DİN NƏSİHƏTDİR

Muaz ibn Cəbəl (radiyallahu anhu) rəvayət edir ki, Peyğəmbər (sallallahu aleyhi və səlləm) belə buyurdu: “Kim Allah yolunda cihad edərsə o, Allahın himayəsindədir. Kim bir xəstəni ziyarət edərsə o, Allahın himayəsindədir. Kim səhər və ya axşam məscidə gedərsə o, Allahın himayəsindədir. Kim bir imamın yanına gedib onu dəstəkləyərsə o, Allahın himayəsindədir. Kim də evində oturub heç kimin qeybətini etməzsə o da Allahın himayəsindədir.” 📚Əhməd 22093. İbn Xuzeymə 1495. Albani səhih məvarid 1319. ((səhih)). https://t.me/DIN_NESIHETDIR

🌟Abdullah ibn Abbas (radiyallahu anhumə) rəvayət edir ki, Peyğəmbər (sallallahu aleyhi və səlləm) belə buyurdu: “Beş şey gəlmədən əvvəl beş şeyin qədirini bil: qocalığından əvvəl gəncliyinin, xəstəliyindən əvvəl sağlamlığının, kasıblığından əvvəl zənginliyinin, məşğuliyyətindən əvvəl boş vaxtının və ölümündən əvvəl hayatının!” 📚Hakim 7846. Beyhəqi, şuabul iman 10248. Albani, sahihut tərğib 3355. ((səhih)). https://t.me/DIN_NESIHETDIR

🌟Ömər ibn Xattab (radiyallahu anhu) rəvayət edir ki, Peyğəmbər (sallallahu aleyhi və səlləm) belə buyurdu: “Həqiqətən, Allahın qulları arasında elə kimsələr vardır ki, özləri peyğəmbər ol­masalar da, peyğəmbərlər və şəhidlər onlara qibtə edəcəklər.” Səhabələr de­dilər: “Ey Allahın Rəsulu! Onların kim olduğunu bizə bildir ki, biz də onları sevək.” Pey­ğəm­bər dedi: “Onlar bir-birini qohumluq xatirinə yox, məhz Allah riza­sı üçün sevən kimsə­lərdir. Qiyamət günü onların üzləri nur saçacaq, özləri də nurdan olan minbərlər üzə­rində duracaqlar. İnsanlar nədənsə qorx­duqları zaman onlar heç nədən qorxmaz, insanlar kədərləndikləri zaman, onlar heç nəyə görə kədərlən­məzlər.” Sonra Pey­ğəmbər bu ayəni oxudu: “Şübhəsiz ki, Allahın dost­larının heç bir qorxusu yoxdur və onlar kədər­lən­məyə­cəklər” 📚Əbu Davud 3527. Albani, sahihut tərğib 3026. ((səhih)). https://t.me/DIN_NESIHETDIR

🌟Əbu Zərr əl-Ğifəri (radiyallahu anhu) rəvayət edir ki, Peyğəmbər (sallallahu aleyhi va səlləm) belə buyurdu: “Harda olursan ol, Allahdan qorx. Pis işin ardınca yaxşı əməl gör ki, onu silib aparsın. Və insanlarla gözəl əxlaqla davran.” 📚Tirmizi 1987. Darimi 2833. Albani, sahihul cami 97. ((həsən)). https://t.me/DIN_NESIHETDIR

✅Ağ günlərin orucu! صيام أيام البيض. Əssələmu aleykum va rahmətullahi va barakatuhu. İyun ayının 28-29-30. Məhərrəm ayının 13-14-15 günləri ağ günlərdir, bu günlərdə oruc tutmaq müstəhəbdir.

