Ahmad Ali Dilmurod

*** soatim yo'q yoningga necha soat kech qolayotganimni bilmayman. o'zimga qolsa kech qolmasdim o'zimga qolsa soatim bo'lardi. 2025 @ahmadali_writer

*** nima qilmoqchi ekanim esimdan chiqdi, keyin yoningga bordim. 2025 @ahmadali_writer

*** kanalni o'chirish. ko'ngilni o'chirish. insonni o'chirish. sevgini o'chirish. xotirani o'chirish. faqat birinchisini qila olaman. faqat birinchisi. 2025 @ahmadali_writer

*** suratingni o'chirib yubordim. yo'q, hech nima demoqchi emasman, ishora emas bu, ketdingmi, ketmadingmi tushunmadim. suratingni o'chirib yubordim. yo'q, men bilmayman inson nechtasini sevishi mumkin yo'q, men bilmayman bir - bu sensanmi? yo'q, men bilmayman yana sevamanmi suratingni o'chirib yubordim, bu oson emas edi - nima oson bo'lgan o'zi? ketdingmi, ketmadingmi, bilmadim agar... nimadir bo'lsa, suratingni o'chirib yubordim, agar... nimadir bo'lsa, shuni eslayman birinchi - men suratingni o'chirib yubordim. 2025 @ahmadali_writer

*** sen ona bo'lmoqchimiding? turmush qurib, to'qqiz oydan keyin, ona bo'lmoqchimiding? kimdan? qanday? qanday qilib? sen ona bo'lmoqchimiding? inson bo'lganing yetmaydimi? g'olib bo'lib - g'olib bo'lmoqchimiding? rahbar bo'lmoqchimiding? xodim? tadbirkor? quruvchi? oshpaz? ovqat qilishni bilmaydigan sen ona bo'lmoqchimiding? kim aytdi senga buni? kim aytdi shunday qilsa bo'lishini? mumkin ishlarni qilasanmi? kimsan sen? nimasan? sen mumkin ishlarni qilasanmi? sen ona bo'lmoqchimiding? men dilmurod bo'lmoqchi edim. 2025 @ahmadali_writer

*** kulma ular haqiqiy odam emas kulma ular ataylab qilyapti kulma kulib o'tirma kulma - kulgili emas. kulma vaqt bo'ldi soat olti bo'ldi kulma! mashina qizdir mashina bor mashina yo'q rulda o'tirib kulma insonlar ko'p insonlar bor insonlar o'lmoqda insonlar tug'ilmoqda odamlar haqiqiy emas kulma. kulma qarash mumkin emas qarash mumkin emas hammasi tushunarsiz hammasi yosh hammasi bor kulma osmon bor bulut bor yomg'ir bor mashina qizdir kulma gazni bos kulma. kulma kech bo'ldi shom kiradi hozir odamlar haqiqiy emas kulma. ishonmaysan hotirjam bo'lmaysan tinchimaysan kulma. qaytadan o'qib chiqmaysan tahrirlamaysan to'liq bittada o'tirib yozolmaysan hotirjam tinch uyda bittada yozolmaysan vaqting bo'lganda kirib fikring chalg'ib yozasan kulma. qarash mumkin emas odamlar haqiqiy emas shuni bittada yozolmaysan kulma. 2025 @ahmadali_writer

*** seni tushimda ko'rganimga boshqa narsani bahona qilib yig'lab oldim. 2025 @ahmadali_writer

*** yomg'irni kutmasligim, yomg'irda seni sog'inmasligim uchun katta bo'lishim kerakmidi? shu xolosmi? 2025 @ahmadali_writer

*** men fikrlarimni himoya qilaman men fikrlarimni yaxshi ko'raman men fikrlarim uchun urushaman men fiklarim bilan yonma-yonman men fikrlarimni aytaman men fikrlarim bilan jimman men fikrlarimga qarab turaman men fikrlarimni onda-sonda asta-sekin bo'lib-bo'lib qismlab-qismlab hovuchlab-hovuchlab aytaman. men fikrlarimni qo'ltiqlab yuraman men fikrlarimni yonimda olib yuraman men fikrlarimni baqiraman men fikrlarimni aytib qo'yaman men va fikrlarim men, fikrlarim men va fikrlarim yonma-yon men qaysi fikrlarim qaysi men u fikrlarim u men + fikrlarim men + fikrlarim = sevgi men fikrlarim bilan qolganman men fikrlarim bilan qolganman nima qilay, men o'shanda fikrlarim bilan qolganman meni tashlab ketishganida fikrlarim bilan qolganman menga kelishmaganida fikrlarim bilan qolganman meni yig'latishganida fikrlarim bilan qolganman chiroqni o'chirishganida fikrlarim bilan qolganman och qolganimda fikrlarim bilan qolganman sovuq qotganimda pulsiz qolganimda hech narsam yo'qligida fikrlarim bilan qolganman. men fikrlarimni himoya qilaman, nima qilay... 2025 @ahmadali_writer

