ادبیات سئونلر

«ممد آراز» چوخ یاتدیق چوخ یاتدیق، چوخ مورگولدیک قوجا ملت! مورگولدیک: قوشا- قوشا داغ‌لاریمیز اوغورلاندی. چای‌لاریمیز، گؤل‌لریمیز اوغورلاندی. اوغورلاتدیق! ایندی سایساق سایا سیغماز داها نه‌لر اوغورلانیب. یئر اوستونده خزینه‌لر، یئر آلتیندا دفینه‌لر اوغورلانیب. قوجا ملت، هر آندیمیز آمانیمیز، اگر وارسا، ذره قدر ایمانیمیز، ایمانیمیز وطن دئسین. هر یاخشیمیز یامانیمیز وطن دئسین. https://t.me/Adabiyyatsevanlar

«جبران خلیل جبران» چه سنگدل است سیری که گرسنه‌ای را نصیحت میکند تا درد گرسنگی را تحمل کند! https://t.me/Adabiyyatsevanlar

پلیس ‌رئییسی اونون اوستونه قیشقیردی: – تئز اولون گؤسترین گؤره‌ک کسدیینیز قاطیر هاردادیز: شوفئر: – هانسی قاطیر، نه قاطیر؟ ـــ دئیه ککله‌دی. – – قاطیر، آت، یادا ائششک، نه فرقی وار، بیز ‌سیزی هاچاندی ایزله‌ییریک. قانین ایزینه دوشوب گلدیک و آخیرکی تاپدیق. استامبولون بوتون کوچه‌لرینی قانا بولامیسینیز. دئمک کی قاطیرلاری، ائششک‌لری کسیب استامبولدا قوزو اتی یئرینه جاماعاتا ساتان ‌سیز‌سینیز. شوفئر: – نه قاطیر، نه آت، نه ائششک جانیم، واللاه انسان… – نه؟ انسان؟ وای جاناوارلار! مسله‌نی پلیس ‌رئییسینه باشا سالدیلار. او ساکیتلشدی و: – ماشاللاه آدامدا دا بو قده‌ر قان اولارمیش! ـ دئدی. مملکتده کی حیات طرزی‌نین یوکسکلییین ثوبوت ائده‌ن بو نمونه‌وی وطنداشیمیزی خره‌یه قویوب ایچری آپارارکن پلیس ‌رئییسی دسته‌سینه مراجعت ائتدی: – بورایا قده‌ر گلمیشیک، الی بوش قاییدا بیلمه‌ریک. گره‌گ بیر ایش گؤره‌ک، تئز اولون ماشینی آختارین! آختاردیلار و یوک یئرینده بیر اؤلونون اولدوغونو گؤردولر. – بو نه‌دیر؟ ـ دئیه سوروشدولار. – گؤرورسونوز اؤلودور. اما چوخ بدبخت اؤلویموش. باشیمیزا بوتون بلالار اونون اوجباتیندان گلدی. یارالینی باشقا یئره گؤتوردولر. بئله‌لیک‌له یولداشلاریمدان آیری دوشدوم. منیم اؤلو اولدوغومو یقین ائتدیکدن سونرا یوماغا گؤندرمک اوچون خسته‌خانانین بیر زیرزمیسینه آتدیلار. ماشین منی ائله یورموشدوکی، داش دؤشه‌مه‌نین اوستونه دوشن کیمی یوخویا گئتدیم. آه سئویملی ائششک آریسی! اگر بیر آزاجیق عاغلین اولسا «دونیادان بئزمیشم» دئیه اؤلمه‌یه چالیشما. باشیما گلن‌لری اونا گؤره یازیرام کی، اوگؤزه‌ل دونیادا قال و یاشاماغین لذتینی گؤر. سنین ـ منیم کیمی‌سینه یاشاماق چتین‌دیر، آما هر حالدا گؤزه‌ل‌دیر. سالام‌لار، احترام‌لار. اؤلموش ائششک آریسی *بو داستان بوندان اؤنجه، ۱۳۸۴جی ایل آذری فصلنامه‌سینین ۱۰نجی نومره‌سینده ده یاییلیبدبر قایناق: ایشیق سایتی https://t.me/Adabiyyatsevanlar

