អង្គភាពសារព័ត៌មាន ព្រះខ័នញូស៍ ប្រចាំស្រុកអន្លង់វែង ខេត្តឧត្តរមានជ័យ

BREAKING (update): ម៉ោង១០ព្រឹកនេះ យោធាថៃបន្ដបាញ់ផ្សែងពុល នៅមុខប្រាសាទព្រះវិហារ និងបាញ់ផ្លោងនៅអានសេះ និងតំបន់ជាំតែ ខ្លាំង (ព្រំដែន)៖ នៅវលេាម៉ោងប្រមាណ១០ព្រឹក ថ្ងៃទី១១ ខែធ្នូ ឆ្នាំ២០២៥នេះ យោធាថៃបន្ដប្រើប្រាស់ផ្សែងពុល នៅទល់មុខសមរភូមិប្រាសាទព្រះវិហារ និងប្រើប្រាស់កាំភ្លើងបាញ់ផ្លោងសម្រុកខ្លាំង នៅតំបន់អានសេះ និងតំបន់ជាំតែខ្លាំង។ កម្លាំងជួរមុខរបស់កម្ពុជានៅតែម្ចាស់ការប្រុងប្រយ័ត្នខ្ពស់បំផុត ដើម្បីការពារបូរណភាពទឹកដី និងដែនអធិបតេយ្យជាតិពីការំលោភបំពានម្ដងហើយម្ដងទៀតរបស់ថៃ ដោយការធ្វើការតបតយ៉ាងចាស់ដៃផងដែរ៕

10:10 សន្ធប់ខ្លាំងនៅគ្រប់សមរភូមិប្រយុទ្ធទាំងអស់ សូមជូនពរកងកម្លាំងយើង សុខសប្បាយ និងឈ្នះៗលើសមរភូមិ ដើម្បីកំទេចចោរឈ្លានពាន។ 11-12-2025

តាមរយៈការបញ្ជាយន្តហោះអត់មនុស្សបើករបស់ថៃ ហោះកាត់ក្រុងប៉ោយប៉ែតម៉ោង៩និង៥១នាទីមុននេះ និងតាមរយៈស្ថានការណ៍មិនល្អប្រសើរ ខ្ញុំសូមស្នើបងប្អូនទាំងអស់ ចូលក្នុងផ្ទះ រឺក្នុងអគារដែលខ្លួនរសើនៅជាបន្ទាន់ មិនអាចឈររឺនៅក្រៅផ្ទះបានទេ កម្លាំងនគរបាលសណ្តាប់នឹងត្រូតបន្ថែម គ្រប់ដងផ្លូវនិងទីសាធារណៈទូទាំងក្រុងប៉ោយប៉ែត ។ យើងខ្ញុំសម្រេចធ្វើបែបនេះគឺដើម្បីសុវត្ថិភាពទាំងអស់ សូមយោគយល់

វាបានហោះកាត់ក្រុងប៉ោយប៉ែតមុននេះ

ម៉ោង៩៖៥០នាទីនេះ ដាក់២កញ្ច្រែងនៅបឹងត្រកួន។ 11-12-2025

9:35 ទិសភូមិព្រៃចាន់ ជោគជ័យ បឹងត្រកួន កំពុងជាប់ដៃផ្លោងទៅ ផ្លោងមក។ 11-12-2025

9:05 វាសន្ធប់បាញ់ផ្លោងចូលកៀក ក្រុងសំរោង និងប្រើដ្រូនទម្លាក់គ្រាប់ រួមទាំងយន្តហោះនៅសមរភូមិ អូរស្មាច់ ខ្នារ តាក្របី តាមាន់ ជប់គគីរ ថ្មដូន។ 11-12-2025

ឯកឧត្តមបណ្ឌិត ប៉ាន់ខែម ប៊ុនថន ក្នុងនាមអនុប្រធានក្រុមការងាររាជរដ្ឋាភិបាល ចុះមូលដ្ឋានខេត្តបន្ទាយមានជ័យ និងជាប្រធានក្រុមការងាររាជរដ្ឋាភិបាលចុះមួយក្រុងប៉ោយប៉ែត ចុះជួយសម្របសម្រួល ប្រជាពលរដ្ឋ ដែលត្រូវជម្លៀសចេញពីគោលដៅភូមិព្រៃចាន់ ឃុំអូបីជាន់ ដើម្បីទៅកាន់កន្លែងមានសុវត្ថិភាព ។

