ፍኖተ-አማራ ሚዲያ (Finote Amhara Media)

ተጠናክሮ የቀጠለው የንፁኋን ጭፍጨፋ!!!   ጥቅምት 9 / 2019 ዓ.ም በምስራቅ ወለጋ ዞን ጊዳ አያና ወረዳ መንደር ሶስት ቀበሌ በስራ ላይ ያሉ አርሶ አደሮችን በግፍ ረሽነዋል። ዛሬ ከጠዋቱ 1:00 ሰዓት ከአንገር ጉትንና ከተለያዩ ቦታዎች በመሰባሰብ በአንዶዴና በበጭበጭ ጊዮርጊስ ሲንቀሳቀስ የነበረ የክልሉ ገዳይ ሀይል በጭበጭ ጊዮርጊስ አከባቢ  ሰብል በመሰብሰብ ላይ ያሉ ገበሬዎች የጥይት ሩምታ በማውረድ  ከቦታው አሳደዋቸው ይገኛሉ። በመቀጠልም ይህ ገዳይ ሀይል ወደፊት በመቀጠል መንደር 3 ቀበሌ በመግባት ቦለቄ በመውቃት እና በቆሎ በመሸልቀቅ ላይ ያሉ 13 ንፁኋን አማሮችን በአሰቃቂ ሁኔታ ረሽነዋል። አፋብን አንሻ ሰይድ 4ኛ ዕዝ      ህ/ግንኙነት መምርያ

የአገዛዙን ፀረ-ህዝብ ወረራ ለመመከት የደራ ወረዳ የአባት አርበኞች ጦር በድምቀት ተደራጀ!!      ​ጥቅምት 9 / 2019 ዓ.ም      ====== //========= በሸዋ ጠቅላይ ግዛት መርሐቤቴ አውራጃ ደራ ወረዳ የአገዛዙን ፀረ-ህዝብ አካሄድና በህዝብ ላይ የሚፈጸመውን በደል በቁርጠኝነት ለመመከት የሚያስችል ብቁ የሆነ የአባት አርበኞች ጦር ተደራጀ። በሸዋ ጠቅላይ ግዛት ነፃ በወጡ አካባቢዎች አስተማማኝ ጦርን የማደራጀትና ህዝባዊ ውይይቶችን የማድረግ ሥራ ተጠናክሮ የቀጠለ ሲሆን፤ በዚሁ መሠረት በደራ ወረዳ ሰረርኩላ ክላስተር 4 ሻለቃ የአባት አርበኞች ጦር ተደራጅቷል። ከዚህ ቀደም በደራ ወረዳ ቱቲ ክላስተር ሥር 6 ሻለቆች መደራጀታቸው የሚታወስ ሲሆን፤ አሁን ደግሞ ይህ የማደራጀትና የማሰልጠን ሥራ ተጠናክሮ በመቀጠል በደራ ወረዳ በሰረርኩላ ክላስተር ሻለቃ 7፣ ሻለቃ 8፣ ሻለቃ 9 እና ሻለቃ 10 መደራጀታቸው ተገልጿል። የደራ ወረዳ ህዝብ በብልፅግና አገዛዝ በቀየው በርካታ በደልና እንግልት የደረሰበት መሆኑን በመገንዘብ፤ አሁን ላይ ራሱን ከጥፋት መታደግና መደራጀት ወሳኝ መሆኑ ታምኖበታል። በዚህም መሠረት ህዝቡ በነቂስ በመነሣትና በአፋብን ሸዋ ጠቅላይ ግዛት አሳምነው 5ኛ ዕዝ ባወረደው መመሪያ መሠረት በሰፊው እየሰለጠነና እየተደራጀ ይገኛል። በዚህ የማደራጀትና የውይይት