҙ!🔥 Башҡорт донъяһы МАХ-та

Ф. Ғәскәров исемендәге бейеү ансамбле артистары Петербург халыҡ-ара иҡтисади форумында Башҡортостан стенды эргәһендә сығыш яһаған. 🔥

📌 Өфө мәктәбендә Балалар һабантуйы үткән. Өфө ҡалаһының Ф. Мостафина исемендәге 20-се Башҡорт гимназияһында Балалар һабантуйы үткән. 🔹 Сара "Аманат" халыҡ бейеүҙәре халыҡ ансамбленең дәртле сығышынан башланған. 🔹 Шунан "Атайсал" мәҙәни үҙәге солисы Айгиз Хашимов барыһын да ритайым бейеткән. 🔹 Ә "Ауаз" башҡорт фольклор ансамбле Һабантуй йолаларын күрһәткән, милли уйындар ойошторған. Балалар арҡан тартыш, йомортҡа менән йүгереү, тоҡ менән һикереү, уҡ атыу, көйәнтә менән йүгереүҙә ихлас ҡатнашҡан. "Атайсал" мәҙәни үҙәгенең видеоһын ҡарағыҙ 🔥

📌 Ир-егеттәр, Салауат батырға арналған флешмобта ҡатнашығыҙ! БР Милли музейы башҡорт халҡының милли батыры Салауат Юлаевтың тыуған көнөнә арнап онлайн акция үткәрә. Үҫмерҙәргә һәм ир-атҡа Салауат Юлаевтың шиғырын һөйләп, видео төшөрөп, 2 июндән 16-на тиклем ебәрергә тәҡдим ителә. ❓ Нимә эшләргә? ✅ Салауат Юлаевтың оҡшаған шиғырын һайлап алығыҙ ✅ Шуны уҡып видео төшөрөгөҙ ✅ Видеоны "Бәйләнештә"ге йәки "Класташтар"ҙағы сәхифәгеҙҙә урынлаштырығыҙ ✅ Түбәндәге хештегтарҙы ҡуйырға онотмағыҙ #СалауатТауышы #СалаватЮлаев #Миллимузей #ДеньРожденияСалаватаЮлаева Башҡорт донъяһы МАХ-та

📌 Быйылғы Петербург халыҡ-ара иҡтисади форумында ла республикабыҙ илдең иң алдынғы төбәктәре араһында билдәләнде. 🔹 Инвестиция мөхите милли рейтингында Башҡортостан йәнә Рәсәйҙең иң яҡшы өс төбәге иҫәбендә. Был – АСИ рейтингының ҡоро һандары ғына түгел, ә ил Президентының республикабыҙға Һәм Радий Хәбировтың идара итеү командаһына ышанысы билдәһе. 🔹 Ҡатмарлы шарттарҙа төбәгебеҙ бөтә саҡырыуҙарҙы һәм һынауҙарҙы лайыҡлы ҡабул итә, алғы һыҙыҡтағы яугирҙарыбыҙҙы ярҙамдан һәм иғтибар-хәстәрҙән өҙмәй. Шуның менән бер рәттән республика иҡтисади йәһәттән үҫеште лә туҡтатмай. Был да республика Башлығы Радий Хәбировтың һәм уның командаһының берҙәмлеген, һәләтлелеген дәлилләй. 🔹 Белеүебеҙсә, бөгөн инвесторҙар хәүефһеҙ, ғәҙел һәм асыҡ урындарҙы һайлай. Радий Фәрит улының башланғысы менән старт алған “Инвестиция сәғәттәре”нең, урындағы бизнес-шерифтарҙың аныҡ ярҙамы, үҙ эшен асырға ҡарар иткән МХО ветерандарына айырым иғтибар – быларҙың барыһы хаҡында ла республиканың киң мәғлүмәт саралары даими яҡтыртып бара. Шуға күрә уларҙың һөҙөмтәләре менән беҙ беренселәрҙән булып танышабыҙ, аныҡ эштәрҙе шәхсән күрәбеҙ. 💯 Башҡортостандың берҙәм халҡы һәм тотороҡло иҡтисади фронты ҙур Рәсәй һәм беҙҙең дөйөм Еңеү хаҡына ышаныслы эшләй. Петербург форумындағы уңыштар ҙа ошоно раҫлай. Вәдүт ИСХАҠОВ, "Башҡортостан" гәзитенең баш мөхәррире, БР Журналистар союзы рәйесе.

Йән-тәнегеҙгә сихәт теләйбеҙ, матур ялдар 💕 📍 Белорет районы, Шәреташ (Розовые скалы)

📌 "Салауат йыйыны"на барығыҙ! 12 июндә Салауат районында "Салауат йыйыны - 2026" республика фольклор байрамы үтәсәк. Ул башҡорт халҡының милли геройы Салауат Юлаевтың тыуыуына 272 йыл тулыуға арнала. 📍Урыны: Салауат районы, Малаяҙ ауылы, һабантуй яланы (Яңы Ҡаратаулы ауылы эргәһендә) ⌛Башлана: сәғәт 09:00. Инеү бушлай 🎉 Байрам саралары: - тирмәләр һәм милли ихаталар конкурсы; - «Халыҡтар берҙәмлеге быуаттар аша» театрлаштырылған тамаша; - йәштәр һабантуйы; - балалар һабантуйы; - көрәш буйынса милли турнир, спорт һәм халыҡ уйындары; - бәйге. Батырыбыҙ йәнтөйәгенә рәхим итегеҙ! 🥰 Башҡорт донъяһы МАХ-та