Amharic book store

ካሉበት ቅርቃሮ መውጣት! አንዳንድ ጊዜ ካለንበት ቦታ መውጣትና ወደተሻለ ደረጃ በማደግ መድረስ እንዳለብን እያወቅነው፣ እዚያው ባለንበት ስንረግጥ ራሳችንን እናገኘዋለን፡፡ ይህ ሁኔታ በአጋጣሚ አይሆንም፡፡ ለዚህ ሁኔታ ከሚያጋልጡን መንስኤዎች የተወሰኑትን ላጋራችሁ፡፡ 1. ከየት ተነስተን ወደ የት እንደምንሄድ ግልጽ የሆነ ዓላማ አለመኖር ካለንበት ሁኔታ ወደ ተሻለ ደረጃ የምንሻገረው ብዙ ስለተመኘንና በጣም ስለለፋን ሳይሆን በዓላማ ስለተንቀሳቀስን ነው፡፡ ስለዚህ ዓላማችንን እንወቅ፣ ከዚያ አንጻር ግብን እናውጣ፣ ወደ ፊት እንንቀሳቀስ፡፡ 2. ከምቹ ስፍራ መውጣት አለመፈለግ አንዴ ከተመቻቸንበት ስፍራ አልፈን ብንሄድ የተሻለ ነገር እንዳለ ቢታየንም እንኳን ያንን ስፍራ ለመልቀቅ አለመፈለግ እንቅፋት ሊሆንብን ይችላል፡፡ የተመቸን ስፍራ ሁሉ የስኬት ከፍታችንን አመልካች አይደለምና በየእለቱ ወደ አንድ ወደተሻለ ስፍራ ትንሽ በትንሹም ቢሆን እንራመድ፡፡ 3. የዲሲፕሊን ጉድለት ቀጣይ እድገት በመነቃቃት (motivation) ብቻ አይመጣም፡፡ ካለንበት የተለመደ ስፍራ የምንወጣው ቀጣይነት ያለውን እርምጃ የመራመድ ዲሲፕሊን ስናዳብር ነው፡፡ ስለዚህ የየእለት ድግግሞሾችን በማዳበርና ያንንም ላለማቆም በመወሰን በየእለቱ ማደግ እንችላለን፡፡ 4. የቅርብ ሰዎቻችን አጉል ተጽእኖ በአጠገባችን ያሉ ሰዎች አመለካከታችንንና አቅጣጫችንን የመወሰን አቅም አላቸው፡፡ አሉታዊ አመለካከትና የሕይወት ዘይቤ ያላቸው ሰዎችን ተወት በማድረግ በአዎንታዊነትና በራእይ የተሞሉ ሰዎችን ማቅረብ አስፈላጊ ነው፡፡ 5. ያለፉ ልምምዶች አጉል ተጽእኖ ከዚህ በፊት የተጎዳንባቸው ሁኔታዎች፣ የምንጸጸትባቸው ነገሮችና በሰዎች ላይ የያዝናቸው ቂምና ጥላቻዎች ካሉ ካለፈው አልፈን ወደ ፊት እንዳንራመድ ያስሩናል፡፡ ይህንን ሁኔታ አልፈን ለመሄድ ከፈለግን መለወጥ የማንችላቸውን ነገሮች መልቀቅን መማር የግድ ነው፡፡ 6. ተጠያቂነት አለመኖር የሚመክረን፣ የሚሞግተን፣ አቅጣጫ የሚያሳየንና በዚያ አቅጣጫ ላይ በየጊዜው በሃላፊነት የሚጠይቀን ሰው ከሌለ ከእኛ አቅም አልፈን መሄድ አንችልም፡፡ ይህ እንዳይሆን ከማበረታታት በተጨማሪ በሃላፊነት የሚጠይቀን ሰው ያስፈልገናል፡፡ LIKE & SHARE !!! ማሳሰቢያ በፊታችን ቅዳሜ ከምሽቱ 3፡00 እስከ 4፡00 ድረስ በዚሁ የቴሌግራም ቻናል ላይ በነጻ የሚሰጠው LIVE ስልጠና አያምልጣችሁ፡፡

