Zafar Khashimov

Jahon savdo tashkiloti bosh direktori Ngozi Okonjo-Iveala bilan uchrashdik. Muloqot davomida O‘zbekistonning ushbu tashkilotga a’zo bo‘lish jarayoni qanday ketayotganini hamda oldimizda turgan yakuniy vazifalarni muhokama qildik. Bizni doimiy qo‘llab-quvvatlab, ekspertlik ko‘magini berayotgan qadrli Okonjo-Iveala xonimga minnatdorlik bildiraman. Bu yo‘lning katta qismini bosib o‘tdik, bundan keyin shahdimizni susaytirmasdan, boshlangan ishni nihoyasiga yetkazishimiz juda muhim. — Встретилась с Генеральным директором Всемирной торговой организации Нгози Оконджо-Ивеалой. Обсудили, как продвигается вступление Узбекистана в эту организацию и какую работу нам ещё предстоит завершить. Благодарю уважаемую госпожу Оконджо-Ивеалу за непрерывную поддержку и экспертную помощь. Мы уже прошли большую часть пути, и сейчас важно сохранить темп и довести этот процесс до конца.

Necha yildan beri birgamiz deb o‘ylaysiz? ❤️ Bu yil biz 30 yoshga to‘lyapmiz va bu yillarning qanchasida biz bilan birga bo‘lganingizni bilishni juda istaymiz! Ehtimol, siz ilk xaridingizni, aksiyamizdagi yutug‘ingizni yoki ko‘p yillardan buyon butun oilangiz bilan xarid qiladigan filialimizni eslarsiz. Yoki Korzinka sababli ilk ishingizni topgandirsiz, qadrdon insoningizni uchratgandirsiz yoxud haligacha tabassum bilan eslaydigan biror qiziqarli voqea guvohiga aylangandirsiz 🤗 Korzinkani qancha vaqtdan buyon bilasiz va sizni biz bilan bog‘lab turadigan iliq hissiyotlar haqida ijtimoiy tarmoqdagi sahifalarimizda (Instagram, Facebook, Threads) hikoya qilib bering. Agar sizda arxiv suratlar yoki videolar saqlanib qolgan bo‘lsa — bu haqda izohlarda albatta aytib o‘ting. Biz eng iliq va samimiy 30 ta hikoyani tanlab, ularning mualliflari Korzinka Plus kartalariga 300 000 dan bonus o‘tkazib beramiz hamda o‘z sahifalarimizda ular haqida bo‘lishamiz ❤️ Hikoyalaringizni 24-sentyabr oxirigacha kutib qolamiz. Keling, 30 yil qanchadan-qancha ajoyib voqealarni qamrab olishi mumkinligini birga eslab olamiz! Aksiya tarmoq xodimlariga amal qilmaydi. Bonuslar 29-sentyabrgacha hisoblab beriladi. #KorzinkaBilan30Yil Korzinka Bot | Korzinka HR-bot | Korzinka App | Korzinka Go | Korzinka Biznes

🌾 Фермер учун — барқарор харидор. Савдо ва HoReCa учун — сифатли ва керакли ҳажмдаги маҳсулот. Энди бу икки томонни бир-бирига яқинлаштирадиган янги механизм шакллантирилмоқда. 👍 Ўзбекистон қишлоқ хўжалиги маҳсулотлари ишлаб чиқарувчилари уюшмаси раиси Саидвали Насреддинов ҳамда «Савдо ва сервис» уюшмаси раиси Зафар Ҳошимов ўртасида ҳамкорлик меморандуми имзоланди.

Мақсад — қишлоқ хўжалиги маҳсулотларини ишлаб чиқарувчилардан савдо тармоқлари, меҳмонхоналар ва умумий овқатланиш корхоналаригача бўлган занжирни янада мустаҳкамлаш.