መርሃ-ግብር ላይ የድርጅት፣ የዕዝ፣ የኮርና የክ/ጦር አመራሮች የተገኙ ሲሆን፤ ሰፊ ስልጠናና አቅጣጫ ሰጥተዋል። አመራሮቹ በወቅቱ እንደገለጹት፣ ህዝቡ ህልውናውን ለማስከበር ያለው ተነሳሽነትና ሞራል እጅግ ልዩና አበረታች ነው ብለዋል። በዕለቱም የተደራጀው የአባት አርበኞች ጦር መሪዎቻቸውን በመምረጥ ማንኛውንም ድርጅታዊ ግዳጅ ለመወጣት እና የህዝብን ህልውና በአስተማማኝ ሁኔታ ለማስከበር ያላቸውን ከፍተኛ ዝግጁነት አረጋግጠዋል። " ክብር ለትግሉ ሰማዕታት! " ህልውናችን በተባበረ ክንዳችን! አፋብን ሸዋ ጠቅላይ ግዛት አሳምነው 5ኛ ዕዝ ሕዝብ ግንኙነት መምሪያ

ጣረሞት ላይ ያለው የአገዛዙ ሰራዊት ቀን በቀን በምት እና በመኮብለል እየፈረሰ ነው። ‎================== ‎ጥቅምት፦ 09/ 2019 ዓ.ም ‎ ‎አፋብን ቴዎድሮስ 2ኛ ዕዝ 206ኛ ኮር 24ኛ ክ/ጦር በሰናን አባጅሜ ንስሮች ቀን እንዳይንቀሳቀስ ሌት እንቅልፍ እንዳይተኛ የተከለከለው የአብይ አህመድ ወንበር አስጠባቂ አራዊት ሰራዊት ቀን በቀን እየፈረሰ ትግሉን እየተቀላቀለ ይገኛል። ‎1. ሀመድ አረቡመር ‎2. ኡመር ጃፋር ‎3. ታጁ ቀመር ‎4. አብረማን ጀማል➡️ጋንታ መሪ የነበረ ‎. ኤልያስ ከሊፉ➡️ጋንታ መሪ የነበረ ‎117ኛ ክፍለ ጦር የ5ኛ ሻለቃ አባል የነበሩ አምስት የስርዓቱ አገልጋይ የመከላካያ ሰራዊት አባሎች ስናን ረ/ገብያ መሽጎ ጣረሞት ላይ ከሚገኘው ሰራዊት በመኮብለል ከጀግኖቹ የስናን አባጅሜ ሻለቃ ልጆች ጋር በሰለም ተገናኝተው የእንኳን ደና መጣችሁ አቀባብል ተደርጎላቸዋል። ‎ መረጃው:- ‎የስናን ወረዳ ጊዜያዊ መንግሰት ሚዲያ እና ግንኙነት ነው ‎ ‎ ድሉ ይቀጥላል! ‎ አንድነታችን የትብብራችን ውጤት ነው! ‎

በሸዋ ጠቅላይ ግዛት መርሐቤቴ አውራጃ ላይቤት ወረዳ ኮላሽ ቀበሌ ሰፊ ሕዝባዊ ውይይት ተካሄደ!!         ጥቅምት 09/2019 ዓ.ም በአፋብን ሸዋ ጠቅላይ ግዛት አሳምነው 5ኛ ዕዝ በቅርቡ ከተቆጣጠራቸው አካባቢዎች መካከል አንዱ በሆነው የላይቤት ወረዳ ኮላሽ ቀበሌ ሰፊ ሕዝባዊ ውይይት መካሄዱ ተገለጸ።   