ادبیات سئونلر

لوطفیار ایمانوف : بو گئجه https://t.me/Adabiyyatsevanlar

اوشاق ادبیاتی "احمد ائفه" چئویرن:«بهروز صدیق» آناسی چؤره یینه مربا یاخمادی باجیسی اوینامادی ائوچیک-ائوچیک بیر پیله مه ج ایسته دی دده سیندن پولو یوخموش.... البتته اللری اوزونده آغلار دورور بالاجا عایشه.... اونو آنجاق باغچادا کی چیچک آچمیش هئیوا بوداغی سوسدورور..‌‌‌‌..

اوشاق ادبیاتی «اومای خانیم» آلمان اولکه‌سینده کی رسمی آمارلار اساسیندا، تیلویزیونا ان آز باخان یاش گروهو ۳_۱۳ آراسی یاش گروهودور (گونده ۳۷ دقیقه). و گینه آمارلار اساسیندا، بو زامان سوره‌جی هر ایل داها آزالماقدادیر. یاخیندان گؤردوغوم قدر ایله، اوشاق باغچاسینا گئدن هر اوشاق، کیمی‌سی نقاشی‌ده، کیمی‌سی پازل ده، کیمی‌سی توپ‌دا، کیمی‌سی کارت اویونلاردا و ... داها اوداخلانیب متمرکز اولور، آما استثناییز هامی‌سی کیتاب قوردو اولورلار، یانی کیتاب اوخوماق هامیسینین اساس هوبی و سئودیکلری فعالیت لردن اولور. اوشاق‌باغچاسیندا، نئجه ائلییرلر نجور بو سیستمی یئرینه سالیرلار بیلمیرم، آما بیلدیغیم موردلری سیزینله پایلاشماق ایسته ییرم. آلمان دا، هله ده ایلک سیرالاردا اولان مدیا، رادیودور. آلمان‌دا، صوبحانه ایله رادیو دینلمک کولتورو وار. عاییله‌ده‌کی اوشاق‌دا بوندان تاثیر آلیر و بو کولتوره آلیشیر. دئمک اولار هر ائوده، بیر اوشاق رادیوسو وار. اویونجاقلار ایچینده فرقلی چئشیتلرده رادیو وار. مسافرت لرده قطاردا، اتوبوس، و ... ده اوشاقلار، اوشاغا اؤزل رادیولار دینله ییرلر. بعضی رادیو دستگاهلاری، cd اوخودان دستگاه ایله بیر دستگاه دیر. کارتون‌لارین بیر چوخونون سس فایل لاری، ناغیل شکلینده، cd لرده ساتیلیر. بو cd لر تصویری دئییل‌لر و ساده جه سس فایلی دیر مثلا پاوو پاترول (سگهای نگهبان), پِپا ووتس، و بیرچوخ معروف کارتونلار. کیتاب ائوی اولان توکانلار دا چوخ چوخ چوخ چئشیتلی و یاش گروپ لاری اساسیندا، و کیتابلارین قونو و موضوع‌سو اساسیندا آیرلیلمیش و کاتگوریلشدریلمیش کیتابلار وار اوشاقلار اوچون. بونلارین بیر دسته سی ده cd سی اولان کتابلاردیر. Cd اوخودان دستگاه دا cd سس فایلی اولاراق اوخویور و کیتابی، موزیکلی، شعرلی، سرودلو، ناغیل شکیلین‌ده و جذاب بیر شکیل‌ده اوشاغا سسلندیریر. بعضی کتابلارین اؤزل قلمی وار، قلم هر بیر عکس و یا کلمه اوستونه دوخونورسا، قلمدن سس اولاراق، موزیک یا شعر یا او عکس یا کلمه نین تلفوظو پخش اولور. کتاب باره سین ده نقدر یازسام گینه آزدیر. آما بونو دئیه بیلرم کی، هر نئینییب‌لر‌ایسه، اوشاغا کیتاب اوخوماق عادتی نی یارادا بیلیبلر. اوشاقلار هم باغچادا (مهدکودک ده)، هم ائوده، ساعاتلارجا کیتاب اوخویور. https://t.me/Adabiyyatsevanlar