حکیمین اونا آجیغی توتدو: – یارالی‌نین مشخصاتی بللی اولمالی‌دیر، یوخسا هئچ کس اونا الینی ده وورا بیلمز. درمانلارین کیمه صرف ائدیلدیینی بیلمه‌سک بیزی اوغورلوقدا تقصیرلندیررلر. – بئله بیلسئدیک، یارالینی لاپ دالیمیزدا ایلک یاردیم خسته‌خاناسینا آپاراردیق. ائله بو واخت مشخصات یازان مامور یاتماق اوچون اؤز ائویندن خسته‌خانایا گلدی. اؤز ایشیندن زهله‌سی گئده‌ن آدام‌لار کیمی آغیر ـ آغیر یازی ماساسی‌نین آرخاسیندا اوتوردو. تنبلجه‌سینه قلمی الینه آلدی. عئینه‌یینی گؤزونه تاخدی. سئوال ـ جاوابا باشلادی: – یارالی‌نین آدی؟ شوفئر: – نه بیلیم آغا ـ دئدی ـ من بلدییه اداره‌سی‌نین تعجیلی یاردیم ماشینی‌نین شوفئری‌یم. بو آدامی ماشین ازمیشدی، من ده یولدان گؤتوردوم. یولدا ماشین خاراب اولدو؛ سحردن یوللارداییق. ایندی بورایا گلیب چیخمیشیق. مامور: – لاپ یاخشی، لاپ یاخشی ـ دئیه سؤزونه داوام ائتدی ـ یازاریق کی، شخصیتینی آیدینلاشدیرا بیلمه‌دیک والسلام، شوت تامام. کؤمکچی شوفئردن سوروشدو: – آغا سحردن ائله بوندان اؤتری‌می بوا‌ذیت‌لری چکیردیک ؟ نوبتچی حکیم اونلارین سؤزونو کسدی: – هر شئی قایداسیندادیر، اما یارالی‌یا کؤمک ائده بیلمیه‌جه‌ییک. گره‌گ خسته‌نین اولجه عکسینی گؤتورک، عکس گؤتورن دزگاه ایسه ایشله میر. عکس اولماسا هئچ بیر ایش گؤره بیلمه‌ریک. – مادام کی، عکس گؤتورن یوخ ایدی، بس نییه بو قده‌‌ر واختیمیزی آلدینیز؟ طب باجیسی جاواب وئردی: – مشخصات باشقا شئی‌دیر. معالجه باشقا، هر آی خسته‌خانامیزا گلن خسته‌لرین ‌سیاهیسینی ناظیرلییه گؤندریریک. اگر مشخصات یازیلماسا ‌سیاهی توتا بیلمه‌ریک. ‌سیاهی اولماسا ایلین اخیریندا خسته‌خانامیزا نه قده‌ر آدامین مراجعت ائتدییینی ده بیلمه‌ریک. مشخصات یازان ماموردا دیللندی: – خسته‌خانامیزین عکس سالان دزگاهی ایشله‌میر، اما مشخصات یازان ایشیمیز چوخ قایداسیندادیر. تعجیلی یاردیم ماشینی‌نین شوفئری اوزونو تاکسی شوفئرینه دوتدو: – آرخاداش ـ دئدی ـ هر حالدا سن بو یارالی‌نین بیر قوهومونو تاپیب، زحمت حاقینی اوندان آلاجاقسان. بیزی سحردن بری، بو خسته‌خانادان او بیری خسته‌خانایا گتیریبسن، آللاه عؤمورونو اوزون ائله‌سین؛ ایندی گل یاخشیلیغی آخیرا قده‌‌ر ائله، بیزی تعجیلی یاردیم خسته‌خاناسینا آپار. – – من یارالی‌نین