Bac2027 with alaa

مساء الخير 🫣💞 راح نبداو المراجعة يوم الاحد 9 اوت و قولولي هل كاين واحد فيكم راه حاب يبدأ قبل او جاه هاذ التاريخ مبكر جدا ممكن نعدلو فيه على حسب ما يتناسب معكم

🫣🫣🫣 باقي قرابة شهر على الدخول 💞 وجدولي روحكم باش نبداو المراجعة قريبا

المكتسبات القبلية لي حطيتها لكم تقدرو تراجعوها و تبداو بيها لان مستحيل يتم حذفها من البرنامج اتكلم عن المواد العلمية فقط

ما تم تداوله صحيح 100%

علابالي كامل شفتو القرارات لي راها دور و كل واحد فينا مراهش عارف إذا مليحة و لا لا حرفيا ڤاع رانا مشوشين بصح صاي ربي يجعل لي فيه الخير و خلاص + راح نعاود معاكم الباك و راح نشارك معكم كلشي و كيفاش تقروا ساو متخافوش كل شيء راح مقدر من عند ربي ساو مشي دور تاعنا نخمموا إذا الباك غادي يجي ساهل و لا واعر كل ما علينا فعله هو نقراو كلشي و نتوكلو على ربي و خلاص 💞

سلام الله عليكم 💞 بخصوص سؤال المتابعة الشخصية لما أنا ضد ذلك الموضوع اولا يبقى رأيي الشخصي ثانيا أنا لم أتقبل فكرة ان طالب متحصل على البكالوريا يمكن له ان يعطني كل وقته أنا مقتنعة بفكرة ان هاذو الطلاب راهم برك حابين دخل شخصي لهم • أنا لست ضد من يصنع كتاب فذلك موضوع آخر على العكس أنا أؤيده و بشده لكن قضية المتابعة الشخصية مجرد طلاب يبحثون عن دخل شخصي و يستغلون طلبك الباكالوريا اما من يصنع كتاب فهو يريد مصلحة الطالب لما ؟ لان ذلك الذي يصنع الكتاب قد أعطى كل وقته فيه لكن اصحاب المتابعة هم ايضا طلبة هم ايضا لهم حياة خاصة هم ايضا لديهم دراسة لهاذا أنا لم اقتنع انه سيعطيني وقته بالكامل و ان كان الامر مجرد مهام يومية ماذا افعل و ماذا ادرس فهاذا اي طالب يريد التفوق يمكنه فعل ذلك بنفسه ايضا بخصوص نقطة و هي عادات الطلاب تختلف هناك من يستطيع الحفظ في الصباح الباكر و هناك من يستطيع الحفظ في الليل هذا مجرد مثال المعذرة لم استطع السكوت اكثر على كمية الاستغلال التي أراها الان في المواقع نصيحتي لكم اي شيء تريدون القيام به صلو صلاة الاستخارة قبله و المعذرة إذا كان في الأمر ازعاج لاي منكم

سلام الله عليكم يوجد طالبة سألتني سؤلا و هي مشكورة على ذلك أردت مشاركة إجابته معكم عامةً بخصوص قضية تنظيم الكراريس فأنا شخصيا كنت وضعت • كراسا واحدا خاص بمراجعة المكتسبات و قسمته إلى عدة أقسام خاصة بالمواد التي تطرقت فيها للمراجعة • كراس خاص بكل مادة لتدوين الأفكار و ليس كراسا واحد للأفكار •الملخصات كنت أدونها على أوراق بيضاء و أضعها داخل ملفات • كراس التمارين خاص بكل مادة و أنا شخصيا ارى ان التنظيم و النظام هو سبب من أسباب التفوق كيما تقول لي ماما الكراس هو مرآة التلميذ لهاذا حاولو من البداية تنظمو اموركم باش متلقوش صعوبة

و كما قلت لكم في آخر المنشور حاولو تدير هاتين المادتين لأجل الباك فقط و مشي باش تخرجو تتكلمو بيها لان همكم الآن النقطة و ليس الفصاحة بخصوص المصطلحات دك نحط لكم لي حفظتهم أنا 🤌🏻💞

سلام الله عليكم جميعا وجدت ما يجب مراجعته قبل الدخول المدرسي أتمنى ان يكون فيه افادة لكم 💞

حطيته لكم من فضلكم إذا تقدرو تتفاعلو معاه 💞 إذا متقدروش معليش المهم تستفادو 💞

البداية راح تكون مع منتصف اوت ان شاء الله لمراجعة المكتسبات ( خاص بالنظامين )