በተካሄደው ሕዝባዊ የውይይት መድረክ ላይ የዕዙ ከፍተኛ አመራሮች በመገኘት፤ ስለ ወቅታዊ ጉዳዮች፣ ስለ አደረጃጀት፣ ስለ ሕዝባዊ ትግሉ እና ስለ ቀጣይ አቅጣጫዎች ላይ ከሕዝቡ ጋር ሰፊ ውይይትና ምክክር አድርገዋል። በነበረው ሕዝባዊ መድረክ ላይ ስላለፈው የትግል ጉዞ የተገመገመ ሲሆን፤ ሕዝቡ ላነሳቸው ጠንካራ ጥያቄዎች ግልፅ ምላሽ ሲሰጥ፡ ለአደረጃጀቱ ጥንካሬ የጠቆሙት ምክሮችን በመቀበል የጋራ አቋም ተቀምጧል።   በነቂስ ወጥቶ የተሳተፈው የኮላሽ ቀበሌ ሕዝብ በበኩሉ፣ ፋኖ ባለፉት የትግል ጉዞዎች ላደረገው አስተዋጽኦ ከፍተኛ አድናቆቱን ሲገልፅ፡ ፀረ-ሕዝቡ የብልፅግና ሥርዓት ሕዝባዊ ተቋማትን ማፍረስ፣ አርሶ አደርን ማሰቃየትና መዝረፍ፣ እንዲሁም ሌሎች አሰቃቂ ድርጊቶች መፈጸሙን ሕዝቡ በመድረኩ አንስቷል። በዚህም ምክንያት ከዚህ በኋላ የሚደረገው ትግል ይበልጥ ሕዝባዊ መሆን እንዳለበት የጠቆመው ሕዝቡ፤ የአባት አርበኛ እና ሌሎች አደረጃጀቶች ተጠናክረው በመዋቅር መታገል የሞት ሽረት ጉዳይ መሆኑን አበክረው ገልፀዋል።   የዕዙ አወያይ አመራሮችም ሕዝቡ ላነሳቸው ጥያቄዎች ተገቢውን ምላሽ በመስጠት እና በቀጣይ ሊሠሩ የሚገቡ መሠረታዊ ሥራዎች ላይ አቅጣጫዎችን በማስቀመጥ ውይይቱን አጠናቀዋል።   " ክብር ለትግሉ ሠማዕታት! " ህልውናችን በተባበረ ክንዳችን! አፋብን ሸዋ ጠቅላይ ግዛት አሳምነው 5ኛ ዕዝ ሕዝብ ግንኙነት መምሪያ

የአፋብን የፖሊት ቢሮ አባልና ም/አዛዥ ለወታደራዊ ጉዳዮች ኃላፊ እንዲሁም የምዕራብ ግንባር ዋና አዛዥ አርበኛ ዝናቡ ልንገረው፣የአፋብን ጎንደር ጠቅላይ ግዛት በላይ 3ኛ ዕዝ ም/አዛዥ ለወታደራዊ ጉዳዮች ኃላፊ አርበኛ ሸጋ ጌታቸው ፣የበላይ 3ኛ ዕዝ አካል የሆነው የመይሳው ካሳ 2ኛ ኮር ዋና ወታደራዊ አዛዥ አርበኛ በሊሁን ጌታቸው ፣የመይሳው 2ኛ ኮር ዘመቻ መምሪያ ኃላፊ አርበኛ ጌታቸው አማረን ጨምሮ ሌሎች የኮሩ እንዲሁም የቋራ ኦሜድላና የአድዋ ክፍለጦር አመራሮች በጎንደር ሰማይ ስር! በአንድነት ወደፊት ! ድል ለአማራ ፋኖ