اوشاق ادبیاتی آذربایجان افسانه لری سؤیله ین:«صمد بهرنگی - بهروز دهقانی» چئویرن:«منیژه جم‌نژاد» کسگین۳ 🧑🏻‍🦱 گئنه بیر نار دریب آشاغی آتارسان. گئنه قیزی دونیانی دولاندیریب گتیررلر. گلیب دئیرلر: آی نار آغاجی، بیزه ائله ایکی نار گتیرمیسن؟ بیر نار دا دریب دئیرسن، او٘چ نار گتیرمیشم، بیرده کسگین! او آن دا قیز اؤزونو تخت دن آتاجاق. هاوا دا اونو توتا بیلسن، باهار اولاجاق، یئره دو٘شسه پاییز. کسگین یولا دو٘شوب گئتدی. گئتدی، گئتدی نار آغاجینا یئتیشدی. آتین باغلادی، چیخدی آغاجین باشینا. قیزی دولاندیریب گتیردیلر. کسگین او٘چونجو ناری آتاندا دئدی: سیزه او٘چ نار بیر کسگین گتیرمیشم. قیز اؤزونو تخت دن آتدی کسگین ال آتیب، بئلیندن یاپیشدی، آتیلدی آتین بئلینه، هاردان گلیب، هارا گئدیر، دا بیلمه دی. بیر آز گئدندن سونرا قیز دئدی: دالیوا باخ گؤر نه وار؟ اوغلان باخیب گؤردو گؤز ایشله یینجه دئو وار. قیز دئدی: داراغی آت یئره! داراق یئره دییب بیر داراق داغی دوزلدی، دئو لرین آیاقلارینی یارالادی. بیر آزدان گئنه چؤنوب گؤردو دئولر یئتیریر. قیز دئدی: دوزو وور یئره! دوز پارچاسی یئکه دوز داغی اولوب، دئولرین آیاق یارالارینا دولدو. چوخو کئچنمدی. بیر آزدان اوغلان گئنه باخیب گؤردو دئولرین شاهی ایندیجه اولاری توتاجاق. قیز دئدی: سهنگی وور یئره! اوغلان سهنگی یئره ووردو. داللاریندا دنیز دو٘زلدی، دئو قالدی دنیزین او تاییندا، بونلار بو تاییندا. گلیب بیر کوهوله چاتدیلار. سیل سو٘پور ائلییب اوتوردولار. اوغلان گو٘ندوزلر آوا گئدیردی، آخشاملار کوهوله قاییدیردی. بیر گو٘ن قیز کوهولون دالیندا آخان آرخ دا باشین یویوردو. بیر تئل تو٘کوندن قوپوب سویا دو٘شدو. سو تو٘کو گؤتوروب قمیشلیغا آپاردی. تو٘ک بیر قمیشین ایچینه گیریب اوردا قالدی. کچل بیر اوغلان گلیب او قمیشی دریب آپاردی. یولدا پادشاهین باغینا یئتیشدی. دله دو٘زلوک ائلمک اوچون باغا گیردی. آیاغین باغا قویماق هامان آغاجلار چیچکلنیب، گو٘للر آچدی. باغوانلار گلیب پادشاها دئدیلر: یا عمروون اولی دی، یا سونو. باغیوین آغاجلاری قیشدا گوللنیبلر. پادشاه دوروب باغا گلدی. بیر تخت قوردولار پادشاه ایلشدی. کچل تئز اکیلدی. باغدان گئدینجه، گوللر سولدو، یارپاقلار تؤکولدو. پادشاه کور پئشمان گئتمه یه قالخدی. کچل اوبیری قاپی دان گیردی باغا. گئنه گوللر آچدی. پادشاه بویوردو هامینی آختارسینلار. هامینی آختاردیلار کچلین جیبیندن قیزین توکونو چیخارتدیلار. پادشاه دئدی: کیم بو توکون صاحابینی تاپا بیلر؟ بیر کوپ قاریسی دئدی: منیم الیمدن گلر. منه بیر کهنه یورغان وئرین، تو٘ستوسو  قووزاناندا، آتلی لار تؤکولوب گلسین، قیزی گتیرسین. قاری کو٘په گیریب، کؤکله ییب، گؤیه قالخدی. گلدی، گلدی، یولدا ائندی. کو٘پونو بیر یئرده گیزلدیب اوتوردو. آخشام گؤردو بیر آتلی گلیر. دئدی: جوان، یازیق بیر قوجایام، یئریم یوخدو. بو گئجه منی ائویوه آپار. گئجه بوردا قالسام ، جیک جنوار منی ییرتیب داغیدار. اوغلانین او٘ره یی یانیب اونو ائوه گتیردی. نئچه گو٘ن کئچدی، قاری ایشلرین یول یؤندمینی اؤیرندی. بیر گون قیزا دئدی: سن بو اریندن سوروش گؤر نیه اونا کسگین دئییرلر؟ گئجه اوغلان آودان قاییداندا قیز سوروشدو: سنه نیه کسگین دئیرلر؟ اوغلان بیر سیلی قولاغینین دیبیندن ووروب دئدی: سنه نه؟! سونرا رحمه گلدی، قیزی حیطه آپاردی، ال او٘وزونو یودو اوتاغا گتیردی. دئدی: منیم کؤکسومده بیر کیسه وار ایچینده بیر تیغه. کیسه نی گؤتورسن، من اؤلرم. گئنه یئرینه قویسان دیریلرم. قاری قاپی دالیندا قولاق آسیردی. هر زادی یادیندا ساخلادی. اونلار یوخلاماق هامان آیاق اوجو گلیب کیسه نی گؤتوروب دنیزه آتدی، سونرا یورغانا اود ووردو. اویاندان شاهین آتلی لاری تؤکولوب گلیب قیزی آپاردیلار. ائشیت کسگینین ایکی قارداشیندان کی اولدوزچویدولار. بیر گون اولارین بیری اوتورموش اولدوزلاری گؤزلمله‌ییردی. گؤردو قارداشینین اولدوزو چوخ تارلاشیب آز قالا سؤنجک. دوردو او بیری قارداشینا گئدیب، اولانلاری اونا خبر وئردی. ایکیسی گلیب هر یئری آختاردیلار، قارداشلاریندان اثر یوخودو. آردی وار... https://t.me/Adabiyyatsevanlar

