قُــٰرَّةُعَـٰيْـنٍ للسَّعَـٰادَةِ الزَّوجِيَّة♡

🌷خلال هذين اليومين، راح تشوفوا بين الحين والآخر منشورات تعريف بقنوات هادفة ضمن إطار التبادل الإعلاني 🔁 ⭐قد تكون فرصة جميلة لاكتشاف قنوات تقدم محتوى نافع يناسب اهتماماتكن، كما أنها وسيلة لدعم المحتوى الهادف والتعريف به 📌 علمًا أن روابط التبادل تُحذف بعد انتهاء مدته، لنواصل بعدها نشر المحتوى المعتاد في القناة بإذن الله متابعة ممتعة للجميع 🫶🏻 #تبادل_اعلاني_قرة_عين_للسعادة_الزوجية #أم_عائش_مدربة_واستشارية

💌في العلاقة الزوجية، كاين فرق كبير بين أنك تلاحظي فقط واش ناقص، وبين أنك تلاحظي واش راهو مليح 🪻الكثير من الزوجات من غير ما يشعروا يركزوا على الأخطاء أكثر من السلوك الحسن ، فتلقايها لما يقصر زوجها ولا ينسى حاجة مباشرة تواجهوا بالعتاب، شكوى وتأنيب .. 🍂لكن كي يدير حاجة مليحة، تمر ممر السحاب الشيء لي يخليها تضيّع على نفسها فرصة مهمة جدا في العلاقة الزوجية ، ولي هي التعزيز الإيجابي للسلوك الحسن 💗لما زوجك يدير تصرف مليح (مهههما كان بسيط )، وتركزي عليه بكلمة تقدير وثناء نابعة من القلب، أنت ما راكيش تتصنعين ولا تزيدي عليها! … أنت ببساطة راكي توصليلو رسالة أن هذا التصرف وصلني… وفرحني… ونقدر فيك هذا الشيء 💎والحكمة ماهيش في الكلمات و فقط… بقدر ماهي في السلوك اللي راح نعززوه 🎀لأن الإنسان بطبيعته يميل إلى تكرار السلوك الي يلقى عليه تقدير ومدح ونتيجة طيبة 🌱وهنا نفهموا علاش المجاملة الطيبة، والتقدير، والمدح الصادق للسلوك الحسن، يقدروا يغيروا الكثير في الحياة الزوجية ⭕لأن الزوج اذا كان اكثر ما يسمعه منك : (عتاب /لوم/ نقد / سخرية/ مقارنة/ تقليل ..) 🥀غالبا مع الوقت ما يوليش يشوف فائدة من المحاولة 🌷بالعكس من ذلك اذا كان بعد كل تصرف مليح يسمع منك كلمات التقدير : (راني نشوف كفاش تتعب علينا … ربي يجازيك خيرا … يعطيك الصحة … ربي يعوضك خيرا ....🫂) 🫶🏻فأنت وبدون مجهود راكي تساعديه يعرف واش هي التصرفات اللي تفرحك وتقوي العلاقة بيناتكم 💕فلهذا ركزي على السلوك الي حابتيه يكبر… وما تخليش الأخطاء تنسيك فالخير الموجود https://t.me/+YUvmXacUQI5kYWY8 ⛔ لا أحلل حذف الرابط من المنشور #أم_عائش_مدربة_واستشارية

قبل ما تبداي نهارك، ما تسقسيش روحك :(واش لازم ندير اليوم؟) 💯سقسي روحك سؤال أهم : إذا ما قدرتش ننجز اليوم مهام أكثر… واش هي الحاجة اللي إذا درتها نحس بلي نهاري كان ناجح، وبلي بقية الأمور راح تجيني أسهل ...؟ 🔥والجواب راح يكون هو المهمة المنتظرة وبعدما حددتي هذيك المهمة ، ديريها في الصباح قبل ما تتشتتي بين شغل الدار، الهاتف، الطلبات والامور الصغيرة 🌼لأن الصباح غالبا تكون عندك طاقة وتركيز أكثر، فاستغلي هذي الفترة في الحاجة اللي عندها أكبر أثر على حياتك ونفسيتك وسعادتك.. 💎 بعد ما تكمليها، وزّعي بقية مهامك على اليوم حسب الأولوية والطاقة : 🪻 المهم والعاجل لي لازم يندار الآن 🪻 المهم ولكنه يقدر يستنى 🪻 الأعمال الروتينية والخفيفة ✅بهذه الطريقة، حتى لو ما مشاش نهارك كامل كيما خططتيلو، تكوني ضمنتي أهم حاجة في يومك لأن الفرق ما يكونش في عدد المهام اللي كملتيهم، وإنما في واش هي الحاجة اللي اخترتي تعطيها أفضل طاقتك وأثمن أوقاتك 🫶🏻 https://t.me/+YUvmXacUQI5kYWY8