قوهومونو هاردان تاپاجام، جانیم پولومو وئرین. – آرخایین اول ائله بیل پول جیبینده‌دیر. تاکسی‌نین شوفئری سئوینه ـ سئوینه ماشینی سوردو: – سحردن بری خسته‌خانالاری گزیریک. گاه حکیم تاپیلمیر، گاه طب باجیسی. حکیم‌له طب باجیسی تاپیلاندا درمان تاپیلمیر. بونلاری تاپاندا عکس سالان دزگاهی اولمور. عکس سالان دزگاه اولاندا دا خاراب چیخیب ایشله‌میر. – تعجیلی یاردیم خسته‌خاناسیندا گویا بونالرین هامیسی اولاجاق؟ – تاپیلار، بونلارین هئچ بیری تاپیلماسادا یارالی‌نین قانینی کسمک اوچون بیر پارچا ایپ ملحفه، چیت تاپارلار. یارالی‌نین آخان یئرینی سارییب لاپ یارالینی بوغوب اؤلدوررلر، آما قویمازلار داها قانی آخسین. تاکسی شوفئری جاواب وئردی: منی ماشینین پولو او قده‌‌ر ماراقلاندیرمیر. اگر سایغاجی آچسایدیق ایکی یوز لیره یازاردی. من هر شئی بیلمک ایسته‌ین آدام‌سیزی سحردن بری بیر خسته‌خانادان او بیرینه آپارماقدا دا بیرجه مقصدیم وار. بیلمک ایسته‌ییرم، گؤره سن ائله بیر خسته‌خانا تاپاجاییق‌می کی اورادا هم حکیم اولسون، هم طب باجیسی، هم عکس سالان دزگاه، همده داوا درمان، یوخسا چوخدان ‌سیزی ماشیندان دوشور‌ر و چیخیب گئده‌ردیم. ایلک یاریم خسته‌خاناسینا گلدیک. ماشینین ایچینه قان آخماسین دئیه آیاقلاری پنجره‌دن باییرا چیخاریلمیش یارالینی اولجه آشاغی ائندیردیلر، آما منی یاددان چیخاردیب یوک یئرینده قویدولار. نه ائده بیلردیم؟ «من بورادایام » دئیه باغیرسام دا اؤلو اولدوغومدان سسیمی ائشیدمزدیلر. من نه ائده‌جه‌ییمی دوشونوردوم. یارالینی دا یئنیجه خره‌یه قویموشدولار. ائله بو واخت گورولتو قوپدو، ‌سیغنال‌لار وئریلدی، ‌سیرئنا ویییلدادی. یوکلویون آرالی قاپاغینی بیر آزجا قالدیریب نظره چارپمادان باخدیم. گلن‌لر پلیس ماشین‌لاری ایدی. چاتان کیمی ماشیندان تؤکولموش پلیس‌لر خره‌یی دؤره‌یه آلدیلار. پلیس‌لردن بیری: – ترپنمه ییـن! ـ دئیه ــ باغیردی. باشقاسی: – قیمیلدانمایین ! ـ‌ دئدی. اوچونجوسو: – اللر یوخاری ! دئیه قیشقیردی. خره‌یی آپارانلار اللرینی یوخاری قالدیراندا خرک یئره دوشدو و یارالی بیرده یارالاندی. موحاصیره‌یه آلینمیشدیق. بیزی احاطه ائدنلردن بیری: – آخیرکی عدالتین پنجه‌سینه کئچدینیز! ـ دئدی. – نه زامان کئچمیشیک عدالتین پنجه‌سینه ؟ ـ دئیه شوفئر سوروشدو.