Бугун харидорга нима керак? 👍Сифатли маҳсулот 👍Керакли ҳажм 👍Белгиланган стандарт 👍Ўз вақтида етказиб бериш Ишлаб чиқарувчига-чи? 👍 Барқарор бозор ва ишончли харидор Айнан шу эҳтиёжларни бирлаштириш учун ҳудудларда махсус хаблар ташкил этиш концепцияси муҳокама қилинди. Уларда маҳсулотларни саралаш ва калибрлаш, қайта ишлаш, қадоқлаш, сифат талабларига тайёрлаш, савдо ва HoReCa субъектларига етказиб бериш жараёнларини ягона тизим асосида ташкил этиш кўзда тутилмоқда. Натижада маҳсулотнинг ишлаб чиқарувчидан харидоргача бўлган йўли янада тизимли ташкил этилади. 👍 Имзоланган меморандум эса бу йўналишда янги лойиҳалар ва амалий ҳамкорлик учун асос бўлиб хизмат қилади. 🕊Telegram 📱Instagram 📱Facebook 📺Youtube

🗓 🔥 Katta keshbek kunlari! Har hafta dushanbadan chorshangbagacha Korzinka Plus kartasi bilan ma’lum bir toifadagi tovarlar uchun katta keshbekka ega bo‘ling: 21-sentyabr: soch bo‘yoqlari va laklar uchun 25% keshbek 22-sentyabr: mushuklar quruq yemishlari uchun 20% keshbek 23-sentyabr: baliq konservalari uchun 20% keshbek Havola orqali o‘tib, keshbeklar kalendari bilan tanishing. Aksiya sariq narxnomali tovarlar uchun amal qilmaydi. Mini o‘yinchoqlar kolleksiyasini to‘plang! Korzinkada 250 000 so‘m, Korzinka Mahallada 100 000 so‘mga xaridlar va Korzinka Go'da 450 000 so‘mga buyurtma evaziga — mini o‘yinchoq sovg‘aga! Hamkorlar tovarlari xaridi esa yana bittasini qo‘shadi. Barchasini to‘plashga shoshing! Korzinka Bot | Korzinka HR-bot | Korzinka App | Korzinka Go | Korzinka Biznes

“Korzinka” meva-sabzavot sifati ekspertizasi bo‘yicha xodimlarni o‘qitish dasturini ishga tushirdi  Bir yil davomida 20 nafar xodim o‘qitiladi. Dastur Surum sport markazida har chorakda o‘tkaziladigan 4 ta modul va 8 ta mashg‘ulotni o‘z ichiga oladi. Har bir modul meva va sabzavotlarning alohida mavsumiy guruhlari va ularni nazorat qilish xususiyatlariga bag‘ishlanadi. Xodimlar tashqi va yashirin nuqsonlarni aniqlash usullari, shikastlanishlarni tasniflash, shuningdek, tashish va saqlash sharoitlarining mahsulot holatiga koʻrsatuvchi ta’sirlarini o‘rganadi. Nazariy mashg‘ulotlar real misollar asosida amaliy ishlar bilan uyg‘unlashtiriladi.  Birinchi modul 10 va 11-sentabr kunlari oʻtkazilib,  u kuzgi assortimentga bag‘ishlandi. Xodimlar mahsulotlarning haqiqiy partiyalari bilan ishlashdi, tovarlarni saralashdi va aniqlangan nuqsonlarni tasniflashdi. Mashgʻulot davomida ayrim namunalar mikroskop ostida o‘rganildi.  Ushbu dastur Toshkent davlat agrar universiteti o‘qituvchilari bilan hamkorlikda amalga oshirilmoqda. U kompaniyaning O‘quv markazi tomonidan universitet bilan hamkorlikda tashkil etilgan.  Batafsil: https://korzinka.uz/news/korzinka-zapustila-obucheniye-po-ekspertize-kachestva?id=9799 Telegram | X | LinkedIn

Am on the way home! I visited Singapore’s Honorary Consulate in Almaty, Kazakhstan. Our Honorary Consul, Mr Talgat Chinikeyev showed me around the office and shared more about his work. In Uzbekistan, we are setting up an Honorary Consulate in Tashkent. I visited the office that will be used by our incoming Honorary Consul, Mr Zafar Khashimov. A big thank you to our HCs for their service and contributions in strengthening ties between Singapore and your countries. go.gov.sg/73rx2y

