|شعر اوجاغی|

▫️هئچ کیم کئچمیشینی گئری قایتاراجاق قدر زنگین دئییل. 📚 اینامین سونو #اوسکار_وایلد #شعر_اوجاغی @SheirOcagi

▫️آرایؽش بیر تاس زهَر وئرین منه ایچه‌ییم، تک اونوتماق اوچون آجیلاریمی! باخسانا، قیردیلار قاپیلاریمی، یاغمالاندی قلبیم، عؤمروم، هر شئییم! قورشونا دوزدولر آنی‌لاریمی، یئنیک دوشدوم بو ساواشدا، نئیله‌ییم؟ بیر مزار نئجه‌سه، ایشده، اؤیله‌یم، اونوتدوم ان گؤزل شارقیلاریمی. گوندوزو یوخ، اوپ‌اوزون بیر گئجه‌یم، ایتیردیم اومید قیرینتی‌لاریمی، سئوگیمی، نشه‌می، بوتون واریمی. چاره‌سیز بیر یوخلوغون ایچینده‌یم گؤمدوم ایچیمه ییخینتی‌لار‌یمی آراییر بیر یاریم اوْبیر یاریمی.  #اومید_یاشار_اوغوزجان #شعر_اوجاغی @SheirOcagi

▫️مندن اوخوماق اوچون کیتاب تؤوصیه ائتمه‌ییمی ایسته‌ین‌لرین، قلبیمی ده ایسته‌دیکلرینی ظنّ ائدیردیم، ایندی ده ائله‌دیر. اوخودوغوموز کیتابلار قلبیمیزین آیناسی‌دیر. #میراچ_چاغری_آکتاش #شعر_اوجاغی @SheirOcagi

▫️نه فایدا؟! ائلینه، گونونه یانمایان بیر کس توتاق کی سولطان‌دی، خان‌دی؛ نه فایدا؟! گنجلیکده اؤزونو خار ائیله‌ین‌لر، چال'لاشان واختیندا قاندی، نه فایدا؟! یئری آیریجادیر دونیا اۆزونده، قلبی خائینین ده، کؤنلو دۆزون ده. هامینین عکسی وار ائلین گؤزونده، آلچاقلار آدینی داندی، نه فایدا؟! «راسیم»ام، دار گونده اینسانا دایاق، اینامین یوخدورسا امتحان ائت، باخ! ظولمت گئجه‌لرده یانمایان چیراق، گونشلی گونلرده یاندی، نه فایدا؟! #راسیم_کریملی #شعر_اوجاغی @SheirOcagi

▫️اینسان اؤله‌جه‌یینی بیله-بیله نئجه یاشایار؟! یا دلی اولار، یا دا اؤله‌جه‌یینی اونودار. #ناظیم_حیکمت #شعر_اوجاغی @SheirOcagi

▫️زامان سورعتله کئچیب گئدیر. کئچمیش چوخالارکن، گله‌جک آزالماقدادیر. ایمکانلار آزالدیقجا پئشمانلیق‌لار آرتیر. #هاروکی_موراکامی #شعر_اوجاغی @SheieOcagi

🔹تحکییه ادبی درنه‌یی (546-جی جلسه) 🔹 بؤیوک پییانو دووشان قفسی 🔹بهومیل هئرابال 🔹چئک ادبییاتی 🔹اورمیه-چهارراه آپادانا- مجتمع فرهنگی هنری اورمیه 🔹سه شنبه- 26 خردادماه۱۴۰۵ 🔹ساعت 16:30-19:30 @tahkie آدرس تلگرام Butajournal.com #ادبییات #آذربایجان_تورکجه_سی #مودئرن_نثر_تحکییه #بهومیل_هئرابال #چئکواسلاواکی_ادبییاتی 🟦 کانالیمیزین تلگرامدا لینکی https://t.me/Tahkie 🟦 کانالیمیزین بله‌ده لینکی. ble.ir/join/A2Hg8F3tmf

