ادبیات سئونلر

زینب میرزامحمودی "گونئی" سن وئرن مندیلی چکدیم گؤزومه سورمه کیمی گؤره سن سئوگی ده توختار قورو اؤسکورمه کیمی؟ سن کی یوخسان یئرینی حسرت آلیب آخشاملار سالیرام چیگنینه هر دم ساچیمی ترمه کیمی روزیگاردی گؤروسن! دیغلادیر هردن آدامی سولورام آه ، گولو بورنوندا سولان غنچه کیمی " میر علم" شارکی سی دی بیر ده قوجالمیش آنی لار قورویوب گؤز یاشیم آخمیر دا آخار چشمه کیمی کوچه نین دؤنگه له ری قانلی پیچاق دیر منله یَلَنیب یوللاری هیجران، یَلنیب پلمه کیمی گله سن کئشکه ایچک سئودامیزین ساغلیغینا بیر آیاق،صبح یوخوسوندا، داریخان ایمگه کیمی. https://t.me/Adabiyyatsevanlar

ایلقار موذن‌زاده اردبیل شعری بیلینمزدیر اردبیلین هاواسی بیرده گؤررسن کی یازدا قار یاغار داغیلسادا قارانقوشون یوواسی باغچالارین سوفره‌سینه بار یاغار پیرَتمه‌لیک یوخلوغا آددیملاسا کرپیجلرین دوداقلاری چاتلاسا قهقهه‌نین بایدالاری دولماسا یوخسول اومودلار دامینا وار یاغار جالاندیرار بئینیمه نادیر شاهی روس یوروشوندن چکر ایللر آهی هینده قدر گئنیشله‌در درگاهی و اوردولار اوستونه اووشار یاغار یئددی گؤزون یاش باخیشیندان سئله کؤرپو سالیر یئددی‌مین‌ایللیک ائله لاپ آز قالیر داشلاری گلسین دیله هر یانینا باخسان اوغوللار یاغار بالیقلی چای قان ایچینده داشسادا اللریمده قالخان قیلینج بوشسادا شهرلرین قاپباجاسی آشسادا او سنگرسیز کوچه‌یه دیوار یاغار دولو وورموش او مئیوه‌سیز باغلارا یالقیز آمانسیز بوغولان دیغلارا باغریمیزین دیبینده‌کی چیغلارا چیلله‌لی آخشاملارینا نار یاغار دوشمن آیاق سالسا قیزیل‌باشلارا «شهر یئری»نده یوروسه داشلارا گؤی اوزوندن اجنبی اوباشلارا ایلدیریملار قوشونوندان دار یاغار آراتتا ائللرینده سولطانلارا شیخ‌صفی‌ده قیزیلباش ائیوانلارا ایکی قارداش ساواشسا فرمانلارا نیسگیل اولار، کدرله‌نر، زار یاغار بیلینمز کی اردبیلده هاوالار پیراَت‌ملیکده گؤی اوزو قارالار عالی‌قاپی‌نین کابوسلاری سارالار یابانجی لشکرلره سردار یاغار پِسکوییچ‌ین تالادیغی کیتابلار غوربت الده واراق واراق قان‌آغلار تاریخیمی اجنبی جیرمالاخلار قورغو قورار، ایگیرمی یانوار یاغار بو ایل قارین حسرتینده داغلارا قارانلیغین کؤلگه‌سینده آغلارا داریخدیران او اومودسوز چاغلارا عهد اولونان سؤزلره ایلقار یاغار ۱۴۰۵/مرداد #اردبیل_هفته_سی https://t.me/Adabiyyatsevanlar

توتقون غزل توکولور دویونله ننده قارا قاشلارین غزل تؤکولور، چالاندا کیپریگینی گؤی گولور، حمل تؤکولور باخیشلارین اؤپوشنده چالخانیر چاخیر گؤزده، اوره کده دالغالانان بیر عؤمور امل تؤکولور دگنده بیر- بیرینه آل دوداقلارین ساناسان، سوزور قیزیل بویالی رمکدن عسل تؤکولور یاناقلاریندیر آچیلمیش گؤزل وطن لالاسی، اوزون مقدس حروف جزل- جزل تؤکولور بویوندو سرو سهی، ساچلاریندی ولّیلی، سسینده باخ سنا «ناقص هزج، رمل۱» تؤکولور پائیزلامیش باغا بنزر دوماندا توتقونا باخ، عؤمور آغاجی سارالمیش خزل- خزل تؤکولور ۱- بحر مجتث مثمن مخبون محذوف: (مفاعلن فعلاتن مفاعلن فعلن) https://t.me/Adabiyyatsevanlar