Bayram muborak, jon Oʻzbekiston! 🇺🇿 Bayram kayfiyati oddiy, ammo muhim detallardan tashkil topadi: gʻamxoʻrlik, ahillikda mehnat qilish va ushbu kunni boʻlakcha etish ishtiyoqidan. Oʻtgan yillar davomida Oʻzbekiston asriy anʼanalar ulkan oʻzgarishlar hamda shiddatli rivojlanish bilan uygʻunlashgan, chinakam gullab-yashnayotgan diyorgacha boʻlgan taassurotli yoʻlni bosib oʻtdi. Korzinka jamoasi mamlakatimizni Mustaqilligimizning 35 yilligi bilan gʻurur-la tabriklaydi! Biz Oʻzbekistonga ravnaq, har bir xonadonga esa tinchlik, farovonlik va qut-baraka tilaymiz. Oldinda hali barchamiz birga kutib oladigan koʻplab baxtli kunlar davomli boʻlsin ❤️ Korzinka Bot | Korzinka HR-bot | Korzinka App | Korzinka Go | Korzinka Biznes

O‘zbekiston Respublikasi mustaqilligining 35 yilligi arafasida “Korzinka” Toshkent shahar hokimiyati tashabbusini qo‘llab-quvvatlab, qo‘shimcha ijtimoiy ko‘makka muhtoj 1 800 ta oilaga oziq-ovqat to‘plamlarini topshirdi. Shuningdek, qo‘shma tashabbus doirasida bolalarga 1 500 ta bo‘ri Bek o‘yinchog‘i va 100 ta maktab to‘plami topshirildi. Batafsil: https://korzinka.uz/news/korzinka-podderzhala-ryad-blagotvoritelnykh-initsiativ?id=9343

Сингапурнинг катта вазири Ли Сянь Лун Ўзбекистонга ташриф буюрибди. Ли Сянь Лун — Сингапур асосчиси Ли Куан Юнинг ўғли бўлиб, у 2004—2024 йилларда Сингапур ҳукуматини бошқарган.

Шавкат Мирзиёев Владимир Зеленскийга табрик мактуби йўллаб, Украина Мустақиллигининг 35 йиллиги билан қутлади ва унга «масъулиятли давлатчилик фаолиятида муваффақиятлар» тилади. Зеленский миннатдорлик билдириб, икки томонлама дўстлик ва ҳамкорликни кенгайтириш муҳимлигини таъкидлади.

Zafar Hoshimov tijorat ijarasi uchun alohida huquqiy rejim joriy etishni taklif qildi Uning aytishicha, qisqa muddatli ijara shartnomalari tadbirkorning biznesini rivojlantirish va ijaraga kiritgan investitsiyalarini himoya qilishda muammolar tug‘diradi.

“Agar ijara munosabatlari barqaror bo‘lmasa, bu tadbirkor uchun katta tahlika”, — dedi u.

Hoshimov ijara shartnomasi muddatidan oldin bekor qilinganda tadbirkor investitsiyalarini himoya qilish mexanizmini kuchaytirishni taklif etdi. Shu bilan birga, ijara muddatlarini uzaytirish imkoniyatlarini kengaytirish va tadbirkorlar uchun kafolatlarni oshirish zarurligi bildirildi. Prezident tashabbusni qo‘llab-quvvatladi va hukumatga masalani biznes bilan muhokama qilib, ikki oy ichida taklif kiritishni topshirdi: https://www.spot.uz/oz/2026/08/19/commercial-lease/ Telegram | Instagram | YouTube

Davlatimiz rahbari tadbirkorlar bilan navbatdagi muloqotini o‘tkazdi. — Глава нашего государства провел очередной диалог с предпринимателями. Prezident.uz|Facebook|Instagram|YouTube|X

Шавкат Мирзиёев бугун Хоразмга боради. Президент вилоятдаги янги лойиҳалар ва инфратузилмалар билан танишади. 18 август куни эса тадбиркорлар билан очиқ мулоқот ўтказади.

