ព្រះខ័នញូស៍ Preah khan News (ឧត្តរមានជ័យ)

BREAKING: ទាហានឈ្លានពានថៃ កំពុងបន្តបាញ់ផ្លោងនៅសមរភូមិជោគជ័យ ព្រៃចាន់ និងបឹងត្រកួន, ពួកវាបញ្ជូនទ័ពថ្មើរជើងបុកចូលព្រៃចាន់ តែមិនអាចទម្លុះកម្លាំងយើងបាន (ព្រំដែន)៖ រហូតមកដល់វេលាម៉ោង៨៖៣០នាទី ព្រឹកថ្ងៃទី១៦ ខែធ្នូ ឆ្នាំ២០២៥ ទាហានឈ្លានពានថៃ បានប្រើប្រាស់កាំភ្លើងធំ និងកម្លាំងថ្មើរជើង បាញ់យ៉ាងខ្លាំងនៅសមរភូមិព្រៃចាន់ ភូមិជោគជ័យ និងបឹងត្រកួន ខេត្តបន្ទាយមានជ័យ។ ពួកវាបានបញ្ជូនទ័ពថ្មើរជើងវ៉ៃបុកចូលសមរភូមិព្រៃចាន់យ៉ាងខ្លាំង តែមិនអាចទម្លុះកម្លាំងយើងនៅទីនោះបាន។ ជាការឆ្លើយតប កម្លាំងកម្ពុជាបានបាញ់តបតទៅវិញយ៉ាងខ្លាំងក្លា មិនឲ្យចូលមកឈរជើង និងកាន់កាប់ទីតាំងយើងបាននោះទេ៕

8:25ព្រឹក នៅទិសថ្មដូន ប្រាសាទខ្នារ អូរស្មាច់ តាមាន់ធំ តាក្របី វាកំពុងសន្ធប់ខ្លាំង យើងក៏បានស្រោចBM-21 ដើម្បីកំទេចពួកវាយ៉ាងធ្ងន់ផងដែរ។ 16-12-2025

8:00ព្រឹក យន្តហោះF-16សៀម កំពុងហោះនៅទិសភូមិព្រៃចាន់ ជោគជ័យ ខណៈវាកំពុងបាញ់ផ្លោងជាច្រើនគ្រាប់៕ 16-12-2025

7:40 វាសងវិញនៅភូមិព្រៃចាន់ ជោគជ័យ ដោយកាំភ្លើងធំ130មីលីម៉ែត្រ ស្នូរខ្លាំង។ 16-12-2025

7:25 BM-21យើង បានបាញ់ស្រោចទាំងព្រឹក ដើម្បីកំទេចពួកចោរឈ្លានពាន នៅភូមិព្រៃចាន់ ជោគជ័យ និងបឹងត្រកួន៕ 16-12-2025

7:20ព្រឹក នៅអានសេះបុកខ្លាំ និងទិសព្រះវិហារ វាចាប់ផ្តើមបាញ់ផ្លោងកាំភ្លើងធំមកច្រើនគ្រាប់។ 16-12-2025

គិតត្រឹមម៉ោង7:00នាទីព្រឹកនេះ នៅភូមិព្រៃចាន់ ជោគជ័យ សៀម🇹🇭នៅបន្តបាញ់ផ្លោងកាំភ្លើងធំ ចូលមកលើទឹកដីកម្ពុជា🇰🇭យើងជាបន្តបន្ទាប់៕ 16-12-2025

ថៃ🇹🇭បានបន្តមិនគោរពកិច្ចព្រមព្រៀង និងបទឈប់បាញ់ម្តងហើយ ម្តងទៀត៕ 16-12-2025

6:45ព្រឹក ទិសថ្មដូន តាក្របី ប្រាសាទខ្នារ ថៃបានបាញ់ផ្លោងគ្រាប់កាំភ្លើងធំ ចូលបន្តបន្ទាប់៕ 16-12-2025

