Bac2027 with alaa

بإسم الله على بركة الله كما وعدتكم مكتسبات العلوم الجزء الاول 💞🤌🏻

سلام الله عليكم بما انه كاين لي بعتولي انهم بداو و كاين لي حابين يبداو ف 15 اوت بالرغم اني قلت ان الوقت مبكر جدا لكن لا علينا سأحاول اني نحط لكم ملخصات جميلة تاع المكتسبات ( مشي تاوعي لأن أنا قريت بكراسي تاع السنة الثانية و الان مراهش عندي ) لكن راح نحط لكم فقط الزبدة لي نشوفها مليحة مشي غير نحط و التمارين راح نحطها لما نبداو ف 25 اوت لان خصني نقعد معاها و نخير لكم لي نحلهم باش نشاركهم معكم لان قلت لكم راح ننسى بلي فوت الباك من قبل ❤️‍🩹

15 اوت مبكر جدا هاذا التاريخ تاع 15 اوت كنت مقرراته بالنسبة لما كان الدخول يوم 6 سبتمبر 🤌🏻 باش متزعفوش

نبداو بإذن الله 25 اوت كقرار اخير راه قدامكم عام طويييل جداااا و باذن الله شهر كافي و وافي لمراجعة المكتسبات و يبقى الوقت راح نحاول نشارك معكم ملخصات المكتسبات القبلية فيديوهات تتفرجوهم و تمارين تحلوهم في الرياضيات الفيزياء و العلوم بالنسبة لمادتي الأدب و الانجليزية فمراحش يكون التركيز عليهم كبير لان اغلب الدروس في الأدب راح تعاودو تقراوهم من جديد في القسم

بحرتوهالي راكم كيف كيف فالتصويت 🙃💔

سلام الله عليكم 💞 ان شاء الله راكم لاباس🤌🏻🌚 المهم مزالكم حابين نبداو 15 اوت ؟ او ناجلوها حتى 25 اوت قرابة شهر قبل الدخول كافية و وافية قولولي نتوما ( الطلبة النظامين ) بالنسبة للأحرار تقدروا تبداو حتى لسبتمبر و لا قبل الدخول بأسبوع عادي جدا

العالم غاوس تاع الرياضيات مكانش لي ميعرفهش كيفاش حتى ولا عالم ؟ كان يحضر محاضرات في الجامعة و مرة رقد في احدى المحاضرات وين الاستاذ تاعهم عطاهم نظرية و قال لهم هاذي مكانش لي حلها و العلماء مزال محلوها هو كي ناض لقا النظرية مكتوبة في الصبورة و مسمعش كي قالهم مكانش لي يقدر يحلها 🤌🏻 ساو كتبها عنده و بقا يحاول يحلها مرت الايام وين قدر يحلها لكن الاستاذ مقاللهمش و لا سقساهم عليها راح عنده قال له راك عاطينا واجب و الاستاذ تاعه قال له معطيتكمش من بعد وراه الحل تاع هاذيك النظرية و كتبت بالاسم تاعه و كان حلها صح هل في رأيكم لو سمع كلام الاستاذ و مكانش راقد هل كان راح يحلها ؟ يعني بالمختصر خطوكم من السلبية 🤌🏻💞

هاذا رسلاته لي احدى الطالبات و هي مشكورة على ذلك شاركته معكم بعد ما اطلعت عليه و شفت فيه افادة لكم

الان بعد ما قريت رسائلكم تفهمتكم 🤌🏻🫣 So sorry على الحكم المسبق كاين لي عندهم ظروف في أواخر اوت كالأبيات حبين يسبقو المراجعة و كاين لي خارجين يبحرو و كاين طلبك احرار وووو منقدرش نفصل بالتفصيل حفاظا على الخصوصية ساو ديرو لي يساعدكم أصلا هاذا هو الصح لكن متضغطوش روحكم و غير بسياس عليكم 🤌🏻💞

82 متحمس و متحمسة! علابالكم بلي أصلا كاين احتمال يأجلو الدخول ؟ و راه قدامكم عااام يا ناس غير بسياس عليكم !!!!

فكروا مليح و متتحمسوش بزاف راح ندير على السونداج لي راه هنا و فالانستغرام

لي معجبهمش التاريخ و قالو متأخر !! علابالكم أنا في عامي الاول بديت قبل 15 يوم من الدخول و ضرك بهاذا التاريخ وأنا قريب شهر ؟!! 1 اوت راكم مبكرييييين يا خوتي أنا كون جات عليا نبداو حتى 15 اوت او 20 اوت مناسبة جدا لكن الرسائل تاع نبداو نبداو راها بزاف ساو درت هاذاك التاريخ