اوشاق ادبیاتی «مرتضی مجدفر» 🔺باهار گلیب... 🔺 ماهنی‌سینی اوْخودو باهار آچدی اؤرپه‌یین دوْست دوْستوندان ایسته‌دی چیچک‌لرین گؤرمه‌یین. کپَنَک‌لر آلدیلار آران‌لارین دوزونو. بوُلودلارین گل – گئدی آلدی گؤیون اوزونو. قوْوزایاجاق گول‌لرین توْزجوق‌لارین یئل کیشی. بئجَره‌جَک یئنی گول توْزلاماق دا بیر ایشی. ایچه‌جکدیر آری‌لار شیره‌سیندن گول‌لرین بزه‌یه‌جک پَتَک‌لر یوُردوموزون چؤل‌لرین. باهار بیزه گتیردی خوْش گؤرکملر، خوْش  قوْخو هر یئر دوْلوب نغمه‌یله گؤزل سسله، گل اوْخو. قوْناق گلیب یئنه ده باهار بیزه اوچ آیلیق. یاماج‌لارا چکیبدیر یاراشیقلی خوش یایلیق.                                         ۱۴۰۲/۱/۲۰ چند توضیح: ۱. در این شعر سعی شده است از حداقل کلمات دخیل(عربی، فارسی و...) استفاده شود. ۲. بعضی کلمات ممکن است علاوه بر کودکان، برای مخاطبان بزرگسال هم ناآشنا باشد. برای مثال به نظر شما توْزجوق‌، توْزلاماق، اؤرپه‌ک، آران، پَتَک، گؤرکم و یاماج چه معانی دارند. در بخش کامنت‌ها بنویسید و  کتاب کودک جایزه بگیرید. ۳. به دلیل عدم وجود قابلیت تایپ علایم مربوط به همۀ ۹ حرف صدادار ترکی در اینستاگرام، علامت ۷ کوچولو که روی «و» گذاشته می‌شود، میسر نیست. برای مثال در اوز (به معنای صورت و در این شعر به معنای سرتاسر و تمامی) و اوره‌ک (به معنای دل)، باید روی واو علامت ۷ کوچولو گذاشته شود که ممکن نشد. https://t.me/Adabiyyatsevanlar