6:25ព្រឹក នៅថ្មដា ពោធិ៍សាត់ វាចាប់ផ្តើមផ្លោងមកៗ៕ 16-12-2025

ថ្ងៃនេះជា ថ្ងៃទី១៤០ ហើយ ដែលវីរកងទ័ពកម្ពុជាចំនួន១៨រូប ត្រូវបានចាប់ខ្លួន និងដាក់ឱ្យស្ថិតក្រោមការឃុំគ្រងរបស់យោធាថៃ។ កម្ពុជាអំពាវនាវឱ្យភាគីថៃគោរពឱ្យបានម៉ឺងម៉ាត់ ស្មោះត្រង់ និងដោយសុច្ឆន្ទៈពិតប្រាកដ នូវសេចក្តីថ្លែងការណ៍រួមស្តីពីកិច្ចព្រមព្រៀងសន្តិភាពរវាងកម្ពុជានិងថៃ ត្រង់កថាខណ្ឌទី៥ បានគូសបញ្ជាក់ថា “ភាគីថៃត្រូវដោះលែងយោធិនទាំង១៨នាក់របស់កម្ពុជាជាបន្ទាន់ដោយមិនបង្អែបង្អង់” ព្រមទាំងគោរពនិងអនុវត្តនូវរាល់កាតព្វកិច្ចទាំងឡាយនៅក្រោមច្បាប់អន្តរជាតិ ជាពិសេសច្បាប់មនុស្សធម៌អន្តរជាតិ ដោយដោះលែងវីរកងទ័ពកម្ពុជាឱ្យបានឆាប់រហ័សជាទីបំផុត ដើម្បីពួកគាត់អាចវិលត្រឡប់មកជួបជុំក្រុមគ្រួសារវិញ ប្រកបដោយសុខសុវត្ថិភាព។ សូមគូសបញ្ជាក់ផងដែរថា រាជរដ្ឋាភិបាលកម្ពុជា បាននឹងកំពុងធ្វើការយ៉ាងសស្រាក់សស្រាំឥតឈប់ឈរ ដោយបានប្រើប្រាស់គ្រប់មធ្យោបាយនិងយន្តការដោះស្រាយទាំងអស់ ដើម្បីទាមទារឱ្យភាគីថៃដោះលែងវីរកងទ័ពរបស់យើងទាំង១៨នាក់នោះ ឱ្យបានឆាប់រហ័សជាទីបំផុត និងដោយសុខសុវត្ថិភាព។ រាជរដ្ឋាភិបាល ក្រសួងការពារជាតិ និងកងយោធពលខេមរភូមិន្ទ មិនដែលបោះបង់កងទ័ពរបស់យើងណាម្នាក់ចោលនោះឡើយ មិនថាក្នុងកាលៈទេសៈណាក៏ដោយ៕

UPDATE សភាពការណ៍ព្រំដែន៖ គិតត្រឹមម៉ោង៩៖៣០នាទីយប់ ថ្ងៃទី១៥ ខែធ្នូ ឆ្នាំ២០២៥នេះ សភាពការណ៍នៅសមរភូមិមុខតាមបន្ទាត់ព្រំដែន មានភាពស្ងប់ស្ងាត់។ យ៉ាងណាក៏ដោយ ចំពោះការដាក់សម្ពាធដោយបាញ់ស្រោចជាបន្ដបន្ទាប់របស់យោធាថៃ មិនអាចធ្វើអ្វីកងកម្លាំងកម្ពុជាបាននោះទេ ពោលកងកម្លាំងកម្ពុជានៅបន្ដឈរជើងយ៉ាងរឹងមាំបំផុត ព្រមទាំងធ្វើការបាញ់តបតទៅវិញយ៉ាងចាស់ដៃផងដែរ ដើម្បីការពារដែនអធិបតេយ្យពីការរំលោភបំពានឈ្លានពានរបស់ភាគីថៃ៕

🚨ព័ត៌មានក្តៅៗ នៅយប់ថ្ងៃច័ន្ទ ទី១៥ ខែធ្នូ ឆ្នាំ២០២៥ អ្នកនាំពាក្យក្រសួងការបរទេសថៃ🇹🇭 លោក Nikorndej Balankula បានថ្លែងប្រាប់សារព័ត៌មានថៃ ពីទីក្រុងបាងកកថា: - សម្រាប់លក្ខខណ្ឌដែលអាចអនុវត្តបទឈប់បាញ់ តាមបណ្តោយព្រំដែន រវាងយោធាថៃ🇹🇭-កម្ពុជា🇰🇭បាន គឺអាស្រ័យលើលក្ខខណ្ឌទាំង៣ចំណុចដូចខាងក្រោម: - ទី១. កម្ពុជាត្រូវប្រកាសបទឈប់បាញ់ជាមុនសិន។ - ទី២. បទឈប់បាញ់ធ្វើឡើង ដោយអនុវត្តជាក់ស្ដែង។ - ទី៣. កម្ពុជាត្រូវធ្វើកិច្ចសហប្រតិបត្តិការយ៉ាងពិតប្រាកដ និងដោយស្មោះត្រង់លើការបោសសម្អាតមីនតាមបណ្តោយព្រំដែន៕

