آل همتارو:")💛🌻

خطبة الجمعة:- الإنسان بدون رصيد إيماني أكثر عرضة للإنكسار وأقرب للوهن والخفوت.

نوميّات: أقداركم تؤخذ من أفواهكم، فقل أنك سعيد لتسعد.💛⭐️

﴿‏فَدَعَا رَبَّهُ أَنِّي مَغْلُوبٌ فَانْتَصِرْ﴾.❤️

الشجاعة اللي بيمتلكها المحب و قدرته انه يواجه شريكه بكل ذكاء و لطف و صراحة و يوريه وين مشاكله معاه دي اكبر صفة تحفظ للعلاقة استمرارية بجودة عالية و تخليها علاقة متينة فعلا . _ كمان العلاقات الزوجية المستمرة فقط بدافع الخوف من الانفصال هي من اسوا العلاقات لانها حتستنزف الطرفين و تاخد كل متبقي رصيدهم من التعامل العقلاني و الهادئ . مواجهة الخلل في العلاقات بييسر امكانية الحل قبل ما تستنفذ اخر فرص الحل بسبب التراكمات. _ الخوف سبب كبير جدا يمنع الزوجين يواجهو مشاكل اطفالهم التربوية بوضوح . طفل بيعمل غلط الطبيعي يقعدوا معاه و يسمعو منه و يكونوا جنبه و يحلو مشكلته بشجاعة و يساعدوه على الحل. الخوف من المواجهة ، الخوف من انه يلقي اللوم ،الخوف انه فعلا الخطا يكون منهم . مع انه الابوة و الامومة ما دور منفصل عن واقعية انسانيتنا عادي نغلط و نتسبب في مشكلة لأطفالنا نواجه الغلط و نتعلم و نصحح خطأنا . _ الخوف حيضرك في التربية في اتخاذ القرارات ماحتعرف تقرر و تواجه الاختلافات والنقاشات اللي ممكن تعايشها لما تواجه الحياة بأطفالك في بيئتك الواقعية و الافتراضية recently . القوة هنا انك تمتلك أدوات التعلم و الشرح العقلاني و تتشجع لأي فكرة مهما كانت غريبة انك تشرح خيرها و شرها و تقبل اي سؤال و تبحث عن اجابات من خلالك قبل ما تلقى اجابات غيىك بيتبني عليها mindset كامل . _الخوف حيعيقك عن بناء أساس عقدي و شرعي حقيقي و متين عند أطفالك لأنك خايف تواجه أسئلتك انت ذاتك ، و خايف/ة تتعلم/ي ،او خايف تناقش حتى خايف تقول دا حرام لأنه حرام و بس و لأننا عباد لله ملزمون بالتقوى . _الخوف حيقلل منك كزوج/ة و كمربي/ة لما تكون/ي بتخاف من الخطأ ما مستعد/ة تخطئ و تواجه خطأك و تعترف بخطأك عادي. شعور الطرفين بالأمان و الاستقرار و عدم الخوف الا من الله، هو اللي ح يخليهم يؤدوا آداء أفضل في الحياةمن كل النواحي . و يقدمو نموذج صح لأولادهم عن الانسان المؤمن صاحب اليقين اللي بيتقن الاستخلاف في الارض و يعرف يقوم بأدواره فيها ، و ما خايفين على ذريتهم دي لو هم أحياء او أموات ، وسواء كانو مراقبينهم او سابوهم تحت رقابة تقوى الله ف هي كافية . #Jasmeen_Ali #بيوت_آمنة ❤️