*** mening ismim bor edi hech bo'lmasa ismim rad javobini olib yo'lda ketayotib svetaforga qarab - mening ismim bor edi hech bo'lmasa ismim sen gapirmaysan qaramaysan o'ylamaysan sog'inmaysan meni tushingda ko'rmaysan - mening ismim bor edi hech bo'lmasa ismim bor edi sovuq kun keladi sovuq kun keladi qor yog'maydi bugun faqat sovuq kun keladi men uydan chiqmayman men uydan chiqaman - mening ismim bor edi ismim bor edi sen tanib qolmaysan o'ylamaysan xayolingga kelmaydi o'ylab qo'ymaysan qahvangni olib ichasan - mening ismim bor edi nima bo'lsa ismim bor edi ismimni aytmaydi ular ismimni aytmaydi gaplar orasidan yuradi gaplar orasida o'ynaydi gaplar orasida qochadi gapni o'yin qiladi gapni maydalaydi hammayoq gap - atrofini o'raydi mustahkamlaydi - mening ismim bor edi ismim bor edi sen yo'lga qarab ketasan yo'lda ketasan svetaforga qaraysan svetaforga qaramaysan - mening esa bu yerda ismim bor edi - dilmurod degan. sen indamaysan. 2025 @ahmadali_writer

*** ko'zing rangi esimda yo'q sevishim esimda soching ko'z oldimda emas sevishim esimda yomon gaplaring esimda yo'q sevishim esimda kiyimlaring rangi esimda yo'q sevishim esimda atiring esimda yo'q sevishim esimda tabassuming esimda yo'q sevishim esimda nima qilay xotiram yomon. 2025 @ahmadali_writer

*** gapni qisqa qiling sog'indim, deng seni yaxshi ko'raman, deng gapni qisqa qiling seni yomon ko'raman, deng sen yomonsan, deng gapni qisqa qiling sen meni tashlab ketding, deng sen yomonsan, deng gapni qisqa qiling turmush qurmoqchiman, deng men bilan turmush qurasanmi, deng gapni qisqa qiling men baxtliman, deng kuling gapni qisqa qiling, kuling gapni qisqa qiling pulim yo'q, deng hozir pulim yo'q, deng pulim bor, deng boyib ketdim, deng gapni qisqa qiling, shukr qiling gapni qisqa qiling yig'lang gapni qisqa qiling seni yaxshi ko'raman, deng vaqting bormi, deng bugun men bilan turmush qurasanmi, deng gapni qisqa qiling yig'lang. 2025 @ahmadali_writer

kasbiy kanal ochdim: https://t.me/axmadaliyevlive bu fundament uchun. hozircha mualliflik loyiha, nozik yo’nalish/mavzular yo’q. boshqa manbalardan ayti yangiliklar yozib boraman. ulanib qo’ysangiz xursand bo’laman.

*** do'stim meni tushida ko'rgani haqida eshitdim. uch kundan beri shuni o'ylayapman. 2025 @ahmadali_writer

*** telefon o'ynama do'stlaring boshqa xabar yozmaydi do'stlaring boshqa xabar yozmaydi telefon o'ynama turmush qurding romanga hojat yo'q romanga hojat yo'q telefon o'ynama otang boshqa xabar yozmaydi otangga boshqa xabar yozmaysan telefon o'ynama onang telefon qilsa o'zi qo'ng'iroq chalinadi telefon o'ynama telefon o'ynama bozorga ortiqcha puling yo'q bozorga ortiqcha puling yo'q telefon o'ynama ko'zingni battar qilasan nur izlashni bas qil nur izlashni bas qil telefon o'ynama baribir kitobing chiqmaydi baribir kitobing chiqmaydi telefon o'ynama kimdir seni o'qimoqchi bo'lsa ko'rishsin ko'rishsin telefon o'ynama katta bo'lib qolding ko'chani tomosha qilging keladi ko'chani tomosha qilging keladi telefon o'ynama uyingga bor choy ich uxla uxlashdan oldin do'stlaring boshqa xabar yozmasligi esingga tushsa ham telefon o'ynama. 2025 @ahmadali_writer

*** nega seni uchratib qolmayapman, insonlar ko'plik qilyaptimi? 2025 @ahmadali_writer

*** toshkentga kelma yurma ko’chalarida ko’chalarida sayoq yurma qadam-qadam tashlab yurma ko’zingga ishonmaydi kipriklaringga ishonmaydi ko’z-kipriklaringga ishonmaydi “yig’lama keyin” “yig’lama, keyin” toshkentga kelma bu ko’chalar sen uchun emas sen bu ko’chalar uchun emassan kim seni aldadi? kim seni “toshkent” deb aldadi? ishonma toshkentga ishonma toshkentga ko’z yoshlaringni yo’qotib qo’yma menga ber ko’z yoshlaringni kipriklaringni menga ber ko’zlaringni… ishonma toshkentga, ko’zlaringni yo’qotib qo’yma. 2026 @ahmadali_writer

*** chiqib ketasan kanalimdan bilmaymanmi? bugun erta indin qator-qator uch qator ketma-ket chiqib ketasan kanalimdan… yuragimdan emas, lekin. bilmaymanmi? 2026 @ahmadali_writer

*** ismingni bilgim keladi hech kim atamasa isming bilan hech kim eslamasa hech kim tushunmasa isming bilan ismingni faqat men bilgim keladi menga qo'yilgan isming men uchun qo'yilgan isming hech kim atamasa seni ismingni bilgim keladi qo'rqitma meni sen endi ular uchun yo'qsan sening isming yo'q sen men bilan qayergadir ketding... ismingni bilgim keladi sen endi yo'qsan. men va isming bor isming men bilan ismingni bilgim keladi. 2025 @ahmadali_writer