Билмабман Сизнинг кетишингиз хеч Юргандим бахт нури тўлган маконда, Жудолик фарқламас эртами бу, кеч Устуним кулади Сиз ўтган онда. Армонлар талайдир, афсуслар ғич-ғич, Қанийди бағримга бос(а)олсам бир бор, Вужудим тўлдирар аёвсиз соғинч, Қалбим ўксинади дийдори(нг)зга зор. Уйимизга бугун келди мевалар, Сиз эккан боғларнинг кароматидан, ховлимизга хушбўй хиди таралар Меҳрли қўллари(нг)з барокатидан. Зафар Шоший 12/08/2026

Tijorat ijarasini biznes uchun qanday qilib yanada adolatli va barqaror qilish mumkin? Bugun O‘zbekiston Savdo va servis uyushmasi O‘zbekiston Advokatlar assotsiatsiyasi bilan hamkorlikda hamda Savdo-sanoat palatasi ko‘magida kichik va o‘rta biznes uchun eng dolzarb masalalardan biri — tijorat ijarasiga bag‘ishlangan uchrashuv o‘tkazdi. Bu masala, ayniqsa, chakana savdo, umumiy ovqatlanish va xizmat ko‘rsatish sohalari uchun muhim. Restoran, do‘kon, salon yoki xizmat ko‘rsatuvchi kompaniya uchun bino yoki joy — shunchaki kvadrat metr emas. Tadbirkor unga mablag‘ kiritadi, ta’mirlash ishlarini amalga oshiradi, uskunalar o‘rnatadi, ish o‘rinlari yaratadi, mijozlar oqimini shakllantiradi va yillar davomida o‘z biznesining obro‘sini muayyan manzil bilan bog‘laydi. Shu sababli ijara munosabatlaridagi beqarorlik ayrim hollarda biznesning o‘zi uchun ham beqarorlikni anglatadi. Uchrashuv davomida amaliyotda eng ko‘p uchraydigan muammolar muhokama qilindi: 11 oylik qisqa muddatli ijara shartnomalari, ijara haqining norasmiy qismi, ijara stavkasini bir tomonlama oshirishga urinishlar, ko‘chmas mulk egasining o‘zgarishi, ijarachining kiritgan investitsiyalarini himoya qilish, depozitlarni qaytarish, shuningdek, ta’mirlash, rekonstruksiya, kirish yo‘llarining to‘sib qo‘yilishi yoki boshqa holatlar sababli biznes ijaraga olingan obyektdan to‘laqonli foydalana olmaydigan vaziyatlar. Bunda bir jihatni alohida ta’kidlash muhim: bizning maqsadimiz ijarachilarni ko‘chmas mulk egalari bilan qarama-qarshi qo‘yish emas. Sog‘lom ijara bozori — ijarachi yoki ijaraga beruvchidan biri kuchliroq bo‘lgan bozor emas. Bu — har ikki tomon imzolangan shartnoma bajarilishiga ishonch hosil qila oladigan bozor. Uchrashuvda Singapur, Fransiya, Buyuk Britaniya va Germaniya tajribasi ham ko‘rib chiqildi. Ayniqsa, Singapur tajribasi e’tiborga molik bo‘lib, u yerda savdo binolari ijarasi bo‘yicha shaffoflik, majburiyatlarning o‘zaro muvozanati va tomonlar o‘rtasidagi munosabatlarning barqarorligiga asoslangan maxsus Xulq-atvor kodeksi amal qiladi. Muhokamalar yakunida qator takliflar shakllantirildi. Ular orasida qonunchilikda tijorat ijarasi uchun alohida huquqiy tartibni rivojlantirish, uzoq muddatli shartnomalarni rag‘batlantirish, ijara haqining to‘liq shaffofligini ta’minlash, indeksatsiyaning aniq qoidalarini belgilash, mulkdor o‘zgarganda ijara shartnomasining amal qilishini himoya qilish, ijarachining kelishilgan investitsiyalarini kompensatsiya qilish, obyektdan to‘laqonli foydalanish imkoni bo‘lmagan holatlarda ijara haqini kamaytirish qoidalarini joriy etish hamda ijara nizolarini tezroq hal etish mexanizmini yaratish masalalari bor. Shuningdek, O‘zbekistonning halol tijorat ijarasi kodeksini hamda tomonlar manfaatlarini muvozanatli himoya qiluvchi namunaviy ijara shartnomasini ishlab chiqish g‘oyasi alohida muhokama qilindi. Endilikda tadbirkorlarning real holatlarini to‘plash, sud amaliyotini o‘rganish hamda yuristlar, ijarachilar, ko‘chmas mulk egalari, developerlar va davlat organlari bilan birgalikda ushbu g‘oyalarni aniq takliflarga aylantirish muhim. Chunki yakuniy tamoyil juda oddiy: tadbirkor o‘z mablag‘i, vaqti va obro‘sini halol ravishda investitsiya qilgan joy uning biznesi uchun ishonchli tayanch bo‘lishi kerak — asosiy zaif nuqtasi emas.

