ፍኖተ-አማራ ሚዲያ (Finote Amhara Media)
Ir al canal en Telegram
የተመሠረተው የአማራን ሕዝብ ለማንቃት፣ ለማደራጀት እና ለማስተባበር ነው። የአስተያየት መቀበያ @strive121234 የአማራ ሕዝብን ✅ ፖለቲካዊ ✅ ማህበራዊ ✅ ኢኮኖሚያዊ ታሪካዊ ጥያቄዎችን ለማሰማት እና የአማራን ሕዝብ በማንቃት ሰፊውን ሕዝብ ተጠቃሚነት ለማረጋገጥ ይሰራል። ወደዱም ጠሉም የኃላ ታሪካችን በእኛ እጅ ይፃፋል። አማራ ፋኖ ብሔራዊ ንቅናቄ ( አፋብን)
Mostrar más4 408
Suscriptores
-1724 horas
-527 días
+5630 días
Archivo de publicaciones
ተጨማሪ ሰበር ዜና !
የፋኖ መስራችና ከፍተኛ አመራሩ ከእስር ወደ ቀደመ የትግል ሜዳው በይፋ ተቀላቀለ!
ቀን 7/01/2019 ዓ.ም
ለአማራ ህዝብ የህልውና፣ የክብር እና የነፃነት ተጋድሎ በግንባር ቀደምትነት ሲታገል፣ ሲያትግልና ሲመራ የቆየው ታዋቂው የፋኖ መስራችና ከፍተኛ አመራር አርበኛ የኋላሸት ዘነበ በአገዛዙ እስር ቤት ከደረሰበት የ1 ዓመት ከ6 ወር ኢ-ሰብአዊ መከራና ስቃይ በኋላ የአፋብን ሸዋ ጠቅላይ ግዛት አሳምነው ዕዝን በይፋ ተቀላቅሏል።
አርበኛው ትግሉን ሲቀላቀል የአፋብን ምክትል ተቀዳሚ ሊቀመንበር አርበኛ መከታው ማሞ፣ የሸዋ ጠቅላይ ግዛት አሳምነው ዕዝ ወታደራዊ አዛዥ አርበኛ አማን እሸቱ እና ሌሎች የዕዝ ከፍተኛ አመራሮች በተገኙበት አቀባበል ተደርጎለታል።
አርበኛ የኋላሸት ዘነበ የአጣዬ ከተማ መቃጠልን ተከትሎ በህዝቡ ላይ የተቃጣውን የወረራ አደጋ ለመመከት የሸዋ ህዝብ በቁርጠኝነት መደራጀትና መታገል እንዲጀምር መንገዱን የከፈተ፣ ሰራዊት ያሰለጠነና ያደራጀ አርበኛ ነው።
በፋኖ መዋቅር ውስጥም በቀድሞው የአማራ ፋኖ ህዝባዊ ድርጅት (አፋህድ) የሎጀስቲክ መምሪያ ኃላፊ እንዲሁም የቀድሞው የሸዋ ጠቅላይ ግዛት ዕዝ አስተዳደር በመሆን በተለያዩ ጊዜያት ከፍተኛ የፖለቲካና የወታደራዊ መሪነት ሚናውን ሲወጣ የቆየ የቁርጥ ቀን አርበኛ ነው።
አርበኛው በወቅቱ በተሰጠው ህዝባዊና ወታደራዊ ተልዕኮ ላይ በነበረበት ወቅት፣ በአገዛዙ እጅ ወድቆ ለአንድ ዓመት ከስድስት ወራት ያህል በጨለማ እስር ቤት ውስጥ ከፍተኛ ስቃይና እንግልት ደርሶበታል።
በተለይ የብልፅግናው ቡድን የህሊናና የፖለቲካ እስረኞችን ከአማራ ህዝብ ለመነጠል እና የስነ-ልቦና የበላይነት ለመቀዳጀት የዘረጋውን ሀሰተኛ የፖለቲካ ድራማዎችና የደህንነት ወጥመዶችን በፅናት በማለፍ ከእስር በተፈታ ማግስት በቀጥታ የፋኖን ትግል ተቀላቅሎ ከሚመራው ሠራዊት ጋር ሊቀላቀል ችሏል።
ለራሱ ምቾትና ደህንነት ሳይሳሳ በቀጥታ ወደ ትግሉ ሜዳ ያቀናው ፋኖ የኋላሸት፣ አማራነትና የአማራ ህዝብ ትግል በፖለቲካዊ ድራማና በእስራት የማይታፈን፣ ይልቁንም በተግባር ዋጋ የሚከፈልበት የህልውና ጉዳይ መሆኑን በተግባር አረጋግጧል።
የአመራሩ ወደ ግንባር መመለስም በመሬት ላለው ታጋይ ሰራዊትና ለአማራ ወጣቶች ታላቅ የፅናትና የትግል ተነሳሽነት ማሳያ ሆኗል።
የአማራ ፋኖ ትግል እልፎችን እያቀፈ፣ እድገቱን እያረጋገጠ እና ወደ ፍፁም አሸናፊነት መገስገሱን ይቀጥላል።
አማራነት ወይም ሞት!
