ادبیات سئونلر

:«میرحسین_دلداربناب» «یورغون یوللار»! یوللار دا یورولدو، گئدیشلریمدن بوشونا یاشادیم، اؤلمه‌دن اؤلدوم دئدیم وارلیغیمی بؤلوشوم سنله کؤنلومو سئوگی ایله، ایکی‌یه بؤلدوم گؤزلریمده قالدی، گؤزلرین ایزی باشیمین اوستوندن، دورنالار کئچدی بو سئودا نه سئودا، پاییز اولمامیش کؤنلومون دورناسی، آنسیزین کؤچدو سانکی ناغیل‌لاردان چیخیب گلمیشدین گؤزلرین اووسونچو، سؤزلرین اووسون فصیل‌لر دییشمیر، دایانیب زامان سن کی یوخسان داها، نه اولسا اولسون گئجه‌دن گلیرم، یول وئرین کئچیم کابوس ایلغاری وار، ایچیمده منیم داغلارین باشینا، دومان جالانیب بیر ائل چکیر هاوار، ایچیمده منیم سؤزجوکلر دایانیر، دوداقلاریمدا دنیز دالغالانیر، ببک‌لریمده سن قورشونا قارشی، گلندن بری چیچک‌لر اود توتور، دیلک‌لریمده... ۱۴۰۲/۰۶/۱۱ https://t.me/Adabiyyatsevanlar

حسن بابایی« عجبشئرلی» قورتار یاخالاردان دردی، کدری آی منیم اراده م، منیم اراده م آچیلسین دویون لر، قاش _قاباق گولسون بوشونا کئچمه سین بوحیات بو دم. قیش دا یاغان قاری دویاق دریندن بایرامین گلیشین بایرام اّئیله یک یازین اوغلان  چاغین تامسیناق بلکه گوزل آب_هاوانی داد،تام ائیله یک پاییز دوشونجه سین آرخادا قویوب طالع دن ال چکیب سویکه نک وارا بیزیم هر نه ییمیز وارا باغلی دیر نه ییمیزه گرک اگیلک خارا وارلیق یاشایشین دایاق نوقطه سی. وارلیق دان تاپاریق بیز یئنی حیات عشقین عالمینده، عشقین گویونده یئری وار قورولاشنلیک _توی بوساط خیال پنجره سین بیر آن باغلایب قوناق اوداسیندا سئیر ائتمه یک بیز دوغال یاشایشین گوزل لیک لرین سپک یاشایشا بیز دنیز _دنیز آی منیم اراده م، منیم اراده م منی سن دوز یولا یونلت اگیلیم اویماییم تزویرکار، حیله بازلارا دئمک ائلیم اوچون منده آییلیم ۱۴۰۲_۶_۱

اورمو گولو، اورمو گولو، اورمو گولو، اورمو گولو... https://t.me/Adabiyyatsevanlar

ایشیق سایتی 12یاشیندا اولدو. «ادبیات سئونلر»، قارداش «ایشیق سایتی»نین امکداشلارینی 12ایل یورولمازجاسینا نیک‌بین چالیشمالارینا گؤره و ادبیاتیمیزین بوتون قوللاریندا ده‌یرلی و اونودولماز خدمت‌لری اوچون صمیم قلب‌دن تبریک ائدیر. بیز امینیک، قارداش «ایشیق سایتی» معاصر ادبیاتیمیزی عکس ائتدیرن ان ده‌یرلی و قالارقی الکترون درگیسی‌دیرکی معاصر ادبیاتیمیرین چئشدیلی و سئچلیلن نمونه‌لرینی گله‌جک نسیل‌لره یادیگار ساخلاییر. حقیقتن بو آغیر، عذابلی ایللرده بئله آغیر بیر مسئولیتی داشیماق، ائلین و وطنین ادبیاتی‌نین، اینجه صنعتی‌نین قوللوغوندا اولماق بؤیوک بیر شرف‌دیر «ایشیق سایتی»نین شرفلی خدمتلرینه عشق اولسون دئیه، بیرداها ایشیقچی دوستلاریمیزی، قلمداشلاریمیزی و ایشیقی سئونلری، اونون 12 ایللیگی مناسبتیله تبریک ائدیریک. ساغ اولسونلار و یورولماسینلار. ادبیات سئونل: 1402/6/12 https://t.me/Adabiyyatsevanlar

