ፍኖተ-አማራ ሚዲያ (Finote Amhara Media)
Ir al canal en Telegram
የተመሠረተው የአማራን ሕዝብ ለማንቃት፣ ለማደራጀት እና ለማስተባበር ነው። የአስተያየት መቀበያ @strive121234 የአማራ ሕዝብን ✅ ፖለቲካዊ ✅ ማህበራዊ ✅ ኢኮኖሚያዊ ታሪካዊ ጥያቄዎችን ለማሰማት እና የአማራን ሕዝብ በማንቃት ሰፊውን ሕዝብ ተጠቃሚነት ለማረጋገጥ ይሰራል። ወደዱም ጠሉም የኃላ ታሪካችን በእኛ እጅ ይፃፋል። አማራ ፋኖ ብሔራዊ ንቅናቄ ( አፋብን)
Mostrar más4 378
Suscriptores
-624 horas
-757 días
-1030 días
Archivo de publicaciones
+2
#ሰበር_ዜና‼️
#የብልፅግና_አመራሮች_መጨረሻ😂
ወረዳውን ዘርፎ የተሰደደው የብልፅግና ከፍተኛ አመራር በተሰደዱበት ከተማ በመከላከያ ሰራዊት ከፍተኛ አመራሮች ትዕዛዝ ታሰሩ!
ጥቅምት 06/2019 ዓ.ም
ሰሞኑን ጀግናው የአፋብን ሸዋ ጠቅላይ ግዛት አሳምነው 5ኛ ዕዝ ባካሔደው መጠነ ሰፊ ጠንካራ መብረቃዊ ኦፕሬሽን በሸዋ በርካታ የወረዳ ከተሞች በፋኖ ቁጥጥር ስር መዋላቸውን ተከትሎ በመርሀቤቴ አውራጃ የሚዳ ሬማ ወረዳ የብልፅግና አመራሮች ከፍተኛ የዘረፋ ተግባር ፈፅመው ወደ አጎራባች አለም ከተማ መሸሻቸው ይታወቃል።
ስደተኞቹ የህዝብ ሀብትና ንብረት ዘራፊዎች የሚዳ ሬማ ወረዳ ከፍተኛ አመራሮች የሆኑትና የወረዳው ዋና አስተዳደር ኃላፊ አቶ ሰይድ ኢብራሒም እንዲሁም ከባህል ተወዛዋዥነት ወደ ከፍተኛ የብልፅግና ፓርቲ አመራርነት ያደገው የወረዳው ምክትል አስተዳደር ኃላፊ አቶ አባይነው ወንዶሰን ወረዳው ላይ የፈፀሙት ከፍተኛ ዝርፊያና ወንብድና የህዝብ ልጅ በሆነው ጀግናው የአማራ ፋኖ መጋለጡን ተከትሎ በሸሹበት መርሀቤቴ አለም ከተማ በመከላከያ ከፍተኛ አመራር ትዕዛዝ ሰጭነት መታሰራቸው ተረጋግጧል።
ለመሆኑ ጀግናው ሰራዊታችን በታላቅ ህዝባዊ አቀባበልና ድምቀት ወደ መራኛ ከተማ እና ሬማ ከተማ ሲገባ በብልፅግና ከፍተኛ አመራሮች የተዘረፉ የወረዳው ማህበረሰብ ሀብትና ንብረቶችን በዝርዝር ይዞ የሚመጣ መሆኑን የአፋብን ሸዋ ጠቅላይ ግዛት አሳምነው 5ኛ ዕዝ የአፄ ዓምደ ጽዮን ኮር ሚዲያና ኮሙኒኬሽን ክፍል ከወዲሁ ለመላው ሰራዊታችንና ህዝባችን መግለፅ ይወዳል።
ድል ለህዝብ ልጅ ፋኖ!!!
ድል ለአማራ ህዝብ !!!
ድል ለኢትዮጵያ ህዝብ !!!
16 oct, 10:33
አፋብን ጎንደር ጠቅላይ ግዛት በላይ ዘለቀ 3ኛ ዕዝ ከፍተኛ አመራሮች በተገኙበት ከእብናት ወረዳ የትምህርት ማህበሰብ ጋር ውይይት ተካሄደ!
