Taхтакөпир таңы газетасы

Нөкис қаласындағы Жаслар орайы имараты алдында болып өтип атырған «PITKERIWSHI PARTY» кешесине Жоқарғы Кеңес Баслығы Аманбай Орынбаев қатнасты ҳәм питкериўши жасларды бүгинги байрам менен қутлықлады. ϴткен жылларға нәзер таслайтуғын болсақ, жаслар турмысында үлкен тарийхый өзгерислер менен жаңаланыўлар жүз берип атырғанын көплеген мысалларда көриўимиз мүмкин. Атап өтиў керек, ҳүрметли Президентимиз тәрепинен қабыл етилген 213-санлы тарийхый пәрман менен қарақалпақстанлы жасларға қаратылып атырған айрықша итибар нәтийжесинде өткен 2023-2024-оқыў жылында мәмлекетлик грант тийкарында қосымша 3 мың квота, соның менен бирге төлемли-контракт тийкарында қосымша 7 мың квота ажыратылған еди. Бул ийгиликли ислер быйылғы жылда да даўам еттирилип, қосымша 6 мың 500 квота ажыратылыўы нәзерде тутылған. Питкериў кешеси йошлы концерт бағдарламасы менен даўам етти. Каналға ағза болыў: @joqargikenes ✉Telegram 🌐Website 📱Instagram 📱Facebook 📱Twitter

#қутлықлаў Тахтакөпир районы ҳәкими Адилов Жамбул Агитаевичтиң мектеп питкериўши ул-қызларға қутлықлаўы Ағза болың: https://t.me/taxta_tani

#күн_ҳәзили Муғаллим дем алысқа шыққанда.😊 Ағза болың: https://t.me/taxta_tani

СОҢҒЫ ҚОҢЫРАЎ Қыял айдынында өзгеше ағыс, Кестелер ишинде бар сан мың нағыс, Əбигер кеўлиме излеп жубаныш, Өзиңди аңсайман, соңғы қоңыраў. Балалық жыллардың садық  сырласы, Жүрегимниң бир пəршеси --муңласы, Сыңғырлың жəҳəнде сеслер ағласы, Тəрийпиң таппадым, соңғы қоңыраў. Қəдирдан досларым, дийдар ғəниймет, Тарыдай шашылдық, қалыппыз сийрек, Баладай бийғубар жасаўды үйрет, Ядыма мөрленген соңғы қоңыраў. Бул сəне ҳəр жылы келгени менен, Ким муңайып, кимлер күлгени менен, Өмир сырын терең билгени менен, Сен маған жалғызсаң, соңғы қоңыраў. Жалғызсаң, жүрегим ишинде барсаң, Мəңгилик шертилер сыйқырлы тарсаң, Сол əзийз демлерге, қəне, баралсам! Арзыўлар қанаты -- соңғы қоңыраў. Сол жылы туўылған баллар улғайды, Мине, шашыратып өтти ылайды, Үмит жапырағы нешше сарғайды, Ҳəмийше мəдаткар соңғы қоңыраў. "...вич" хəм "...евна"лар- дың еркетайлары, Оңынан туўады бəрҳа айлары, Бир буйым көреди ески, қайдағы! Оларды əпиў ет, соңғы қоңыраў. Жалғызлық қыйнайды жанды қашанғы? Кеўлим талпынады нурларға таңғы, Татлы үмитлер ҳеш болмасын соңғы, Алыстан саза бер, соңғы қоңыраў! Пəтийма МЫРЗАБАЕВА Ағза болың: https://t.me/taxta_tani

"Соңғы қоңыраў" кешесин, мектебин сағынғанлар ушын. Ағза болың: https://t.me/taxta_tani

Қағылды соңғы қоңыраў... Райондағы 3-санлы улыўма орта билим бериў мектебинде "Соңғы қоңыраў"ға бағышланған салтанатлы илаж өткерилди. Илажда район район ҳәкиминиң орынбасары, Шаңарақ ҳәм ҳаял-қызлар бөлиминиң баслығы Г.Сейтназарова, мектеп директоры Л.Тилеўова ҳәм ата-аналар шығып сөйледи. Ҳәр қашан да көши қатарынан алда жүриўге талпынатуғын бул жәмәәт быйылғы жылы 45 оқыўшыны ана мектебинен шығарып салыў алдында. Олардың 4 оқыўшысы мектепти "Алтын медаль" менен жуўмақлаўға еристи. Ағза болың: https://t.me/taxta_tani