ایشیق سایتی 12یاشیندا اولدو. «ادبیات سئونلر»، قارداش «ایشیق سایتی»نین امکداشلارینی 12ایل یورولمازجاسینا نیک‌بین چالیشمالارینا گؤره و ادبیاتیمیزین بوتون قوللاریندا ده‌یرلی و اونودولماز خدمت‌لری اوچون صمیم قلب‌دن تبریک ائدیر. بیز امینیک، قارداش «ایشیق سایتی» معاصر ادبیاتیمیزی عکس ائتدیرن ان ده‌یرلی و قالارقی الکترون درگیسی‌دیرکی معاصر ادبیاتیمیرین چئشدیلی و سئچلیلن نمونه‌لرینی گله‌جک نسیل‌لره یادیگار ساخلاییر. حقیقتن بو آغیر، عذابلی ایللرده بئله آغیر بیر مسئولیتی داشیماق، ائلین و وطنین ادبیاتی‌نین، اینجه صنعتی‌نین قوللوغوندا اولماق بؤیوک بیر شرف‌دیر «ایشیق سایتی»نین شرفلی خدمتلرینه عشق اولسون دئیه، بیرداها ایشیقچی دوستلاریمیزی، قلمداشلاریمیزی و ایشیقی سئونلری، اونون 12 ایللیگی مناسبتیله تبریک ائدیریک. ساغ اولسونلار و یورولماسینلار. ادبیات سئونل: 1402/6/12 https://t.me/Adabiyyatsevanlar

«ایشیق» ۱۲ یاشینا دولدو «ایشیق»- آذربایجان ادبیات و اینجه صنعت سایتی- ۱۳۹۰نجی ایلین شهریور آیی‌نین ۱۲سیندن اؤز فعالیتینه باشلامیشدیر. «ایشیق‌»ین اساس آماجی آذربایجان ادبیات و اینجه‌صنعت نمونه‌لرینی و مدنیتی حاقیندا یازیلان اثرلری یایماقدیر. بوگون «ایشیق»‌ین فعالیتیندن ۱۲ ایل کئچدی. دئمک ایشیق ۱۲ یاشینا دولدو. بو مدتده چالیشدیق هئچ بیر گون «ایشیق»‌ین گونده‌لیک ایشلرینی دایاندیرمایاق و اونو هر بیر شراییطده فعال ساخلایاق. «ایشیق»‌ین باش یازاری وظیفه‌سینده اولاراق، صمیم قلبدن آز ساییلی آنجاق چوخ زحمتکش ثابت امکداشلاریمیزدان، ائله‌جه ده آذربایجانین مختلف شهرلرینده بیزیمله کؤنوللو امکداشلیق ائدن باجی و قارداشلاریمیزدان و اؤز گؤزل اثرلری ایله «ایشیق» سایتینا تمناسیز قاتیلان آذربایجان یازیچی و شاعرلریندن اولدوقجا تشکر ائدیب، اونلارا اؤز منتدارلیغیمی بیلدیریرم. ساغ اولسونلار. ایندییه کیمی ایشیق سایتیندا: • ۱۸۸۶ شعر/ ۹۲۱ ادبی مدنی خبر/ ۶۳۱ یادداشت/ ۵۲۴ حئکایه/ ۳۰۲ مقاله/ ۸۸ کیتاب/ ۷۹ دکلمه/ ۷۵ مصاحبه و ۳۱ ادبی مدنی سند یاییلیبدیر. • بو ایللرده آذربایجان شاعر و یازیچیلاریندان ۲۲۹ نفرینین اثرلریندن ایشیق سایتیندا یاییلیبدیر. (۶۴ نفری قادین‌دیر) • کئچن اوچ آیی نظره آلاراق، اورتا حسابلا ایشیق سایتی‌نین: – گونده‌لیک گؤروشچولرینین سایی ۴۷۰ نفر و گونده‌لیک گؤروش‌لرینین سایی ایسه ۱۲۷۴ گؤروش‌دور؛ – آی‌لیق گؤروشچولرینین سایی ۱۴۱۰۰ نفر و آی‌لیق گؤروش‌لرینین سایی ایسه ۳۸۲۲۰ گؤروش اولموشدور. • ایشیق سایتیندا اثرلری یاییلان ۲۲۹ نفر شاعر و یازیچیلاریمیزدان ان چوخ اثر گؤندرنلر، ترتیبله آشاغیداکیلاردی. رقیه خانیم کبیری‌ ۱۳۳ اثر چاپ اوچون ایشیق سایتینا گؤندرمکله ان فعال یازیچیلاریمیزداندیر. آرتیرمالییام کی ایشیق سایتی یالنیز گؤندریلن اثرلری یاییر: ۱- رقیه کبیری ۲- ناصر داوران ۳- ع. ن. چاپار ۴- حبیب فرشباف ۵- مرتضی مجدفر ۶- حسن ایلدیریم ۷- ائلدار موغانلی ۸- نریمان ناظیم ۹- روح‌انگیز پورناصح ۱۰- سحر خیاوی ۱۱- محمد احمدی‌زاده ۱۲- حمید آرش آزاد(اوغلو گؤندریر) ۱۳- همت شهبازی ۱۴- فریبا مرتضایی ۱۵- حاجی هریزلی ۱۶- نیگار خیاوی ۱۷- مسعود آذر ۱۸- عبدالله یالچین ۱۹- کبری میرحسینی ۲۰- سعید فیوضات ائلدار موغانلی ۱۲ شهریور۱۴۰۲ قایناق ایشیق سایتی https://t.me/Adabiyyatsevanlar