ጥቅምት 06/2019 ዓ.ም
ዕዙ ከአውደ ውጊያዎች ጎን ለጎን በተቆጣጠራቸው ቀጣናዎች ከህብረተሰቡ ጋር የሚያደርጋቸውን ውይይቶችን አጠናክሮ ቀጥሏል።የዕዙ ከፍተኛ አመራሮች በተገኙበት በእብናት ወረዳ የትምህርት ማህበረሰብ አካላት ጋር ሰፊ ውይይት አድርጓል።
በውይይቱም በመማር ማስተማር ሂደት ውስጥ ያሉ ችግሮችን በተመለከተ፣ በመምህራንና ተማሪዎች መካከል ያለውን መስተጋብር ፣ የትምህርት ተቋማት ደህንነትና ጥበቃ ፣ ህዝቡ ለትምህርት ተቋማት እሚያደርገውን ድጋፍና ትብብርን በተመለከተና ህዝባዊ ወገንተኝነትን ማጽናት በሚቻልባቸው መንገዶች ላይ ጥልቅ ውይይት ተደርጓል።
በመጨረሻም ትኩረት በሚሹ የቀጣይ ተግባራት ላይ አቅጣጫዎችን በማስቀመጥ የጋራ ተግባቦት በመድረስ ሰላማዊ የመማር ማስተማር ስርዓት እንዲኖር ማስቻል ተገቢ መሆኑን አጽንኦት ተሰጥቶታል ።
ህልውናችን በተባበረ ክንዳችን!
አፋብን ጎንደር ጠቅላይ ግዛት በላይ ዘለቀ 3ኛ ዕዝ ሕዝብ ግንኙነት መምሪያ!
16 oct, 09:39
ከአፋብን ጎንደር ጠቅላይ ግዛት በላይ ዘለቀ 3ኛ ዕዝ የተሰጠ አስቸኳይ የጥንቃቄ መልዕክት!
ፀረ አማራው የብልጽግና አገዛዝ ፋኖን የማውገዝ እና የመከላከያ ህዝባዊ ድጋፍ በሚል በነገው ዕለት ከቀን 07/02/2019 ዓ.ም ከጠዋቱ 12:00 ሰዓት ጀምሮ በጎንደር ከተማ፣ደባርቅ፣ወረታ፣ደብረ-ታቦር ፣መካነየሱስ ፣ቆላድባ እና በሌሎች የዞን ከተሞች የድጋፍ ሰልፍ ለማድረግ ጥሪ አቅርቧል። ህዝባችን ላይ የሚያደርሰው በደልና ግፍ አልበቃ ያለው ይህ ስርዓት ፣ ዛሬም ህዝባችንን በማወናበድ ለቀጣይ ጭፍጨፋው ሽፋን ለማግኘት ጥሪ በማድረግ ላይ ይገኛል።
ስለሆነም ከዚህ ዘረኛና ጨፍጫፊ ስርዓት ጀርባ በመቆም በሚዘጋጁ አደናጋሪ ስብሰባዎች እና ሰልፎች ላይ መሳተፍ እራስን ለዳግም ባርነት እና ጭፍጨፋ እራስን አሳልፎ መስጠት በመሆኑ፣ ማህበራት አባላት ፣የሙያ ተቋማት እና መላ ህዝባችን አስፈላጊውን ጥንቃቄ እንዲያደርግ አጥብቀን እናሳስባለን።
ስለሆነም አፋብን ጎንደር ጠቅላይ ግዛት በላይ ዘለቀ 3ኛ ዕዝ በሁሉም ቀጠናዎች ላይ አስፈላጊውን የጥንቃቄ እርምጃ የሚወስድ በመሆኑ፣ ህዝባችን የሚከተሉትን ዋና ዋና የጥንቃቄ መመሪያዎች በአክብሮት እንዲተገብር እንጠይቃለን፦
❌ በሰልፍ ወይም ስብሰባ ላይ በፍጹም አለመገኘት፦ ሰልፉ በተጠራባቸው አደባባዮች፣ ስታዲየሞች ወይም የመሰብሰቢያ ቦታዎች ላይ በአካል መገኘት፣ መቆም ወይም ሁኔታዎችን ለመታዘብ እንኳን መሄድ በጥብቅ የተከለከለ ነው።