ድል ለአማራ ፋኖ!
17 sep, 02:34
17 sep, ~02:57
ሰበር ዜና!
አርቲስት ዮርዳኖስ አለሜ የአማራ ፋኖን በይፋ ተቀላቀለ!
በኢትዮጵያ የፖለቲካ እና ማህበራዊ እንቅስቃሴዎች ውስጥ በግንባር ቀደምትነት በመሳተፍ የሚታወቀው አርቲስት፣ ማህበረሰብ አንቂና ፖለቲከኛ ዮርዳኖስ አለሜ በይፋ የአማራ ፋኖ ብሔራዊ ንቅናቄ (አፋብን)ን ተቀላቅሏል።
አርቲስት ዮርዳኖስ አለሜ ባለፉት 3 ዓመታት በደረሰበት የግፍ እስራትና እንግልት ሳይበገር፣ አገዛዙ ከጣለበት ጥብቅ የደህንነት ክትትልና ወጥመድ በከፍተኛ ጥንቃቄ በመሰወር የአፋብን ሸዋ ጠቅላይ ግዛት አሳምነው 5ኛ ዕዝን መቀላቀሉ ተነግሯል።
አርቲስት ዮርዳኖስ አለሜ ላለፉት ሦስት ዓመታት በቂሊንጦና በአባ ሳሙኤል ማሰቃያ ማዕከላት ውስጥ በግፍ ሲያሳልፍ፣ በየችሎቱ መድረክ ላይ የህዝቡን አበሳና የትግሉን ፍትሃዊነት ሲገልፅ የቆየ የፅናት ምሳሌ ነው።
አርቲስቱ በአገዛዙ የቀረቡበትን የሀሰት ክሶች የሚደግፍ ምንም ዓይነት ማስረጃ ባለመገኘቱ ፍርድ ቤት በነፃ ቢያሰናብተውም የደረሰበትን መከራ፣ የጤና ችግሩንና የቤተሰብ ምቾቱን ወደ ጎን በመተው ወደ ፋኖ ግንባር መቀላቀሉ ተነግሯል።
ህዝባዊ ትግሉ በሁሉም የህብረተሰብ ክፍሎች፣ በምሁራንና በኪነ-ጥበብ ባለሙያዎች ዘንድ ሙሉ ቅቡልነትና ቁርጠኝነት እያገኘ መምጣቱን የአርቲስት ዮርዳኖስ ውሳኔ ማሳያ መሆኑ የተገለፀ ሲሆን እስካሁን ትግሉን ሳይቀላቀሉ ለቀሩ ምሁራን፣ አርቲስቶችና ባለሙያዎች አዲስ የቁርጠኝነትና የትግል ጥሪ አስተላልፏል።
ድል ለአማራ ፋኖ !