اوشاق ادبیاتی اوشاق ادبیاتی هرهفته پنجشنبه گونو ادبیات سئونلر کانالیندا  . اوشاق ادبیاتینا دایر یازیلارینیزی بیزه گوندرین . https://t.me/Adabiyyatsevanlar

بودور، مئساژ! ائلزا دئمک اولار کی چاتیر. بئشجه دقیقه. جمعی بئشجه دقیقه سونرا احتراسین دلی سولاریندا کؤنوللو بوغولاجاقسان. گؤزلرینی یوم. فیکرینی جمعله. اونا دییه‌جک‌لرینی خاطیرلا. سنسیز یاشایا بیلمیرم. سنه دوشگونم. گل بورالاردان قاچاق. قاپی‌نین کیلیدینده بورولان آچار جینگیلتیسی سنی شهوتلی خیاللاریندان، شیددتلی آرزولاریندان قوپاراجاق. ژله‌لی ساچلاریندان توتوب اوغورسوز ائولی‌لیینه سورویه‌جک. یئریندن دیک آتیلیب گیرمه‌یه دئشیک آختاراجاقسان. شیشیرتمه‌سیز، فلانسیز. اگر بیر دئشیک اولسایدی حقیقتن گیرردین. چارپایی‌نین آلتینا اوزان. بئله شئیلره یا کینولاردا، یا دا کیتابلاردا راست گلمیسن. آنجاق بو نه کینودور نه ده کیتاب. بونلار حقیقتن باش وئریر و سن چارپایی‌نین آلتینداسان. قاپی آچیلاجاق. اوّلجه وفانین قاققیلتیسی‌نی ائشیده‌جکسن، سونرا ایسه دئدیک‌لرینی آنیشدیرا بیلمه‌دییین بیر کیشی سسی. سونرا بو سس، آلتیندا سینه‌سی اوسته اوزاندیغین چارپایی‌یا یاخینلاشان بیر جوت جورابا چئوریله‌جک. وفا قاققیلداماغا دوام ائدیر. تئلفونون جیبینده بیر نئچه دفعه تیتره‌یه‌جک. تئلفونو احتیاطلا جیبیندن چیخار. مئساژ!  قاپی‌نین آغزیندایام. نییه تئلفونا باخمیرسان؟ بو گونو هئچ واخت اونوتمایاجاقسان. مئساژی گؤرمه‌یینله قاپی‌نین زنگی باسیلاجاق. اطرافا سوکوت چؤکه‌جک. سوکوتا فیکیر وئرمه. قارشیندا وورنوخان تلاشلی آیاقلاردا کی جورابلارا فیکیر وئر. بونلار کی سنین مسکووادا کی ماموریتده اولارکن آلدیغین، توپوغونا خیردا آیی‌لار سپه‌لنمیش و آیلار اؤنجه ایتیردییین جورابلار دیر. وفانین عصبی پیچیلتی‌لارینی ائشیده‌جکسن. قارشیندا چاره‌سیزلیک‌له وورنوخان جورابلارا دیققت ائله. اونلاری آلدیغین گونو خاطیرلا. محتشم گون ایدی. همین گونون ان اونودولماز گون اولدوغونو دوشونردین. چون کی آرتیق امین‌سن: بیر نئچه ثانیه سونرا چارپایی‌نین آلتیندا تک اولمایاجاقسان. https://t.me/Adabiyyatsevanlar