▫️اولمور. چاغلاماق عشقی‌یله جوشور اوره‌ییم، هر یانی بند آلیب، چاغلاماق اولمور. «غئیرتسیز» دئییرلر آغلایان کسه، درد دئشیر سینه‌می، آغلاماق اولمور. آلچاقلار اوجالیب، اوجالار ائنیب، محبّت محو اولوب، صداقت سؤنوب. هامی آج آسلانا، آج قوردا دؤنوب، هئچ کیمه اعتبار باغلاماق اولمور. قانقالدان قیمتسیز اولوب قیزیل‌گول، سرچه‌نین الینه سو تؤکور بولبول. بو درددن اود توتوب آلیشیر کؤنول، حاقسیزی حاقّ ایله داغلاماق اولمور. کؤپک‌لر قوردلارلا آشنالیق قاتیب، سۆرونو دیَره-دَیمزه ساتیب. تولکولر، چاققال‌لار او قدر آرتیب، بیر تویوق، بیر جوجه ساخلاماق اولمور. «راسیم»، اؤز پیلته‌سی اریدر شامی، ساخلاسا، قابیغی ساخلار بادامی. قانمازلار بیر کؤکه سالیر آدامی، اللی'جه یاشی دا حاقلاماق* اولمور. #راسیم_کریملی * دالینجا قاچیب یاخالاماق، یئتیشمک #شعر_اوجاغی @SheirOcagi

▫️هئچ بیر زامان اینسانلاری، اونلارا پیس داوراناراق دوزَلده بیلمه‌ریک، اؤزللیک‌له ده اوشاقلاری. #فئودور_داستایئوسکی #شعر_اوجاغی @SheirOcagi

▫️- هئچ بیتمه‌یه‌جک‌می سنین بو اوخومالارین؟ + بیتمه‌یه‌جک. - هئچ می؟ + هئچ نیّتین کیتاب اوخوماق‌دیر یعنی؟ + یوخ - بس نه‌دیر؟ + اینسان اولماق. #اورهان_کمال #شعر_اوجاغی @SheirOcagi

‍ ‍ ‍ ‍ ▫️بیر حزین آزادلیق ساتارسان گؤزلرینین دیقّتینی، اللرینین نورونو. بیر لوغما بئله دادمادان، یوغورارسان بوتون نعمت‌لرین خمیرینی. بؤیوک آزادلیغین‌لا چالیشارسان ائل قاپیسیندا، آنانی آغلادانی قارون ائتمک آزادلیغی‌یلا، آزادسان. سن دوغولار-دوغولماز، تیکیلرلر تپه‌نه، ایشله‌یر عؤمرون بویونجا دوروب دینلَنمه‌دن یالان دَییرمانلاری. بؤیوک آزادلیغین‌لا بارماغین شقیقه‌سینده دوشونرسن، ویجدان آزادلیغی‌یلا آزادسان. باشین، بوینوندان کسیلمیش کیمی دوشوک، قوللارین ایکی یانیندا اوپ‌اوزون، بؤیوک آزادلیغین‌لا دولاشیب دورارسان، ایشسیز قالماق آزادلیغی‌یلا، آزادسان. ان یاخین اینسانین‌ ایمیش کیمی، وئررسن مملکتینی. گونون بیرینده، مثلا، آمئریکا'یا جیروْ¹ ائدرلر اونو، سنی ده، بؤیوک آزادلیغین‌لا برابر. ساواش پایگاهی اولماق آزادلیغی‌یلا، آزادسان. یاپیشار یاخانا «وال‌استریت»²ین قوپاسی اللری. گونون بیرینده، دئیَک کی، «کُره‌»یه گؤندریله بیلرسن، بؤیوک آزادلیغین‌لا بیر چوخورا دولدورولا بیلرسن، تانینماز عسگر اولماق آزادلیغی‌یلا آزادسان.. «بیر آلَت، بیر سایی، بیر وسیله کیمی دئییل، اینسان کیمی یاشامالی‌ییق» دئیرسن، بؤیوک آزادلیغین‌لا، باسارلار اللرینه قاندالی. توتولماق، حبسه گیرمک، حتّی آسیلماق آزادلیغین‌لا آزادسان. نه دمیر، نه تاختا، نه تۆل پرده وار حیاتیندا، آزادلیغی سئچمه‌یینه گرک یوخ! آزادسان... بو آزادلیق، حزین بیر شئی، اولدوزلارین آلتیندا. #ناظیم_حیکمت ¹- بیر سند و یا چئکین دالینی یازیب باشقاسینا کؤچورتمک ²- نیویورک‌دا بیر خیابان آدی، آمریکانین مالی و بورس بازاری #شعر_اوجاغی @SheirOcagi

▫️بورا هئچ بیر کسین دئییل، هم ده هر کسین ائوی‌دی. حیس‌لری سؤزه چئویرمک، عشقین کؤهنَلمیش نؤوعودو. یۆیوروب چاتانا قدر، گیریش باغلاندی چیخیشا. گؤرورم نه چکدیگینی، دوروشون سؤزسوز آفیشا*. بۆتؤو هئچ نه یوخدو بوردا، پارا'سیسان اؤز تام'ینین. تک اۆزو دئییل، چؤلونده، دۇبلیوْرو² وار هامینین. یاتمیش طرفینی ترپَت، سیلکَله، سؤزوندن اوْیان! یاشانتی‌لارین بیر کینو- ایکینجی دۇبلو اولمایان. #ماهر_مهدی ¹- اعلان #شعر_اوجاغی @SheirOcagí