17 sep, 01:41
አፋብን በላይ ዘለቀ 3ኛ ዕዝ 305ኛ ጎቤ መልኬ ኮር በወሰደው የደፈጣ ጥቃት በጠላት ኃይል ላይ ከፍተኛ ሰብዓዊና ቁሳዊ ጉዳት አደረሰ!
መስከረም 7/2019 ዓ.ም
በምዕራብ ጎንደር ዞን መተማ ወረዳ አዲሳለም ቀበሌ አፋብን በላይ ዘለቀ 3ኛ ዕዝ 305ኛ ጎቤ መልኬ ኮር ቃኝ ሻለቆች በተንቀሳቃሽ የብልፅግና ሰራዊት ላይ በወሰዱት መብረቃዊ የደፈጣ ጥቃት ከፍተኛ ቁጥር ባለው የጠላት ኃይል ላይ የማያዳግም እርምጃ ወስዷል።
መስከረም 6/2019 ዓ.ም ከቀኑ 6፡00 ሰዓት ላይ የተፈጸመውን ይህን ልዩ ተልዕኮ የመራው የ305ኛ ጎቤ መልኬ ኮር ቃኝና መሀንዲስ መምሪያ ኃላፊ አርበኛ አበበ አስናቀው (ዝምተኛው ተኳሽ) ነበር።
የቅርብ ርቀት የእጅ በእጅ የቦንብ ማጥቃትን ጨምሮ በተካሄደው በዚህ ጥቃት ፦
➛17 የጥምር ኃይሉ አባላት ሲደመሰሱ፤
➛ 9 የሚሆኑት ደግሞ ከከባድ እስከ ቀላል ቁስለኛ ሆነዋል።
➛በተጨማሪም ከጠላት ኃይል 10 ክላሽኮቭ መሣሪያዎች፣ 600 የክላሽኮቭ ተተኳሽ ጥይቶች፣ 6 የእጅ ቦንቦች እና 2 ስልኮች በቁጥጥር ስር ውለዋል።
የደረሰበትን ምት ለመቋቆም ከመተማ እና ከሽመለ ጋራ ተጨማሪ ኃይል በማንቀሳቀስ ለመቁረጥ ሙከራ ቢደረግም፣ ሳይሳካ ቀርቶ ጠላት የሞተና የቆሰለ ኃይሉን እያንጠባጠበ ወደ መጣበት ለመመለስ ተገዷል ሲል መረጃውን ያደረሰን የኮሩ ህዝብ ግንኙነት ነው።
ህልውናችን በተባበረ ክንዳችን!
አፋብን በላይ ዘለቀ 3ኛ ዕዝ ህዝብ ግንኙነት መምሪ
17 sep, 01:39
የውስጥ እሾህ፡ የጀግኖች ደም እና የሆዳሞች ሽያጭ»
የአማራ ህዝብ በታሪኩ የጀመረውን የታገደለ ጉዞ አቋርጦ፣ ተስፋ ቆርጦ አያውቅም። የውጭ ወራሪን በክንዱ፣ የሀገርን ድንበር በደሙ አክብሮ ያቆየ፣ ለነፃነትና ለክብሩ የማይደራደር ታላቅ ህዝብ ነው። ነገር ግን የዚህ ህዝብ ትልቁና እጅግ አደገኛው ፈተና ከፊት ለፊቱ በግልጽ የሚመጣው ጠላት ሳይሆን፣ ከራሱ ማህፀን የወጡ፣ የውስጥ ተልእኮ ይዘው የሚንቀሳቀሱ የውስጥ እሾሆች ናቸው።
በደም የተፃፈው የጀግኖች ታሪክ ትናንት ለነፃነት፣ ለእውነትና ለህዝብ ክብር ሲባል ዋጋ የከፈሉ እውነተኛ የህዝብ ልጆች ነበሩ።