جوراب اوغروسو ✍یازان:« علی-ضربعلی» کوچورن:«سحرخیاوی» حاضیرلایان:«ادبیات سئونلر» مودیره کرونا ویروسا یولوخدوغونو بیلدیر. اونا حالسیزلیقدان، عضله آغریلاریندان، سینه‌نی دئشن اؤسکورکدن دانیش. مودیری تانیییرسان، اوره‌یی داش‌دیر. کادرین قئیدینه قالمادیغینی، هئچ کیمی یولدورمادیغینا اومید ائتدییینی ده علاوه ائت. یوخ، یوخ واللاه، اجلافین اوره‌یی داش دیر. اونو ایناندیرماق موشکول مسئله دیر. ان یاخشیسی سن فتوشاپدا ساختا پازیتیو نتیجه سندی دوزلت و ایمیل یوکله. کلیک. گوندریلدی. والسلام. سحر وفادان اوّل اویان. قشنگ بیر پُر رنگ چای دَمله. بیر تاوا پامادور چیغیرتماسی، بیر تاوا گؤیرتی کوکوسو حاضیرلا. زیرنگ آدامسان، اوّلجه اینترنتدن " ان یاخشی کوکو نوسخه‌سی" یاز، ترکیب‌لره یاخشیجا گؤز گزدیر. ائوده گئشنیز یوخدور، عیبی یوخ، بئله ده آلینیر. سوفره‌یه نه تاپدین دوز: یاغ، بال، قایماق، پئندیر، زیتون، خیار- پامادور، هئیوا مورابباسی. وفا سسه اویاناجاق. یوخولو گوزلرینی اووشدورا- اووشدورا مطبخین آستاناسیندا دایانیب اسنه‌یه‌جک. چاش- باش حالدا بیر سنه باخاجاق، بیر ده سوفره‌یه. اونا باخیب گولومسه. سندن نه عجب؟ گون بوگون هاطرفدن چیخیب؟ آدامین کئفی چاق اولاندا حتا یولا گئتمه‌دییی، ایللردیر بوشانماق ایسته‌ییب بوشانا بیلمه‌دییی آروادینا دا خوش داورانیر. بونو اونا دئمه. نییه کئفین بئله کؤکدور؟ نییه بئله خوشبختسن؟ اونا ایضاح ائتمه. آنجاق بو نییه‌نی هر دفعه خاطیرلادیقجا مست اول، قاسیغینی خوش بیر هیجان قیدیقلاسین. وفا سنه ترس- ترس باخاجاق. اؤزونو غریبه آپارما. بیر شئی فیکیرلش لاپ. دئه کی یاخشی یاتمیسان. اؤزونو گومراه حیس ائدیرسن. بو قدر ساده. یاخشیجا یئییب دویاندان سونرا ماسادان قالخ. او، هله چایینی بیتیرمه‌ییب. -یئمک نئجه ایدی؟-موطلق سوروش. -ایلک دفعه اوچون پیس دئییل. - هه، نه یاخشی. چوخ شوبهه‌لی داورانما. تئلفونو تئز- تئز یوخلاما. طبیعی اول. حرکت‌لرینه فیکیر وئر. آرانیزدا همیشه کی سوکوت وار. سوکوتا فیکیر وئرمه. اوزونو قیرخ. گوزگوده کی عکسینده گوزلرینین پاریلتیسینا باخ. اونورقاندان بارماق اوجلارینا دورد- نالا چاپان هیجانی حیس ائت. بو آن وفانین سسی حاماما دولاجاق. یاخاندان یاپیشیب سنی اوستونده مست- خومار اوزاندیغین خیال تایالاریندان آشاغی آتاجاق. - حاضیرسان؟ - هه. حاضیرام. اوزومو یویوم چیخاق. اونو اوتوبوس دایاناجاغینا کیمی اؤتور. اون دقیقه‌لیک یول بویونجا سحرین خومارلاندیران مئهیندن ذوق آل، اطرافا گؤز گزدیر. عینی بینالار، عینی آداملار، عینی کله- کؤتور یوللار. هئچ نه دییشمه‌ییب. آنجاق سان کی بوگون باشقا گوندور، بو گون هر شئی فرقلی، داها جانلی گؤرونور. بوگون اولاجاقلاری، قوردوغون پلانلاری دوشون. ایچینده ایضاح اولونماز بیر حیس وار. سان کی بو گون حیاتی‌نین سون آنی‌نا کیمی یادداشیندان سیلینمیه‌جک. خفیف اسن یارپاقلارا فیکیر وئر. آرانیزدا همیشه کی سوکوت وار. سوکوتا فیکیر وئرمه. اونونلا ساغوللاش‌. واخت ایتیرمه، در حال تئلفونونو چیخار. سئوینجدن بلکه ده تلاشدان اللرین اسه‌جک. ائلزانین نومره‌سینی تاپ. زنگ وور. یوخ، یوخ زنگ وورما، اولماز. بلکه هله ائودن چیخماییب؟بلکه ماکیاژ ائدیر و تئلفونو مطبخ ایستولونون اوستونده اونودوب؟ بلکه اَری بیر چؤره‌ک دیلیمینه یاغ- بال یاخا- یاخا ایستولون اوستونده کی تئلفونا زیلله‌نیب؟ بیرآز صبرلی اول. یاخیندا کی نیمکتده اوتوروب بیر سیگارت یاندیر. ائلزانی دوشون. اونون یومشاق دؤشلرینی و حرارتدن ترله‌میش ایستی بوینونو دوشون. اونونلا کئچیره‌جه‌یین آنلاری تصور ائت. ساعاتا باخ. دوققوز تامام. ایندییه یقین کی تهلوکه سووشوب. نومره‌نی ییغ. بارماقلارین هله ده تیتره‌ییر. دایان، هئچ ریسکه گئتمه. ان یاخشیسی مئساژ یاز. اعلا. هر شئی پلان اوزره گئدیر. ائلزا یولدا دیر. اونون ایشدن یایینماق اوچون مودیره یازدیغی بهانه‌یه گول. کرونا ویروس. ها- ها! یوخ بیر تنگ نفس ائوه چات. بیرآز ترله‌میسن.‌ هله کی ان آزی یاریم ساعات واختین وار. تئز دوشا گیر. گونو- گوندن سئیرله‌نن ساچینی دارا. بیرآز ژل وور. هئچ نه اولماز. دیشلرینی یئنی‌دن فیرچالا. ائلزا سیگارت قوخوسونو سئومیر. ائوین سلیقه‌لی اولوب- اولمادیغینا فیکیر وئرمه.  اونسوز دا چوخ واختینیز یوخدور. اونا بوگون دییه‌جک‌لرینی تکرار- تکرار خاطیرلا. وئره‌جه‌یین وعده‌لری ازبرله. مسکووایا آلدیغین بیلیت‌لری، نه واخت، نئجه قاچاجاغینیزی، اونسوز یاشایا بیلمیه‌جه‌یینی و... آنجاق بو سونرا کی ایش دیر. ایندی دیواندا اوتور، ساکیتلش. راحات اول. ائوه گیرن کیمی، اونو نئجه قوجاغینا آلیب یاتاغا آتاجاغینی، شهوتدن دوغان صبیرسیز تلسکن‌لیک‌له بیربیرینیزی نئجه سویوندوراجاغینیزی دوشون. سینه‌ندن آیاقلارینین آراسینا آخیب چوغلایان شیرین احتراس لپه‌لرینه تسلیم اول.