ពួកចោរឈ្លានពាន កំពុងបាញ់ផ្លោងចូលថ្មដូន ជប់អង្គញ់ មុខតាក្របី។ សន្ធឹកទឹកភ្លៀងចាក់ទៅវិញ នៅទិសឧត្តរមានជ័យ។ បុកមក ឡងទៅវិញ ការពារដីកុំឲ្យចោរចូលបាន។ ១១ ធ្នូ ២០២៥

យោធាថៃ បានបន្តបាញ់បំផ្លាញប្រាសាទតាក្របីបន្ថែមទៀត កាលពីថ្ងៃទី១០ ខែធ្នូ ឆ្នាំ២០២៥ នៅក្នុងខេត្តឧត្តរមានជ័យ៕ (រដ្ឋមន្ត្រីក្រសួងព័ត៌មាន)

សូមជម្រាបជូននូវស្ថានការណ៍នៅតាមបន្ទាត់ព្រំដែនកម្ពុជា-ថៃ អំពី ករណីយោធាថៃ បានបើកការបាញ់ប្រហារមកលើប្រជាពលរដ្ឋស៊ីវិលកម្ពុជា នៅក្នុងភូមិសាស្រ្តយោធភូមិភាគទី៥ ភូមិព្រៃចាន់ ឃុំអូរបីជាន់ ស្រុកអូជ្រៅ ខេត្តបន្ទាយមានជ័យ នៅព្រឹកថ្ងៃទី១១ ខែធ្នូ ឆ្នាំ២០២៥៖ - ម៉ោង ០៧:៥២នាទី យោធាថៃបាញ់ផ្លោងមកក្នុងភូមិសាស្រ្ត ភូមិព្រៃចាន់ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ ដែលជាភូមិស្រុករបស់ប្រជាជនស៊ីវិលរស់នៅ។ សកម្មភាពខាងលើជាការវាយប្រហារដ៏កំរោល ដោយមិនរើសគោលដៅរបស់យោធាថៃ ជាការរំលោភបំពានច្បាប់មនុស្សធម៌អន្តរជាតិ៕

BREAKING: មកដល់ព្រឹកនេះ នៅតាមសមរភូមិខ្លះ ទាហានថៃ បន្តបាញ់ផ្លោងចូលដីកម្ពុជា (ព្រំដែន)៖ តាមសេចក្តីរាយការណ៍ពីព្រំដែន បានបញ្ជាក់ថា រហូតមកដល់ម៉ោងជាង៨ព្រឹកថ្ងៃទី១១ ខែធ្នូ ២០២៥នេះ ទាហានថៃ នៅបន្តបាញ់ផ្លោងចូលដីកម្ពុជា នៅតាមសមរភូមិមួយចំនួន។ សម្រាប់សមរភូមិនៅខេត្តឧត្តរមានជ័យ ទាហានថៃ បន្តបាញ់ផ្លោងតាំងពីម៉ោងទៀបភ្លឺ។ ដោយឡែកនៅទិសព្រះវិហារ នៅសមរភូមិភ្នំខ្មោច មុំបី និងអានសេះ ទាហានថៃ ក៏នៅបន្តបាញ់ផ្លោងចូលនៅឡើយ។ សម្រាប់បង្គោលលេខ៤៧ ភូមិជោគជ័យ ឃុំអូរបីជាន់ ទាហានថៃ នៅបន្តបាញ់ផ្លោងចូល តែនៅបឹងត្រកួនស្ងាត់។ នៅសមរភូមិអូរភ្លុកដំរី ឃុំថ្មដា ស្រុកវាលវែង ខេត្តពោធិ៍សាត់ ទាហានថៃ សភាពការណ៍នៅស្ងប់ស្ងាត់តាំងពីយប់ រហូតមកដល់ព្រឹកនេះ។

មេទ័ពរបស់ថៃ🇹🇭ម្នាក់ទៀត ងាប់នៅទិសប្រាសាទតាមន្តធំ.តូច

8:10 សមរភូមិទិសឧត្តរមានជ័យ អូរស្មាច់ ខ្នារ តាក្របី តាមាន់ ជប់គគីរ ថៃកំពុងសម្រុកបាញ់គ្រាប់ផ្លោង និងដ្រូនទម្លាក់គ្រាប់ រួមទាំងយន្តហោះចម្បាំងF-16 Gripen កម្លាំងយើងបន្តឆ្លើយតបដោយកាំភ្លើងធំ.BM-21យ៉ាងធ្ងន់ ដើម្បីវាយបក។ 11-12-2025