تاختالی کؤیدن‌ مکتوب‌لار (یئددینجی‌مکتوب*) حئکایه یازار: عزیزنسین چئویرن: اسماعیل شیخلی کؤچورن: علی آغ‌گونئیلی سئویملی دوستوم ائششک آر‌یسی! من ائله بیلیردیم کی، داها باشیما گلن ایشلرین سونودور، اما سن دئمه گؤره‌جکلی گونلریم قاباقدایمیش. اینان کی، اؤلومدن گؤزونو قورخوتماق فیکیریم یوخدور. هئچ نه اویدورمور، هئچ نه شیشیرتمیرم. یوخسا بو دهشتلی اؤلومدن سؤز آچدیغیما گؤره قال قالیرام؟ منیم تاختالی کؤیدن سنه مکتوب یازماغیمین بیر مقصدی ده سنین اوره‌ییندن اؤلوم قورخوسونو‌سیلمکدیر. هامی بیلیرکی، بوتون یارانانلار اؤله‌جک؛ هئچ کیم هئچ واخت اؤلومدن یاخا قورتا بیلمه‌یه‌جک. بئله اولدوغو طرزده اؤلومدن قورخماغین نه معناسی وار؟ تاختالی کؤیدن یازدیغیم مکتوبلاری اوخویارکن اؤلومو مزه‌لی گولمه‌لی بیر گزینتی‌یه چیخماق کیمی باشا دوشه بیلرسن. گلک مطلب اوسته. یولدا ماشینیمیزین سویو قورتاردی و موتور قیزدی. سو قاینادی؛ شهر کناریندا اولدوغوموزدان ماشینین ایچینده‌کی‌لر دوشوب سو دالینجا هره بیر طرفه داغیلدی. بیردن کؤمکچی: – تاپدیم! دئیه قیشقیردی: بورادا گؤلمه چه وار. قابلاری دولدوروب سو گتیردیلر، آما صؤحبتلریندن باشا دوشدوم کی گتیردیکلری سو دئییل، پالچیق‌دی. گؤلمه‌جه سویونو ماشینا تؤکن کیمی قایناماغا باشلادی. قاینار سودا پؤشلنن قورباغا بالالاری بوخارلا برابر هاوایا فیرلاندیلار. بیر تهر بیر چشمه‌یه قده‌ر گله بیلدیک، سو گؤتوردوک. بیر آز گئتمیشدیک کی، بئنزین قورتاردی. بنزین تاپاندان سونرا ته‌یر بوراخدی. اونو دولدوردولار. یئنه بیر آز گئتمیشدیک کی ته‌یر پاتلادی. کؤمکلشیب یامادیلار. قالین ـ قالین کیتابلار یازیلاسی ماجرالاردان سونرا نهایت آن یاخین بیر خسته‌خانایا گلدیییمیز زامان گئجه یاری‌دان گئچمیشدی. خسته‌خانادا نه قد‌ر آختاردیلارسا، نوبتچی حکیمی تاپا بیلمه‌دیلر. یارالی ایله منی یئره داشین اوستونه یاناشی اوزاتمیشدیلار. طب باجیسی فاصله‌سیز قان ایتیرن یارالی‌یا باخدی: – بو نه واخت یارالانیب ؟ ـ دئیه سوروشدو. بو سؤزلری ائشیدن شوفئر یارالی‌یا کؤمک ائده‌جک‌لرینی ظن ائدیب سئویندی: – گون اورتادان اول، دئیه جاواب وئردی. – بس ایندیه قد‌ر نییه گؤزله‌میسینیز؟ – کیم گؤزله‌ییب؟ سحردن یوللارداییق. دئیه، شوفئر جاواب وئردی. – بو زاماندا کیمین تله‌سیک ایشی وارسا گره‌گ ماشینا مینمه‌سین. طب باجیسی: – بو آدامین قانی ائله سحردن بری بئله‌جه آخیرمی؟ ـ دئیه سوروشدو – بلی ـ دئیه ـ شوفئر جاواب وئردی. طب باجیسی قادینلارا خاص اولان بیر طرزده بارماقلارینی ایستولا ووروب، کنارا توپوردو. – ماشاالله گؤز دیمه‌سین کیشی‌نین نه چوخ قانی واریمیش. خسته‌خانادا نوبتچی حکیم تاپیلمادیغینا گؤره یارالی‌یا هئچ بیر کؤمک گؤسترمه‌دیلر. باشقا خسته‌خانایا گئتدیک. یارالی‌نین بختی وارمیش. بیر ساعات آختاریشدان سونرا نوبتچی حکیمی تاپا بیلدیلر. یازیق حکیم یارالینی معاینه ائتدیکدن سونرا بوینونو بوکدو: – واللاه بو یازیغا هئچ بیر کؤمه‌ییم دیمه‌یه‌جک. خسته‌خانامیزدا نه قانی ساخلایان، نه ده آخیدا بیلن درمان وار. آسپرین وکیندن باشقا شئییمیز یوخدو، ایسته‌ییر‌سینیز وئریم لازیم اولار. شوفئر سؤیله دی: – کیشی گؤزوموزون قاباغیندا اؤلور…هئچ اولماسا تعجیلی یاردیم خسته‌خانایا چاتدیرا بیلسئیدیک یاخشی اولاردی؛ اؤلنده ده اورادا اؤلردی. – یا اورا یا بورا، نه فر قی وار؟ ــ دئیه حکیم اونا جاواب وئردی. – هئچ اولماسا اورادا داها ‌راحات اؤلردی.ـ دئدی – نه واخت یارالانیب؟ – گون اورتادان اول. – او واختدان بونون قانی بئله‌جه آخیر؟ – یوخ. بیر ساعات بوندان اول قانی داها چوخ آخیردی. قانی آخا ـ آخا آزالدیغیندان ایندی اولکی قده‌ر آخمیر. بو حکیم ده باشقالاری کیمی: – ماشاالله نه چوخ قانی وارمیش. دئدی. بورادان دا باشقا خسته‌خانایا گئتدیک. تاکسی شوفئری آخیردا بلدییه خسته‌خاناسیندان پولونو آلا بیله‌جه‌یینه اومید ائتدیییندن بیزدن ال چکمیردی. خسته‌خانالاردا اؤلو قبول ائتمه‌دیک‌لریندن منی ده اؤزلری ایله بورادان اورا، اورادان بورایا سورویوردولر. بو دفعه یارالی‌نین بختی گتیردی. خسته‌خانادا نوبتچی حکیم طب باجیسی و لازیم اولان درمانلار تاپیلدی. حتی نوبتچی حکیم: – بونلارین اوچونو بیر یئرده تاپماق چوخ چتین ایشدیر، اما‌سیز خوش بیر ساعات دا بورایا گلیبسینیز، دئدی. یارالینی معاینه ائتمه‌دن اول اونون کیملییینی آیدینلاشدیرماق اوچون دفترخانا مودورونو آختاردیلار، آما تاپا بیلمه‌دیلر. شوفئر اونلاری باشا سالماغا باشلادی: – کیشی اؤلور، اونو جراحییه اوتاغینا آپارین، دردینه بیر علاج ائله‌یین، سونرا مشخصاتینی یازارسینیز.