«سعید_اودمان» بو گۆن اوت آیینین اونونجو گۆنۆدۆر سن یوخسان... من کاپیتالیزمین ائدولوژیاسیندا اۆزنلره باخیرام! مسجدلرین بانکا اولماغینا_ و دینچیلرین بیزنس_لرین ایزله‌ییرم! بو گۆن اوت آیینین اونونجو گۆنۆدۆر سن یوخسان... اینسانلارین جیبلرینده کاغاذلارین تانری اولماغینا دینله‌ییرم! دۆشونجه آل - وئرینه باغیریرام، و گونبذلره بنزر پاپاقلارین آلتیدا خورافه‌یه قوسورام! بو گۆن اوت آیینین اونونجو گۆنۆدۆر سن یوخسان... وارلیسی جیبنده اولان تانریلا جنتدن پنت هاوس آلیر یوخسولو جهنمی اود اولاراق چکیر اوستونه منسه سوسیالیستین جنازه‌سینی قبله‌یه اوزالدیرام... بو گۆن اوت آیینین اونونجو گۆنۆدۆر سن یوخسان... بو شمع‌لر منیم قارشیما نه‌دن دۆزۆلۆب!؟ سنسیزلیگی منه کیک پیشیرن کیم دیر!؟ ییغیشدیرین بو ماسانی لطفا گؤرمۆسۆزمۆ انتحار بله‌شیب دۆشۆنجه‌لریمه اؤلۆم اولسون بو منین دوغوم گۆنۆنه...