🛑የABCDE ዘዴ (The ABCDE Method):  ይህ በየቀኑ ስራችሁን በቅደም ተከተል ለማስቀመጥ የሚረዳ ተግባራዊ ዘዴ ነው። 🔤: በጣም አስፈላጊ ስራዎች (Must-do)፤ ባይሰሩ ከባድ ችግር ያላቸው። 🔤: አስፈላጊ ስራዎች (Should-do)፤ ባይሰሩ መጠነኛ ችግር ያላቸው። 🔤: ቢሰሩ ጥሩ የሆኑ ስራዎች (Nice-to-do)፤ ባይሰሩ ምንም ችግር የሌላቸው። 🔤: ለሌላ ሰው ሊሰጡ የሚችሉ ስራዎች (Delegate)። 🔤: ከዝርዝር ውስጥ ሙሉ ለሙሉ ሊሰረዙ የሚገባቸው ስራዎች (Eliminate)። ህጉ "A" ስራዎችን ሳትጨርስ ወደ "B" ስራዎች አትለፍ ይላል። 📖 Time Management ✍️ Brian Tracy https://t.me/Amharic_Books_storee

ሰዎች በውስጣቸው ደብቀው የያዙትና በአፋቸው የሚናገሩት የተለያየ ነው።ፊታቸው ላይ የምታዩት ውስጣቸው እየተካሄደ ካለው ነገር ጋር ሙሉ በሙሉ የተለያየ ነው።ስለ ፍቅር እያወሩ ውስጣቸው ግን በጥላቻ የተሞላ ሊሆን ይችላል።አንድን ሰው በጠዋት ሲያገኙ"እንደምን አደርክ፤አንተን በማየቴ ደስተኛ ነኝ።በዚህ ጠዋት ስላገኘሁህ ተደስቻለሁ።" ሊሉ ይችላሉ።በውስጣቸው ግን፦ "አምላኬ ይህን ደደብ ገና በጠዋቱ ያሳየህኝ ለምንድንነው?" እያሉ ይሆናል።ጭንቅላታችን በውስጡ ያለውን የሚያሳይ መስኮት ቢኖረው ኖሮ ለመኖር በጣም እንቸገር ነበር። 📕ርዕስ፦የነፍስ መንገድ ✍️ፀሀፊ፦ኦሾ https://t.me/Amharic_Books_storee

📔📖ርእስ ኮዛ ኖስትራ 📚📚ትርጉም [ መኩሪያ መካሻ] ⭐የተወሳሰበ ታሪክ ያለው የሲሲሊ ማፊያ አስደናቂ ታሪክ ✅ስለማፊያ ታሪክ ስናነብ በቅድሚያ ለአንባቢ ግልጽ መሆን ያለባቸው ሁለት ነገሮች አሉ - የማፊያ ቤተሰብና የደም ትስስር ያለው የማፊያ የዘር ግንድ። ሁለቱ የተለያዩ ናቸው። ✅ ይህ መጽሐፍ በዋናነት የሚያጠነጥነው በሁለተኞቹና ከደም ትስስር የተነሳ በዘመዶቻቸው ተገፋፍተው የማፊያ አባል እንዲሆኑ ስለተደረጉት ነው። "የማን ዘር ጎመን ዘር' እንዲሉ በዘር ግንድ ተተብትበው ለማፊያ ይሰራሉ፡፡ እርግጥ ነው ማፊያ ወይም “ኮዛ ኖስትራ” ምስጢራዊ ድርጅት ነው። በመሆኑም ከማፊያ ጋር ስላላቸው ግንኙነት አባላቱ ለወገኖቻቸው ትንፍሽ ማለት አይችሉም፡፡ ✅ ይህ ምስጢራዊ ድርጅት ምስጢርን መጠበቅ በሚለው የዝምታ (ኦሜርታ) መርሁ በመመራት ድርጅቱን ለ150 ዓመታት አስጠብቋል፡፡ ሁለቱ የማፊያ ቤተሰቦች የሲሲሊ ማፊያ እና የአሜሪካ ማፊያ ሲባሉ ከግለሰብ ቱጃሮች፣ ነጋዴዎች፣ ፖለቲከኞችና የሠራተኛ ማህበራት ጋር ግንኙነት መስርተዋል፡፡ በተመሳሳይ መንገድም ከኩባንያዎች፣ ከፖለቲካ ፓርቲዎች ወይም ቡድኖች ጋር እጅና ጓንት ሆነው ተራምደዋል፡፡ ይህም የሆነው ኩባንያዎቹም ሆኑ ፓርቲዎቹ በህብረተሰቡ ውስጥ ህልውናቸውን ለማረጋገጥ የማፊያን ከለላ በመፈለጋቸው ነው፡፡ ✅ይህ መጽሐፍ እንደ ሌሎች በማፊያ ዙሪያ የተደረጉ ጥናቶች ሊያነሱት የሞከሩትን ታሪካዊ ጉዞን ለማሳየት ይጥራል፡፡ በመሆኑም የማፊያ አለቆች ከፍትህ ለማምለጥ ያደረጉትን ድብብቆሽ በስም፣ በሥፍራ እየጠቀሰ ያስነብባል፡፡ https://t.me/Amharic_Books_storee