«فریاد ناصری» سربازها به نام پرچم می‌دوند به نام پرچم به خاک می‌افتند و هیچ وقت فکر نمی‌کنند چه ابلهانه‌است مردن برای پرچمی که به هر بادی تن می‌دهد. https://t.me/Adabiyyatsevanlar

اوشاق ادبیاتی دیکلمه:«نورآی همایون«۶ یاشیندا تبریزدن شعر:«ویدا حشمتی»

اوشاق ادبیاتی آیدین ساو نشرده، اوشاقلاریمیز اوچون ایکی کتابین یاییمی یئنیلَشدی: - آیی قولاغینا نه دئدی (مثللر اوزره ناغیللار) - من کیمم؟ ( پئشه لری تانییاق)

اوشاق ادبیاتی آوریلین ایکینجی گونو « عموم دونیا  اوشاق کتاب گونو » آدلانیبدیر ،چونکی مشهور و معروف اوشاق یازیچی سی  ( هانس - کریستین  - آندرسن  ) بو گون ده دوغولوبدور .  «آندرسن  » ایلک اؤنجه بؤیوکلر اوچون کتاب یازیردی ،آنجاق  او ، یاواش یاواش  باشا دوشدوکی ،  اوشاقلار اوچون یازدیغی خالق ناغیلاری ، داها یوکسک سویه ده ماراقلانیب و سئویلیر بئله نتیجه اعتباری له او ، بوتون یازیچلیق فعالیتینی بو جهته یؤنلتدی. اونون ، اوشاقلارا  یازدیغی بوتون حئکایه لری نین اساس غایه سی وباش موضوع سو ،گئرچک حیات دان واطرافیندا اوزوئرن  حادثه لردن قیدالانیب ویوغرولوربدور. وقتا بیر تنقیچی  اوننان سؤروش کی : بیر گون اؤز حیاتیزین حاقیندا دا یازاجاقسیز می ؟ آندرسن دئییر : من اونو قاباقجا یازمیشام . اونون آدی  « چیرکین اؤردک بالاسی » دیر .

اوشاق ادبیاتی آیدین ساو نشرده، اوشاقلاریمیز اوچون ایکی کتابین یاییمی یئنیلَشدی: - آیی قولاغینا نه دئدی (مثللر اوزره ناغیللار) - من کیمم؟ ( پئشه لری تانییاق)