این یک خبر نیست ، یک رمان تاریخی 4 جلدی ست که بزودی خبر انتشار ان  یک خبر خواهد شد: .هر زندگی، از جایی آغاز می‌شود؛ از خانه‌ای ، از کوچه‌ای باریک، یا شهری بزرگ از دستی که کودک را برای نخستین بار به مدرسه می‌برد، یا از کتابی که بی‌صدا، سرنوشت انسانی را دگرگون می‌کند. اما گاهی، زندگی یک انسان، تنها از خانهٔ پدری آغاز نمی‌شود؛ از تاریخ آغاز می‌شود. سرگذشت میرزاباقر حاجی‌زاده نیز چنین است. او در روزگاری چشم به جهان گشود که ایران در آستانهٔ دگرگونی‌های بزرگ ایستاده بود. مشروطه، هنوز رؤیایی جوان بود؛ استبداد، هنوز زنده بود؛ و تبریز، شهری که بارها در تاریخ سوخته و دوباره برخاسته بود، بار دیگر خود را برای نقشی تازه آماده می‌کرد. در آن سال‌ها، هیچ‌کس نمی‌دانست کودک خاموشی که در کوچه‌های تبریز قدمی‌کشید، روزی  در باکو و تفلیس ، زبان‌ها و فرهنگ‌های دیگر را خواهد آموخت ؛ بر صحنهٔ  های تئاتر خواهد ایستاد؛ به نسل تازه‌ای امید خواهد آموخت؛ و بهای امید و خلاقیت را با زندان، تبعید و تنهایی خواهد پرداخت. در آغاز این داستان، پسری را می‌بینید که جهان را با شگفتی نگاه می‌کند؛ صدای بازار، زنگ مدرسه، زمزمهٔ شعر، بوی کتاب‌های کهنه و  دعای مادر را به جان ن شنود و در نگاه پدری به اینده پرواز می کند . این جلد، روایت شکل‌گیری یک شخصیت است؛ سال‌هایی که اندیشه، پیش از آنکه به میدان سیاست پا بگذارد، در مدرسه، در کتاب، در هنر و در عشق ریشه می‌دواند. در این صفحات جلد اول ، خواننده با تبریز آشنا می‌شود؛ نه فقط  ساختمان شهر، بلکه روح زنده؛ شهری را که می‌خندد، می‌گرید، مقاومت می‌کند و فرزندان خود را با رویای آینده‌ ای نامعلوم پرورش می‌دهد، به تماشا می گذارد. و البته باکو و تفلیس را  با اموختن و عشق تجربه می کند اما انچه در جلدهای بعد خواهد آمد، ریشه در همین سال‌ها دارد. زیرا  وطن در جان ادمی ست و با او به هر دیاری می رود زیرا هیچ تبعیدی، بدون وطن معنا نمی دهد؛ هیچ مبارزه‌ای، بدون آرمان آغاز نمی‌شود؛ و هیچ انسانی، یکباره پیروز یا شکسته ‌نمی‌شود. همه‌چیز، از آنجا آغاز می‌شود...از شهری که نامش تبریز است. و النهایه به تبریز باز می گردد https://t.me/Adabiyyatsevanlar

ــ  بوی ، باشیما خئییر ، ــ دئدی . ـ لاپ زیندان کیمی دیر . بونو نئجه آپاریم؟  احمد اودون شله سینی بئلینه آلیب ديدی :  ــ ائوینین یئرینی دئ آپاریم . قاری قاباغا دوشدو ، احمده اونون آردینجا یولا دوزلدیلر . بیر آز گئدندن سونرا قاری بیر کومانی گؤستره رک دئدی: ــ بالا ، شله نی قوی یئره ، چاتمیشیق ، بوردان بئله سینی آپارارام .احمد شله نی یئره قویوب قاری ایله خداحافیظ لشدی .  قاری اونا هئچ آللاهین  « ساق اول » نودا دئمَدی    https://t.me/Adabiyyatsevanlar