📚ታዋቂው ባለሀብት ዋረን ባፌት ገና የ19 ዓመት ወጣት እያለ ይህንን መጽሐፍ በአጋጣሚ ያነበዋል። ከዚያም መጽሐፉን ከመውደዱ የተነሳ፣ በኮሎምቢያ ዩኒቨርሲቲ የቤንጃሚን ግራሃም ተማሪ ለመሆን ማመልከቻ ያስገባል። ማመልከቻው ተቀባይነት አግኝቶ ከተማረ በኋላ፣ አሁን ላይ ላለው ከ130 ቢሊዮን ዶላር በላይ የተጣራ ሀብትና ለታላቁ ኩባንያው "Berkshire Hathaway" ስኬት ዋነኛው መሠረት ይህ መጽሐፍና ከደራሲው ያገኘው ትምህርት መሆኑን በተደጋጋሚ በይፋ መስክሯል። 📚የማወራው "The Intelligent Investor" ስለተሰኘው የቤንጃሚን ግርሃም መጽሐፍ ነው።ግራሃም በታሪክ "Father of value investing" በመባል የሚታወቅ ታላቅ የቢዝነስ ሰው ነው።ይህንን መጽሐፍ በ1949 ዓ.ም ሲያሳትመው፣ ዋነኛ ዓላማው ሰዎች ያላቸውን ገንዘብ እንዴት ማሳደግ እንደሚችሉ ማስተማር ነበር። ነገር ግን መጽሐፉ ከማስተማር ባለፈ፣ ከታላላቅ ኢንቨስተሮች ጋር እንዲገናኝና ስኬታማ ኩባንያዎችን እንዲመሠርት አግዞታል። በአማርኛ ይቅረብ? https://t.me/Amharic_Books_storee

📕ርዕስ፦ የልማድ አስደናቂ ኃይል ✍ደራሲ፦ጄምስ ክሌር ለምንድን ነው ሁልጊዜ ትልልቅ እቅዶችን አቅደን ሳናሳካቸው የምንቀረው? ለምንድን ነው መጥፎ ልምዶቻችንን ለማቆም ስንታገል ቆይተን መልሰን እዛው ውስጥ የምንገኘው? ለመሆኑ ስኬታማ ለመሆን የግድ በአንድ ጀምበር ትልቅ ለውጥ መፍጠር አለብን? ይሄ ጥያቄ ሁሌም ግራ ያጋባኝ ነበር። ነገር ግን ይህንን መጽሐፍ ካነበብኩ በኋላ ትልቁ ስህተታችን ታየኝ። ለካስ ህይወታችንን የሚቀይሩት በአንድ ጊዜ የምናደርጋቸው ትልልቅ ውሳኔዎች ሳይሆኑ፣ በየቀኑ የምናደርጋቸው ጥቃቅን እና ቀላል የሚመስሉ ልምዶች ናቸው።አሁን ላይ በየቀኑ 1% መሻሻል በረጅም ጊዜ ውስጥ ምን ያህል ትልቅ ለውጥ እንደሚያመጣ ስረዳ ነገሮች በሙሉ እየተገለጡልኝ ነው። ጄምስ ክሊር "Atomic Habits" በተባለው መጽሐፉ ውስጥ፣ ጥቃቅን ልምዶችን በመጠቀም እንዴት ህይወታችንን እና ስብዕናችንን መለወጥ እንደምንችል በማስረጃ አስደግፎ ያሳየናል። መጥፎ ልምዶችን በቀላሉ የምናስወግድበትንና ጠቃሚ የሆኑትን ደግሞ የምናዳብርበትን ሳይንሳዊ መንገድ ደረጃ በደረጃ ያስረዳል። መጽሐፉ በዓለም ዙሪያ በሚሊዮን የሚቆጠሩ ቅጂዎች የተሸጠ ሲሆን፣አሁንም ድረስ እየተነበቡ ካሉ ራስ-አገዝ መጽሐፎች ውስጥ አንዱ ነው። እንደዚህ አይነት ራስ-አገዝ መጽሐፎች እንዲቀርቡ ሪያክት ማድረግ አትርሱ! https://t.me/Amharic_Books_storee