لو متزوج/ة أو لسه في آية في كتاب الله لازم تتعلمها . فيها سر عظيم من فنون تكوين الأسرة و العلاقة بين الأزواج و التربية . قوله تعالى في سورة النساء : ﴿ وَلْيَخْشَ الَّذِينَ لَوْ تَرَكُوا مِنْ خَلْفِهِمْ ذُرِّيَّةً ضِعَافًا خَافُوا عَلَيْهِمْ فَلْيَتَّقُوا اللَّهَ وَلْيَقُولُوا قَوْلًا سَدِيدًا﴾ لو مشيت التفسير الميسر و السعدي و الطبري و البغوي و ابن كثير حتلقى كلهم بيجمعوا على معنى الاية انه لو خايف على ذريتك تتقي الله و تقل قولا سديدا . و منهم من ربطها بمتبقي الايات عن الميراث و رعاية الايتام فقال من معانيها انك لو عايز اولادك يُحفظو بعدك تتقي الله لو توليت امر ايتام و تقل قولا سديدا . ومن الأئمة من اخدوا الاية : بعموم المعنى قبل خصوصية السبب . و قالو انه دا سر حفظ الاسرة و الاحسان اليها سواء كنت حي او ميت فلو خايف ترحل و تخليهم اتق الله و قل قولا سديدا ، و بنفس المعنى كانت الاية: ( و كان ابوهما صالحاً ) . _تقوى الله الحقيقية ح تنعكس على تصرفاتك و لما تكون حقيقية و ظاهرة في افكارك و اداءك في الحياة و توجهاتك حتلقى نفسك بتربي اطفالك بايسر و اوضح طرق التربية (التربية بالقدوة ). حيشوفك فيقلد صلاتك صيامك حجابك ، و حتى الصدق و الالتزام حيتلقنهم مباشرة من سلوكك المستقيم اللي هو عايشه و ( صدقه ). _أما "قولوا قولا سديداً) هنا فيها كمية بلاغة و دقة اختيار عجيبة . الاذى و سوء التصرف في البيت غالبا بيبدا بالأذى في الكلام ، أو الصمت مثلا . الأفعال السلبية غالبا بيسبقها اسلوب خشن و كلمات نابية مع الشريك و مع الأطفال ينتج عنه أذى نفسي . فمن لسانك و أقوالك ربنا سبحانه و تعالى وجهك للصواب كلياً اتقِ الله و قل قولاً سديداُ ♡ . نجي هنا للسر في الآية انهم اذا تركوهم خافوا عليهم فقال الله تعالى : اتقوا الله . ذكر بعض الأئمة انه ربنا هنا نهاهم عن الخوف نفسه و قال ليهم :اتقوا الله يعني خافوا الله فقط . و دعوا (الخوف ) ليه الخوف تحديدا ؟؟ الشيخ الطنطاوي قال كلمة عجيبة في الآية دي قال فيما معناه : ( مفسدة الأبوة و الأمومة الخوف ، بل مفسدة الإيمان ) .. ● الوالد/ة الخائف بشكل مفرط على عياله غالبا حيكسبهم تلات مصائب : 1♡: ماحيعلمهم الدين والاخلاق لأنه مابيقدر يؤدب و يقوم فيفسد آخرتهم و قدرتهم على الإلتزام اللي هي سر فلاح اي إنسان . 2♡: حيفسدهم بالتدليل و العطاء المادي فيطلعوا عاجزين عن ادارة حياتهم الدنيوية . 3♡: حيدافع عنهم و يشيل عنهم المسؤولية فيعيقهم عن تحملها . ●أشد الخصال النفسية افساداً للمؤمن و إعاقة ليه عن دوره في الحياة الخوف على أي شيء في الدنيا . الخوف مصدر ضعف مصدر لقرارات خطأ . _ من البداية الاختيار للشريك المبني على الخوف من الوحدة او تقدم العمر او عدم وجود فرص أخرى حيفسد على الشريكين اختيارهم ووارد جدا يختاروا خطأ بسبب الخوف . _ف لو اختاروا صح و اتبنى البيت. بعدها لو حلَّ الخوف في الشخص لأسباب معينة حينتج عنه نتايج قاتلة في الطرفين ، فمن أثاره على علاقة الزوجين ببعض و دورهم كرجل و انثى بشكل مجرد ..... _ بيفسد على الرجل شكل تجربته و أدائه في الحياة كلها بالذات بينه و بين الأنثى ، لو بيخاف ماحيعرف يرسم علاقة محترمة من البداية و لا يطمنها بالأصل على حياتها معاه ، الخوف في الرجل مفسدة لسعيه و تفكيره و ايقاف لمحاولاته ، و قدح في شخصيته و دوره و بداية لانهيار منظومة القوامة . لو كان بيحبها زيادة و خايف يفقدها ح يغلط عشانها . لو عايز يرضيها بزيادة ممكن ينجرف ورا حب الدنيا و جمع المال من أي طريق . لو خاف من الصراعات و السعي الحقيقي ماحيعرف يخلق الاستقرار المادي و لو خاف من الناس و من المواجهات ماحيعرف يؤمن الأمان و الحماية و ديل اكبر مقومات استحقاق القوامة . . _أما الخوف في الأنثى بيخليها تفسد الحياة كلها طول ماهي قلقة و خايفة على علاقتها بزوجها و استقرارها حتلقاها بتقوم بدور غير دورها. زي انها تتحمل مسؤوليات البيت فتفقد انوثتها ووعيها بيها ، او تحاول تحافظ على وجوده بأساليب تملكية فتخرب عليه رغبته في ممارسة حياته الطبيعية و اهتماماته، بل حتى علاقاته الاجتماعية بالغيرة الزايدة و السلوك المزعج الغير لائق . . الخوف بيوديها في العلاقة بينها و بين زوجها للشعور " بالقلة " و عدم الكفاية فتفسد بينها و بينه اعظم المشاعر بدون ماتحس . _ المربي الخائف من اي شيء حينقل بدون قصد كل افكاره و سلوكه لعياله لأنه للاسف الخوف جذر او بداية لعدد مهول من الممارسات و السلوكيات المعيقة لبناء الشخصيات و بيتسرب لباقي السلوكيات بدون مايحس الشخص . _ الخوف من الفقد بدافع الحب اللي يمنع الطرفين من بداية معرفتهم ببعض انهم يتواجهو لو حاسين او شايفين شي سلبي في شكل علاقتهم .

