𝑺𝒊𝒎𝒑𝒍𝒆 𝑪𝒐𝒓𝒏𝒆𝒓 || رُكن بسيط

وَضَمَّ الإِلَهُ اسمَ النَّبِيِّ إِلَى اسمِهِ ... إِذَا قَالَ فِي الخَمسِ المُؤَذِّنُ: أَشهَدُ

وَشَقَّ لَهُ مِن اسمِهِ لِيُجِلَّهُ ... فَذُو العَرشِ مَحمُودٌ وَهَذَا مُحَمَّدُ

📌"يلا بينا قعدة (ع القهوة)… بس المرة دي في حاجة مختلفة 🤫"

حمادة: يا عم القعدة دي بتفصلني من الدنيا 😂 شريف: اه والله يبني 😂😂 القعدة دي لو بتتحسب بالساعات… كنا دخلنا موسوعة جينيس 😂 عبدالله: حصل 😂😂 حمادة: شوفتوا الحوار بتاع الواد سيد امبارح؟ شريف: أيوه شوفته… هو يستاهل من اللي بيعمله ده😂😂 عبدالله : حوارات فاضية والله يعم 😂🤦🏻 🕗 وفضل الضحك… والهزار… شوية لغط كده ملوش لازمة. عبدالله: طب إيه يا رجاله… مش يلا بقى؟ ورانا شغل الصبح ☹️ شريف: أه يلا… والحساب عندي النهارده 😂 حمادة: والله ما يحصل 😂🤨 عبدالله: سيبه يا شيفو… بقاله شهرين مقضيها ع حسابنا 😂 حمادة : يعم ماشي 😂 الحساب يا صااااااااحبي الحساب ادفع .. والكراسي تتحرك… كل واحد يلم حاجته…

"سبحانك اللهم وبحمدك، أشهد أن لا إله إلا أنت، أستغفرك وأتوب إليك

"حمادة: بتقول إيه يبني؟ 🤔 عبدالله: ده دعاء كفارة المجلس… النبي ﷺ قال — زي ما روى أبو هريرة رضي الله عنه — إن اللي يقعد في مجلس ويكتر فيه اللغط… ويقول الدعاء ده قبل ما يقوم… يتغفر له اللي كان في المجلس ده. شريف: تصدق… أول مرة أعرف 😶 عبدالله: (مكنتش تعرف اديك عرفت 😂 بصوت حمثلاح😂♥️) عشان دي سُنّة مهجورة… ناس كتير مش واخدة بالها منها. النبي ﷺ كان دايمًا يختم مجلسه بذكر… حتى القعدة العادية. حمادة : يعني إحنا طول عمرنا بنقفل القعدة غلط؟ عبدالله: شوفت كانت ناقصه سنة بسيطة تخليها أحسن. شريف: طب قولها تاني… عشان نحفظها.

عبدالله : "سبحانك اللهم وبحمدك، أشهد أن لا إله إلا أنت، أستغفرك وأتوب إليك." المرة دي… الثلاثة يقولوها سوا. حمادة : بصراحة… حاسسها قفلة أنضف 😌 عبدالله: كلمة دقيقة… بس ممكن تمسح لغط قعدة كاملة . شريف: من النهارده… مفيش قعدة تخلص غير بيها. و خلصت القعدة

تعالالي أنت بقا 🗣️ أيوه… أنت اللي بتقرأ. قعدت كام قعدة مع صحابك كانت خفيفة وحلوة… يمكن فيها شوية لغط 🫢 ويمكن لأ… بس دي سنة عن النبي ﷺ… وإحنا بنحب نقلده، صح؟ ♥️ قبل ما تقوم من أي قعدة… قولها. يمكن كلمة بسيطة… تتقفل بيها القعدة على نور ♥️

𝑾𝒓: 𝑬𝒃𝒓𝒂𝒉𝒊𝒎 𝑺𝒂𝒃𝒆𝒓

🖤🖤

🤍🤍.

إن لم تنفعه فلا تضره، وإن لم تفرحه فلا تحزنه، وإن لم تمدحه فلا تذمه.

💙💙

حتى لو أنا اللي بعدت عنها بإرادتي، أو هي اللي ضاعت مني، أو حتى لو الظروف كانت السبب.