የአፋብን ሸዋ ጠቅላይ ግዛት አሳምነው 5ኛ ዕዝ ነፃ ባወጣት ታሪካዊቷ ዘመሮ ከተማ፡ ከሕዝብ ጋር ሰፊ ውይይቶችን አካሄደ!!             ጥቅምት 09/2019 ዓ.ም በአፋብን ሸዋ ጠቅላይ ግዛት አሳምነው 5ኛ ዕዝ ጀብድ ተሰርቶባት ከአገዛዙ የስቃይ ቀንበር ነፃ የወጣችው ታሪካዊቷ ዘመሮ ከተማ፣ ነፃነቷን ተከትሎ ከህብረተሰቡ ጋር ውይይቶችን እያካሄደች ይገኛል። ከተማዋ ነፃ ከወጣችበት ጊዜ አንስቶ በዕዙ ከፍተኛ አመራሮች መሪነት ሰፊና ጥልቅ ውይይቶች ሲደረጉ የቆዩ ሲሆን፣ ህዝቡም ለትግሉ በሚጠቅም መልኩ ገንቢ ሀሳቦችንና አስተያየቶችን እየሰጠ ይገኛል። ለቀናት የዘለቀው ይህ ሰፊ ሕዝባዊ የውይይት መድረክ የማህበረሰብ አያያዝን፣ መሰረታዊ አገልግሎቶችን፣ በወረዳውና በከተማዋ የሚከናወኑ ሰላማዊ የደህንነት ስራዎችን እንዲሁም ለሕዝብ አገልግሎት የሚሰጡ ተቋማትን እንቅስቃሴ በስፋት በመገምገም ሕዝባዊ ውሳኔዎች ተደርጎባቸዋል።   በመድረኩም ለማህበረሰብ አገልግሎት የሚሰጡ ተቋማት ሁሉ ያለምንም ስጋት በነፃነት ስራቸውን እንዲጀምሩ ጥብቅ አቅጣጫ የተሰጠ ሲሆን፣ ህዝቡም ተገቢውን አገልግሎት ማግኘት መጀመሩ የፋኖን ሕዝባዊነትን እና አብዮታዊ ታማኝነት በተግባር ያሳየ ታላቅ ምዕራፍ ሆኗል።   ይሕንን ተከትሎ የዕዙ አደረጃጀት በከተማዋ የአፋብን መዋቅር እየተደራጀ መሆኑ ተረጋግጧል። በቀጣይ ለታላላቅ የተቋማት ስራዎች እና ለአካባቢው መሪዎች የሚሰጡ ስልጠናዎች ተጠናክረው እንደሚቀጥሉ ሲገለፅ፤ ዕዙ በተቆጣጠራቸው አካባቢዎች ሁሉ የሕግ አሠራር እዲከበር ግልጽ አቅጣጫ አስቀምጧል። በዚህም መሰረት በሚመለከታቸው አካላት ጥልቅ ውይይቶች ተደርገው የአደረጃጀት ስራዎች እና የሕዝብ ተሳትፎዎች በነፃነት እደሚቀጥሉ ተብራርቷል።   በመጨረሻም መድረኩ ላይ የተገኙ የከተማዋ ነዋሪዎችና ተሳታፊዎች እንዳሉት፤ ፋኖ የሚታገለው ለሕዝብ መሆኑን የአማራ ህዝብ በውል የሚያውቀው ሀቅ ቢሆንም፣ የአገዛዙ ካድሬዎች ከሚሉት በተቃራኒው፡ በአካልና በተግባር በታየው ምግባር ይበልጥ ስናይ፣ ፋኖ የሚኖረው ለዕውነትና በዕውነት መሆኑን አረጋግጠናል እና ሁልጊዜም ከእናንተ ጎን እንቆማለን ሲሉ ገልጸዋል።   " ክብር ለትግሉ ሰማዕታት! " ህልውናችን በተባበረ ክንዳችን! አፋብን ሸዋ ጠቅላይ ግዛት አሳምነው 5ኛ ዕዝ ሕዝብ ግንኙነት መምሪያ