እያንዳንዱ ስፍራ የጀግንነታቸውና የመስዋዕትነታቸው ምስክር ነው፦በሸዋ ሰንሰለታማ ተራሮች፡ ጽናትን ድንጋይ አድርገው፣ ቁርጠኝነትን አንግበው የጠላትን ግስጋሴ ያንበረከኩ፤በጎንደር ድንቅና ታሪካዊ ስፍራዎች፡ ለነፃነታቸውና ለማንነታቸው ሲሉ ደማቸውን እንደ ውኃ አፍስሰው የታሪካቸው ዘበኛ የሆኑ፤በወሎ ገደላማና አስደናቂ ተራሮች፡ የተደቀነውን አደጋ ሳይፈሩ፣ በጽናት አጣጥመው ለክብራቸው ምሽግ የያዙ፤በጎጃም ውብ ኮረብታዎች፡ ለአንድነታቸውና ለነፃነታቸው ሲሉ ከአምላካቸው ጋር እየተማጸኑ ውድ ነፍሳቸውን አሳልፈው የሰጡ አያሌ ጀግኖች አልፈዋል።
የሶሻል ሚዲያ አራዊት እና የሆድ አደሮች ዘመቻ
ዛሬ ግን ትግሉ መልክ ቀይሯል። በስልጣንና በሀብት ከተሳሰሩ አካላት ጋር የጥቅም ዝምድና በመፍጠር፣ በከተሞችና በውጭ ሀገራት የተቀመጡ ህሊናቸውን ለሆዳቸው የሸጡ ዘመናዊ ባንዳዎች አዲስ የጥፋት ዘመቻ ከፍተዋል።
ዕውቀት አልባ ትዕቢት መጽሐፍ ለማንበብ፣ ታሪክን ለመረደምና ጥልቅ እውቀት ለማስጨበጥ የሚያስችል ትዕግሥቱም አቅሙም የላቸውም።
የኮሜንት ላይ ጀግኖች በጥቅም በተገዙበት መድረክ በተለይም በሶሻል ሚዲያ አስተያየት (ኮሜንት) መስጫዎች ውስጥ እየተረመሰመሱ እውነተኛውን ትግል ለማስቀየስና ህዝብን ለማደናገር ይሰራሉ። ራሳቸውን እንደ ቅዱስና እንደ ህዝብ ተቆርቋሪ አድርገው ቢያቀርቡም፣ ተግባራቸው ግን የታገሉትን ወንድሞቻቸውን ከጀርባ መውጋት ነው።
የህሊና ሽያጭ፦ ትናንት በሰላሙ ጊዜ በወዛቸው ሰርተው መኖር ያልቻሉ፣ ስነ-ልቦናቸው የላሸቀ ሰዎች፣ ዛሬ በ500 ብር የሞባይል ካርድና በጥቂት ጥቅማጥቅሞች በመደለል የገዛ ወንድሞቻቸውን ሚስጥርና ህልውና አሳልፈው ይሸጣሉ።
የተስፋ መቁረጥ ሳይኮሎጂ እና የታሪክ ፍርድ
እነዚህ አካላት "ነገ ነፃነትና ፍትህ አይመጣም" በሚል የተሳሳተ ድምዳሜ ህሊናቸውን ለጊዜያዊ ጥቅም አስረክበው በመካከላችን ይኖራሉ። ለጊዜያዊ ጥቅም ሲሉ ነፍሳቸውን ያረከሱ በርካቶች ቢሆኑም፣ የታሪክ እውነት ግን ሁልጊዜም አንድ ነው የጀግኖች ደም አይበሰብስም፤ የሆዳሞች ሽንገላና አደገኛ አሴራ ደግሞ ከታሪክ ማህደር መፋቁ አይቀርም!