📚📚📖 ✔️​መሠረታዊ የሆኑት መርሆዎች ለስኬት ቁልፍ ናቸው። ስቴፈን ኮቬይ ደግሞ እነዚህን መርሆዎች በአስገራሚ መልኩ በውስጡ ይዟቸዋል። እናም እባክዎን መጽሐፉን ይግዙት፤ ግን ከዚህ በላይ ዋንኛውና ትልቁ ነገር ያንብቡት! ​አንቶኒ ሮቢንስ የ UNLIMITED POWER ደራሲ ።።።።።።።።።።።።።።።።።።።።።።።።።።።።።። ✅​ደህና ሁን ዴል ካርኔጌ። ስቴፈን ኮቬይ በህይወቴ ከፍተኛ ተጽዕኖ ከፈጠሩብኝ ሰዎች ዋንኛ ነው። መርሆዎቹ ከፍተኛ እና ኃይል የተሞሉ ናቸው፤ ይሠራሉ። ይህን መጽሐፍ ትገዙት ዘንድ አደራ እላለሁ፤ አንብቡት። በምትቃርሟቸው መርሆዎች ህይወታችሁና ተሞክሯችሁ እየተለወጠ ይሄዳል። ​--- ሮበርት ጂ. አለን የ CREATING WEALTH እና NOTHING DOWN ደራሲ ✔️​THE SEVEN HABITS OF HIGHLY EFFECTIVE PEOPLE የተባለው ይህ መጽሐፍ በእውነት ለየት ያለ ነው። አንድ ሰው መነሳሳት አድሮበት በሕይወት ለሚገጥሙት የተለያዩ ኃላፊነቶች ብቁ እንዲሆን ይረዳዋል። በግሉ ሕይወት ብቻ ሳይሆን በሥራ እና በማኅበራዊ ግንኙነት ብሎም በቤተሰብ ሕይወት ዙሪያ ከሌሎች እስከ አሁን ካነበብኳቸው መጻሕፍትም በላይ ጠቃሚ ሆኖ አግኝቼዋለሁ። ​--- ሻል ኤች. ቶማስን የ MARRIOTT SCHOOL የአስተዳደር ዲን እንዲሁም የ NOVATIONS ደራሲ https://t.me/Amharic_Books_storee

📔አኩኩሉ ... አልነጋም ✍🏾ዳዊት ተክሉ ፍልስፍና ማለት ልክ እንደ ሰፊው ውቅያኖስ ነው። ማወቅን ለጊዜው እንደጠብታ እንውሰድ! አንድ ነገር እናውቃለን እንደ ውኃ ጠብታ ተጽዋችን አንድ ጠብ ይላል። ያ ጠብታ በበዛ ቁጥር እራሳችንን በእነዛ ጠብታዎች ውስጥ እናጣዋለን። ጠብታዎች በበዙ ቁጥር እኛ እያነስን እንመጣለን። ያኔ ከእራሳችን የሚያድነንን መላ ፈጥረን በህይወት የምንቆይበትን ጀልባ እንሰራለን። ያ ጀልባ ብቸኛ መዳኛችን ነው! ፍልስፍና በዚህ ውስጥ ይጠቀለላል። ያቺን ጀልባ መስራት ያቃተን ለታ በእኛው በማወቅ ጉጉት የሰበሰብናት ጠብታ መጥፊያችን ትሆናለች። ደስታ ይርቃል፣ የመረረ ሐዘን ከፍ ሲልም እብደት ወይንም ከእራስ መሰናበት ይከተለዋል። ይሄ መጽሐፍ ዝም ብሎ ተራ ልብወለድ አደለም፤ በፍልስፍና ሶስተኛ ደረጃ ላይ ያለ መጽሐፍ ነው። አንድ መደመም... ሁለት መጠየቅ ሶስት መጥፋት... ገጸባህሪው በሴተኛ አዳሪነት የምትተዳደር እናቱን በአፍላነቱ ያጣ ነው። «Autobiographical novel» ከሚባለው የስነጽሑፍ ዘርፍ ይካተታል። ልብወለድ አይደለም፣ ጥልቅ ፍልስፍና ነው! ደራሲው ከሦስተኛው የፍልስፍና ምዕራፍ ወደሌላኛው ምዕራፍ እንዲሻገርና የእራሱን ጀልባ እንዲያዘጋኝ እመኛለሁ። የካፍካን ስራዎች አላያችሁም? እነሆ ካፍካ ከሙታን ሰፈር በደራሲ ዳዊት በኩል ተነስቷልና የካፍካን ርዕዮት በዚህ ስራው ተመልከቱት! ካፍካም ብቻ ሳይሆን ዘረያዕቆብ፣ ኒች፣ ሳትረ፣ካሙ፣ ሾፐንኣወር እንደአጠቃላይ የብዙ ፈላስፋዎችን መረዳት በውስጡ ታገኛላችሁ። የኒሂሊዝም ፍልስፍና ይመቻችሁዋል? እንግዲያውስ ይህ መፅሐፍ ለናንተ ነው። https://t.me/Amharic_Books_storee