شاهانه ائله بیل بیردن آییلدی . تلاشلا دئدی :  ــ آمان ، من هاردایام ؟ ایندی دایم منی آختاریر . منی جزالاندیراجاق! ــ دایان چوخ قورخورسان ؟  ــ دایم دن یوخ . آتامین ساراییندا بیر عفریته قاری وار ان چوخ اوندان قورخورام . آتامین ایشی دارا دوشن کیمی ، چاغیریب اونا تاپیشسریق وئریر. قاری جادوسونو ایشه سالیب ، آتامین تاپیشیریغینی یئرینه یئتیریر. ایندی یقین کی، منیم ایتمه ییمی خبر وئریبلر . بو ساعات هارادا اولسا اؤزونو یئتیرجک . سنه ده خطر یئتیره بیلر . هر گون زهله می تؤکور . وزیرین چپ گؤز اوغلونو یانیمدا تعریف له ییر . منیم ایسه اوندان زهلم گيدیر .  قیزین سؤزلری احمدین خوشونا گلمدی . آز قالدی بو سؤزلردن سارسیلسین . اؤزونو توپلاییب دیللندی :  ــ بیر آزدا دایانا بیلمزسنمی؟ احمد بو سؤزلری قملی دئدی . قیزی بیر داها سوزوب دریندن آه چکدی شاهانه آیاغا قالخدی ، الینی هاوادا یئلله یرک : ــ الوداع ، ــ دئدی . سونرا دا دره آشاغی گئتمه یه باشلادی .  احمد چاشیب قالدی . نه ائده جه یینی بیلمه دی . او ، بو تئزلیکله شاهانه دن آیریلماق ایستمیر دی .  احمد :  ــ یاخشی . ایندی کی ، گئدیرسن قوی سنی اؤتوروم ، ــ دئدی .  ــ ایگید اوغلان ، اولماز . سنی منیم یانیمدا گؤررلر. بیزیم گؤروشوموزو کیمسه بیلممه لیدیر . اگر آتام ائشیتسه سنی موکافاتلاندیرماق عوضینه زندانا سالدیرار.  احمد دئدی :  ــ آتانین ظولموندن خبر دارام اونون ظولموندن قاچیب بو داغلاردا مسکن سالمیشیق . آنجاق بورادا دا راحلیق یوخدور .  ــ نییه راحاتلیق یوخدور؟  ــ اونا گؤره کی ، بو داغلار آرخاسیندا بیر دیو یاشاییر . ایلده ایکی دفعه هجوم ائدیب واریمیزی ـ یوخوموزو تالاییب آپاریر . هئچ کس اونونلا باجارا بیلمیر .  دیو آدینی ائشیدن کیمی قورخودان شاهانه نین توکلری بیز ـ بیز اولدو . ــ آمان ، من قورخورام ! ایندی گلر . منی یولا سال .  ــ منیم یانیمدا هئچ ندن قورخما ، ــ  دئیه احمد قیزا بیر قدر ده یاخین گلدی . آیریلیق واختی چاتمیشدی . شاهانه دیللندی :  ــ  منیم خیلاص کاریم ، یاخینا گل .  احمدایره لی یئریدی . شاهانه اونون ساچلارینی اؤز ظریف اللری ایله تومارلایاراق دئدی :  ــ بیلمیرم سنه نه هدیه وئریم؟ آخی منی اؤلومدن قورتاردین ... احمد دئدی :  ــ  هئچ نه ایستمیرم . بومنیم انسانلیق بورجومدور .  قیز ساکیتجه بارماغینداکی اوزویو چیخاریب احمدین بارماغینا تاخماق ایسته دی . احمد الینی گئری چکرک راضیلیق وئرمدی .  قیز قوینوندان قیراغی زر حاشیه لی دستمالی چیخاریب احمدین آچیق یاخاسیندان ایچری سالدی .  احمد: ــ آخی ، دستمال آیریلیق دیر ، ــ دئدی .  شاهانه گولومسه دی: ــ اونو کیم دئییر ؟ یایلیق آیریلق دئییل... احمد دسمالی قوینوندان چیخاریب الینده توتاراق دئدی :  ــ بو دسمالی عؤموروم بویو ساخلایاجاغام . بس منیم یادیگاریم نه اولسون ؟  شاهانه ، اطرافا گؤز گزدیردی . نظرلری سیلدیریم قایاداکی ، تنها ، ظریف آغ چیچه یه ساتاشدی .  ــ باخ ، او چیچه یی در منه وئر ، ــ دئدی . ــ اونو سولماغا قویمایاجاغام . سنین یادگارین کیمی ساخلایاجاغام ،  احمد جلد قایایا دیرمانیب چیچه یی اوزدو . اونو شاهانه یه وئردی . شاهانه آغ چیچه یی یوخاری قالدیراراق ، هاوادا یئلله ده ـ یئلله ده اوزاقلاشدی .