የህሊና ሞት፡ ሀቅንና ወንድምን በጊዜያዊ ጥቅም የለወጠ ሰው፣ ገና በሕይወት እያለ ነፍሱ የሞተችና ሰላም ያጣች ናት።የታሪክ ፍርድ፡ ጊዜያዊ ጥቅም ያልቃል፤ የታሪክ ነቀፌታና ውርደት ግን ለትውልድ ይሻገራል።
የፈጣሪ ፍርድ በጀግኖች ደምና በህዝብ እምባ ላይ የተገነባ ጥቅም በፍጹም ዘላቂ አይሆንም። ከአምላክም ሆነ ከተፈጥሮ ሕግ ማምለጥ አይቻልምና በመጨረሻም ነፍሳቸውንና ሰላማቸውን የሚያጡት እራሳቸው ናቸው።
የጀግኖች መስዋዕትነት ታሪክ ሲሰራ፣ የሆዳሞች መጨረሻ ግን ሁልጊዜም ውድቀትና የነፍስ ክሳራ ብቻ ሆኖ ይቀራል። #Dave #Amhara
17 sep, 00:46
የ13ኛ ኮር አካል የሆነው ዋግሹም ብርጌድ ወደ ክፍለጦር አደገ!
የአማራ ፋኖ ብሔራዊ ንቅናቄ (አፋብን) ምኒልክ 1ኛ ዕዝ 13ኛ ኮር አካል የሆነው እና በኢትዮጵያ ታሪክ በተለይም በዓድዋ ጦርነት ወቅት አገራቸውን ከወራሪው የጣሊያን ኃይል በመከላከል ግንባር ቀደም ሚና ከተጫወቱ ታላላቅ የጦር መሪዎች አንዱ በሆኑት ዋግሹም ጓንጉል ብሩ (አባ መርከብ) ስም ተሰይሞ የነበረው ዋግሹም ብርጌድ አንድ ክፍለጦር ማሟላት የሚገባውን መስፈርት አሟልቶ በመገኘቱ ወደ ክፍለጦር ማደግ ችሏል።
መስከረም 06/ 2019 ዓ/ም የክፍለጦር እውቅናውን ያገኘ ሲሆን የ13ኛ ኮር ኮማንድ በወሰነውና ባፀደቀው መሰረት አንድ ክፍለጦር ማሟላት የሚገባውን የሰው ኃይል፣ የትጥቅና ሌሎች መስፈርቶቹን አሟልቶ በመገኘቱ የኮሩ ከፍተኛ አመራሮች በተገኙበት እውቅናው የተበሰረ ሲሆን ከዛሬ መስከረም 06/ 2019 ዓ/ም ጀምሮ አፋብን ምኒልክ 1ኛ ዕዝ 13ኛ ኮር 139ኛ ዋግሹም ክፍለጦር ተብሎ እንዲጠራ እና ከዚህ በፊት የነበሩ የብርጌዱ አመራሮች ክፍለ ጦሩን እንዲያስተዳድሩ በሙሉ ድምፅ ተመርጠዋል ሲል የ13ኛ ኮር ቃል አቀባይ መረጃውን አድርሷል።
መዳረሻው ድልና ነፃነት የሆነው የአማራ ህዝብ የህልውና ተጋድሎ ተጠናክሮ ይቀጥላል!!
ህልውናችን በተባበረ ክንዳችን!
አፋብን ምኒልክ 1ኛ ዕዝ ህዝብ ግንኙነት መምሪያ!
