Khem Veasna

មនុស្សគឺវិញ្ញាណ។ វិញ្ញាណជាខ្សែកម្មប្រែជាដឹង។ គិតហេតុផលមើលចុះ តើវិញ្ញាណអាចបានស្អីជាលោកិយហ្នឹងដែរ? លោកិយជាធាតុ មានតម្លៃស្មើសូន្យ តើវិញ្ញាណដែលជាកម្មជាសច្ចៈអាចយករបស់មានតម្លៃស្មើសូន្យបានដែរ? ដូច្នេះទើបពូថា ក្នុងលោកិយនេះ គ្មានអ្វីសោះដែលវិញ្ញាណត្រូវបាននោះ។ ដែលបានគឺវិញ្ញាណបានតែដឹងមួយមុខតែប៉ុណ្ណោះ។ ពូសព្វថ្ងៃកំពុងអោយការពន្យល់ហេតុផលទៅវិញ្ញាណ អោយវិញ្ញាណយកពាក្យពន្យល់របស់ពូទៅគិតហេតុផលដែលពូអោយនោះ ដើម្បីវិញ្ញាណបានយល់ យល់គឺដឹង។ ចុះបើមនុស្សវាគិតថាអ្វីដែលពូពន្យល់សព្វថ្ងៃអត់ប្រយោជន៍សំរាប់ពួកវា ដូច្នេះពួកវាមិនស្តាប់ពូពន្យល់ដាច់ខាត តើពួកវាម្តេចនឹងបានដឹង? ព្រោះវិញ្ញាណបានតែដឹងហ្នឹងអោយគត់ ហើយបើមនុស្សវាមិនស្តាប់ហើយគិត តើពួកវាម៉េចនឹងបាន? ពួកវាបំផ្លាញតែខ្លួនវា អ្នកណាទៅជួយសត្វដែលមិនជួយខ្លួនឯងដូចពួកវាហ្នឹងបានទៅ? របស់ក្នុងលោកដែលវិញ្ញាណបានគឺតែមួយហ្នឹងគត់ គឺបានដឹង ដឹងគឺយល់ គិតហេតុផលដោយស្មោះត្រង់នោះវិញ្ញាណបានដឹង ព្រោះនោះហើយគឺជាប្រយោជន៍តែមួយគត់របស់វិញ្ញាណ។ នេះហើយ អត្តាហិ អត្តនោ នាថោ៕