𝑺𝒊𝒎𝒑𝒍𝒆 𝑪𝒐𝒓𝒏𝒆𝒓 || رُكن بسيط

مش كل رحيل نهاية… أحيانًا بنسيب ورا ضهرنا حياة كاملة، علشان نبدأ حياة جديدة تستاهلنا. يمكن الوداع يوجع، بس يمكن اللي جاي يكون أجمل. 🤍

أصعب حاجة في الرحيل… إننا بنسيب ورا ضهرنا ناس بنحبهم، وأماكن عشنا فيها أجمل أيامنا. بنمشي، وقلوبنا لسه متعلقة بكل حاجة كانت بتشبه حياتنا القديمة… بس يمكن بعض الطرق لازم نمشيها، حتى لو كانت بتوجعنا.

مَضَى الجَمِيعُ يُعَانِقُونَ وُجْهَتَهُم وَوَحْدِي أقِفُ فِي زَحْمَةِ المَحَطَّة.. غَرِيباً عَنْ قَلْبِي والطريق.

ودعت محطات اليأس والحزن إلى غير رجعة، وها أنا أقف بتذكرة الأمل أنتظر قطاراً يحملني إلى أحضان من أحب.

القصه الأولي: احساس العجز انك واقف مكانك مش بتعمل حاجه شخص واقف شايف كل الناس ماشيه حواليه كل واحد في حياته ناس بتحب بعض واتجوزت وناس حققت حلمها واتفوقت وهو مكانه محققش حاجه

القصه التانيه : شعور متناقض مع شعور العجز شعور بلحظه أمل أن مش كل دول مبسوطين في حياتهم وان ممكن الشخص اللي شايف أنه عاجز عنده أمل ولسه في حلم متمسك بيه خد شنطته وورقه ومستني القطر اللي يوصله لحلمه هيركب القطر وهيكمل حكايته اللي لسه بتبتدي بيقع ويقوم تاني طريق مليء بالعقبات لكن سيتخطاها ويكمل طريقه ليصل لحلمه

بصوا هي بتلغبط شوية الصورة دي مطلوب منك تعمل منها قصتين او جملتين او كلام بس كل مرة هتكون بمنظور مختلف يعني ممكن تخليها قصه او بوست حزين وبرضو مطلوب منك تعمل منها شعور تاني سواء سعادة او امل او هكذا يعني مطلوب منك تعمل بوستين كل واحد ليه شعور

الصورة اللي قدامكم دي... المطلوب منك تطلع منها إحساسين مختلفين، سواء في شكل قصة قصيرة، أو كام جملة، أو حتى جملة واحدة. (وكل ما كانت قصيرة وقدرت توصل الإحساس، هيكون أفضل) ♡゙ ممكن يكونوا فرحة وحزن، أو أمل وخوف، أو أي شعورين مختلفين من اختيارك. المهم إنك تقدر توصل الإحساسين بوضوح وبنفس القوة، وتخلي لكل واحد منهم طابعه الخاص.

رُكن بسيط لــ إبراهيم صابر ♥️

💙💙

بعد أي مشكلة بينك وبين صاحبك أو قريبك، بلاش تقلّل منه، ولا تفضحه، ولا تحكي للناس اللي كان بينكم.. دي مش من الجدعنة ولا من الأخلاق.

«الحُرُّ مَن راعى وِدادَ لحظة».

«وَإِذَا خَاصَمَ فَجَر».

يعني الخلاف ما يدفعكش إنك تظلم، أو تفضح، أو تنكر كل خير شفته منه. الخصومة ممكن تبعّد المسافات، بس المروءة والأخلاق تمنعك إنك تهدّ كل حاجة حلوة اتبنت بينكم. الجدعنة الحقيقية إنك حتى وإنت زعلان، تفضل فاكر الود، وتحفظ السر، وتصون العِشرة.💙

— رُكن بسيط