𝑻𝒉𝒆 𝑹𝒂𝒏𝒅𝒐𝒎 𝑺𝒊𝒅𝒆🩶

عارفين شعور لما تبقو عارفين انكو خدتو القرار الصح بس ولا قلبكو ولا عقلكو راضي؟

‏أكبر فخ ممكن تلبسه ف حياتك إنك تتسوح وراء وهم الحب الساذج وتنسى إن العلاقات السوية بتتبني بـ الأمان مش بدقات القلب العميانى الرصيد الحقيقي هوسند يطمنك ويشيل معاك لما الدنيا تعك علاقة بتعرفوا تديروا فيها عيوبكم بشياكة لأن أي مشاعر مش مسنودة ع توافق مجرد سحابة صيف هتتبخر مع أول مطب

كُنا أعز أصحاب، وكُنا أحباب كان عِشرة عُمر ومعرِفتُش والباب قصادِ الباب وفِ وقت الشده ملقتهوش !!

أنا بشوف إنه من الأدب والرحمة والبر إن لما حد يجي يقولك إن في حاجة مزعلاه أو مضايقاه مينفعش أبدا تقوله ما كلنا تعبانين ومضايقين ، حتى لو عندك هموم الكون كله مينفعش تحسسه إن حزنه تافه، الله الذي أصطفاك ليجعلك شِفاء لأحد إخوتك من كيد الشيطان،  واسيه ، طبطب عليه ، لما يفوق يسيدي أبقى أبدأ أشرح مشاكلك أنت كمان،  لكن جملة يا عم ما كلنا تعبانين أكتر منك دي بتزعل والله .

💌

مش كل الناس تستاهل طيبتك وجدعنتك في الزمن دا لازم تبقي حريص جداً في كل تعاملاتك وتبقي ذكي في اختياراتك لإن كل اختيار ليك بيترتب عليه فتره في حياتك وانت مش ناقص فترات صعبه تاني كفايه اللي مريت بيه والحمد الله إنك قومت من تاني ف بلاش تبقي صيد سهل للبشر بلاش تربط نفسك بـ شخص مزاجي يعاملك يوم حلو ويوم وحش بلاش تحب شخص اكتر ما هو بيحبك بلاش تسلم قلبك وعواطفك للشخص مش حاسس بقيمه مشاعرك حافظ علي اللي باقي منك بعيد عن الضغط والهم صدقني محدش ضامن بكرا في اي علشان كدا الحق اللي باقي منك وابسط نفسك شويه نفسك ليها حق عليك وحق كبير کمان شعور بشع جداً لما تبقي مجبر تتقبل حاجه او وضع مش علي هواك وفجأه تلاقي نفسك مجبر تقبل الوضع اللي بقيت فيه غصب عنك حتي لو قررت تزعل او تعترض مافيش حاجه هتتغير ف تبدأ تتعايش بکسره نفس وقله حيله من باب إن مافيش قدامك حل تاني ودي واحده من اسوء الحاجات اللي ممكن تعيشها ...❤️‍🩹

ماتجادلش غبي ، ما تشتكيش لحد يشمت فيك ، متعاتبش ندل ، ومتبكيش قدام قاسي .

مش كل حاجه فيك هي شخصيتك في حاجات كتير هي رد فعل لبيئة عشت فيها .. بيت فيه توتر ونقد مستمر أو عدم أمان كفيل يخلق إنسان قلق حتى لو هو بطبيعته مش كده .

عمار حسني : مش عارف احبك ولا اسيبك شوفتي ازاي بقيت ف ورطة.

ــ ⁠أم كلثوم فى الاغنيه كانت بتقوله "صعبان عليا جفاك بعد اللى شوفته فى حبك.. مش قادر انسى رضاك ايام ودادك وقربك" ــ وبكل الحزن والأسى وقله الحيله اللي في الدنيا تكمل "لكن اعمل ايه وانا قلبي لسه صعبان عليه؟ صعبان عليه انه اتمنى جنة قربك ونال مراده واتهنى بنعيم حبك، ورجعت تسقيه من صدك كاس الهجران، وتفوت عليه أيام بُعدك سُهد وحرمان" ــ وتختمها بحسره وهي بتقول "لقيت روحي في عز جفاك بفكر فيك وانا ناسي".