📖:- በራስ መተማመን ✔️ደራሲ:- ዴል ካርንጌ 👤ትርጉም:- ዳዊት መላኩ 📜ዘውግ:- ስነ- አእምሮ በራስ መተማመን በአንድ ጀምበር አይገነባም፤ ልክ እንደ ጡንቻ በልምምድ የሚያድግ ክህሎት ነው! ✔️​ታላቁ የሥነ-ልቦና ጠቢብ ዴል ካርንጌ "በራስ መተማመን" በተሰኘው ድንቅ መጽሐፉ ፍርሃትን አሸንፈን የስኬት ማማ ላይ የምንወጣባቸውን 3 ወርቃማ ምስጢሮች እንዲህ ያስቀምጣል፡ ​✅ ፍርሃትን ፊት ለፊት መጋፈጥ፦ ፍርሃት የሚጠፋው በመሸሽ ሳይሆን ውስጥ ገብተው ሲለማመዱት ነው። ✅ በቂ ዝግጅት፦ የምታደርገውን ነገር በሚገባ ስታውቀው፣ ልብህ ሙሉ ይሆናል፤ ፍርሃትህ ይበናል! ✅ ራስህን ሁን፦ ሌላውን ለመምሰል አትጣር፤ ያንተ ትልቁ ውበትና ጥንካሬ "ራስህን መሆን" ላይ ነው። ​✔️"ማንም ሰው ተደብቆ እንዲኖር አልተፈጠረም። ተለማመድ፣ ተዘጋጅ፣ ፍርሃትህን ሰብረህ ውጣ!" ​ https://t.me/Amharic_Books_storee

✅‎ሮማን እና ፊያሜታ፤ በሰው ልብ ውስጥ የሚኖሩ ሁለት ዓለማት ‎ ‎አንዳንድ ጊዜ ሕይወት በመንገድ መካከል ቆሞ የሚያስብ ሰው ትመስላለች። ወደ አንድ አቅጣጫ ቢሄድ የሚያጣው አለ፤ ወደ ሌላው ቢሄድም የሚተወው አለ። በዚያ ቅጽበት ሰው ሁለት ዓለማት መካከል ይቆማል። አንዱ የሚኖረው ዓለም፣ ሌላው ደግሞ ሊኖረው የሚችለው ዓለም። ‎ ✔️‎በኦሮማይ ውስጥ ያሉት ሮማን እና ፊያሜታ ሁለት ገጸ-ባህሪያት ብቻ አይደሉም። እነሱ በሰው ልብ ውስጥ የሚኖሩ ሁለት ተቃራኒ ኃይሎች ናቸው። ሁለት ጥሪዎች። ሁለት እውነቶች። ‎ ✔️‎ሮማን የመሬት ሰው ናት። የእውነታ ሰው። የቤት ሽታ፣ የቤተሰብ ሙቀት፣ የግዴታ ክብደት እና የታማኝነት ጸጥታ በእርሷ ውስጥ አለ። ሰው በሕይወት የሚሸከመውን ኃላፊነት ታስታውሳለች። ምክንያቱም ፍቅር ሁልጊዜ እሳት አይደለም፤ አንዳንድ ጊዜ ምሽት ላይ የማይጠፋ ሻማ ነው። ዝም ብሎ የሚበራ። የማያስደንቅ ነገር ግን የሚያቆይ። ‎ ✔️‎ፊያሜታ ግን እንደ ነፋስ ናት። የልብ ምኞት ድምፅ። ሰው ከእውነታ በላይ አንድ ነገር እንዳለ እንዲያምን የምታደርግ ህልም። እርሷን ሲያይ ሰው ያለበትን ሳይሆን ሊሆን የሚችለውን ራሱን ያያል። ሕይወቱ በሌላ መንገድ ቢጓዝ ኖሮ ምን ይመስል ነበር? የሚለውን ጥያቄ ታነሳለች። ‎ ‎እናም ጸጋዬ በሁለቱ መካከል ሲቆም በእርግጥ በሁለት ሴቶች መካከል አይደለም የቆመው። በሁለት ሕይወቶች መካከል ነው። ‎ ✔️‎አንድ አስገራሚ እውነት አለ። ሰው የሚጎዳው ሁልጊዜ ያጣው ነገር ስለሆነ አይደለም። አንዳንድ ጊዜ የሚጎዳው ማግኘት ያልቻለው እድል ነው። ያልኖረው ሕይወት ነው። ያልተነገረ ቃል ነው። ያልተጀመረ ታሪክ ነው። ‎ ✅‎ምናልባት ፊያሜታ እውነተኛ ሴት ከመሆኗ በላይ የጸጋዬ ውስጣዊ ናፍቆት ናት። ሮማንም እውነተኛ ሚስት ከመሆኗ በላይ ሕይወት የምትጠይቀው ኃላፊነት ናት። ‎እኛም በሕይወታችን ውስጥ እንዲሁ ነን። ሁላችንም አንዲት ሮማን አለችን፤ የምንጠብቃት እውነታ። እና አንዲት ፊያሜታ አለችን፤ የምንናፍቃት ህልም። ‎ ✔️‎ችግሩ ግን የሚጀምረው ሁለቱም እውነት ሲሆኑ ነው። አንዷን መምረጥ ሌላዋን መተው ሲሆን፣ ሌላዋን መምረጥም አንዷን ማጣት ይሆናል። ‎ ‎እናም የሰው ልጅ ትልቁ ትራጀዲ ፍቅር ማጣት ብቻ አይደለም። ትልቁ ትራጀዲ ሁለት እውነቶችን በአንድ ልብ ውስጥ ተሸክሞ መኖር ነው። ‎ ✔️‎እና ምናልባት የኦሮማይ ጥልቁ መልዕክት ይህ ነው፦ ‎ሰው ሁልጊዜ የሚሰበረው በጠላቶቹ አይደለም፤ አንዱን እውነት ለማቆየት ሌላውን እውነት መሰዋት ሲኖርበት ነው። ልብ የሚያለቅሰውም ያጣውን ሰው ብቻ ስለሚያስታውስ አይደለም፤ ከእርሱ ጋር ሊኖር የነበረውን ሕይወት ስለሚያስታውስ ነው። ‎ https://t.me/Amharic_Books_storee

