Med student🔅

السلام عليكم بنات مساء الخير ، إذا في وحده عطيتها باند رسائل بهالقروب بالغلط تكلمني بالبوت افتحه لها @medstudent443bot

وانا عندي ٣ اثنين هيلنج هاندز واحد s وواحد xs وواحد سكتشرز s

@fi8fii للي حاب يتواصل معها

سلام عليكم انا برضوا عندي سكراب من سكتشرز لبسته مره وحده جديد مقاس S اللي تحتاجه تتواصل معاي

اللي تحتاج سكراب وماعندها القدره تتواصل معها @le7lo

الله يعافيكم اذا تعرفون قروبات اقدر اعطيهم السكرابات حقتي ودي اعطيها ناس تحتاجها اكثر مني 🤍

بسيط وماراح ياخذ من وقتكم شي ، لو يمديكم ساعدوها وعبوه 🤍

اللي يشوفوا رسالتي الحين والله أحتااج تععبوه 💔

السلام عليكم هذا استبيان بحثنا 🌟 مستهدف طلاب وطالبات جامعة الأميرة نورة وجامعة الملك سعود🌟 الله يسعدكم انشروه بينكم في المجموعات مطلوب 600 استجابة عليه محتاااجين تعاون كبير منكم ❤️‍🩹 تكرماً الكل يعبيه 😢 https://docs.google.com/forms/d/1bWDG1u2RCPeD7IpSvbY8JJErcTN47qMkpwzLWy8KbuM/edit?pli=1

تجربة طالبة سمع وتوازن🦻🏻🌟 السلام عليكم ورحمة الله وبركاته، بكتب لكم تجربتي بالسنة التأسيسية بجامعة الاميرة نورة من ناحية الاختبارات والمواد وإلخ.. بس قبل ابدأ اكلمكم عن المواد و الاختبارات بعطيكم كم نصيحة 🙏🏻 1- تقربوا لربي خلكم ملازمين قيام الليل والضحى كل يووم ، كرروا الحوقله والصلاه الابراهيمية يومياً🫶🏻 2- ابعدوا عن الغششش ، وتعاونوا مع بعض وساعدوا بعض وتطوعوا وامسكوا قنوات ونزلوا فيها اشياء تساعد الدفعة 3- لا تغيرون الاجابات اول اجابة تختارونها بالاختبار هي الصح خذوها مني 🙏🏻😭 وهالشيء نفسياً مثبت ان دايماً الاجابة اللي تختارونها اول شيء تكون الصح و صدقوني الشيطان شاطر وقت الاختبار عادي توسوسين وتقرين السوال اكثر من مره وتحسين اجابتك غلط بينما هي صح فا لا تغيروون الاجابات 🙏🏻 4- لا تتوتروووون التوتر والستريس بيلعب دور في أداءكم بالاختباراتت توكلوا على الله وصدقوني تعبكم ماراح يضيع 💘 طيب الان بنتكلم عن مواد الترم الاول بتاخذون : إحصاء / كيمياء / مهارات / مصطلحات طبية / Eng131 / قيم اسلامية الاحصاء : اكثر مادة ممتعة بالنسبة لي وذاكروها اول بأول لان المنهج من بعد المحاضرة الرابعة بتزيد صعوبته ، خصوصاً جزئية ميد تو جهزوا له من بدري وذاكروا له كويس كيمياء : فيه جزء عملي و نظري ، العملي ممتع مره و درجاته بالجيب وحتى الفاينل حقه كان حلو ، النظري نفسس حق الثانوي والتحصيلي بس بالانقلش ، الاختبارات مب صعبة و حتى الفاينل حقه كان مب بهذيك الصعوبة مهارات : مادة سواليف شوي وتعتمد على الفهم اكثر من الحفظ ، ذاكروها اول بأول ، الاختبارات واضحه و مو صعبة مصطلحات طبية : من افضل مواد التحضيري بالنسبة لي مره حلوه وممتعه وبتحسين انك صحي صدق واختباراتها مب صعبة الان خلصنا من مواد التخصيص و هذي المواد مهمة مره ركزوا عليها اكثر من المواد اللي مو داخله بالتخصيص عندكم مادة عامة قيم اسلامية و eng131 مو داخلين بالتخصيص بس لا تشيلون همهم الترم الثاني عندكم فيزياء / احياء / اساسيات البحث / اخلاقيات مهنية / بناء المجتمع / مهارات تعلم / eng 132 الفيزياء : برضو فيه جزء عملي و نظري ، العملي بالنسبة لي سهل مره و ممتع وكل اسبوع بتاخذون تجربة جديدة وادوات جديدة ، النظري برضو نفس منهج الثانوي والتحصيلي بس بالانقلش ، الميد كان صعب شووي لان فيه سوالين الى ثلاثة اسئلة غريبة ، بس الفاينل كان واضح مره مره و اسهل مما توقعت احياء : اعسل مادة بالتحضيري حتى الاختبارات كانت سههله وبتتعلمون فيه عن اجهزة جسم الانسان جداً ممتعه ، فيها جزء عملي بتشوفون اشياء تحت المايكروسكوب المهن : بالنسبة لي هالمادة كانت حلوه مره اختباراتها سهله و حتى الفاينل كان واضح مره فيها دش كلام نفس المهارات بس صدقوني زي ماقلت قبل لو تذاكرونهم اول بأول الـ A+ بالجيب البحث : اختبارات هالمادة سهلة ، يمكن بتلخبطكم شوي بس ذاكروها كويس و بتضمنون اعلى قريد خلصنا من مواد التخصيص و المواد العامة اللي هم بناء المجتمع / مهارات تعلم مدى الحياة وبرضو eng132 مايدخلون بالتخصيص اكيد بس زي ماقلت قبل لا تتهاونون فيهم واختباراتهم واضحه وسهله