Мухим хабар! https://t.me/soliqnews/20464

Korzinka sotuvga chiqarilmagan go‘sht mahsulotlarini Andijondagi hayvonlar boshpanasiga topshirdi Korzinka sotuvga chiqarilmagan go‘sht mahsulotlarini Andijon shahridagi "Najot" hayvonlar boshpanasiga beg‘araz topshirdi. Ushbu qaror kompaniyaning mahsulot bilan mas’uliyatli munosabatda bo‘lish hamda sifat va xavfsizlik bo‘yicha yuqori standartlarga rioya qilish tamoyillari asosida qabul qilindi. Joriy yilning 4-avgust kuni ijtimoiy tarmoqlarda Andijon shahridagi "Navruz Mall" savdo markazida joylashgan Korzinka supermarketida go‘sht mahsulotlarini tushirish jarayoni aks etgan video tarqaldi. Video e’lon qilingach, kompaniya zudlik bilan ichki tekshiruv o‘tkazdi. Tekshiruv natijasida go‘sht mahsulotlarini tushirish va tashish jarayonida kompaniyaning ichki qoidalari buzilgani aniqlandi. Bu mutlaqo yo‘l qo‘yib bo‘lmaydigan holat bo‘lib, belgilangan talablarga zid hisoblanadi.

"Ushbu holat uchun xaridorlarimizdan chin dildan uzr so‘raymiz. Bunday vaziyat biz uchun mutlaqo qabul qilib bo‘lmaydigan holatdir. Ichki tekshiruv yakunlangach, ushbu mahsulot partiyasini realizatsiyadan chiqarish to‘g‘risida qaror qabul qildik. Hayvonlar boshpanalarini qo‘llab-quvvatlash doirasida go‘sht mahsulotlari Andijondagi boshpanaga beg‘araz topshirildi. Shu bilan birga, bunday holatlar takrorlanmasligi uchun ichki nazoratni kuchaytirdik va qo‘shimcha choralarni joriy etdik", — dedi Korzinka supermarketlar tarmog‘i asoschisi Zafar Hoshimov.

Mahsulotlar sifati va xavfsizligi Korzinka uchun o‘zgarmas ustuvor yo‘nalish bo‘lib qoladi. Kompaniya ichki nazorat jarayonlarini yanada takomillashtirish va mahsulotlar bilan ishlashning barcha bosqichlarida yuqori standartlarga rioya qilishni davom ettiradi. Batafsil: https://korzinka.uz/news/korzinka-donates-withdrawn-meat-products-to-an-animal-shelter?id=9144 Telegram | X | LinkedIn

Bir biridan foydali mahsulot narxlari faqat 🥕oydalyda @foydaly #tahlil #анализ