❌ ከመንግስት መስሪያ ቤቶችና ከፍተኛ ጥበቃ ከሚደረግባቸው ቦታዎች መራቅ፦ የአገዛዙ ጥበቃ አካላትና የወታደራዊ ተቋማት ግቢዎች፣ እንዲሁም በአገዛዙ ታጣቂዎች በከፍተኛ ሁኔታ በሚጠበቁ አደባባዮችና መንገዶች አቅራቢያ መገኘት በፍጹም የተከለከለ ነው።
❌ አላስፈላጊ የጠዋት እንቅስቃሴዎችን አለማድረግ፦ በተለይም ከጠዋቱ 12:00 እስከ 3:00 ሰዓት ባለው ጊዜ ውስጥ ከቤት መውጣት፣ በእግርም ሆነ በተሽከርካሪ መጓዝ አደገኛ ስለሆነ ማንኛውንም እንቅስቃሴ ባለማድረግ የራስዎንና የቤተሰብዎን ደህንነት ይጠብቁ።
❌ በስብስብ መሃል አለመገኘት፦ በየሰፈሩ ወይም በየመንገዱ ዳር በቡድን በቡድን ሆኖ መቆም፣ ወሬ ማወራት ወይም ሁኔታዎችን ለመከታተል ተሰባስቦ መቆም ለአደጋ ያጋልጣል።
❌ የተሳሳቱ መረጃዎችንና አሉባልታዎችን አለመከተል፦ በተለያዩ ቅጽበቶች የሚናፈሱ የሃሰት መረጃዎችን ሳይጣሩ አምኖ መንቀሳቀስ አደጋ ላይ ስለሚጥል፣ በተቋማችን ማህበራዊ ሚዲያ ኦፊሳላዊ ገጾች እና በደጋፊ ሚዲያዎቻችን በኩል የሚወጡ መረጃዎችን ብቻ መከታተል ይገባል።
ስለሆነም ህዝባችን በሁሉም ከተሞችና አካባቢዎች እነዚህንና መሰል ጥንቃቄዎችን በማድረግ ራሱን እንዲጠብቅ በድጋሚ እያሳሰብን ከላይ የተዘረዘሩትን የጥንቃቄ ክልከላዎችን ተላልፎ በተገኘ አካል ላይ በሚወሰድበት እርምጃ ኃላፊነቱን እራሱ የሚወስድ መሆኑን በአጽንኦት እንገልጻለን።
ህልውናችን በተባበረ ክንዳችን!
አፋብን ጎንደር ጠቅላይ ግዛት በላይ ዘለቀ 3ኛ ዕዝ !
16 oct, 08:10
እኔ ቤት ያላችሁ ልጆች ሼር እያደረጋችሁ እሼ ቻላሉን ሌሎች እንዲማሩ አድ አድ አድርጉ!!
16 oct, 05:43
አይ የድሃ ልጅ ያሳዝናል ከአማራ ልጅ ጋ ገጥመህ የማያዋጣህን አትለቅ ማለት አሁን ነው።
16 oct, 04:53
በወገል ጤና ከተማ ላለፉት አራት ቀናት ከባድ የከበባ ማጥቃት ሲያካሂድ የቆየው ጀብደኛው ምኒልክ 1ኛ ዕዝ በጠላት ላይ እጅግ ከፍተኛ ኪሣራ በማድረስ አንፀባራቂ ድል ተቀዳጀ!
የትብብር ለሕልውና አካል የሆነው የአማራ ፋኖ ብሔራዊ ንቅናቄ ጀብደኛው ምኒልክ 1ኛ ዕዝ በምስራቅ ግንባር አኩሪ ገድል ፈፅሟል።
በምኒልክ 1ኛ ዕዝ 102ኛ እና 16ኛ ኮሮች የተወጣጡ ውስን አሃዶች በጠላት 11ኛ ዕዝ ስር የምትገኘው 16ኛ ክፍለጦርን በማዘዣ ጣቢያዋ ወገልጤና ቻይና ካምፕ ላይ ለአራት ቀናት በመቁረጥ በወሰደው እርምጃ ክፍለጦሯን መበታተን ችሏል።
አገዛዙ ከሰው አልባ ተዋጊ ድሮን ጀምሮ የጦር ጄትና ሌሎች ሜካናይዝ መሣሪያዎችን ተጠቅሞ ከበባውን ለመስበር ያደረገው ሙከራ ከሽፎ ጦሩ የአፈር ሲሳይ ሆኖ ቀርቶበታል።