اوشاق ادبیاتی آذربایجان افسانه لری سؤیله ین«: صمد بهرنگی - بهروز دهقانی» چئویرن:« منیژه جم‌نژاد» کسگین۲   🧑🏻‍🦱 بیر آز سونرا سو هر یئر دن آخیب گلدی. ائل اوبا  سئوینه - سئوینه قابلارین گؤتوروب دولدوردو. پادشاه دئدی: گئدین او جوانی تاپین گتیرین. هر یئری آختاردیلار، سونوندا قیز وئرن نیشان لارلا اوغلانی تاپدیلار. پادشاه بویوردو باشینا لعل جواهر سپدیلر. سونرا دئدی: اژداهانی اؤلدورمه‌ییندن چوخ شادام. ایندی منیم قیزیمی کنیز لییه قبول ائت. کسگین دئدی: من یئددی خالخال قیزی آختاریرام. بیر قارداشی جیبیندن بیر شکیل چیخاردیب گؤردو لاپ پادشاهین قیزینا بنزیر. قیزی اونا وئردیلر. توی دان سونرا کسگین له قارداشی او شهردن گئتدیلر. گئدیب، گئدیب، باشقا بیر شهره یئتیشدیلر. گئنه ایلک قاپینی دؤیدولر. بیر قاری قاپیا گلدی، کسگین دئدی: ننه جان، بیزی بو گئجه قوناق ائله. قاری دئدی: منیم بیر اوتاغیم وار اؤزوم زوراکی یئرلشیرم. کسگین بیر آووج قیزیل جیبیندن چیخاردی. قاری قیزیل لاری گؤرورکن دئدی: آی بویورون، اؤزونوزه ده یئریم وار، آتلارینیزا دا. آتلاری طؤیله یه آپاریب، اؤزلری اوتاغا گئتدیلر. دئدیلر: بیر آز چؤرک گتیر یئیک. قاری دئدی: بیزیم شهرده چؤرک تاپیلمیر. نئچه ایل قاباقدان شهریمیزه بیر اژداها گلیب، آغزیندان اود پو٘سگورور. یئری شوخوملییب اکیریک، بیچمک واقتی گلینجه، اژداها بیر آه چکیر چول باییری یاندیریب کو٘ل ائدیر. اوغلان اژداهانین یئرینی اؤیرنیب گئتدی. اژداهانین گؤزو اوغلانا دو٘شدوکده اوغلانی ایچینه چکمک اوچون هاوانی هوپوردو. کسگین قیلینجینی چکدی، اژداهانین آغزینا گئده - گئده اونو ایکی شاققا ائله ییب، سالدی یئره. سونرا قولاغینی بورنونو کسدی، قارینین ائوینه دؤندو. سحر تئزدن بیر چوبان قویونلارین اوتارماغا آپاریردی. گؤردو کئچیسی اژداهایا ساری گئدیری. کئچینی دایاندیرماغا چیغیر باغیر سالدی، اولمادی. قورخا قورخا اژداهایا ساری گئتدی، گؤردو ترپشمیر. یاخینا گئتدی گؤردو ایکی شاققا اولوب دو٘شوب. تئز گئدیب پادشاها خبر وئردی. پادشاه دئدی: جار سالین کیمسه اژداهانی اؤلدوروب گلسین انعامینی آلسین. کسگین قارداشی له پادشاهین یانینا گئدیب من اؤلدورموشم دئدی. پادشاه دئدی: نیشانین نه دیر؟ کسگین اژداهانین بورون قولاغینی چیخاردیب گؤستردی. پادشاه بویوردو تاباق - تاباق قیزیل باشینا تؤکدولر. سونرا دئدی: منیم قیزیمی کنیزلییه قبول ائت. دئدی: من یئددی خالخال قیزی آختاریرام. قارداشی بیر شکیل چیخاریب گؤردو عئین پادشاهین قیزی دیر. قیزی اونا وئردیلر. توی دان سونرا کسگین دوروب یولا دو٘شدو. گئتدی، گئتدی، یئکه بیر کوهوله یئتیشدی. ایچری گیریب، اویان بویانا باخدی، گؤزل بیر بالاخانا گؤردو، آی پارچاسی کیمی بیر قیز دا پنجره سینین دالیندا اوتورموشدو. ائله قیز کی سحردن آخشاما گول او٘زونه، قاش گؤزونه  باخسان دویماسان. شکیلی چیخارتدی گؤردو اونا بنزیر. قیز دیله گلیب دئدی: بیلیرم باجیمی آختاریرسان. آما بونو بیل او دئولرین پادشاهینین الینده اسیر دی. چوخلاری اوندان اؤتری گئدیبلر، آما قاییتمییبلر. سنده گل من له ائولن گلدیین یولدان گئری دؤن. کسگین دئدی: یوخ، گرک بو عکسین صاحابینی تاپام. قیز دئدی ایندیکی قاییتماق ایستمیرسن، یول یؤندمی اویردیرم؛ گئت یئددی شاققا ات آل، بیر پارچا دوز، بیر داراق، بیر  سهنگ سو. سونرا گل دئییم نه ائتمه لی سن. اوغلان گئدیب هامیسینی آلیب گتیردی. قیز دئدی: فلان  یئره گئت قارا بیر داش گؤررسن. لوحه سینی اوخوسان داش اؤز - اؤزونه قووزانار. ایچری گئتسن بیر آت گوررسن، قاباغینا سو٘موک تؤکوبلر. بیر ده ایت، قاباغینا آرپا تؤکوبلر. سو٘موکلری ایتین، آرپالاری دا آتین قاباغینا تؤکرسن. سونرا بیر قورت گؤررسن. اتی اونون اؤنونه آتارسان. آچیق قاپینی باغلییب، باغلی قاپینی آچارسان. بو٘کولو قالینی آچیب، آچیق قالینی بو٘کرسن. چیرک سویا نه دورو سو! دئیرسن، قاییداندا بیر آووج سندن ایچرم دئیرسن. تیکانلیغا یئتیشنده نه گوزل ایینه سانجاق لار! دئیرسن، قاییداندا نئچه سینی دررم.  یولوو آچارلار. گئدیب نار آغاجینا یئتیشرسن. آتیوی آغاجا باغلییب اؤزون باشینا چیخارسان. گئجه گؤز گؤزو گؤرمیینجه قیزی آغاجین آلتینا گتیریب دئیرلر: آی نار آغاجی، بیزه نار گتیرمیسن؟ نار دریب آشاغی آتارسان. قیزی آپارارلار، دونیانی دولاندیریب گئنه آغاجین آلتینا گتیریب دئیرلر: آی نار آغاجی، بیزه تکجه بیر نار گتیرمیسن؟  آردی وار... https://t.me/Adabiyyatsevanlar