ሰበር ዜና! ትብብር ለህልውና” ለአሜሪካ የውጭ ጉዳይ ሚኒስትር ማርኮ ሩቢኦ ንግግር ምላሽ ሰጠ! የኢትዮጵያ ህዝባዊ ኃይሎች ትብብር ለህልውና (ትብብር ለህልውና) የአሜሪካው የውጭ ጉዳይ ሚኒስትር ማርኮ ሩቢኦ ከሲ-ስፓን (C-Span) ጋር ባደረጉት ቃለ ምልልስ በኢትዮጵያ ስላለው ወቅታዊ ግጭት የሰጡትን አስተያየት አስመልክቶ ይፋዊ የአቋም መግለጫ አውጥቷል። ትብብር ለሕልውና ባወጣው መግለጫ እንደሚያስረዳው፣ “ትብብር ለህልውና” የሚያካሂዳቸው ራሱን የመከላከል ወታደራዊ እርምጃዎች አገሪቱን የመከፋፈል ወይም የመበታተን “ገንጣይ” ዓላማ የሌላቸው መሆኑን አስታውቋል። ለሰላማዊ እርቅና ድርድር ተደረጉ የተባሉ ጥረቶች በብልፅግናው ስርዓት ውድቅ ከተደረጉ በኋላ እርምጃው የመጨረሻ አማራጭ ሆኖ እንደተወሰደ ተገልጿል። በመሆኑም እንቅስቃሴውን “ገንጣይ” ብሎ መፈረጅ በህግም ሆነ በፖለቲካ ትክክል አለመሆኑንና የትብሩ ዋና ዓላማ አካታች የዲሞክራሲ ሽግግር ማምጣት መሆኑን አብራርቷል። በተጨማሪም የትብብር ለሕልውና ወታደራዊ እንቅስቃሴዎች “ሽብርተኝነት” ብሎ መፈረጅ አግባብ እንዳልሆነ የተገለፀ ሲሆን፣ የብልፅግናው ስርዓት በቁጥጥር ስር ባሉ ህዝብ በሚበዛባቸው ቦታዎች ላይ ጭምር ዘመናዊ መሳሪያዎችን እየተጠቀመ ይገኛል ተብሏል። ይህ ዓይነቱ ፍረጃ የብልፅግናው ስርዓት የጦርነት አጀንዳውን ያለ ምንም ተጠያቂነት እንዲቀጥል የሚያበረታታ መሆኑም ተመልክቷል። በመጨረሻም “ትብብር ለህልውና” አሜሪካ በኢትዮጵያ ዘላቂ ሰላም እንዲመጣ ሚዛናዊና ገንቢ አቋም እንድትከተል ጥሪ አቅርቧል።

ጀብደኛው ምኒልክ 1ኛ ዕዝ💪 ይችላል ስልህ በኩራት ነዉ ደረቴን ነፍቼ ማለት ነዉ

ሰበር ዜና! ጀብደኛው ምኒልክ 1ኛ ዕዝ 15ኛ ኮር በምስራቅ ግንባር አጅባር ወረዳ ላይ ታላቅ ገድል ፈፀመ! የትብብር ለሕልውና አካል የሆነው አፋብን በምስራቅ ግንባር በጠላት ላይ ታላቅ የበላይነትን እየተቀዳጀ ይገኛል። ጀብደኛው ምኒልክ 1ኛ ዕዝ ጥቅምት 08/2019 ዓ.ም በምዕራብ ወሎ ቀጠና አጅባር ወረዳ ላይ በ15ኛ ኮር ነበልባሏ 156ኛ ታቦር ክፍለጦር ሬሽን ጭኖ ሲንቀሳቀስ በነበረ የጠላት ሰራዊት ላይ መብረቃዊ ጥቃት ፈፅመዋል። 