⚪️ اقل معدلات تخصيص لدفعة عام 1447 للمسار الصحي طب وجراحة 4.93 طب الاسنان 4.86 تقنيات الطب النووي 4.73 علاج طبيعي 4.52 صيدلة 4.48 موجات فوق صوتية 4.29 علاج بالاشعة 4.26 سمع وتوازن 4.20 اشعة تشخيصية 4.34 علاج وظيفي 3.70 امراض البلع والتخاطب 3.60 تغذية 3.47 وبائيات 3.20 تثقيف صحي 2.70 ملاحظة: هذه المعدلات اجتهاد طلابي قد تكون اقل او اعلى والرسالة قابلة للتعديل مستقبلاً

السلام عليكم انا من دفعة ٤٧ وحبيت اعطي تجربتي للدفعه الجايه اولاً انا كنت مغتربه من منطقه مره بعيده، والجامعه الي في منطقتي كانت تقبلني لان معدلي مره عالي بس استخرت واخترت تحضيري نوره طبعاً بوضح لكم اني اختبرت ايلتس وحذفت الانقلش من بداية السنه، ولكن الانقلش ابدا مو عائق، اعرف بنات جايبين معدلات جدا عاليه حتى بدون انقلش نبدا بمواد الترم الاول احصاء، كيمياء، مهارات صحية، مصطلحات طبيه، (قيم اسلاميه) المذاكره اول ب اول بتفيدك مررررررررره، بالذات في الاحصاء والمهارات الصحية بالنسبة للاحصاء اشتركت خصوصي مع دكتورة ام ملك، والحمدلله مره فادتني من ناحية التجميعات. بحكم ان عندي لغة ما كنت اشوف مقاطع الشرح بس كانت تشرح كل صغيره وكبيره والحمدلله بفضل الله ثم فضل التدريب الكثير جبت فيها A+ الكيمياء اشتركت مع دكتوره مي، افضل خصوصي بالكون، مو مجامله بس فعلياً كل شي كان عندها مرتب وشرحها مره حلو وسهل وتتجاوب معكم بسرعه اذا عندكم اي سوال، بس الماده نفسها حسيت مالها داعي خصوصي ابداً تقدري بدونها اذا فهمتي مع الدكتوره وتدربتي كثير المهارات الصحية ماده جداً ممتعه وسهله مره اهم شي انك تفهمي الكلام مو بس تحفظي، ترجميه واربطي قد ما تقدرين المصطلحات الطبية افضل ماده بالترم الاول، كلها حفظ فقط وتحسسك انك فعلا طالبة صحي، والاختبار كان سهل مررررررره مره ايزي تجيبين A+ بالراحه بالنسبه للقيم الاسلاميه، ماده عامه وما تدخل بمعدل التخصيص، جداً سهله وممتعه اهم شي تذاكري بفهم الترم الثاني احياء، فيزياء، مهن، بحث، (بناء المجتمع في الاسلام، مهارات تعلم مدى الحياة) بالنسبه للاحياء لاااااازم تذاكري اول ب اول عشان ما يجي الاختبار وانتي توك ما بديتي، بتكونين مزنوقه ومو سهل تحفظي كل شي بسرعه، اشتركت مع دكتوره مي ويارا والحمدلله فادوني مره من ناحية الشرح، في شوية اشياء معقده