احمد ده اونا دسمال یئلله دی . شاهانه گؤزدن ایتینجه یئرینده دونوب قالدی . سانکی ، شاهانه نین سئحریندن چیخا بیلمیردی .  احمدی خیالدان کوپ قاریسی نین دونقولتوسوآییردی . قاری دونقولدانا ـ دونقولدانا دئییردی :  ــ  آها ، دئمک بئله . اودونچو احمدین اشتهاسی نا باخ! شاه قیزینا وورولوب . شاهانه دسمالینی اونا یادیگار ويردی . بونلارین هامیسینی شاها خبر وئرمک لازیمدیر . یاخشی احمد ، شاه قیزینی سئومه یی سنه گؤستره ره م ! سس کسیلدی . احمد کؤنولسوز حالدا بالتانی گؤتوروب قورو اودونلاردان کسدی . شاهانه دن آیریلاندان سونرا ائله بیل گوجدن دوشموشدو .گوج ـ بلا ایله شله سینی دالینا آلیب ائوه یوللاندی . کند یولونا یئنیجه چیخمیشدی کی ، قارشیسینا اوز ـ گؤزوندن زهرمار یاغان بیر قاری چیخدی . دونقولتوسو اوزاقدان ائشیدیلیردی : ــ گؤروم آنان آغلار قالسین ! اوجاغین سؤنسون ! من سنه نئیله میشدیم !  احمد قاری یا یاناشدی :  ــ کیمی قارغیریسان، آی ننه ؟ ــ اود آپارمیش ، گوجله ییغدیغیم چیر ـ چیرپینی الیمدن آلیب قاچدی . گؤروم اونون آناسی آغلار قالسین . سن بویدا اوغلان ایدی  احمدین اوره یی یوموشالدی .  ــ ننه جان ، آغلاما . باخ بو شله نی سنه وئره رم . آپار اوجاغینی یاندیر .  قاری آج گؤزلوکله شله نی احمددن آلیب چینینه قالدیرماق ایسته دی . آنجاق شله ایری اولدوغوندان گوجوچاتمادی . 

اوشاق ادبیاتی ۳ سئحیرلی اوزوک  اوچونجی ناغیل :  « ایلک گؤروش » یازان : علی صمدلی کؤچورن : علی آغ گونئيلی  ــ  ابرازی  کتاب :‌ ژنرالین اوشاقلیغی ) پووئست لر بؤلومو ) احمده ائله گلیردی کی ، بو گون باشقا گونلره بنظمیر . هاوا داها ایشیقلی ، چیچکلر داها عطیرلی ایدی . قوشلار داها گؤزه ل اوخویوردولار . اونا ائله گلیردی کی ، هله ده پالید آغاجی نین بوداغینی قوجاقلاییب سئحیرلی بیر عالمه تاماشا ائدیر .او ، نئجه ده اینجه و ظریف ایدی. بلکه ا ، بیر خیال ایدی . بس او ، هارایا گئتدی . قیرخ اینجه بئللی قیز اؤز ظریف اللری اوستونده اونو هارایا اوچوردولار ؟ احمد خیاللارایچینده بیردن گؤزونو آچیب ، اؤزونو مئشه ده گؤردو ، بیر آغاج کسمیشدی کی، پلنگ نریلتیسی قیز قیشقیرتیسی ائشتدی . تئز سسه گلن طرفه قاچدی . پنجه سینی قیزین سینه سینه قویان پلنگین اوستونه نه واخت آتیلدیغینی اؤزوده بیلمه دی . الینین بیرینی پلنگین آلت چنه سینه او بیرینی ایسه اوست چنه سینه کئچیریب وار گوجوایله دارتدی . پلنگ آرخاسی اوسته ییخیلدی . احمد قولدان گوجلو ایدی . اؤزونو ایتیرمه دن پلنگله چارپیشیردی . پلنگ وار سسی ایله نریلده دی . آنجاق اونون آغزی آچیق اولدوغوندان ، بو نریلتی چوخ بوغوق ایدی . قیز آیاغا قالخیب ، بیر قدر گئری چکیلدی . بو قورخونج منظره نی گؤرممک اوچون اللری ایله اوزونو قاپادی . سینه سینده کی جایناق یئرلریندن سیزان قان اونون آغ ایپک دونوندا قیرمیزی ناخیشلار آچیردی ، قیز بارماغینین آراسیندان قورخا – قورخا باخیب گؤردوکی ، احمد پلنگین جایناقلاری آلتیندادیر. چیغیریب اؤزوندن گئتدی ، احمد پلنگین نفه سینی کسیب آیاغا قالخدی . قانلی اللری ایله آلنینین ترینی سیلدی . آلنی دا ، قوللاری کیمی آل – قان اولدو . سونرا قیزا طرف گئدیب اونو قوللاری اوستونه آلیدی . بیلیردی کی ، یاخیندا سرین بولاق وار . اونو بولاق باشینا آپاردی . اووجونو سو ایله دولدوروب قیزین اوستونه سپدی . قیز اؤزونه گلیب گؤزلرینی آچدی .  