15ኛ ኮር 156ኛ ታቦር ክፍለጦር ከሰኞ ገበያ እስከ ሸንጎ ደፈር ጫፍ ድረስ ባደረገችዉ የአዉደ ዉጊያ ዉሎ የሬሳ ክምር አሸክማ ወደጉሬዉ  መልሳዋለች። በርካታ የአገዛዙን ሰራዊት ሙሉ በሙሉ በመደምሰስ  ሲጓጓዝበት የነበረዉ ሶስት ካሶኔ መኪና በቆንጆቹ ቀጨም መደረጉን የ15ኛ ኮር ቃል አቀባይ መረጃዉን አድርሷል። መዳረሻው ድልና ነፃነት የሆነው የአማራ ህዝብ የህልውና ተጋድሎ ተጠናክሮ ይቀጥላል። ህልውናችን በተባበረ ክንዳችን! አፋብን ምኒልክ 1ኛ ዕዝ ሚዲያና ኮሙኒኬሽን   መምሪያ ጥቅምት 08/ 2019 ዓ/ም

በአፋብን ሸዋ ጠቅላይ ግዛት አሳምነው 5ኛ ዕዝ ነፃ በወጡ ከተሞች የሕዝብ ውይይት ተካሄደ!!         ጥቅምት 08/2019 ዓ.ም የአፋብን ሸዋ ጠቅላይ ግዛት አሳምነው 5ኛ ዕዝ በተቆጣጠረው ግሼ ራቤል ወረዳ ከመላው የማኅበረሰብ ክፍሎች ጋር የሕዝብ ውይይት አካሂዷል። በመድረኩ ላይ የማኅበረሰቡ ተወካዮች የሆኑ፣ የአገር ሽማግሌዎችና ወጣቶች ከሸዋ ጠቅላይ ግዛት አሳምነው 5ኛ ዕዝ ጋር  ያላቸውን አብሮነት በማረጋገጥ፣ በአካባቢው አስተማማኝ ሰላምና ደኅንነትን ለማስፈን የሚያስችል ጊዜያዊ ሕዝባዊ አስተዳደር በይፋ አቋቁመዋል። በመድረኩ ላይ ከወረዳው የቀበሌ ተወካዮች በመገኘት አስተያየታቸውን እንደገለጹት፣ የፋኖ ሠራዊት ቀጠናውን ነፃ ካወጣበት ጊዜ ጀምሮ ከሕዝቡ ጋር ፍጹም በሆነ መናበብ የከተሞችንና የአካባቢያችንን ሰላም በአስተማማኝ ሁኔታ እያስከበረ እንደሚገኝም ገልፀዋል። በውይይቱ ወቅት ማኅበረሰቡ በራሱ የመረጣቸው የሕዝብ ተወካዮችን በጊዜያዊ አስተዳደር ያቋቋመ ሲሆን፣ ይህም መዋቅር የአካባቢውን ሠላም ከፀረ-ሕዝብ ኃይሎችና ከድንገተኛ የደኅንነት ስጋቶች ለመጠበቅ ኃላፊነት በመረከብ ተደራጅቷል። በመድረኩ የተገኙትም አሳምነው 5ኛ ዕዝ አመራሮች በበኩላቸው፣ ይህ ሕዝባዊ የምክክር መድረክ በተወሰኑ አካባቢዎች ብቻ የሚገደብ ሳይሆን፣ ዕዙ ነፃ በሚያወጣቸው ሁሉም ወረዳዎችና ከተሞች ተጠናክሮ እንደሚቀጥል አረጋግጧል። ይህ በእንዲህ እንዳለ፣ የአካባቢው ማኅበረሰብ ለሕልውና ታጋዩ የፋኖ ሠራዊት የሚያደርገውን ሁለንተናዊ የቁሳቁስና የስነ-ልቦና ድጋፍ አጠናክሮ እንደሚቀጥል በመድረኩ ላይ ቃል በመግባት አረጋግጧል። " ክብር ለትግሉ ሠማዕታት! " ህልውናችን በተባበረ ክንዳችን! የአፋብን ሸዋ ጠቅላይ ግዛት አሳምነው 5ኛ ዕዝ ሕዝብ ግንኙነት መምሪያ!!