لا أحد يعلم كم كلفك الظهور بكل هذا الثبات.

ولأني سعيد.. باليوم الجديد، فسيعلو صوتي بالتغريد. سأغني وأطير مع العصافير ولينضم إلي من يريد.💛 صباحوووو الخيررريييي.💛

نجِّنَا مِمَّا نَخَافْ.

لا حول ولا قوة إلا بالله. بسم الله على قلبي حتى يهدأ ويطمئن.

كل هموم الدنيا بتهون بعلاقة وحدة ناجحة بحياتك، سواء بعيلتك أو صديق أو حبيب، مجرد فكرة إنو شخص واحد فاهمك وبيشاركك مشاكلك، مثل ما قال فؤاد حداد "حمل الليالي خفيف لما يشيلوه تنين". 💛

اللهم اغفر لي ما سبق من سيئات عمري وبارك لي فيما سيأتي منه، اللهم اجعلني مباركة أينما كنتُ وأينما حللتُ واجعلني لطيفة تغمرني السعادة دومًا.❤️ أنا يا يمة أتبارك وما أتشارك أتعلى وما أتدّلى.. أتهنّى وأتمنى وأدخل الجنة.❤️🌟

It's my birthday.. Happy birthday to me ;").❤️❤️❤️ Now iam 21 years old... مرحبًا بحياة العجائز.. 😞❤️

من سنة 2012.. أعتقد ده أكتر ميلاد قاسي حيمر عليّ.

عزيزي المخنوق، عزيزتي المخنوقة، أعزائي الزعلانين أبناء قبيلة التعاسة والنكد.. أمّا بعد: من لا يصنع السعادة لنفسه لا يصنعها له الآخرين.💛

صباح الخير على كوكب الأرض كله.💛

ما اتخيّـلتَ الإستجابة حتكون بالسُـرعة دي! •أزور الحرمين وقت ما عايـز وأنا اللي قبل شهور بس كنت حق المواصلات ما عندي ، وربنا يسهّـل لي أشتغل في مكة بـمُرتب كبير قدر ده . •زوجتي تبقى حامل في نفس الشهر، وبعد إنتظـار ١١ سنة يرزقـنا ولدين تـوأم بدل طفل واحد 🥹 •أخوي يتعـافى ويصحى من الـغيبوبة ويرجع لحياته الطبيعية ويتمتّـع بـصحته وبـشبابه ♡ •أتـزوج راجل فيهُ كل الصفات اللي كنت بدعي بيها ، و ربنا يجبُـرني ويعوّضـني الـعوض ده كُـله الحَمدُلله حمدًا كثيرًا طيّبًا مُـباركـًا فيه 🌹 القصص دي بـلسان الناس اللي حرصت على الدُعاء في ساعة الإستجابة يوم الجُمعة! فاللهم اعطِ كُـلًّا منا سُـؤله ، نسألُـك مافي قُـلوبنا وأكثر ، أن ترزقنا سعادة الدنيا والآخرة ، وتجمعنا سويًا في جنات الخُلد والنعيم . ممكن نصلّ على الحبيب! ♥️ #الدعاء #تيسير_الصادق