گون آدام‌‌لاری حسن ریاضی ( ایلدیریم ) سیز آچدینیز گؤزوموزو،  سیز گؤستردینیز بیزه اؤزوموزو،  سیز اؤیرتدینیز بیزه سئومه‌یی‌، سئویلمه‌یی. سؤز‌‌لرینیزله دورولدو بئینیمیز،  آچیلدی، گئنیشلندی افق‌لر؛ کیمیمیز گوندن‌، گونشدن اولدوق،  کیمیمیز ائودن- ائشیکدن؛ دوغراندی‌لار‌، باسیلدی‌لار، آسیلدی‌لار، یاندی‌لار، بیز ده بیرآز ‌سیزه بنزه‌ین ‌کیمی اولدوق؛  بو یولدا  آز‌- چوخ سوروندوک؛ سونرا‌، یاواش -یاواش اؤزوموز اولدوق،  اوزاقلاشدیق ‌سیزدن؛ سیزی یامسیلاماغا باشلادیق.  اؤزوموزو قابارتدیق  هردن اوزونوزه قاباردیق،  سوروندوک‌، سوروندوک سورونرک گون آدینا دؤندوک. ایندی دونن‌‌لرین یوخوسونو گؤروروک،  خاطیره‌لری گؤوشه‌ییریک،  بیر - بیریمیزی دیدیریک؛ دولاشیریق بیر- بیریمیزین ایاغینا،  دولاشیریق باخیشینا‌، بئینینه‌، سئوگیسینه؛  دولاشیریق دویغو‌‌‌لارینا‌، دوشونجه‌‌لرینه. یامانجا قوردلاشمیشیق اوتوروروق اوز – اوزه،  باخیریق گؤز- گؤزه،  دوشونوروک سؤز ـ سؤزه. یامان گونه قالمیشیق نه‌ سیزدن خبریمیزوار،  نه اؤزوموزدن،  نه اوره‌ییمیزدن؛ گون آدام‌‌لاری‌ییق، گون آدام‌‌لاری! https://t.me/Adabiyyatsevanlar

«سوسن نقدی» نفس حلول می کنی در من چون رویای خیس همچون هوای ابری شقیقه هایم  کش می آید نفس هایم گر می گیرد ثانیه ها بر نبضم می کوبد زمزمه هایم دهن دره می کنند شورهایم ، مهمانی را پس می زنند رنگین کمان تار می تند جویبار خیز برمی دارد وتو همان رویای شتک زده می مانی