سلام الله عليكم 🫶🏼💞 كقرار نهائي راح نجوز لباك لكن الأولوية الكبرى راح تكون للطب قالولي سهلة السنة الثانية و بزاااف ساو راح نعاود باش نقدر نساعدكم اكثر و مدابيا كامل يكون عندكم تيليغرام باش نتشاركو المهام راح نولي نشارككم مهامي اليومية و الطب راح نخليه فالجامعة فقط و الباك في المنزل كيما هاذ العام 🫣💞 و مدابيا تتبعوا نفس الخطى تاعي بدون نقصان لان معدل الامتياز لا يتطلب الذكاء يتطلب الاجتهاد فقط 🤌🏻

درت تحدي مع روحي بلي نسهر و نجاوب على ميساجاتكم فالليل لقيتكم كامل نايضين 😭 المهم قررت نحكي لكم تجربتي مع الباك الاول و الثاني كاين أشياء راح نختصرهم و كاين أشياء راح نطول فيهم 🫠 ساو في الباك الاول البداية كانت مع منتصف إلى أواخر اوت تقريبا كنت ديت العطلة على أتم وجه و استغليتها على أتم وجه البداية مكانتش ببرنامج البكالوريا كانت بمراجعة المكتسبات القلبية في المواد الأساسية و الثانوية بديت دروس الدعم قبل أسبوع من الدخول في المواد الاساسية الثلاثة و كنت حرفيا مودرة فالبدية من بعد قررت ندير برنامج خاص بيا مع الأسف مقدرتش نبعد على الهاتف و ادمانه فقررت نستغله في أشياء تفيدني بديت شيئا فشيئا نظم في روحي و في أموري بعد ثلاث اشهر تقريبا مرض الوالد تاعي فاضطريت نحبس دروس الدعم توقفت على الدراسة أصلا حاجة تاع أسبوع بعدها وليت و الحمد لله كنت متقدمة على القسم شوية إذا ملقيتش إشكال كبير مر العام و رحت جوزت الباك و كل مادة نخرج منها نعرف روحي بلي خدمت لدرجة يوم الامتحان تاع الفيزياء حسيت روحي راح نجيبها مع الاوائل ههههه ( ضربت روحي بعين تم تم ) جا خالي في الفترة تاع الفطور وين كان موالف بابا يجي ساو مجاش بابا اما عرفت بلي زادت حالته سواءا …. و زعفت لدرجة محبيتش نروح نجوز لعشية الفلسفة 🫠💔 حتى بقاو يقنعو فيا و داوني بسيف كي دخلت كتبت بالزربة المقالة و بقيت نستنى نصف الوقت لي كان باقيله ربع ساعة باش نخرج بزربة المهم كي جاز نصف الوقت خرجت نجري رحت للمستشفى و بقيت معاه … بعدها ريح شوية و هو كان ديما يقلي راني حايب تجيبي 19 و مهما جبتي راح نكون فخور بيك … بانت النتيجة و فرح معايا فرح شدييييد لأول مرة نشوف بابا فرحان لهادي الدجة من بعد بعدها بأيام توفى ربي يرحمه و يوسع عليه الحمد لله على كل حال بعدها دخلت تخصص الذكاء الاصطناعي لي مقدرتش نتأقلم معاه سواء من ناحية البعد سواء من ناحية الدراسة سواء اي شيء فقررت ندير تحويل للطب لي الحمد لله حولت ليه و مندمتش اني درت تحويل و لا ذرة بعدها قررت نعاود الباك و صممت على هاد الشيء و الوالدة تاعي كانت ضد الامر فباش منعاودش راحت مدت كل ما يتعلق بالباك لبنت خالتي كل صوالحي مدتهم في البدية زعفت من بعد تفهمتها و حتى هي تقبلت الموضوع بعد اشهر هههههه ساو في الباك الثاني بديت من الصفر بدون ملخصاتي و لا مصادري و لا اي شيء و حاولت قدر المستطاع نوصل لذاك المعدل و نفس السيناريو لي صرالي في العام الاول تقريبا صرالي في العام الثاني بسبب الفلسفة هاذاك النهار يوم الامتحان تفكرت كلشي و تبلوكيت حتى بقيت نبكي وسط القاعة من بعد حطيت راسي و مكتبت والو حتى بقا ساعة و ربع جات الاستاذة لي كانت تحرسني قالت لي بنتي كتبي شوية باش متديش صفر نضت خرجوني غسلت وجهي و كتبت المقالة من راسي حد الان منيش عارفة شا كتبت في هاذيك الورقة ههههههه و المحير فالامر توقعت ندي 18/19😭😂 و أنا المقالة كتبتها كي بقات ساعة و كتبت غير باش نكتب 😭 لكن الحمد لله على كل حال رب الخير لا يأتي إلا بالخير ❤️‍🩹 و في الاخير سمحولي طولت عليكم اتمنى تدعولي معكم و ديروا فيا ثقة لان وعد مني مراحش نبخلكم بأي شيء ❤️‍🩹🤌🏻