💫İbn Abbas (radiyallahu anhumə) buyurmuşdur: “Kim ardıcıl olaraq üç cüməni tərk edərsə, artıq islamı kürəyinin arxasına atmışdır.” 📚Əbu Yəalə 2712. Albani, səhih tərğib 733. ((səhih)). https://t.me/DIN_NESIHETDIR

💫İbnul Qeyyim (rahiməhullah) buyurur: “Ən yaxşı oruc tutanlar, oruc olduqları zaman Allahı ən çox zikr edənlərdir.” 📚əl-Vabilus-Seyyib 153. https://t.me/DIN_NESIHETDIR

✨Əbu Qatədə (radiyallahu anhu) rəvayət edir ki, Peyğəmbər (sallallahu aleyhi və səlləm) belə buyurdu: “Aşura gününün orucu Allahdan gözləyirəm ki, keçən bir ilin günahlarına kəffarə olsun.” 📚Muslim 1162. Tirmizi 752. İbn Macə 1424. https://t.me/DIN_NESIHETDIR

🌟Abdullah ibn Abbas (radiyallahu anhumə) belə rəvayət edir: “Allah Rəsulu (salləllahu aleyhi və səlləm) aşura günü oruc tutub, insanlara da bunu əmr edəndə dedilər: “Ey Allahın Rəsulu! Bu, yəhudi və nəsranilərin əzəmətləşdirdiyi gündür.” Allah Rəsulu (salləllahu aleyhi və səlləm) dedi: “İnşəAllah gələn il olsa, doqquzuncu günü oruc tutarıq”. Lakin gələn il gəlmədən Allah Rəsulu (salləllahu aleyhi və səlləm) vəfat etdi.” 📚Muslim 1134. Əbu Davud 2445. https://t.me/DIN_NESIHETDIR

✅Əssələmu aleykum və rahmətullahi və bərakətuh. 24 İyun məhərrəm ayının 9 günüdür (təəsua). 25 İyun isə məhərrəm ayının 10 günüdür (aşura). Bu günlərdə oruc tutmaq sünnədir!

🌟Əbu Qatədə (radiyallahu anhu) rəvayət edir ki, bir kişi Peyğəmbərdən (sallallahu aleyhi və səlləm) soruşdu: “Ey Allahın Rəsulu! Bir kişi aşura orucunu tutarsa onun savabı nədir?” O belə buyurdu: “Bu bir il oruca bərabərdir.” 📚İbn Hibban 3631. Albani səhih demişdir. https://t.me/DIN_NESIHETDIR

🌟Abdullah ibn Abbas (radiyallahu anhumə) belə rəvayət edir: “Peyğəmbəri (salləllahu aleyhi və səlləm) görmədim ki, hansısa günü başqalarından üstün tutub o gün oruc tutmağı qəsd etsin, yalnız bu gün, aşura günü və bu aydan yəni, ramazan ayından başqa”. 📚Buxari 2006. Muslim 1132. https://t.me/DIN_NESIHETDIR

🌟Əbu Musa (radiyallahu anhu) belə rəvayət edir: “Aşura günü yəhudilərin əzəmətləşdirdiyi və bayram etdiyi bir gün idi.” Allah Rəsulu (sallallahu aleyhi və səlləm) belə buyurdu: “Siz o gün oruc tutun.” 📚Buxari 2005. Muslim 1131. https://t.me/DIN_NESIHETDIR

🌟Abdullah ibn Abbas (radiyallahu anhumə) belə rəvayət edir: “Allah Rəsulu (sallallahu aleyhi və səlləm) Mədinəyə gəldikdə yahudilərin aşura günü oruc tutduqlarını görüb soruşdu: Bu oruc tutduğunuz gün nədir? Onlar dedilər: Bu əzəmətli bir gündür! Allah bu gündə Musanı və qövmünü xilas etmiş, Fironu və qövmünü batırmışdır. Musa da bu günü Allaha şükür olaraq oruc tutmuşdur, biz də bu gündə oruc tuturuq. Allah Rəsulu (sallallahu aleyhi və səlləm) dedi: “Biz Musaya sizdən daha haqlı və daha yaxınıq.” Allah Rəsulu (sallallahu aleyhi və səlləm) bu günü oruc tutdu və bunu əmr etdi”. 📚Buxari 2004. Muslim 1130. https://t.me/DIN_NESIHETDIR

إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ ۚ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا Həqiqətən, Allah və Onun mələkləri Peyğəmbərə salavat göndərirlər (xeyir-dua verirlər). Ey iman gətirənlər! Siz də ona salavat göndərib (onun üçün salavat deyib) layiqincə salamlayın! سورة اﻷحزاب 56 əl-Əhzab 56.

Abdullah ibn Ömər (radiyallahu anhumə) rəvayət edir ki, Peyğəmbər (sallallahu aleyhi və səlləm) belə buyurdu: “Kim Allah xatirinə sizdən bir şey istəsə, ona verin. Kim Allah xatirinə sizə sığınarsa, onu qoruyun. Kim sizi dəvət edərsə, dəvətini qəbul edin. Kim sizə yaxşılıq edərsə, ona qarşılığını verin. Əgər qarşılıq verəcək bir şey tapmasanız, onun üçün dua edin — o vaxta qədər ki, artıq qarşılığını verdiyinizi hesab edəsiniz.” 📚Əbu Davud 5109. Nəsai 2567. Albani səhih demişdir. https://t.me/DIN_NESIHETDIR

✨Əbu Hureyra (radiyallahu anhu) rəvayət edir ki, Peyğəmbər (sallallahu aleyhi və səlləm) belə buyurdu: “Ramazandan sonra ən fəzilətli oruc Allahın ayı olan Məhərrəm ayında tutulan orucdur. Fərz namazından sonra ən fəzilətli namaz isə gecə namazıdır.” 📚Muslim 1163. Tirmizi 438. Nəsai 1612. https://t.me/DIN_NESIHETDIR

🌟İbn Ömər (radiyallahu anhumə) belə rəvayət edir: “Allah Rəsulu (sallallahu aleyhi və səlləm) ilə birlikdə idim. Ənsarlardan bir kişi gəlib Peyğəmbərə (sallallahu aleyhi və səlləm) salam verdi sonra dedi: Ey Allahın Rəsulu! Hansı Mömin daha üstündür? O dedi: Əxlaqı ən gözəl olanı. O dedi: Hansı mömin daha ağıllıdır? O dedi: Ölümü ən çox xatırlayanı və ölümdən sonrakı (həyatı) üçün ən gözəl şəkildə hazırlananıdır. Onlar ən ağıllı olanlarıdır.” 📚İbn Macə 4259. Hakim 8743. Albani, səhih tərğib 3335. ((həsən)). https://t.me/DIN_NESIHETDIR

🌟Əbu Hureyra (radiyallahu anhu) rəvayət edir ki, Peyğəmbərdən (sallallahu aleyhi və səlləm) soruşdular: “Cənnətə girməyə daha çox səbəb olan nədir?” O, buyurdu: “Allah qorxusu (təqva) və gözəl əxlaq!” Yenə soruşdular: “Bəs Cəhənnəm oduna girməyə daha çox səbəb olan nədir?” O, buyurdu: “İki boşluq; cinsiyyət üzvü və ağız”. 📚Tirmizi 2004. İbn Macə 4246. Albani, səhih tərğib 2642. ((həsən)). https://t.me/DIN_NESIHETDIR

✨Əbu Səid əl-Xudri (radiyallahu anhu) rəvayət edir ki, Peyğəmbər (sallallahu aleyhi va səlləm) belə buyurdu: “Kim cümə günü kəhf surəsini oxuyarsa, iki cümə arasi onun üçün nur olar.” 📚Hakim 3392. Beyhəqi, sünənus-suğra 606. Albani, sahihul cami 6470. ((səhih)). https://telegram.me/DIN_NESIHETDIR