ሚኒሊክ 1ኛ ዕዝ እና ቴዎድሮስ 2ኛ ዕዝ በተቀናጀ መልኩ በምስራቅ ግምባር እያደረጉት ባለ ተጋድሎ ሰፊ የጠላት ሰራዊት እየተደመሰሰ መሆኑን የምስራቅ ግምባር የጋራ ግብረ ኃይል አስታወቀ። ጥቅምት 8/2019 ዓ.ም ፦፦፦፦፦፦፦፦፦፦፦፦፦፦፦፦፦፦፦፦፦፦፦፦፦፦፦፦፦፦፦፦፦፦፦፦፦፦፦፦ በምስራቅ ግምባር በግዳጅ ቀጠና የሚገኙት ሚኒሊክ 1ኛ ዕዝ እና ቴዎድሮስ 2ኛ ዕዝ በደቡብ ወሎ ወረዳዎች በመቀናጀት በፈፀሙት ተጋድሎ የ11ኛ ዕዝ ክ/ጦሮች በመደምሰስ ድል መመዝገቡን የምስራቅ ግምባር የጋራ ግብረሃይል አስታውቋል። የትብብር ለህልውና አካል የሆነው አፋብን በተለያዩ ግምባሮች ባደረጋቸው ተጋድሎ በርካታ ወታደራዊ ድሎች የተመዘገቡ ሲሆን በምስራቅ ግምባር በተደረገ ትንቅንቅ የ11ኛ ዕዝ ሰራዊት በሰልፍ መማረኩ ታውቋል። በመካነሰላም ከተማ፣ ቦረና መቅደላ፣ ሳይንት አጅባር በተደረጉ እልህ አስጨራሽ ውጊያ የጠላት 5 ሬጅመንቶች ሲደመሰሱ ቁልፍ ወታደራዊ ይዞታዎች በቁጥጥር ስር መዋላቸውም ተገልጿል። የምስራቅ ግምባር የጋራ ግብረሃይል በዛሬው ዕለት በአደረገው የግዳጅ አፈፃፀም ግምገማ የሰራዊቱ ጀግንነት ፣ በአመራሩ መናበብና ቁርጠኝነት በተደረጉ ውጊያዎች ድሎች የተመዘገቡ ሲሆን ማህበረሰቡ ከሰራዊቱ ጋር በመቀናጀት ያበረከተው አስተዋጽኦ ደጀንነቱን ማረጋገጡ ተገልጿል። ከሚኒሊክ 1ኛ ዕዝ እና ከቴዎድሮስ 2ኛ ዕዝ የተዋቀረው ግብረሃይሉ በወንድማማችነት መንፈስ በሰራዊቱ የተገኙ ድሎችን በማስቀጠል በቀጠይ የተሰጠውን ግዳጅ በብቃት ለመወጣት የቅድመ ተግባራት ዝግጅት ማጠናቀቁን የምስራቅ ግምባር የጋራ ግብረሃይል አስታውቋል። ህልውናችን ! በተባበረ ክንዳችን! አዲስ ትውልድ! አዲስ አስተሳሰብ ! አዲስ ተስፋ! ምስራቅ ግምባር አፋብን ህዝብ ግንኙነት ቡድን

እንዲህነው ጭዋነት እንዲህ ነው የህዝብ ልጅነት!! ምኒልክ 1ኛ ዕዝ የማረካቸውን ከባድ ቁስለኛ የመከላከያ አባላት ለቀቀ! በወገል ጤና ንፁሃን አስከሬን ማቃጠል በተፈጸመበት በዚያው ዕለት፣ ምኒልክ 1ኛ ዕዝ 101ኛ ኮር የማረካቸውን ከባድ ቁስለኛ የአገዛዙ የመከላካያ  አባላት በምህረት ለቋል። ከተንታ ወደ ተሬና ጉና የተባሉ ቦታዎች ተንቀሳቅሶ የነበረዉ የጠላት ሀይል በስቦ መምታት ስልት  ምኒልክ 1ኛ ዕዝ 101ኛ ኮር ወደ ገዥ ወታደራዊ መሬት ስቦ በማስገባት የጠላትን ሁለት (02) ሬጅመንት (ሻለቃ) ሙሉ የጠላት ኃይልን በገባበት ማስቀረታቸዉ ይታወቃል። ኮሩ፣ በውጊያው ከተማረኩ የብልፅግና መከላከያ ሠራዊት አባላት መካከል ከባድ ቁስለኛ ምርኮኞችን በምህረት በመልቀቅ ደሴ ሆስፒታል ገብተው ሕክምና እንዲያገኙ አድርጓል ሲል የ101 ኮር ሚዲያና ኮሙኒኬሽን መምሪያ መረጃዉን አድርሷል። መዳረሻው ድልና ነፃነት የሆነው የአማራ ህዝብ የህልውና ተጋድሎ ተጠናክሮ ይቀጥላል። ህልውናችን በተባበረ ክንዳችን! አፋብን ምኒልክ 1ኛ ዕዝ ሚዲያና ኮሙኒኬሽን   መምሪያ! ጥቅት 8/ 2019 ዓ/ም