ስሜቶችህን ካልተቆጣጠርክ.... ✔️በቅጽበት የስሜት ግንፈላ የገነባኸዉን ማንኛዉንም ነገር ልታጣ ትችላለህ።የለፋህበትን ትዳርና ክብር ልታፈርስ ትችላለህ። ✔️በአፍታ ንዴትም ሰዉ ገድለህ ለእድሜ ልክ እስርና ለዘላለም ጸጸት ልትዳረግ ትችላለህ....ስሜትን መቆጣጠር አለመቻል ዋጋዉ ከባድ ነዉ። ✅«ስሜትን መቆጣጠር» ትርጉም፦ሀኒም ኤልያስ https://t.me/Amharic_Books_storee

ብልህ ሰዎች መቼ መጋፈጥ እንዳለባቸው እና መቼ ማፈግፈግ እንዳለባቸው ጠንቅቀው ያውቃሉ። ማንም ሰው በንዴት፣ በቁጣ ወይም ስሜታዊ በመሆን ብቻ ውሳኔን ማሳለፍም ሆነ ወደ ፀብ መግባት የለበትም። ንዴት ከጊዜ በኋላ ሊበርድ እና ወደ መረጋጋት ሊቀየር ይችላል፤ ነገር ግን በንዴት የተነሳ የፈረሰ ህይወት፣ የጠፋ ግንኙነት ወይም የወደመ ነገር በቀላሉ ሊመለስ አይችልም። ስለዚህ ማንኛውንም እርምጃ ከመውሰድህ በፊት ስሜትህን ተቆጣጠር፤ አሸናፊነት የሚጀምረው ራስን ከማሸነፍ ነው። 📕ርዕስ፦7ቱ የስኬታማ ሰዎች ልማዶች ✍️ደራሲ፦ስቴቨን ኮቪይ https://t.me/Amharic_Books_storee

ሕይወት ልክ እንደ ዳንስ ናት። የዳንሱ ወለል ሰፊ ከሆነ ብዙ ሰዎች ይጨፍራሉ። ሪትሙ ሲቀየር አንዳንዶች ሊናደዱ ይችላሉ። ሕይወት ግን በቋሚነት እየተለዋወጠ ይቀጥላል፡፡ 📙የህይወት ፍልስፍና https://t.me/Amharic_Books_storee