▫️«آللاها امانت اول!» دئدی و گئتدی. گولدوم، ذاتاً باشقا کیمیم وار کی؟... #ایلهان_برک #شعر_اوجاغی @SheirOcagi

▫️بیر کیتابی اوخویارکن کئچن ایکی ساعاتین، عؤمرونون بیر چوخ ایللریندن داها دولو، داها اؤنملی اولدوغونو آنلارکن، اینسان حیاتینین  قورخونج هئچلیگینی دوشونوردوم. #صباح‌الدین_علی #شعر_اوجاغی @SheirOcagi

▫️مثل وار: «دوست اولماز قورددان قویونا»، یادلار یادلیغینی بیلدیره‌جک‌دیر. خبیثین الینه فورصت کئچنده، آدینی هر یئردن سیلدیره‌جک‌دیر. وفادار عشقی‌یله جوشوب چاغلاسان، گؤزونون یاشینی سیلر آغلاسان. وفاسیز گؤزَله کؤنول باغلاسان، عالمی اوستونه گولدوره‌جک‌دیر. واخت اولا، یول تاپام، ذیروه‌ده دورام، آلچاغا، ساتقینا بیر دیوان قورام. دوشمندن قورخمورام، دوستدان قورخورام، منی یاخین دردی اؤلدوره‌جک‌دیر. سارسیلماز دوست، دوستدان آرالانماسا، اسلان‌لار اویانمیر یارالانماسا. اؤزو بؤلونمه‌سه، پارالانماسا، «راسیم»، کیم اوره‌یی بؤلدوره‌جک‌دیر؟! #راسیم_کریملی #شعر_اوجاغی @SheirOcagi

▫️آغلاماسین! عاشیقین درد و غمی باشدان آشیر؛ آغلاماسین؟ جیگری قانی دولوب گؤزده داشیر؛ آغلاماسین؟ عشقِ دلدار ایله بی‌حال دوشوب صحرایا، جیسمینه مین جوره قورد-قوش داراشیر؛ آغلاماسین؟ چاغیریر یارینی امدادا، ائدیب ناله و زار، یانینا یار عوضی غم یاناشیر؛ آغلاماسین؟ یانمیر احوالینا دلداری بو دار گونده اونون، ولی یادلار دا گلیب دوغمالاشیر؛ آغلاماسین؟ بو چمنزاری کی یار ایله دولانمیشدی ازل، ایندی دیوانه کیمی تک دولاشیر؛ آغلاماسین؟ بیر تیکان‌دیر اونا، بیر واخت خالی* اولموش اوتلار، یاش تؤکور هر هارا گؤزلر ساتاشیر؛ آغلاماسین؟ گزیب هر یانه باخیر، دلبری دَیمیر گؤزونه، باغچا تابلویا دؤنوب ساختالاشیر؛ آغلاماسین؟ «عاریف»ا، عاشیق اولان گولسه اگر، طعن ائله‌مه! عشقده هر کیمه گولمک یاراشیر؛ آغلاماسین! #حاجی‌عاریف_بوزوونالی #شعر_اوجاغی @SheirOcagi

▫️آچیلیب تای‌باتای، گؤروندو حرف-حرف، دیبده‌کی آنلامی، اۆزو بو آدین. سوْیونوب اؤزومو سوْنونجو دبده، اؤلچۆمو ائنینه اوزون یاشادیم. ائنیب سنده چیخدیم بیرینجی یئره، اولدوم هر طرفدن سؽرانین ایلکی. آتشه توتولدو شعیر پوْستلاریم، وئردیم میصراع-میصراع چوخ‌قاتلی ایتکی. دَییشیب سؤزبه‌سؤز منیم اولانی، گیردیم آیری نوْتدا رنگسیز یوْزوما. اختصار ائله‌ییب سوْن حرفینه‌جن، ماهنی بسته‌له‌دیم آلین یازیما. رقمسیز-فیلانسیز دۆشدوم تاریخه، یازیلدی گلیشیم مین آددان قاباق. هر شئیی اؤلچورسن عیسا یاشی‌یلا، بیز کی دوغولموشوق میلاددان قاباق. #ماهر_مهدی #شعر_اوجاغی @SheirOcagi