መስከረም:-06/ 2019 ዓ/ም
መስከረም:-06/ 2019 ዓ/ም
16 sep, 12:18
መስከረም 06/01/2019 ዓ.ም
የአማራ ፋኖ ብሄራዊ ንቅናቄ በላይ ዘለቀ 3ኛ ዕዝ 305ኛ ጎቤ ኮር
በምዕራብ ጎንደር ዞን መተማ ወረዳ አዲሳለም ቀበሌ ተቅበዝባዥ የብልፅግና ሰራዊት ላይ በደፈጣ የማያዳግም እርም*ጃ ተወ*ሰደበት ።
የ305ኛ ጎቤ ኮር ካሉት ክፍለ ጦሮች የተዉጣጡ በቁጥር ትንሽ የሆኑ አባላት በዛሬ ቀን 06/01/2019 ዓ.ም ከቀኑ 6 ሰዓት ላይ አዲስ አለም ቀበሌ ደፍጦ በመቆየት ከፍተኛ ቁጥር ያለዉ የጠላት ሃይል ላይ በተወሰደ መብረቃዊ ጥ*ቃት ከፍተኛ ቁጥር ሙትና ቁስል ማድረግ ተችሏል።
የ305ኛ ጎቤ ኮር ቃኛኝና ማህንዲስ መምሪያ ኃላፊ አርበኛ አበበ አስናቀዉ ዝምተኛዉ ተኳሽ ይህን ልዩ ተልኮዉን የመራዉ እንደገለፀዉ ደፈ*ጣዉ የተቀራረበ የቦንብ ማጥቃት ዘመቻ እንደተደረገ ገልፃ በዚህ በደፈጣ በተወሰደ እርም*ጃ በጠላት ላይ የደረሰ ኪ*ሳራ
፨ ሙ*ት 17
፨ ቁስ**ል 9
ከጠላት የተገኘ ም*ርኮ
፨ ክላሽ 10
፨ ተተኳሽ የክላሽ 600ፍሬ መማረክ ተችሏል
፨ ቦንብ 6
፨ ስልክ 2
ጠላትም የደረሰበትን ሽንፈት ለማካካስ ከመተማ እና ሽመለ ጋራ ያለዉን ሃይሉን አንቀሳቅሶ ለመቁረጥ ቢሞክርም ሳይሳካለት ቀርቶ ሙት እና ቁስሉን እያያንጠባጠበ ወደ መጣበት ተመልሷል።
ህልዉናችን በተባበረ ክንዳችን
አርበኛ ባንዴራዉ ግርማይ:- የ305ኛ ጎቤ ኮር ህዝብ ግንኙነት መምሪያ
16 sep, 11:33
ተስፉ የቆረጠው የአብይ አህመድ ቡድን ስልጣኑን ለማስጠበቅ የመጨረሻ ያለውን የእልቂት ጥሪ አቀረበ።
ቡድኑ ከሊቅ እስከ ደቂቅ ሁሉም የኦሮሞ ተወላጆች የጦር መሣሪያ እንዲታተቁ የዘር ማጥፋት ወንጀሉኛ በሆነው ሽመልስ አብዲሳ በኩል ይፋዊ ቅስቀሳና ጥሪ አቅርቧል።
በኃያሉ ፋኖ ክንድ የመጨረሻው እስትንፋሱ ሊቆረጥ ጫፍ የደረሰው የብልፅግናው አገዛዝ የኦሮሞን ሕዝብ እንደ ሕዝብ ቀስቅሶ ስልጣኑን እንዲታደጉለትና ከፍተኛ እልቂት እንዲሁም ደም መፋሰስ በሀገሪቱ እንዲፈጠር እየሰራ ይገኛል።
የኦሮሚያ ክልል ባለሥልጣናት የጸጥታ ችግር ባለባቸው ዞኖች የሚኖሩ አርሶ አደሮች በራሳቸው ገንዘብ የጦር መሣሪያ ገዝተው እንዲታጠቁ እና አካባቢያቸውን በተደራጀ ሁኔታ እንዲጠብቁ አስቸኳይ ትዕዛዝ አስተላልፈዋል።
ደቡብ ምዕራብ ሸዋ፣ ምዕራብ ሸዋ፣ ሰሜን ሸዋ እና ቄለም ወለጋን ጨምሮ በሁሉም የክልሉ አከባቢዎች አርሶ አደሮች በሙሉ መሳሪያ ገዝተው እንዲታጠቁ ነው ትዕዛዙ የተላለፈው።
የክልሉ ባለስልጥናት አክለውም፡ የጦር መሣሪያ ለሚገዙ አርሶ አደሮች በአስቸኳይ የጦር መሣሪያ ፈቃድ እንደሚሰጥና ጥይት በተመጣጣኝ ዋጋ እንደሚቀርብም መናገራቸው ተገልጿል።
16 sep, 10:48