لازم تشوفين لها شرح اكثر من مره عشان تثبت، بس الماده جداً ممتعه الفيزياء، اشتركت بعد مع دكتوره مي وابي اقول لكم، لا تحطون في بالكم ان الماده صعبه، حاولوا قد ما تقدرون وافهموا وتدربوا كثييييييييررررررر، الماده ابداً مو حفظ قد ما انها تدريب، ولا تصدقون الي يتحلطم ويقول صعبه وما تقدرين تعدين، قلت كذا بالبدايه وعديتها ب ٩٩، بالنسبه للاب كان سهل بعد افهمي وقت التطبيق لان بالفاينل راح تطبقين الي سويتيه وعليه كان ١٥ درجه اذا ما خاب ظني (الكويزات كانت سهله بعد وكلها اونلاين) المهن ماده غثيثه شوي لان فيها تواريخ كثير ودش كلام، بس ذاكري اول ب اول واربطي، الاختبارات كانت سهله مره (ركزي على الواجبات حليها كلها وحاولي تجيبي كامل) البحث يبي له مذاكره اول ب اول بعد بس الماده مره مره ممتعه وراح تسوون بحث مع دكتورتكم، الماده ممتعه جداً وسهل تجيبي فيها درجات، بس ركزوا في البحث الس بتسوونه عليه ٤٠ درجه، ٢٠ للبوستر، ١٠ على البرزنتيشن و ١٠ درجات حضور كلاس العملي الي تسوون فيه البحث بالنسبه للمواد العامه بناء المجتمع كلللللله كان تجميعات ومره مره مره سهله الماده، نصيحتي؟ لا تعتمدون كلياً على التجميعات ذاكروا زين احسن واضمن لكم مهارات تعلم مدى الحياة ذاكروه من بدري، ما ينفع مذاكرة ليلة الاختبار معاه لانه معقد شوي، بس بتعدي اهم شي تفهمي خلاصة الموضوع، التحضيري مو صعب ابداً، بالنسبه لي احس عادي تجيبي ٥/٥ بالراحه بس لو ما جبتيها لا تتحطمي، دفعتنا نزلت المعدلات حقتنا مره اتوقع اخر مقعد للطب وقف على ٤،٩٣، دفعة ٤٦ وقف على ٤،٩٧ لا تسمعون كلام الي يقول ما تقدرين، بالعكس حاولي والخيره فيما اختاره الله، لا تتحطمون اذا ما جبتوا كامل والله النفسيه اهم شي لازم تنتبهون لصحتكم بالذات الي يبي يغترب ويجي نوره، الغربه مو سهله ابداً بس تتيسر دايم تذكروا ان ربي ما يضيع تعب احد، قد ما تعبتي بتجيك النتيجه الي ترضيك باذن الله 🫶🏻

البنات اللي انقبلوا طب وجراحة مبارك قبولكم بس عادي تنزلون تجربتكم؟انا معكم 447 بس قدمت اعتذار وببدأ التحضيري مع دفعة 448

لا بس اخيرا اقدر استخدمه

الحمدلله ياارب دائما وابدا ، جاء دورنااا نبشرررككممم ، حنا كنا ٤ ادمنز ٣ مننا دخلنا طب و وحده مننا سمع وتوازن🥳🥳🥳🥳🥳🥳

It didn't fit😁

لحظه شوي بنزل تصويت ثاني بقسمهم على تصويتين