Əxlaq Məktəbi

#Nəhcül_bəlağə ▫️أَلَا وَإِنَّ الْخَطَايَا خَيْلٌ شُمُسٌ حُمِلَ عَلَيْهَا أَهْلُهَا، وَخُلِعَتْ لُجُمُهَا، فَتَقَحَّمَتْ بِهِمْ فِي النَّارِ. 🟠 «Agah olun! Günahlar və xətalar, günahkarların üzərinə mindirildiyi azğın və ramolunmaz atlar kimidir. Onların yüyənləri açılmışdır və sonda öz minikçilərini cəhənnəmə sürükləyib atarlar!» ✍ Necə də gözəl bir bənzətmədir! Ramolunmaz ata minmək öz-özlüyündə təhlükəlidir. Atın yüyəni yoxdursa, təhlükə daha da artır. Əgər bu hadisə qorxunc uçurumların olduğu bir ərazidə baş verərsə, təhlükə qat-qat böyük olar. Günah da əslində belədir. Bir günaha yol vermək insanı ixtiyarsız şəkildə başqa bir günaha, o da növbəti günaha sürükləyir. Məsələn, bir şəxs xəyanət edir və onu gizlətməyə çalışır. Sorğu-suala tutulduqda xəyanətini ört-basdır etmək üçün ard-arda yalanlar danışır, ağır və yalan andlar içir, yaxud başqalarını ittiham edir. Rüsvay olacağını gördükdə isə sirrinin açılmaması üçün hadisədən xəbərdar olan şəxslərin qanını tökməyə belə əl ata bilər. Beləcə, günahlar bir-birinin ardınca gəlir. Çünki günah yüyəni qırılmış, ramolunmaz bir minik kimidir. 📘 Nəhcül-bəlağə, 16-cı xütbə @axlaq