بْرمش

وشیں دل ءَ گچین کن نہ وشیں دیم ءَ۔ #رجانک https://t.me/Bramsh_baloch

زندگاں من داں منی گم زندگ اَنت۔ ✍مبارک کازی https://t.me/Bramsh_baloch

گُش اَنت جوانانی لاش ءِ چِست کنگ سک گران اِنت پرچا کہ گوں بازیں واھگاں وتی گڈی منزل ءَ سر بنت۔ https://t.me/Bramsh_baloch

انسان ءَ نزوری ھست چہ ھمے نزوریاں آ مجگی رد ءَ کمشرپی مار ایت بلے وھدے کسھی لبزانک ءَ ھمے نزوری کارستاں گندگ بنت گڑا ما اے سرپد بہ ایں اے نزوری ایوک ءَ مئے تہ ءَ نہ انت بلکیں اے نزوری دراھیں انسانانی اندر ءَ ھست انت۔ انسان وتی زند ءَ ھزار واھشت گند ایت ءُ ھمک واھشت ءِ پشت ءَ دگہ واھشتے ءِ جیڑگ ءَ بندات کنت بلے سک کم مردمانی واھشت سرجم بنت، ھمے واھشتانی سرجم کنگ ءَ ھیالی رد ءَ لبزانک مئے کمک ءَ کنت یا ھمے بے تاھیری ءَ کم کنت۔ پرچا کہ انسان زندگ بیگ ءَ پند جنان انت گڑا لبزانک مئے نیستیاں کم کنت ءُ مارا زندگ بیگ ءِ سکین ءَ دنت۔ ما لبزانک ءَ چو اَدناھیں چیزے سرپد بہ ایں بلے لبزانک اوں انچیں مزنیں چیزے انچش کہ سائنس انت، انچش کہ نیکراہ انت، میتھیو آرنلڈ گش ایت کہ لبزانک زند ءِ آدینک انت۔ ایشی ءِ درگت ءَ اے آر داد یک جاھے گش ایت میتھیو آرنلڈ ءَ اے گپ پمیشا دیم ءَ آؤرتگ کہ وھدے نیکراہ زوراں بوتگ گڑا شھزانتی ءِ دیم ءِ آیگ ءَ گوں لبزانک ءِ زلورت مردماں کم مار اتگ۔ گڑا آرنلڈ ءَ گشتگ کہ لبزانک زند ءِ آدینک انت۔ منی نز ءَ آرنلڈ ءَ پمیشا اے گپ جتگ کہ لبزانک زند ءِ آدینک انت، پرچا کہ زند لبزانک ءَ نزیکترین ءُ انسان زند ءَ چہ درستاں گیش ارزشت دنت۔ ءُ لبزانک اوں انسان ءِ درستیں الاجانی درمان انت۔ بندات ءَ کہ مردم لبزانک وان ایت آئی ءِ جھلانکی ءَ شُت نہ کنت آ چیزاں سراسری چار ایت ءُ آئی ءِ زھن ءَ نہ نند انت پرچا کہ وانگ بس سیاھیانی وانگ نہ انت بلکیں ساچگ انت، وانگ ءَ بازیں چیزانی مانا درگیجگ لوٹ ایت ءُ لھتے وت مانا دیگی انت۔ لبزانک انسان ءِ سجھیں واھشتانی چپ ءُ چاگرد ءَ پرتر ایت، شریں لبزانک بزاں انسان ءَ انچش الم انت انچش کہ آ دگر زلورت ءِ چیز الم انت۔ پہ انسان ءَ ورگ، گد، سارتیں گوات یا سواری الم انت انچش انسان ءَ وانگ الم انت پرچا کہ مستریں چیز آئی ءِ اندر انت ءُ انسان ءِ مجگ انت۔ چہ مجگ ءِ ردوم ءَ ھرچیز ءَ جوڑ بیت۔ گڑا چریشی ءَ اے پدر بیت کہ لبزانک انسان ءِ مستریں زلورت انت۔ ✍جمیل مھراب https://t.me/Bramsh_baloch

