Çîyawan

لەم سنوورانە قەڵسم گشت لایان لێ تەنیوم. خۆزگە توانیبام لەنێو جیهانی بێسنووری چاوانی تۆدا بژیم.

کاتێک، لێم دەڕوانێ چاوەکانم پڕن لە ئارەزوو و تکا لێی دەڕوانم چاوەکانی لێوڕێژن لە ماچ و ئامێز..

چ غەریبانە لێت دەڕوانم و هیچم لە دەست نایە.

چاوەڕێت دەکەم، تەنانەت کاتێک بیر لە هاتنیش ناکەیتەوە.

غەریبی ئەو غوربەتەم و ماوەیەکە غاییب لە غەنیمەتی خاک.

بە من مەڵێ، مەلانی بەرزە فڕ بە دڵ شکاوی و ئەوینبڕاوی و پەژارەوە بەرەو هەواری نادیاری ئەوپەڕی خەیاڵی بێسنوور لەمێژە کۆچی خەم دەکەن.. مەڵێ کە ویشکەسوێمە، دێوی شەو بناری گرتووە، بەرهەڵستە زێوی قاڵی سەرتەزێنی مەستیهێنی کانیاو کوڵی دڵم لە نێو بەرێ مەڵێ نەمامی ژینی پڕ جەفا و جەخارەکەم ڕواوی شۆرەکاتە، بڕکەمردووە چرۆ و گەڵای وەراندووە مەحاڵە تازە بێتە بەر. لەبیر مەکە کە هەوری ناهومێدی بۆتە هۆی خەمت، کەچی نزیکە ڕووگەی ئارەزوو.. وچانێ بگرە، هەر سبەینێ زوو شنەی شەماڵی شادیهێنی کێو و کەژ دەبێتە تێکەڵی خوڕەی شەتاو بەر بنار گزینگی بەربەیانی دڵڕفێنی خەمڕەوێنی شەوتەرێن، دەبێتە لابەری شەوەی شەوی ڕەشی تازیەدار.

تاوانبار خۆمم، ئێوە بەرپرس نین.

میهرەبانی کەی وا دەبێ؟ لەگەڵ خۆتدا هەموو شتێکت برد من نەبێ…

ڕەفیق سابیر

دەستم سووری خوێنی خۆمە.

خۆشەویستی واتە: هەزار هۆکارت بۆ ڕۆیشتن هەبێت، بەڵام تۆ.. بمێنیتەوە.

مەحموود دەروێش

لەوانەیە کاتێکی زۆر کەم مابێ بۆیە هەرچی کوتم بە ماڵئاوایی بزانە.

گەردەلوولێک چکۆلە تر لە کردە چاکەکانت