بْرمش

A mind that is constantly involved with the faults of others is not at peace‌‌ مجگے کہ مدام گوں دگرانی اَیباں گلائیش اِنت ، آسودگ نہ اِنت۔ #رجانک https://t.me/Bramsh_baloch

کوچگانی، جنگلانی درچک ءُ دارانی گم اِنت ھر بلوچ زھگ ءَ وتی ڈن ءُ ڈگارانی گم اِنت مان نیار اَنت سارت ءُ گرم توپان ءُ کھریں شرتگاں آ کہ کوھاں رَپتگ آ سرمچارانی گَم اِنت پہ وتی ڈیھہ ءَ کتار بند اَنت گوں شیری زھگ ءَ ماں گیاباں بور تاچیں شھسوارانی گم اِنت ما کہ ماتیں گلزمین ءِ درد واریں پُسگیں پہ وتی جند ءَ نہ اِنت ما را ھزارانی گم اِنت ما را کازی سرڈگار ءِ کُلیں موسم دوست بنت ساھگ ءُ ساچان ءِ گم،تبد ءُلوارانی گم اِنت ✍۔مبارک کازی https://t.me/Bramsh_baloch

مُدام ھک ءِ نیمگ ءَ بہ اوشت، اے الّمی نہ اِنت کہ کے ءَ وش بیت ءُ کے ءَ وش مہ بیت، الّمی ایش اِنت کہ تو وتی زمیر ءِ شرمندگ مہ بہ ئے۔ #رجانک https://t.me/Bramsh_baloch

پادا او گِهیں ورنا 🎙۔رستم لاشاری https://t.me/Bramsh_baloch

درستیں جاور پد ءَ گیگ ءُ گوم بنت ، بس کمو اوپار کن… سبر کن، تا سُھب بئیت، تا ٹپ دراہ به بنت، تا دل آسودگ به بیت... هرچ تھاری ءَ، ھلاسی یے ھست. ھرچ توپان، یک روچے اِنسر اِیت. تو بس بہ جَلّ… بس دگہ کمو. تو بس به جَلّ... توری بِلّے تئی دل ءَ دمبرتگ ، بِلّے که تئی چماں گوں اَرساں ھیل کتگ. بہ جَلّ، که ھمے سبر ءُ اوپارانی اندر ءَ، امیت ءِ درچک مدّان مدّان ءَ چورک جنت... برے برے، پورو ھما جاگہ ءَ کہ تو ھیال بکن ئے گڈی ساہ ءَ کشّ ئے، زندگی چَہ نوک بندات بیت... درستیں جاور پد ءَ گیگ ءُ گوم بنت، باور کن، بس دگہ کمو اوپار کن... ✍۔مینا زمانی #رجانک https://t.me/Bramsh_baloch

۔چراگ مئے شھیداں کہ چراگ بالِینتگ اَنت آجوئی ءِ اے چراگ ءِ رژن کُلیں زمین ءَ شنگ بیت اے چراگ ءَ تیل جاہ ءَ کُنگُرانی ھون مان اے چراگ ءَ را مُراد ءِ منزل ءِ راہ شون مان اے چراگ ءِ رژن چاریں نیمگاں تالان بیت اے چراگ چو روچ ءِپیئم ءَ جُلگہ ءَ درپشان بیت اے چراگ ءِ رژن کرنانی ھساب ء٘ ساپ کنت اے چراگ ءِ رژن کلیں گیدی ءَ الکاپ کنت مئے شھیداں کہ چراگ بالینتگ آجوئی ءِ اے چراگ ءِ رژن کلیں زمین ءَ شنگ بیت ✍۔مبارک کازی 📚۔مُرگ پہ کدوھاں رپتگ اَنت https://t.me/Bramsh_baloch

من لوٹ اِت زندگی ءَ در بہ براں بلے منی پاد در شُت۔ 😑

دُرشتگاں ریگزاریں واب شُنچ اِتاں نودیں کرار۔ https://t.me/Bramsh_baloch

۔گوش اَنت اگاں تو یک درچکے ءَ دو رند ءَ جنگل ءَ دیست گڑا بزاں کہ تو گار بیتگ ئے۔ https://t.me/Bramsh_baloch

لُنجیں شپ ءِ درد ءَ ماہ بزانت ھمراہ ءِ گم ءَ ھمراہ بزانت مئے کار چہ لوگ ءَ پشت کنگ نوں راہ کجا بارت راہ بزانت ✍۔مبارک کازی https://t.me/Bramsh_baloch