በጮቄው ንጉስ ቢቡኝ አባደሞ ሻለቃ የ117ኛ ክፍለ ጦር ም/ሬጅመንት መሪ #ዋብር_ላይ ከእነ አጃቢው ተሸኝቷል።
🔜🔜🔜🔜🔜🔜🔜🔜🔜🔜🔜🔜
.....መስከረም 06/2019 ዓ.ም
የአማራን ህዝብ ስነልቦና በቅጡ ያልተረዳው የመሀመድ ተሰማ አራዊት ሰራዊት ጮቄን በሜካናይዝድ ታጅቦ በ6ክ/ጦር አሰሳ አድርጊያለው ፤ በትነናቸዋል በሚል ሪፖርት ባደረገ ማግስት ነሐሴ11/2018 ዓ.ም አንዷን ሬጅመንት ዋብር ላይ #በቴዎድሮስ_2ኛ_ዕዝ #የ54ኛ ክ/ጦር በቢቡኝ አባደሞ ሻለቃ መደምሰሱ ከአገዛዙ ዳስ ጥለው አሳይተውናል።
ይህ በእንዲህ እንዳለ ዛሬም የጮቄው ንጉስ የቢቡኝ አባደሞ ሻለቃ በተጠና እቅድና #በትንሽ የሰው ኃይል ከተማ ሰርጎ በመግባት የጠላትን የ117ኛ ክፍለ ጦር ም/ሬጅመንት #100_ዓለቃ_በላይ ከእነ አጃቢው ዋብር ከተማ ውስጥ በመግባት ሸኝተውታል።
ከእቅዳችን ያመለጠ የለም! ግለሰብን እያፈሰና እየዘረፈ ያለውን አራዊት ሰራዊት ገና ዳስ እናስጥለዋለን!!
የአማራ ልጅ ያቅዳል! እቅዱን በጀንበር ቅፅበት ያሳካል።
የአዲሱ ትውልድ የትግል ብስለት በየቀኑ ቅርፁንና አይነቱን እየቀየረ ወደ ግቡ እየተንቀሳቀሰ ነው።
አሸናፊነታችን በተባበረ ክንዳችን!!
የተጠና የከተማ ሰርጀሪ!!
አ.ፋ.ብ.ን ቴዎድሮስ 2ኛ ዕዝ 201ኛ ኮር ህዝብ ግንኙነት
16 sep, 08:02
የበረሃ ፈርጦቹ የአፋብን|ቴዎድሮስ 2ኛ ዕዝ 105ኛ ኮር 66ኛ ክ/ጦር 3 /ሶስት/ ሻለቆች በከፊል እና የክ/ጦሩ ቃኝ እና መሃንዲስ አባላት የተሀድሶ ፕሮግራም አካሄዱ!!!
የበረሃ መብረቁ 66ኛ ክ/ጦር በ 7 ሻለቆች እና በክ/ጦሩ ቃኝ እና መሃንዲስ የተዋቀረ ግዙፍ ክ/ጦር ሲሆን የአማራ ፋኖ ትግል ከጀመረ ጊዜ ጀምሮ በተለያዩ ጊዜያት በርካታ ጀብዱዎችን በመፈፀም በጠላት ላይ ከፍተኛ ድልን በመቀዳጀት የበላይነትን ያስመሰከረ፣ የቀጠናዉን 95% የተቆጣጠረ፣የኮሎኔል ማዕረግ ያላቸዉን ጨምሮ እስከ አባላት ድረስ እጅግ በርካታ የጠላት ኃይልን የደመሰሰ፣ የማረከ፣ስቦ ያስከዳ፣በርካታ የቡድን እና የነፍስ ወከፍ መሳሪያዎችን የማረከ፣ የምንጊዜም ዘመን ተሻጋሪ አኩሪ ድልን የተጎናፀፈ ሆኖ በደማቅ አማራዊ እና ኢትዮጵያዊ ዘላለማዊ ከፍታ ስሙን ያስመዘገበ ታላቅ ክ/ጦር ነዉ።
ስለሆነም ይህንን ታሪካዊ ጀግንነት በወታደራዊ ሳይንስ እና ጥበብ የተካኑ የቁርጥ ቀን ወጣቶችን በማሰልጠን፣ የሰራዊቱን ቁጥር በብዙ እጥፍ በማሳደግ፣የብልፅግና ሰራዊት ለሀገር ሳይሆን ለግለሰቦች ስልጣን ሲል ህይዎቱን እየከፈለ እንደሆነ በግልፅ የተረዳበት መሆኑን የ66ኛ ክ/ጦር አደረጃጀት እና ወታደራዊ ቁመና በግልፅ ያሳያል።
ክ/ጦሩ እንደ አስፈላጊነቱ በወታደራዊ ሚስጢር ሁሉንም ሰራዊት በተለያዩ ጊዜያት ተሀድሶ በማድረግ ሰራዊቱ ለቀጣይ ግዳጅ ዝግጁ መሆኑን በሞራል አንፀባርቋል!!!