7:35 សមរភូមិនៅភូមព្រៃចាន់ ជោគជ័យ បឹងត្រកួន វាសម្រុកបាញ់ផ្លោងគ្រាប់កាំភ្លើងធំ កម្លាំងយើងក៏តបតដោយកាំភ្លើងធំដូចគ្នា។ 11-12-2025

ក្រសួងការងារជាតិ: សូមជម្រាបជូននូវស្ថានការណ៍នៅតាមបន្ទាត់ព្រំដែនកម្ពុជា-ថៃ អំពី ករណីយោធាថៃ បានធ្វើសកម្មភាព និងបើកការបាញ់ប្រហារមកក្នុងដែនអធិបតេយ្យស្របច្បាប់របស់កម្ពុជា នៅក្នុងភូមិសាស្រ្តយោធភូមិភាគទី៤ ក្នុង ខេត្តឧត្តរមានជ័យ ចាប់ផ្តើមការបាញ់ប្រហារនៅវេលាម៉ោង ០៤:៤០នាទី នៅព្រឹក ថ្ងៃទី១១ ខែធ្នូ ឆ្នាំ២០២៥ ដោយបានបាញ់កាំភ្លើងធំចូលក្នុងភូមិសាស្ត្រប្រាសាទខ្នា។ កងកម្លាំងកម្ពុជាបាននឹងកំពុងប្រយុទ្ធតតាំងជាមួយសត្រូវឈ្លាពានយ៉ាងស្វិតស្វាញ់ និងយ៉ាងរឹងមាំ ក្នុងការបំពេញតួនាទីរបស់ខ្លួន ដើម្បីការពារបូរណភាពទឹកដីរបស់កម្ពុជា៕

ក្រសួងការពារជាតិកម្ពុជា បន្តអំពាវនាវសូមឱ្យបងប្អូនប្រជាពលរដ្ឋ បញ្ឈប់ការផ្សព្វផ្សាយជាបន្ទាន់នូវរាល់ ព័ត៌មាន, វីដេអូ ឬរូបភាព ដែលអាចបង្ហាញពីសកម្មភាពប្រតិបត្តិការយោធា (ភ្នំពេញ)៖ ដើម្បីចូលរួមរក្សាសុវត្ថិភាពកងកម្លាំងរបស់យើង ក៏ដូចជារក្សាការសម្ងាត់យោធា ក្រសួងការពារជាតិកម្ពុជា បន្តអំពាវនាវសូមឱ្យបងប្អូនប្រជាពលរដ្ឋ សូមបញ្ឈប់ការផ្សព្វផ្សាយជាបន្ទាន់នូវរាល់ ព័ត៌មាន, វីដេអូ ឬរូបភាពដែលអាចបង្ហាញពីសកម្មភាពប្រតិបត្តិការយោធា, ផែនទី, ការបង្ហាញពីការចល័ត ឬការដាក់ពង្រាយកងទ័ព, ទីតាំងឈរជើង, លេណដ្ឋាន (ត្រង់សេ), ជំរុំជម្រក, ការចល័តសព្វាវុធ, ផ្លូវផ្គត់ផ្គង់សម្ភារបរិក្ខារ ឬស្បៀងអាហារ របស់កងទ័ព តាមគ្រប់បណ្តាញទំនាក់ទំនងសង្គម ដូចជា Facebook, TikToK, Youtube ឬប្រព័ន្ធផ្សព្វផ្សាយផ្សេងៗទៀតជាដាច់ខាត៕

7:00 នៅអូរស្មាច់ តាក្របី តាមាន់ធំ.តូច ខ្នារ ជប់គគីរ ថ្មដូន ថៃសម្រុកបាញផ្លោង និងទម្លាក់គ្រាប់ជាច្រើន។ 11-12-2025

6:40 គ្រាប់ផ្លោងថៃ ធ្លាក់ឮកាន់ខ្លាំងនៅក្រុងសំរោងច្រើនគ្រាប់។ 11-12-2025