9:00យប់ បងប្អូនអាចចូលសម្រាកបាន ដោយមិនបាច់ព្រួយបារម្ភឡើយ។ បើមានអ្វីបន្ថែម ខ្ញុំបាទនិងរាយការណ៍ជូនបន្តទៀត៕ សូមអរគុណ! 15-12-2025

ឯកឧត្តម មាន ចាន់យ៉ាដា អភិបាល នៃគណៈអភិបាល ខេត្តឧត្តរមានជ័យ: ពាក្យពិតចេញពីចិត្តដ៏ក្លាហានរបស់វីរៈកងទ័ពយើង "សុខចិត្តចោលញាតិ ប៉ុន្តែមិនចោលមិត្តភក្តិរួមអាវុធ នឹងទីតាំងឈរជើងជាដាច់ខាត" 🙏👨🏻‍✈️🇰🇭 យប់ថ្ងៃទី១៥ ខែធ្នូ ឆ្នាំ២០២៥៕

លោក អាន់វ៉ា៖ ម៉ាឡេស៊ីកំពុងសម្របសម្រួលកិច្ចប្រឹងប្រែង ដើម្បីបន្ធូរបន្ថយភាពតានតឹងព្រំដែនថៃ-កម្ពុជា

7:20យប់ នៅទិសឧត្តរមានជ័យ វានៅផ្លោងរង្វើលៗ៕ 15-12-2025

សណ្ឋាគាររបស់លោកអ្នកឧកញ៉ា លី យ៉ុងផាត់ នៅច្រកអូរស្មាច់ ខេត្តឧត្តរមានជ័យ ត្រូវកងទ័ពឈ្លានពានថៃ ប្រើយន្តហោះ F-16 ទម្លាក់គ្រាប់កម្ទេចនៅរសៀលថ្ងៃទី១៥ ខែធ្នូ ឆ្នាំ២០២៥៕ គ្រប់កន្លែងពួកវាផ្លោងចូលយ៉ាងសន្ធឹកសន្ធាប់!

6:50 ទិសសមរភូមិបន្ទាយមានជ័យ ភូមិព្រៃចាន់ ជោគជ័យ បឹងត្រកួន ពួកវានៅផ្លោងមួយៗ៕ 15-12-2025

BREAKING: គិតត្រឹមម៉ោងជាង ៦ល្ងាចនេះ សភាពការណ៍ព្រំដែននៅសមរភូមិថ្មដា ខេត្តពោធិ៍សាត់ ស្ងប់ស្ងាត់ (ព្រំដែន)៖ គិតត្រឹមវេលាម៉ោងជាង ៦ល្ងាចថ្ងៃទី១៥ ខែធ្នូ ឆ្នាំ២០២៥ សភាពការណ៍នៅសមរភូមិថ្មដា ខេត្តស្ងប់ស្ងាត់ បន្តស្ងប់ស្ងាត់តាំងពីម៉ោង៣៖២៣នាទី។ ពេញមួយថ្ងៃទី១៥ ខែធ្នូ ឆ្នាំ២០២៥ តាំងពីព្រឹកមក ទាហានឈ្លានពានថៃ បានបាញ់ដោយកាំភ្លើងដៃ, ប្រើប្រាស់កាំភ្លើងធំ និងប្រើប្រាស់ដ្រូនពាំក្បាលគ្រាប់ទម្លាក់គោលដៅស្លាបខាងឆ្វេងអូរភ្លុកដំរី ប៉ុស្តិ៍នគរបាលក្រោយអូរភ្លុកដំរី ច្រកជ័យជំនះ អគារសណ្ឋាគារ និងទីតាំងផ្សេងទៀតជាច្រើនគ្រាប់។ ឆ្លើយតបនឹងសកម្មភាពឈ្លានពានរបស់ក្រុមយោធាថៃ កងកម្លាំងកម្ពុជា បានបាញ់ទប់ទល់យ៉ាងចាស់ដៃផងដែរ និងបន្តឈរជើងការពារទឹកដីយ៉ាងរឹងមាំ៕