«سوسن نقدی» تبسم ازمجموعه شعر وقتی که بال پروانه شکست. به انتشار مرگ می ماند لایه زار جنگل توهم وقتی برق می زند نیستی به مدارا زانو می زند هستی پنبه می شود تمامی فلسفه ها می جوشد چشمه ذوق زمین می روید گیاه از دل کویر رخوت تبانی عریانی می شود سرشاخه ها برگردان مرا به آوای نخستین برگردان مرا به بی خیالی دوشین جایی که نلرزد تن پوش خردسالی عشقه ها بجنبند در پیوند بهاران زیگزاگ ،  دالبر نباشد اسب سواری یورتمه ها سنجاق شوند بر تن مرداب سهم هرکسی نباشد خواهشی تکراری دنیای پنهان خیز بردارد فرونشیند موج دلهره  و تنهایی https://t.me/Adabiyyatsevanlar

از یارین دیرین «ادبیات سئونلر» سرکار خانم «سوسن نقدی» مجموعه شعر وقتی که بال پروانه شکست منتشر شد. «ادبیات سئونلر» ضمن استقبال از این اثر ارزشمند توفیقات روز افزون شاعر محترم خانم« نقدی» را آرزومنداست. ادبیات سئونلر1402/1/21

«کریم_احمدیان_شاهید» آرتیْق بو یوْللاردا چوْخوْرلاشیْرلار قارقالار لشلری سریب یوْللارا دیدرگین ایزلری قۇیلاماقداییْق اوره‌ییم یانیْری یازیْق قوللارا پیلته‌لر هیس ای‌یین سریب ائولره بوْغونتو عادتدیر بیز انسانلارا داشلاریْن اوزونو یامان آغارتدیْق هله ده قوسوروق بو زامانلارا هره‌نین ایچینده یوزلرله کولک بوْرانلیْ بیر باخیْش شهر بوْیونجا چوخورلو یوْلاقلار آددیْم به آددیْم اینانجلار قویلانیْب یوْلا دوْیونجا آغیْر کامیونلار ایچینده ماسکه گتیریر شهره بوْیاقلانماغا دوْنور بوْغازیْمدا باغیْرماغلیغیم قاچیرام اؤلومله دوْداقلانماغا نفرتین ماسکه‌سین تاخمیْشیْق اوزه شهرده هر کسه نفرت ساتیْریْق آغیْزدا یامانلار ، گؤزده یالانلار بؤیوگه ، کیچیگه هئی داش آتیْریْق دووارا آسمیْشیْق یاخشیْلیْقلاریْ هر ساعات اوْنونلا سلفی چکیریک یالانلار کؤلگه ‌ایله قوجاقلاشیْرلار سیْخیْنتی توْخوموْن یئره اکیریک آییْن دا ایْشیْغی سؤنور بیلیرم کؤلگه‌لر ایتیری قارا کوچه‌ده گئجه‌لر ماسکه‌نی عوضله‌ییریک دوروروق لش سرن سیْنیْق تیمچه‌ده بؤیله‌سی دورومدور بو آنلاریْمیْز آی‌ایلا باریْشماق گره‌کیر داها ایْشیْغی گئجه‌ایله باریْشدیْرماغا ال‌ـ‌اله وئرمه‌لی قالماییْب چارا          https://t.me/Adabiyyatsevanlar

«حوسئین عاریف» من بئشیکده ایکن تئللی سازینلا لایلامی سن چالدین، آی میرزه دایی یئنه دیللندیردین «یانیق کرمی» جانیما اود سالدین، آی میرزه دایی. آغیر تویلار گؤردون، نیشانلار گؤردون، ماحالدان-ماحالا آتینی سۆردون. گلینلر گتیردین، قؽزلار کؤچوردون، چوخ نَمَرلر آلدین، آی میرزه دایی. صنعت مئیدانیندا ایمتاحان اولور، حسینین احوالی پریشان اولور. سسین توتولاندا کؤنلوم قان اولور، سن نیه قوجالدین، آی میرزه دایی؟ https://t.me/Adabiyyatsevanlar