وبما إن دا خير ومن نصيبي يبقي كدا كدا هيجي ، يبقى أقلق ليه؟

﴿إِنَّ اللَّهَ بَالِغُ أَمْرِهِ ۚ قَدْ جَعَلَ اللَّهُ لِكُلِّ شَيْءٍ قَدْرًا﴾"

الشيخ محمد عبادة

دعواتكم ليه بالشفاء ويرجع احسن من الاول ❤️‍🩹

🫂🫂

«الدَّارُ ليست بالبِناءِ جميلةً، إنَّ الدِّيارَ جميلةٌ بذَوِيها.

قد يَعشَقُ الإنسانُ أسوأَ بُقعةٍ، ويزورُها مِن أجلِ شخصٍ فيها.»

صل ع النبي ﷺ واقرأ

عكرمه دا بقا كان من اكتر الناس عداوة للاسلام وطبعاً لأنه تربية ابو جهل والكره زاد في قلبه اكتر من ناحية الاسلام بعد قتل أبوه ع يد المسلمين... ولما المسلمين افتتحوا مكة كان من الناس اللي الرسول قال لازم يتقتلوا ( أهدر دمائهم)...

🎯 ومن هنا كل حاجه اتغيرت ...

▪️تعامل النبي محمد ﷺ مع عكرمة بعد إسلامه كان فيه ترحيب وتقدير، وده خلاه يتمسك أكتر بالدين ويحبّه بصدق. ومن ساعتها، اتغيّر تمامًا… وبقى من الأبطال اللي ضحّوا بكل حاجة لحد ما استُشهد.

تعالي احكيهالك 🤚🏻🤍

في معركة اليرموك ضد الروم، ولما الموقف كان صعب جداً على المسلمين، وقف عكرمة بن أبي جهل ونادى في الناس بصوت عالي: "من يبايع على الموت؟" ⚔️ فتقدّم معاه عدد من فرسان المسلمين، واقتحموا صفوف الروم بثبات وشجاعة نادرة، وكان ليهم دور كبير جداً في صد الهجوم وتثبيت صفوف جيش المسلمين. وقاتل عكرمة قتال الأبطال لحد ما اتصاب بجراح بالغة، وبعد ما المعركة خلصت، كان من بين الجرحى اللي جسمهم كله ينزف. وتذكر بعض كتب التاريخ قصة مؤثرة عنه، إنه لما جابوا له مية يشرب، بص للي جنبه من الجرحى وحس إنهم أشد حاجة للمية منه، فرفض يشرب وقدمهم على نفسه.. في مشهد عظيم بيجسّد أعلى معاني الإيثار والتضحية.

▪️مفيش حد ميؤوس منه… مهما كان بعيد، ممكن يقرب ▪️ربنا بيقبل اللي يرجعله بصدق حتى لو كان متأخر ▪️الشدائد ممكن تكون سبب الهداية ▪️أوعى توعد ربنا بحاجة وتنسى ▪️التغيير الحقيقي بيبان في الأفعال

▪️مش مهم كنت إيه… المهم هتبقى إيه! ▪️متحكمش على الناس بماضيهم... ▪️مش ضعف إنك تعترف إنك كنت غلطان، بالعكس ده دليل قوة وشجاعة.

𝑾𝒓: 𝑬𝒃𝒓𝒂𝒉𝒊𝒎 𝑺𝒂𝒃𝒆𝒓

🫂🤍

بحب الناس اللي بيفوتوا الحاجات اللي ممكن تجرح اللي قدامهم...

لو حد قال كلمة غلط من غير قصد، ميضحكوش عليه ولا يحرجوه. ولو حد وقع في الشارع، يساعدوه بدل ما يعلقوا عليه. ولو حد عنده وحمة أو أثر أو أي حاجة ظاهرة، ميفضلوش يبصوله بطريقة تحسسه إنه مختلف.

بحب الناس اللي بتراعي مشاعر غيرها، حتى في التفاصيل الصغيرة اللي ناس كتير ممكن متاخدش بالها منها.

𝑬𝒃𝒓𝒂𝒉𝒊𝒎 𝑺𝒂𝒃𝒆𝒓