#መከረኞች #ተወዳጁ_መጽሐፍ_ እጅግ ተወዳጁ #መከረኞች መጽሐፍ ማለቂያ ያለው የማይመስል የሰው ልጅ ሕይወት ገድል… በአንድ ፊቱ የህብረተሰብ ታሪክ፥ በሌላ ፊቱ ፍልስፍና፥ በሶስተኛ መልኩ የጥበብ ስራ፥ ከዚህም ውጪ በብዙ አንጻር ሊተረጎም የሚችል ሁሉን አወቅ ልቦለድ… የታሪኩ ቦታ ፈረንሳይ አገር፥ የታሪኩ ወቅት አስራ ዘጠነኛው መቶ ዓመት ቢሆንም የቪክቶር ኢጎ ‹‹ሌ ሚዜረብል›› ይዘቱ የጊዜ ገደብና የአገር ድንበር የሌለው፤ ‹‹ዘላለማዊ›› ተብለው ከሚጠሩ ስነ-ፅሁፎች፤ ከእነሆመር፥ ከእነሼክስፒር፥ ከእነቶልስቶይ፥ ከእነዶስቶየቭስኪ የድርሰት ስራዎች የሚመደብ መሆኑ አያጠራጥርም፡፡ ባለታሪኮቹ እነአቡኑ ሚሪዬል፥ እነዣን ቫልዣ፥ እነዣቬር፥ እነፋንቲን፥ እነኮዜት፥ እነቴናርዲዬ እና የተቀሩት የገጸባህርያት ሠራዊት ትናንት ለነበሩት፥ ዛሬ ላሉትና ነገ ለሚፈጠሩት የሕብረተሰብ ክፍሎች ወካይነት አላቸው፡፡ https://t.me/Amharic_Books_storee

እናንተ የሰው ልጆች ህግጋትን ማውጣት እጅግ ያስደስታችኋል፤ ነገር ግን ያወጣችሁትን ህግ ራሳችሁ መጣሱ ደግሞ የበለጠ ያስደስታችኋል። እናንተ ማለት በባህር ዳርቻ ላይ አሸዋ እየሰበሰቡ ግንብ እንደሚሰሩ፣ ከዚያም ያንኑ ግንብ በሳቅ እያፈረሱ እንደሚጫወቱ ሞኝ ህፃናት ናችሁ። ይህን የውሸት ስርአት እና ህግ ስትገነቡም ሆነ ስታፈርሱ፣ ያ ዘላለማዊው የህይወት ውቅያኖስ በሞኝነታችሁ ይስቃል። የሰው ልጅ የፈጠረው ማህበረሰብ፣ ፍትህ እና ስርአት... ሁሉም በውሸት ላይ የተገነቡና ነፋስ የሚያፈርሳቸው የአሸዋ ቤቶች ናቸው።" 📕 ርዕስ፡- ነቢዩ ✍🏽 ደራሲ፡- ካህሊል ጂብራን https://t.me/Amharic_Books_storee

ዛሬም እንደ ትላንቱ ፀሐይ ወጥታለች። ወፎቹም ዝማሬያቸውን አላቋረጡም። ዓለም ምንም እንዳልተፈጠረ ሁሉ ስራዋን ቀጥላለች። እኔ ግን የአለም ሰዓት የቆመ ይመስለኛል። አንቺ በሌለሽበት ዓለም ወፎች ለምን ይዘምራሉ? ፀሐይስ ለምን ትበራለች? ተፈጥሮ ለኔ ሐዘን ደንታ የላትም። ልክ እንደ ባሕር ሞገድ ትዝታሽ በየጊዜው እየመጣ ልቤን ያጥለቀልቀዋል። ትላንት "ለዘላለም አብረን እንኖራለን" ስንል ቃላቶቻችንን ነፋስ ወስዶ ለአለት የነገራቸው ይመስለኝ ነበር። ዛሬ ግን ያ ቃል እንደ ጢስ በኖ ጠፍቷል። የሰው ልጅ ሕይወት እንደ ጧፍ ናት፤ በራሷ እየበራች በራሷ ትቃጠላለች። እኔም ዛሬ በገዛ ትዝታዬ እየተቃጠልኩ ነው። ማንም ሊረዳኝ አይችልም፣ ማንም ሊያጽናናኝ አይችልም። ምክንያቱም የኔ ሕመም የሚድነው ሕመሙን በፈጠረው ሰው እጅ ብቻ ነበር፤ ያ ሰው ደግሞ ዛሬ በመቃብር ጨለማ ውስጥ ተኝቷል። የቀረኝ ምርጫ በዝምታ ማልቀስና ዳግም እስከምንገናኝ የናፍቆት ፅዋን መጨለጥ ብቻ ነው። 📕 ርዕስ፦የተሰበሩ ክንፎች ✍🏻 ደራሲ፦ካህሊል ጂብራን https://t.me/Amharic_Books_storee