پہ انسان ءَ لبزانک وانگ الم اِنت گوں دنیا ءِ ھمگامی ءَ لبزانک اوں وت ءَ زندگ داران انت۔ ما اوں ھمے دنیا ءِ لبزانک ءِ بھر ایں تُری بلّے کہ مئے وتی لبزانک مزنیں لبزانکانی برابری ءَ کرت نہ کنت۔ چوناھا دنیا ءِ دیمروی کتگیں زبان ھم بندات ءَ ھمے ڈول بوتگ انت پرچا کہ ما اگاں ھما دیمروی کُتگیں ملکاں بچاریں کہ مرچی آیاں باز دیمروی کتگ بلے بندات ءَ آ اوں ھمے جنجال ءُ نزوریاں گوستگ انت۔ بلے مروچی بازیں آسراتیانی آیگ ءَ پد اوں اود ءَ وانگ ءُ زانگ ودّان اِنت بلکیں ھمے وانگ ءُ زانگ ءِ برورد انت کہ آیانی دیمروی ءِ سپر برجاہ انت۔ اگاں ما روکپت ءَ سد ءُ دوسد سال ءَ پیش بچاریں آ چَہ مئے مرچیگیں چاگرد ءَ اوں گھتریں جاورے ءَ بوتگ انت، ھاس کہ ما وھدے زانشت ءِ گپّ ءَ کنیں گڑا آیاں وانگ ءُ زانگ گیش ارزشت داتگ، دنیا انچش کہ جنزان بوتگ گڑا لبزانک ءِ زلورت اوں گیش بوتگ انت باز براں باز مردم اے جیڑ اِیت کہ انوگیں وھد ءَ کہ ٹکنالوجی ءُ سائنسی ءِ دور اِنت گڑا کتاب وانگ ءِ چے زلورت انت بلے سائنس ءُ ٹکنالوجی اوں ھمے وانگ ءِ برورد اَنت، اے چہ وانگ ءَ ودی بوتگ اَنت اے وانگ ءِ ھما یکشلی انت کہ مرچی دنیا اے جاوراں اتکگ ءُ سر انت۔ بلے پد ءَ ھم کسے بہ گش اِیت وانگ ءِ زلورت چے اِنت؟ یک انسانے ءَ کہ مرچی آ بہ نند ایت کتاب بوان ایت، پرچا کہ کتاب ءِ وانگ ءَ وھد لوٹ اِیت۔ زاھر اِنت کہ یک مردمے کتاب وان اِیت یک ساھتے پہ کتاب وانگ ءَ دنت ءُ پد ءَ اوں انچیں سھتے کہ اے سھت ءَ آ آسودگ بہ بیت ءُ لھتے مردماں پہ وانگ ءَ گیشیں وھد ءِ زلورت بیت آ دو ساھت وان انت گڑا پہ آیاں اوں وانگ ءَ یک ھاسیں وھدے روت اِنت ، بلے ھمے وھد کہ وانگ ءَ روت، آ لبزانک وان اِیت گڑا لبزانک آئی ءَ چے دنت ؟ اے یک انچیں جستے کہ وڑے ناں وڑے ءَ مئے زھن ءَ ھست اِنت باز براں اے جست کنگ بیت بلے باید اِنت ما اے جست ءَ بہ کنیں اگاں گوں دگر ءَ ناں گڑا اے جست ءَ گوں وت ءَ بہ کنیں۔ پرچا کہ یک مردمے اینچو وھد دیگ ءَ اِنت لبزانک آئی ءَ چے دنت؟ ایشی ءِ زانگ ءَ پیش مارا اے زانگی اِنت کہ انسان ھما ھستی اِنت، آ سرجم نہ اِنت ایشی ءِ سرجم نہ بیگ ءِ اوں دو دروشم ءَ چارگ بیت۔ انچو کہ وجودی شھزانت گش اَنت کہ انسان ءِ ھستی سرجم نہ اِنت ءُ دومی گپ ایش انت کہ انسان اگاں نیکراھی ءِ ستک دار ایت ، گڑا آ چیز ءَ گوں نیکراھی داب ءَ ھیال کنت ءُ گوں نیکراھی ءَ آ ھدا ءَ ءُ کازموس ءَ گیشین ایت ءُ انسان ءِ زند ءُ مرگ ءِ پیسلہ ءَ اوں ھدا ءِ دست ءَ دنت ءُ ھدا ءَ یک سوپر پاور یک مزنیں تاگتے ءِ دروشم ءَ چار ایت ءُ مرگ ءَ چہ پد انسان ءَ یک دگہ زندگی یے ءِ ھیالے ءَ گوں بندوک کنت گڑا اد ءَ اوں انسان سرجم ءَ اے ستک ءِ سر ءَ بیسہ نہ کنگ ءَ انت ، ما بہ چاریں ما سجھیں یا سرجمیں نکراھی ءِ ھما مردماں چاریں آ تُری مسلمانے بہ بیت یا ایسائی یے ، یا ھندوے ، بلے ھمے ستک کہ ھست انت نیمشلونگ اِنت ، انسان ءِ اے ستک سرجم نہ انت ایشی ءِ یک سببے ایش انت کہ دین گوں چیزاں آ دلیل ءَ نہ گیشین ایت ءُ زاھر نہ کنت ءُ باز براں پہ نیکراھی ءَ اے الم نہ بیت کہ آ سائنس ءُ شھزانتی ءِ دابیں منطق دیم ءَ بیار ایت۔ دین ءِ ھما ستک مئے دل ءَ نشتگ بلے دین اوں مارا زند ءُ مرگ ءِ سرجمیں رازاں آژناگ نہ کنت۔ ای ایم فارسٹر وتی کتاب گدار ءِ ازم ءَ گُش ایت کہ انسان ءِ دو وھد درستاں گیش ارزشتدارتر انت، یک وھدے ھما انت کہ انسان ودی بیت، بلے انسان ھوش ءُ سما ءَ نہ انت کہ وتی ودی بیگ ءَ زانت بہ کنت ءُ دومی ھما انت کہ انسان مر ایت ءُ بلے چہ مرَگ ءَ پد ھچ انسان واتر نیاتکگ کہ مارا ھال بہ دنت، بزاں انسان ءِ ودی بوگ اوں رازے، ما آئی ءَ زانگ ءَ نہ ایں ما اود ءَ ھوش سما کت نہ کنیں، دومی گپ ایش انت کہ انسان وھدے مر ایت ایشی ءَ چَہ پد اوں ما نہ زانیں کہ انسان ءِ جاور چون بیت ءُ پہ ایشی ءِ زانگ ءَ ما ھدا ءِ ستک ءَ داریں۔ زاھر انت نکراھی ءِ ستکے کہ ما دارین ایں گڑا نیکراھی ستک ءِ توک ءَ بازیں چیزے کہ ھست انت شک ءِ تہ ءَ انت، شک وَ ھر جاگہ ءَ بیت انچش کہ رسل گش ایت کہ شک زانشت ءِ یک بھرے اگاں شک مہ بیت گڑا چیز بزاں دیم ءَ نہ رو انت ءُ آیانی سر ءَ نگد نہ بیت، ھرچ شھزانت ءَ اوں شک کتگ، سائنس ءُ نیکراہ ءَ اوں انسان شک کنت۔ اسلام وتی دین ءِ ھساب ءَ چیزاں گیشین ایت بلے پد ءَ اوں انسان ءِ زھن ءَ یک رازے یک شکے بیت، بزاں انسان رازدار انت ءُ لبزانک ھمے رازانی یک پرّیچے، پمیشا پہ انسان ءَ لبزانک ءِ ارزشت ھلاس نہ بیت یکے انسان کہ اے جاور ءَ انت ھمے جاور ءَ بوگ نہ لوٹ ایت، انسان جنزگ لوٹ ایت، بازیں چیز ھست انت کہ انسان ءَ اے دنیا ءَ نہ رس انت، بلے لبزانک انسان ءَ اے چیزاں دنت ءُ ھما جاگہ ءَ کہ انسان روگ لوٹ ایت اود ءَ شُت نہ کنت۔ بلے لبزانک آئی ءَ ھما جاگہ ءَ بارت ءُ سر کنت ءُ انسان ھما واھشتانی واب ءَ گند ایت بلے آئی ءِ واب سرجم نہ بنت، لبزانک انسان ءَ ھما واباں گوں ھمنیاد کنت، ھمک