اوشاق ادبیاتی اوشاق ادبیاتی هرهفته پنجشنبه گونو ادبیات سئونلر کانالیندا  . اوشاق ادبیاتینا دایر یازیلارینیزی بیزه گوندرین . https://t.me/Adabiyyatsevanlar

قیز اکن آغاجین عاغیللی باشلی باری اولماز قیز اکن آغاجدان دیرک چیخماز قیز قوران اوجاقدا توسدو بول اولار ایستی یوخ قیز کسن کرپیج ماوالا ایشله‌نر ایشین اوستونه قیز گلسه ایره‌لی گئتمز قیز گؤبه‌گین آتالارلار سو آپارار قیزین باشماغینا بوز تؤکرلر اوغلانین باشماغینا دوز قیز ائشن قزیل کیشینی قویودا قویار قیزندی کئچه تپدی ندی قیز اوتاران قوزونون یاریسی طوولییه گلمز قیز کسن (باغلایان) ووریان توپورجه‌یه بند اولار قیز توخویان فرش بیر اوتوروما بند اولار

خبر:«کیومرث پوراحمد» درگذشت «کیومرث پوراحمد» 1402-1328 «کیومرث پوراحمد» کارگردان نامدار سینمای ایران چهارشنبه ۱۶ فروردین درگذشت. کیومرث پوراحمد متولد سال ۱۳۲۸ در اصفهان بود و آثار ماندگاری مثل قصه‌های مجید، سرنخ، به خاطر هانیه، خواهران غریب و شب یلدا... از آثاربه یادگار مانده از اوست.

«ذکیه ذولفقاری» چومبلن آی قارا یاز بیر داها یاشیل بویالارلار و گوزل چیچکلرله اولکه‌میزه، شهریمیره آیاق قویوب. اسکی‌دن باهارا قره یاز، چومبلن آی، مورگولولنمک آیدا دئییردیلر. بو آد قویماقلارین طبیعی بیر ندنی واریدی. قدیم قیش آیلاری شهرلر، کندلر آراسی گئدیش-گلیشین ایمکانی اولمادیغیندان هر اولکه‌نین طبیعتینه اویغون،  هر فصیله اوزل مئیوه‌لر و محصول‌لاری اولوردو. خالق او حاصیل‌لاری موختلیف روشلرله قیشا ساخلاردیلار. یای-یازدان قالان قیش زوماری‌ایسه بایراما جان یئییلیب قورتولاردی. آغاجلار آییلماغا باشلایب چیچکلنردی، یئرلر یاواش- یاواش اکیلمه‌گه باشلاردی. بو دئمک یانی نه ائوده یئر یئمه‌لی اولوردو نه طبیعتده. اونون اوچون بو فصله قارا یاز دا دئییرمیشلر. آنجاق نئچه ایللردی بوتون مئیوه‌لری، یئمیشلری  هر فصیلده تاپماق اولور. یازین اوزون گونلرینده  ایشین آز واختی و گونشین مولایم ایستیسی آلتیندا اوتورماق هامیا خوش گلردی. اوزللیکله خانیملار حیط- باجادا، چولده  چومبلیب اوتوروب صوحبتلشر، چایلاشاردیلار. بونا گوره بو آیلارا چومبلن آیی‌دا دییردیلر. چوخ یوخلاماق، آلرژی، حالسیزلیق دا بو فصلین اوزللیک‌لریندیر. بونلارا رغما طبیعتین ان گوزل چاغیندا طبیعت قوینوندا اولماغی اونوتمایاق. ۱۴۰۲/۱/۱۵ https://t.me/Adabiyyatsevanlar