أنا دائما برجّح مبدأ "أميتوا الباطل بالسكوت عنه" ، وإنه أحياناً الكلام عن الباطل بيلفت الإنتباه ليه أكتر.. بس لمن يكون الباطل أصلا منتشر كالنار في الهشيم وعليه ملايين المشاهدات هنا بحس إنه الكلام عنه واجب عديل .. في السنوات الأخيرة ظهر نوع جديد من "القُرّاء" الشباب اللي اكتسحوا اليوتيوب والميديا عموماً ، بيقرأوا القرآن بطريقة مختلفة تماما عن الطريقة اللي الناس متعوّدة عليها من القُرّاء القُدام.. التلاوة حقتهم لو قلنا إنها تفتقر بشكل كبير لي مراعاة قواعد التجويد ومخارج الحروف فـ دي أقل المشاكل وأهونها ، مع إنه في ناس كتيرة بتتعلم منهم وبتقلّدهم ودي حاجة سيئة شديد بس المشكلة الأساسية في أسلوب القراءة أصلا والطريقة ، أسلوب غنائي أوبرالي بامتياز ، تمطيط وتلحين وتطويع المُدود والكلمات عشان تناسب النغمة وتُظهر حلاوة الصوت والعُرب ، بغض النظر عن إنها ممكن تأثر في المعنى أو تخرب النطق الصحيح عادي ما مشكلة .. استعمال مبااالغ فيه للأوتوتيون وبرامج المؤثرات الصوتية الموسيقية لدرجة إنه القراءة بتكون كأنها فيها موسيقى حرفياً ، لأنه البرامج دي أصلا بتضيف موسيقى وصوت روبوتي كدا للصوت البشري والتغنّي بي نغمات ما عندها أي علاقة بالطريقة اللي تليق بالقرآن الكريم المُكرّم لدرجة إنه واحد كاتب في تعليق إنه سمع سورة منهم وما قدر يكملها لأنه حس إنها معمولة بنغمة مماثلة تماما لنغمة أغنية مشهورة هو كان بعرفها زمان.. دا غير طبعا الصور المصغرة والخلفيات الشبيه بصور ألبومات الفنانين اللي بتعرض أثناء التلاوة أو في الواجهة. لو بتلاحظوا القراءات دي أغلب الناس اللي بتدمن عليها هي الناس اللي بتحاول تتخلّص من إدمان الأغاني وتتوجّه للقرآن ، ودي الكارثة هنا اللي بيهرب من الأغاني للقرآن بحثاً عن النشوة واللذة اللي كان بلقاها مع الأغاني مستحيل يقدر يستوعب معاني الآيات أو يتدبّر فيها أو يراعي أصلا قُدسية القرآن .. ح يبحث بس عن الطرب والصوت الحَسن ، وح يلقى الجماعة ديل عز الطلب بالنسبة ليه ف كدا كأنو ما عمل شي أصلا بالعكس والله أنا بحس دا نوع من امتهان القرآن والتقليل من شأنه بشكل كبير.. القرآن دا أعتى عُتاة قُريش كان الواحد فيهم لمن يسمعه لونه بيتخطف وقلبه يقرب يطير .. ولمن قرأه النبي صلى الله عليه وسلم عليهم سجدوا كلهم لاشعورياً من عظمة وسطوة القُرآن القرآن ربنا قال إنه لو نزله على جبل لرأيته خاشعاً متصدعاً من خشية الله ، لأنه "كلام الله" وصفة من صفاته عز وجل أبداً أبداً القرآن ما نزل لي كدا ، ربنا شرع التغنّي بالقرآن بس بالطريقة اللي بتضمن وصول المعنى للقلب وليس العكس ، لأنه القرآن ما أُنزل عشان ندندنه ونطرب بيه ونجيب بيه مشاهدات . ما كنت ناوية أكتب أسماء بس لقيت إنه دا أنفع عشان الناس تعرف وتميّز : اسلام صبحى ، عبدالرحمن مسعد ، عمر هشام العربي ، شريف مصطفى ، أحمد الخضر ، رمضان الطوخى ، محمد دبيروف ، وغيرهم ممن يقرأون على نفس النهج. نصيحة أخيرة لو عايز تتعلّم القراءة الصحيحة أو حتى تسمع قرآن تعبّداً لله القرّاء المهرة كتاار وموجودين ، تلاوتهم خاشعة وهادئة بسيطة بتحرّك القلب بدون تكلّف ولا تغنّي زائد ، أحكام تجويد مضبوطة بالمسطرة ومخارج حروف مُتقنة وعندهم أسانيد متواترة عن النبي صلى الله عليه وسلم يعني تضمن إنه دي الطريقة اللي كان بقرأ بيها النبي والصحابة والقرآن نزل كدا وأقل شي نعمله نقاطع الأسلوب دا من القراءة وننبه الناس عشان ما يجي جيل تحتنا يفتكر إنه دا القرآن نزل كدا .

عزيزي يا صاحب الظل الطويل أتساءل : اي أمرين هو الحب أن أتمنى أن تقلق عليّ مثلما انا قلقة عليك.. وامنيتي بأن تشتاق اليّ كما انا مشتاقه اليك .. او بالمقابل هل هو التمني بان لا تكون قلقاً عليّ وانك ستنساني وتنسى كل الحظات التي قضيناها معاً .. هل ذلك هو الحب؟ إن لم يكن احد الأمرين فهل الحب هو أن أكون مستعدة لمواجهة كل المصاعب منذ البداية... كي أتمنى من اللقاء بك مجدداً فحسب. كُن بخير لأكُن يا صاحب الظل الطويل.❤️

💛