یاواش سسله سوروشدو:  ــ آمان،  من هاردایام؟ ــ  قورخما ، ــ دئیه احمد دیللندی . ـ  اؤزونو اله آل .  ــ سن کیمسن ؟  ــ من، شاه قیزی شاهانه یم .  احمد اونو تانیدی . یوخودا گؤردویو قیز ایدی .  ــ بس بو جنگللیکده نه گزیرسن ؟  سحر تئزدن قیر قیزلا خال ــ خال مئشه سینه سئیره چیخمیشدیم . دایه می حیرصلندیرمک اوچون اونلاردان آرالاندیم . سونرا دا مئشه ده آزدیم بیرده گؤردوم کی ، پلنگ اوستومه آتیلدی . سونراسیندان خبریم اولمادی .  ــ چوخ قورخدون ايله می ؟  ــ  البته . بس سن قورخمادین ؟ اؤزونو پلنگین اوستونه آتدین ؟  ــ من سنینین اوچون قورخدوم . ــ سن بورادا نه ائدیردین ؟  ــ اودون قیریردیم . ــ  اودونو نئیله ییرسن ؟  ــ آپاریب بازاردا ساتیب ، داری چؤره یی آلیرام . ننه م له اؤزومو دولاندیریرام .  ــ داری چؤره یی نئجه اولور ؟ احمد دستمالا بوکولوب بیر پارچا داری چؤره یی چیخاریب شاهانییه وئردی .  ــ  آل باخ ، داری چؤره یی دادلی اولور.  ــ شاهانه چؤره یی آلیب دیشلدی .  ــ چوخ دادلی دیر، ــ دئدی . ــ دایم هر گون منی یئمک اوچون دانلاییر . قارشیما یوز لؤیون خوره ک قویور . منده چاشیب قالیرام، بیلمیره م هانسیندان یئییم . سن تکجه داری چؤره یی ایله دولانیرسان .  ــ تکجه چؤره ک له یاشاماق اولماز . من هم ده آرزولاریملا یاشاییرام ، ــ دئیه احمد جاواب وئردی . شاهانه تعجوبله سوروشدو :  ــ آرزو ندیر ؟ وئر اونودا دادیم باخیم .  ــ بیلمیرسن ، آرزو ندیر؟  ــ بیرینجی دفعه دیرکی،  ائشیدیرم . احمد دئدی :  ــ باخ، مثلا ، من آرزو ائدیرم کی، ائله بیر ایتی قیلینجیم اولسون کی، هر شئیی کسیب توکه بیلسین . او ، قیلینج لا بوتون ظولم کارلاری ، قصب کارلاری ، ال چاتماز طیلیسیم لری محو ائده بیلیم ! ــ ماراقلی دیر ! داها نه آرزو ائدیرسن ؟  ــ آرزو ائدیرم کی، ننه مین سؤیله دیی ناغیللاردا اولدوغو کیمی ، سئحیرلی خالچام اولسون اوستونه چیخاندا ، منی ایسته دیییم یئره آپارسین .  ــ من جییَز  هئچ نه آرزو ائده بیلمیرم ، ــ دئییب شاهانه دریندن کؤکس اؤتوردو . هر شئیی منه زورلا وئریرلر: یئمه یی ده ، تزه پالتاریدا .خالچانین اوستونده اوچماغی ایسه منده ایستردیم . ائله بیر خالچا اولا بیلمز !  ــ اولار، ــ دئیه احمد ایناملا جاواب وئردی . ــ  ننم جاوان یاشلاریندان الوان ناخیشلی بیر خالچا توخویور . بو خالچانین هر بیر ایلمه سی نین رنگینی بیر چیچکدن آلیر . بیر لقمان اونا دئییب کی ، یوزبیرینجی رنگین ایلمه سینی وورا بیلسن ، خالچا سئحیرلی اولاجاق ، سنی ایسته دییین یئرلره آپاراجاق .