«شایان» 💠اؤزگوون ۱     گئجه‌نین سون نفسلرینده، آغیر سسسیزلیک چوخداننان چؤکور، بوغولور.    ایللرجه کئچمیش چاغلارین قارانلیق بوروقلاریندا یورغون آتلی، هردن اوزنگی چکیر، دوردآیاق چاپیر، هردن نارین یورغالارلا ییرغالانیر، هردن ده مورگوله‌ییر، خیاللار قورور، اؤنونده دره‌لر، تپه‌لر، گدیکلر، داغلار آرد-آردا  هله-هله ساییلیر، قارشیسیندا بیرم-بیرم دیکه‌لن اوزاق ایلغیملار یاتایینا ماراقلی باخیشی قانادلانیر، اوزاقلاشیر، گؤزدن ایتیر، گؤیده باتیر، آماجلاری گئنل ساحده سره‌لنیر، ایللر اؤتور، عومور بیتیر، سئوگی دادینی هله‌ تامسینماییر، اینجه دویغولاری کؤورک کؤنلونده اریییر، آنجاق هله جانینی یاخان دیلکلر کؤزه‌ریر،  جانیندا هنیرلنیر.    گئجه‌نین باغری سؤکولمدن، بیردن تلئفونونا بختیاردن بیر مئساژ آخیر.    -خوش گؤردوک اومار، پته‌یین نومره‌سینی یوللادیم، سنین ایلگینی گؤزله‌ییر.    -سن آللاه؟ دوغرودان؟ چوخ یاشا، اللر وار، بوینوما بؤیوک حاق قویدون، کیشیسن.    -دییمز، قیزی بکله‌تمه، باغلان.    -چوخ ساغ اول.    اومار اینانیلماز دوروما دوشرکن، تومور، الی توتار-توتماز باشلاییر پتکله یازیشماغا.    -حورمتلی پتک خانیم، نومره‌‌نیزی بختیار آتدی، اینجیمه‌سینیز، اؤزومو تانیتدیرا بیلرمی؟    -سالام، اومار بی، سیزینله تانیش اولماغا فخر ائدیرم.    -هاردان باشلامالییام؟    -گرکمز، بختیار بی سیزی دریندن تانیتدیردی منه.    -سیزدن آلدیغیم بیلگیلردن،  آنلادیم کی، منیم ائولیلیک پیلانیما ان اویغونو سیزسینیز.    پتک گولومسه‌ییر، اومارین سئوگیسینه قارشیلیق وئرمه‌یه، سئوینجه دولور اینجه سئویملی سؤزلر آختاریر اونا یازسین.    -اومار بی، آلچاق کؤنوللوینیزله منی اوتاندیریرسینیز، بلکه بختیار بی، منی سیزه ترس آنلادیرسا؟    -یوخ، یوخ بختیارین دوزگون آماجی بیزی بیرلشدیرمکدیر.    -کسین، اونون دوم دورو، شوبهه‌سیز، آیدین باخیشینا گووه‌نیم یوزه، یوزدیر، آنجاق، بیزیم گئنل تانیشلیغیمیزا نئینه‌مه‌لیییک؟    -پتک خانیم، زامان اوتدوکجه، بیر-بیریمیزه دریندن تانیناریق.    -سحره آز قالیر هله‌ اویاقسینیز، یاتمایاجقسینیز؟    -منیم ایتکین منلیییمی ایستی دویغونوزلا منه قایتارراق، سیزجه بو آندا یوخو آنلامسیز بیر ایستک اولمازمی؟    -سیز اوجا کؤنوللوسونیز، دئمه‌لییم، ائله منیمده یوخوم آزیبدیر.    -پتک خانیم، سیزین سئحیرلی گؤزلرینیزدن، یوخو قییارمی کی آزسین.    -اومار بی؟ سیز آللاه، اؤز گؤزللییینیزی منه آد وئرمه‌یین، من سیزین پروفایلنیزدا کی فوتوزدا دوم-دورو باخیشینیزا چوخداندیر دالمیشام.    -پتک خانیم، سیزی یاخیندان گؤره بیلرمی؟       https://t.me/Adabiyyatsevanlar

دده مین کتابی (دده قورقود - 12 بوی) بولود قارا چورلو (سهند) بیر یئره ییغیب و حاضیرلایان: نوراله پورشریف سوزلوک: حسن عبدالهی جهانی(اومیداوغلو) ناشر / آذرتوران و نباتی جیلد سایی : 1000ج/ بیچیمی / وزیری صفحه سایی/ 322/ بیرینجی چاپ/ 1401 دَیری/ 150000 تومن ساتیش یئری : تبريزـ مابين سه راه طالقاني و تربيت ـ مجتمع تجاري استاد شهريار طبقه زیر همکف پلاك 46 ـ تلفن: 35547510