«رحیم کاویان» هردن سکوتیله اؤزون الدات داریخما چوخ هردن هارای سالیب باشینی قات داریخما چوخ گؤردون اورک سیخیلدی بیراز اغلا سوندا گول غمله سئوینجی بیر-بیرینه قات داریخما چوخ چرخ فلک اویونجاق ائدیب اوینادیر بیزی سنده بیر از بو دنیانی اوینات داریخما چوخ قویما دوشونجه دوستاق اولا قلبینی سیخا هردن اؤزون اوشاقلارا اوخشات داریخما چوخ یاز باغچایا گلیبدی قوناق اچ اتیشقانی اودسال گیلن سماوری قاینات داریخما چوخ باخ یاز گلیب سریب چمنه سئوگی سرگیسین سئو سنده بوطبیعتی قات-قات داریخما چوخ غملی غزللرین اوخوما غملی شاعرین ات کاویان»ی  قوی باشینی یات داریخما چوخ https://t.me/Adabiyyatsevanlar

"داود اهری"                             نانکور گئجه یاز کوینه گیمی سردیم               آی ایشیغینا ، عشقین مرمر پیلله لریندن                         قالخدیم سمانین سنه مین بیر             ا‌‌ولدوزلارینی                                درمه یه ! سحر یام - یاشیل یاز کوینه گیمی                            گئیدین باغچایا گئتدین ، بیر یئنی عشقین بیر سبد              قیزیل گوللرینی                                   درمه یه ، کیمسه لره وئرمه یه ؟!

«نادر پاشا » یییه سیز دونیا سانکی یئر پلانئتی کؤره​گیمه یوکله​نیر و دونیانین بوتون آجی لاری اوستومه آغناییر سس سیز ، سمیرسیز گئجه لر اوزانیر بوباشیندان او باشینا دونیانین یوواسینا قاچمادا؛اورگی آغزیندا قیرقی لار قووالایان بیلدیرچینلر دونیانین هریئرینده تاپدالانان بیر سوچسوزام هر اؤزگوره تاخیلان شوک تئللری ایچیمی یاخیر هر آپتال، الینده کی خنجری کؤکسومه تاخیر هر بتون آلتیندان چیخان اوشاق جنازه سییم. سیزین جیبلرینیز منیم قانیمین فییه​تینه دولور اوی ی ی ی... ذیرپی اژدهالار اوی ی ی ی... اؤزگورلویو قانینا بله ین اؤزگورلوک جارچیلاری. او ی ی ی...بو دونیانی جهنمه دوندرن؛ جنت ائلچیلری بو یییه سیز دونیادا هرکیم اؤز قایدینا قالمیشدیر باخ طنطنه لی شعارلارا الوان قووخلاردیلار ساغا سولا اوجالان ..... بیری اؤزگورلوک حسرتینده بیریسی  ائل قایغیسیندا بیری دیلیندن داغلانیر منده سه ،هر بیر حسرت پؤهره له نیب؛مین مین اولور و سازیمدان دیلغیمی دن باشقا بیر هاوا چیخمیر. ..... یالنیز آغزیمی ایله سیدیلر نیچون سئویرسن دئیه بیر شئی دئیلدیر سینیرلریمی یوخلاییب روحومو قامچی لاییرلار سانکی یئر پلانئتی کؤرگیمه یوکله​نیر و دونیانین بوتون آجی لاری اوستومه آغناییر! سس سیز ، سمیرسیز                                                       2016/10/24  تبریز https://t.me/Adabiyyatsevanlar

تبریزین گول اوغلونا....‌‌ خواننده: خسرو مسروری پیانو: چنگیز صادق اف شعر: علیرضا نابدل موسیقی: بهروز دولت آبادی

اوشاق ادبیاتی https://t.me/Adabiyyatsevanlar

اوشاق ادبیاتی اوشاقلاریمیزی موناسیب سن ده موسیقی ایله تانیش ائده ک. https://t.me/Adabiyyatsevanlar