اوشاق ادبیاتی چئویرن: منیژه جم‌نژاد ایپک قوردو آی ایشیغیندا، کیچیک بیر یومورتا بیر یارپاق اوستونده آرامجا یاتمیشدی. آیی گؤرورسن؟ کیچیک یومورتانی دا گؤرورسن؟ بیر یکشنبه سحری، ایستی گونش دوغدو و... «پات!» یومورتادان بالاجا، چوخ آج بیر قورد چیخدی. او، یئیه‌جک بیر شی آختارماغا باشلادی. دوشنبه گونو، بیر آلمانی دلیب یئیب کئچدی. آمّا هله‌ده آج ایدی. سه‌شنبه گونو، ایکی آرمودو دلیب یئیب کئچدی. آمّا هله‌ده آج ایدی. چارشنبه گونو، اوچ اریک دلیب یئیب کئچدی. آمّا هله‌ده آج ایدی. پنجشنبه گونو، دؤرد چیلک دلیب یئیب کئچدی. آمّا هله‌ده آج ایدی. جمعه گونو، بش پورتاغال دلیب یئیب کئچدی. آمّا هله‌ده آج ایدی. شنبه گونو، بیر پارچا شوکولاتلی کیک، بیر بستنی، بیر خیارشور، بیر دیلیم سوییس پنیری، بیر دیلیم سوسیس، بیر مامپاس، بیر پارچا گیلاسلی پای، بیر پارچا کالباس، بیر فنجان کیک  و بیر دیلیم قارپیـز دلیب یئیب کئچدی. او گئجه قارنی آغریدی! صاباحیسی گون، یئنه یکشنبه گونو ایدی. قورد، یاشیل، تزه بیر یارپاغی دلیب یئدی. اوندان سونرا حالی چوخ یاخشیلاشدی. آرتیق نه آج ایدی، نه ده بالاجا بیر قورد. او، بؤیوک، کؤک بیر قورد اولموشدو. سونرا اؤزونه کیچیک بیر ائو تیكدی؛ بونا «قوزا» دئییرلر. قورد ایکی هفته‌دن چوخ قوزانین ایچینده قالدی. سونرا قوزانین اوستونده کیچیک بیر دئشیک آچدی، اؤزونو ائشییه چکدی و... او، چوخ گؤزل بیر کپه‌نک اولموشدو! https://t.me/Adabiyyatsevanlar

اوشاق ادبیاتی نویسنده (چین): چائو_وِن_شوان             شیائو و پدرش کجا رفتند؟ وقتی بذرها در هر هشت مزرعه کاشته شدند، باران گرفت. باران نه تند می‌بارید و نه آهسته، و یکنواخت و بی‌صدا بود. آن‌ها کنار هم روی زمین نشستند و از باران به جایی پناه نبردند. پدر سرش را بالا گرفت، آهی کشید و گفت: «چه باران خوبی، شیائو آب باران را نوشید: «به‌به! به‌به!» الاغ کوچولو هم سرش را تکان داد و با خوشحالی عرعر کرد. ‌ مترجم: مرضیه_زهیری_هاشم‌آبادی گروه سنی ٧ https://t.me/Adabiyyatsevanlar

اوشاق ادبیاتی هرهفته پنجشنبه گونو ادبیات سئونلر کانالیندا . اوشاق ادبیاتینا دایر یازیلارینیزی بیزه گوندرین https://t.me/Adabiyyatsevanlar