چہ میشے ءَ جُست اِش کُت؛ اگاں تو گُرکے بہ بوتین ئے چے کُتگ اَت؟ میش ءَ پسّو دات؛من گُرکاں کاہ ءِ ورگ ھیل داتگ اَت تانکہ بے گناھیں میشانی سر ءَ اُرش مہ کن اَنت، ءُ چہ گُرکے ءَ جُست اِش کُت؛ اگاں تو میشے بہ بوتین ئے چے کُتگ اَت؟ گُرک ءَ درّائینت؛ من میش سبک داتگ اِت اَنت کہ چتور وتی دوئیں پُشتی پاداں گرکانی سر ءَ بہ جن اَنت ءُ آیاں بکُش اَنت. ✍۔سئیدکریم #رجانک https://t.me/Bramsh_baloch

زھرشانی موسم اِنت۔

زندگی ءِ سپر ھَر انسان ءِ واستا جتا جتائیں چَکاس کار اِیت، بلے یک گَپے درستانی واستا یک داب ءَ اِنت کہ ھَر گَم، ھَر مُشکل، ءُ ھَر پیسلہ ترا وت ءَ کنگی اِنت، مَردم نَزّیک کاینت گونتو ھمراھداری ءُ ھمدردی کَن اَنت دلبَڈّی ءُ سکین ءِ دو گَپ گْوش اَنت، بلے وھدے کہ گَم ءُ رَنج گیش بَنت گڑا ایشانی دیم ءَ اوشتگ ءَ انسان تھنا اِنت، اے ھما جاگہ اِنت کہ اود ءَ انسان وتی زات ءِ کساس ءَ کَنت، وتی زات ءَ توانمَند جوڑ کنگ ءِ مَتلب اے نہ اِنت دل ءَ سِنگ بکن بلکیں ایشی ءِ متلب ایش اِنت کہ جاوراں بہ پَھم گوں سبر ءُ اوپار ءَ دیم جنزان بو ءُ وتی سر ءَ بیسہ بکن۔ گوں وھد ءِ ھمراھی ءَ اڑ ءُ جنجال انسان ءَ یا پْروش دینت یا گیشتر مھکم ئِے کَن اَنت۔ اے پیسلہ وتی دست ءَ اِنت ئِے وھدیکہ مردم چَہ ھر کپگ پَد پادایگ زانت گڑا کَم کم ءَ ایشی ءِ تہ ءَ یک ھاموشیں تاگتے ردوم زیر اِیت۔ آ مردم وتی پیسلھانی زمہ داریاں وت زیر اِیت ءُ وتی نزوریاں وت زانت ءُ آیاں گھتر کنگ ءِ جھد ءَ کَنت ھما زندگی ءَ دیمروی کُت کَنت پرچا راستی ایش اِنت کہ اے دنیا ءَ درستاں مُھکَمتِریں کوپگ دگہ کَس نہ اِنت، بلکیں انسان ءِ وتی اوپار، ایشی ءِ سبر ءُ ایشی ءِ وتی وت بیسھی اِنت۔ ✍۔دودا بلوچ #رجانک https://t.me/Bramsh_baloch

پاھو ءَ گُتگیر کنت ساد ءَ کُشیت سرکشی ھر آہ ءُ پر یاد ءَ کُشیت آدم ءِ اولاد انچوش گژنگ اِنت پہ دپارے جند ءِ اولاد ءَ کُشیت کئے تمرد اِنت جند ءِ لوگ ءَ آس دنت کئے گنوک اِنت جند ءِ ھمنیاد ءَ کُشیت دو چراگ ءِ اُپ کنگ اِزمے نہ اِنت بھے ھما اِنت روچ ءِ بالاد ءَ کُشیت جی پہ مرچگیں بلوچ ءِ ربیتاں دست کہ بدواہ ءَ نہ روت سیاد ءَ کُشیت زر ءِ جوپہ ءَ انچیں یک نادراھی یے اے وبا ھر آدمی زاد ءَ کُشیت داں کیامت اے چو حذر ءَ زندگ اِنت دل کجا بکشاتگیں داد ءَ کُشیت زندگاں من داں منی گم زندگ اَنت کئے وتی مارشت ءِبُنیاد ءَ کُشیت حاکم ءِ کازی تو انصاف ءَ بچار سانگ کنت شیرین ءَ فرھاد ءَ کُشیت ✍۔مبارک کازی https://t.me/Bramsh_baloch