✅አልኬሚስቱ በአካባቢው የነበረ አንድ ሰው የገዛውን መጽሀፍ አንስቶ ገፆቹን ሲያገላብጥ ስለናሪሰስ የሚያወሳ ታሪክ አገኘ። አንድ በየዕለቱ ወደ ሃይቅ ዳርቻ እየሄደ ተንበርክኮ የራሱን ውበት የሚያደንቅ ወጣት ታሪክ ነው። በራሱ ሲደነቅ በነበረበት አንድ ማለዳ፣ ወደ ሀይቁ ወደቀና ሰመጠ። ✅ እሱ በሰመጠበት ነቁጥ ላይ አንድ አበባ በቀለችና ናሪሰስ ተብላ ተሰየመች። ሆኖም ግን የዚህ መጽሀፍ ደራሲ ታሪኩን የቋጨው በዚህ አልነበረም ። ናሪሰስ እንደሞተ፣ የጫካው ሴት አማልክት ብቅ አሉና ጨዋማ ያልነበረው ሀይቅ በለቅሶ እምባ ወደ ጨዋማነት መለወጡን አስተዋሉ። - "ለምን ታለቅሳለህ?" ሲሉ አማልክቱ ሀይቁን ጠየቁት። -"ለናሪሰስ ነው የማለቅሰው”ሲል መለሰ ሀይቁ። -"አሃ! ለናሪሰስ ማልቀስህ አስገራሚ አይደለም፣ በእርግጥም ቆንጆ ነበርና" አሉ አማልክቱ። -ሀይቁ ግራ ተጋብቶ "ናሪሰስ ቆንጆ ነበር እንዴ?" ሲል ጠየቀ። -"ከአንተ የተሻለ ይህን ማን ሊያውቅ ይችላል?" ሲሉ ተገረሙ። ለጥቂት ጊዜያት ሐይቁ ጸጥ አለ። በመጨረሻም "ለናሪሰስ አለቅሳለሁ፣ ነገር ግን እሱ ቆንጆ እንደነበር ፈጽሞ አስተውዬ አላውቅም ነበር። የማለቅስበት ምክንያት ከዳርቻዬ ላይ በሚንበረከክበት እያንዳንዱ ቀን በጥልቅ አይኖቹ ውስጥ የራሴን ውብ ነፀብራቅ አይ ስለነበር ነው ።" ✅"ምን አይነት ውብ ታሪክ ነው!" ሲል ተደነቀ አልኬሚስቱ።          -ከ አልኬሚስት መጽሀፍ የተወሰደ✨❤️ https://t.me/Amharic_Books_storee

ሴልማ ሞተች፤ ከእሷ ጋርም የእኔ ወጣትነት፣ ሕልሞቼና የልቤ ደስታ በሙሉ አብረው ተቀበሩ። አሁን እኔ በዚህ ዓለም ላይ ፍጹም ብቻዬን ቀርቻለሁ፤ ድምፅ የሌለው የብቸኝነት ጥላ ብቻ ሆኛለሁ። በየቀኑ ወደ መቃብሯ እሄዳለሁ፤ በዚያ በተቀበረችበት ድንጋይ ላይ ቁጭ ብዬ ካለፈው ትዝታችን ጋር አለቅሳለሁ። ሴልማ ከመሞቷ በፊት የነበሩን እነዚያ ጥቂት የፍቅር ቀናት፣ ዛሬ በነፍሴ ውስጥ እንደ እሳት የሚቃጠሉ የሥቃይ መውጊያዎች ሆነውኛል። የሰው ልጅ ትልቁ አሳዛኝ ነገር፣ ልቡ የሚወደውን ሰው በሕይወት እያለ ማጣት ብቻ አይደለም፤ ይልቁንም ያ የሞተው ሰው ትዝታ ሁልጊዜ በአእምሮው ውስጥ እየተመላለሰ፣ የቀረውን ሕይወቱን ሙሉ በሙሉ ባዶና ትርጉም የለሽ ሲያደርግበት ነው። ሴልማ ሄዳለች፤ የእኔም ክንፎች ለዘለዓለም ተሰብረዋል፤ ዳግመኛም ወደ ሰማይ መብረር አይችሉም።" 📕 ርዕስ፦የተሰበሩ ክንፎች ✍🏻 ደራሲ፦ካህሊል ጂብራን https://t.me/Amharic_Books_storee