Жоқарғы Кеңес Баслығы мектеп питкериўшилерин қутлықлады Қарақалпақстан Республикасы Жоқарғы Кеңесиниң Баслығы Аманбай Орынбаев пайтахтымыздағы Ибрайым Юсупов атындағы дөретиўшилик мектебинде өткерилген соңғы қоңыраў илажында қатнасты. Илажда Жоқарғы Кеңес Баслығы мектеп питкериўшилерин шын кеўилден қутлықлап, Президентимиздиң мектеплерди питкериўши ул-қызларға жоллаған қутлықлаўын оқып еситтирди. Жоқарғы Кеңес Баслығы үлгили, белсенди оқыўшыларға ҳәм оларды камалға келтирип, тәрбиялаған ата-аналарына, оларға билим берген муғаллимлерге миннетдаршылық билдирди. Ибрайым Юсупов атындағы дөретиўшилик мектебин быйыл 35 оқыўшы питкерип, соннан 20 оқыўшы шет тилин билиў дәрежесиниң халықаралық ҳәм миллий сертификатына, 12 оқыўшы түрли пәнлерден миллий сертификатқа ийе болды. Соныда айрықша атап өтиў орынлы, ҳүрметли Президентимиздиң итибары ҳәм ғамхорлығы менен жасларға үлкен итибар қаратылып, өз қәбилетин жүзеге шығараман деген жасларға бар мүмкиншиликлер жаратып берилди. Буннан тысқары, Қарақалпақстандағы жоқары оқыў орынлары саны 2016-жылғы 6 дан 12 ге жетип, жасларымыздың жоқары оқыў орынларына кириў кѳрсеткиши 2016-жылғы 9 проценттен 41 процентке жеткерилди. Илажда соңғы қоңыраў қағылды. — Ўзб Қарақалпақстан Республикасы Жоқарғы Кеңесиниң Мәлимлеме хызмети Каналға ағза болыў: @joqargikenes ✉Telegram 🌐Website 📱Instagram 📱Facebook 📱Twitter

Дәслепки қарлығашлар Бүгин билимлендириў тараўларында жаслардың жүреклеринде мәңги өшпес из қалдырып "Соңғы қоңыраў"лар қағылмақта. Тахтакөпир районы қәнигелестирилген мектеби де өзиниң дәслепки қарлығашларын ушырма етип, қанат байлатып, шығарып салыў алдында. Усындай қуўанышлы салтанатқа район ҳәкими Жамбул Адилов қатнасты ҳәм шығып сөйлеп, ертеңги келегимиз қурыўшылары болған жасларға айдын жол тиледи. Қәнигелестирилген мектеп директоры Шийрин Бердиева болса шәкиртлериниң билим дәргайынан алған дәслепки соқпақлары үлкен гүзарларға уласатуғынына беккем исеним билдирди. Мағлыўмат ушын: қәнигелестирилген мектепке 2022-жылы 900 ден аслам оқыўшы ҳүжжет тапсырып, соннан 215 оқыўшы оқыўға қабылланған еди. Солардан бүгинде 13  оқыўшы табыслы тамамлап атыр. Ағза болың: https://t.me/taxta_tani

25-май сәнесин соңғы қоңыраў сыпатында белгилеў қашаннан басланған? Соңғы қоңыраўды 25-май сәнесинде белгилеў 1948-жылы Россияда  басланған. Бул дәстүр Краснодар қаласындағы 182-санлы мектеп директоры Фёдор Брюховецкий басламасы менен жолға қойылған. Сондай-ақ, билимлер күни, мектепте нәўбетши классларды шөлкемлестириў, 1-класс оқыўшылары ушын әлипбе менен хошласыў сыяқлы дәстүрлерди де Фёдор Брюховецкий алып кирген. Кейин ала бул идеялар пүткил аўқам бойлап жайылған ҳәм олардың көпшилиги ҳәзирге шекем даўам етпекте.. Ағза болың:👇🏽 https://t.me/taxta_tani

25-май сәнесин соңғы қоңыраў сыпатында белгилеў қашаннан басланған? Соңғы қоңыраўды 25-май сәнесинде белгилеў 1948-жылы Россияда  басланған. Бул дәстүр Краснодар қаласындағы 182-санлы мектеп директоры Фёдор Брюховецкий басламасы менен жолға қойылған. Сондай-ақ, билимлер күни, мектепте нәўбетши классларды шөлкемлестириў, 1-класс оқыўшылары ушын әлипбе менен хошласыў сыяқлы дәстүрлерди де Фёдор Брюховецкий алып кирген. Кейин ала бул идеялар пүткил аўқам бойлап жайылған ҳәм олардың көпшилиги ҳәзирге шекем даўам етпекте.. Ағза болың:👇🏽 https://t.me/taxta_tani