۔ھچ چیز دل ءَ تاھیر نہ دنت ھچ چیز دل ءَ تاھیر نہ دنت نہ ٹھل ءُ کھیب نہ کیپ ءُ شراب نہ سوت ءُ غزل نہ چنگ ءُ رباب نہ چول ءُسمین نہ جمبڑ ءُ نود نہ‌ماہ گوں لھمین بچکنداں نہ پور ءُقطب نہ کلکش ءُ بام پمن گوں رگاماں بے متلب تاکریچ ءُھزام نہ ریک ءُ تیاب نہ بل ءِ کپوتانی کو کو نہ سرپتگیں پُلانی وشبو نہ روچ منی اندوھاں زانت نہ شپ منی درداں مانا کنت من تھنا تھنا جیڑاناں چو سیاہ مار ءَ چاگرد دَجیت ھر زید ءُ ندارگ اَرس شلیت ھچ چیز دل ءَ تاھیر نہ دَنت ✍۔مبارک کازی 📚۔مُرگ پہ کدوھاں رپتگ اَنت https://t.me/Bramsh_baloch

مہ رنج ءُ مہ رنجین کارے کن ئے بے مِنّت بکن۔ https://t.me/Bramsh_baloch

بلوچ ٹیٹیاسکے نہ بند اِیت کدوگ۔ ✍۔ابد آسکانی https://t.me/Bramsh_baloch

گپ گپ ءَ اگاں گپے کہ زبان ءَ در کیت کَٹ ءُ کانود ءَ بزاں آ چہ جهان ءَ در کیت بے گناهاں من پمیشکا کہ زد ءَ نیتکاں تئی دست لرز اَنتیں تئی تیر چہ نشان ءَ در کیت هرّوچ مئے رهسر ءَ ریتکگ پمّن ءَ کنٹگ تو مرچی هیراناں کہ پُلّے تئی گشان ءَ در کیت شِنگگ ءَ شنگ انت اے ملگور بزان ئے لازم گوات جیگ ءِ تئی پلانی میان ءَ در کیت تو اگاں شائرے ئے یار من ءَ در گیج همے شَیر ءِ تہ ءَ نی گڑا نگد بکن شَیر ءِ اے مانا در کیت ما وتی شری ءَ ساجد ، یا پہ ترس ءَ بلکیں هچ نہ گشتگ کہ دپ ءَ گپے تئی شان ءَ در کیت ✍۔ساجد عاجز https://t.me/Bramsh_baloch

زیمر ءَ پہ تئی در گِیجگ ءَ راھے ھست اِنت توریں اگاں تو تھار تریں جاہ ءَ بہ بئے 📽Stranger Things (2016–2025) https://t.me/Bramsh_baloch

ھما زمانگ ءَ پہ تو ھُدوک اِتاں، من زانتگ اَت کہ مردم ءَ را اے وڑ ءَ ھُدوک بوگی نہ اِنت ✍۔منیر مومن https://t.me/Bramsh_baloch

دُژمنی اَنچو بکن، وھدے ما دوست بوتیں تئی چم جھل مہ بنت ✍۔پھد دیدگ https://t.me/Bramsh_baloch

زندگی تچگ ءَ اِنت منی واب ھنگت سیر نہ اِنت۔

دیر سریں کوراں ھاں تئی ودار ءَ من داشت کناں۔ https://t.me/Bramsh_baloch

ترسوکیں چُکّے لوٹ ئے؟ وھدے گپ کنگ ءَ بیت ، گپ ءَ دپ ءِ توک ءَ چوپ ئِے پریشانیں چُکّے لوٹ ئے؟ مُچی ءِ تہ ءَ ملامت ءُ میاریگ ئِے کن بیکار ءُ جاندُزّیں چُکّے لوٹ ئے؟ ھرچ کار ءِ تہ ءَ بگش تو بلد نہ ئے ، دے ئِے من وت اڈ ئِے کناں۔ https://t.me/Balochistan_qandeel