የህልውና እና የነፃነት ትግል የአይበገሬነትን ወኔ በማላበስ በቁርጠኝነት፣በጀግንነት፣በጠላት ላይ ሞራላዊ የበላይነትን በመጎናፀፍ፣ ታሪካዊ ድልን እየተቀዳጀ ወደ ሀገራዊ አንድነት የከፍታ ማማ ጫፍ ላይ ደርሶ ይፋዊ ብስራትን እየተጠባበቀ ይገኛል።
በተሃድሶው ላይ የተገኙት የክ/ጦሩ ከፍተኛ አመራሮች ለሰራዊቱ አቅም ማጎልበቻ የሚሆን መልዕክት አስተላልፈዋል።
አዲስ ትዉልድ፣አዲስ አስተሳሰብ፣አዲስ ተስፋ!!!
የአፋብን ቴዎድሮስ 2ኛ ዕዝ 105ኛ ኮር 66ኛ ክ/ጦር ህ/ግንኙነት
መስከረም 06/2019 ዓ.ም
16 sep, 07:35
የአገዛዙ ኃይል በመፍረስ አፋብን በላይ ዘለቀ 3ኛ ዕዝ 208ኛ ራስ አሞራው ውብነህ ኮርን እየተቀላቀለ ይገኛል!
መስከረም 06/2019 ዓ.ም
ከሁሉም አቅጣጫ በመፍረስ ላይ የሚገኘው የአገዛዙ መዋቅር 70ኛ ክፍለ ጦር 1ኛ ሻንበል አባላት ወደ አፋብን በላይ ዘለቀ 3ኛ ዕዝ 208ኛ ራስ አሞራው ውብነህ ኮር ጭና ክፍለ ጦርን ተቀላቅለዋል።
1.ም/መ/አለቃ ደርባ ቶሎሳ በዳዳ
2.መሰ/ወታደር ሰምበታ ደስኪሳ አብዲሳ
3.መሰ/ወታደር ቀነኒሳ
➛ አንድ እስናፐር ሁለት ጥቁር ክላሽኮቭ መሳርያዎች ከ200 በላይ የክላሽኒኮቭና የስናይፐር ተተኳሽ ጥይቶች፤
➛እንዲሁም 6 የእጅ ቦምቦችን ያስረከቡ ሲሆን፣
በወታደራዊ መዋቅሩ ውስጥ የተፈጠረው የውስጥ አለመተማመን፣ የጦር አመራሩ የህዝብን ደህንነት ከማስጠበቅ ይልቅ የአንድን ግለሰብ የፖለቲካ ስልጣን ለማስረዘም መጠቀሚያ መሆኑ፣ እና በሀገር ስም በአንድ ብሔር ላይ የተመሰረተ ጥቃትና እንግልት በመፈጸሙ ምክንያት ይህንን ህሊናን የሚፈታተን ድርጊትና ኢ _ሰባዊ የሆነ አሰራርን በመቃወም ከሰራዊቱ መለየታቸውን አብራርተዋል።
ህልውናችን በተባበረ ክንዳችን!
አፋብን በላይ ዘለቀ 3ኛ ዕዝ ህዝብ ግንኙነት መምሪያ
16 sep, 07:12