በተጨማሪም ይሄንን ከበባ ለመስበር መነሻቸውን ከተንታ አጅባር ያደረጉ በ11ኛ ዕዝ 204ኛ ኮር ከ35ኛ ክፍለ ጦር 2ኛ እና 3ኛ ሬጅመንቶች እንዲሁም ከ84ኛ ክፍለ አንዲት ሬጅመንት ይዞ ለመግባት ቢሞክርም፡ ነገር ግን በዕዙ አርበኞች ተቆርጦ ሁለቱ ሬጅመንቶች ሙሉ በሙሉ ሲደመሰሱ አንድኛው ሬጅመንት በ101ኛ ኮር አናብስቶች ከፍተኛ ኪሳራ ደርሶበት ተበታትኗል።
ደላንታ ላይ ተቆርጣ ጥብቅ እርምጃ የተወሰደባት 16ኛ ክፍለጦር ከውስን አሃዶቿ በስተቀር ስትደመሰስ አንድ ዙ23ን ጨምሮ ሌሎች ሜካናይዝድ መሣሪያዎቿንና ወታደራዊ ንብረቷን ማውደም ተችሏል።
በተጋድሎው ከተደመሰሱ የክፍለጦሯ ወታደሮች መካከል አንድ ኮሎኔልን ጨምሮ ማዕረጋቸውን ለጊዜው በውል መለየት ያልተቻለ ሌሎች ከፍተኛ አመራሮች እንደሚገኙበት ለማረጋገጥ ተችሏል።
በውጊያው ከፍተኛ ኪሳራ የተከናነበው የአገዛዙ ኃይል ከትናንት ጥቅምት 04/2019 ዓ/ም ምሽት ጀምሮ ወገልጤና ከተማን በድሮን ሲደበድብ አድሮ የዋለ ሲሆን በተጨማሪም ተዋጊ ሚግ በመጠቀም ከተማዋንና በዙሪያዋ የሚገኙ የእርሻ ሰብልና የንፁኋን መኖሪያ ቤቶችን አውድሟል።
በዚህም ህፃናትን ጨምሮ ንፁኋኖችን በገፍ ገድሏል፣ የቤት እንስሳትን ጨፍጭፏል እንዲሁም ሀብት ንብረት አውድሟል።
ከምስራቅ ግንባር አስተባባሪዎች የተሰጣቸውን ተልዕኮ በድል ያጠናቁት የጀብደኛው 1ኛ ምኒልክ ዕዝ አሃዶች በአሁን ሰዓት ስትራቴጂክ ቦታዎችን በመቆጣጠር ተጨማሪ የተሰጣቸውን ተልዕኮ በመፈፀም ላይ ናቸው።
መዳረሻው ድልና ነፃነት የሆነው የአማራ ህዝብ የህልውና ተጋድሎ ተጠናክሮ ይቀጥላል።
ህልውናችን በተባበረ ክንዳችን!
ምኒልክ 1ኛ ዕዝ ህዝብ ግንኙነት መምሪያ
ጥቅምት 05/ 2019 ዓ/ም
15 oct, 14:55
አፋብን ጎንደር ጠቅላይ ግዛት በላይ ዘለቀ 3ኛ ዕዝ ከፍተኛ አመራሮች አርበኛ አስምሮ ፍቃዴና የዕዙ ልዩ ኦፕሬሽን መምሪያ ኃላፊ አርበኛ አስፋው ሰርፀ ከ208ኛ ራስ አሞራው ውብነህ ኮር ሰሜን አምባራስ ክፍለ ጦር እና ድብ ጠለምት ክፍለ ጦር ጋር የተደረገ ቆይታና የቀጣይ ወታደራዊ ግዳጆች ልዩ ተልኮ !
15 oct, 13:35
+1
የሻለቃዋ ዋና አዛዥ፡ ምክትል አዛዡን ጨምሮ 8 ወታደሮቹን ሙሉ ትጥቃቸውን እንዳስታጠቀ በሰልፍ እየመራ የሕዝብ ልጅ ወደ ሆነው የአማራ ፋኖ ምኒልክ 1ኛ ዕዝ 14ኛ ኮር 142 ክፍለጦርን ተቀላቅለዋል ።
15 oct, 12:40
የአገዛዙ ሰራዊት ከአመራር እስከ አባል በከፍተኛ ሁኔታ እየፈረሰ አፋብን ሸዋ ጠቅላይ ግዛት አሰምነው 5ኛ ዕዝን መቀላቀሉን ቀጥሏል!!
ጥቅምት 5/2019 ዓም
-----------------------------
ከብልፅግና አገዛዝ ተቋማት በየቀኑ እየከዱ ፋኖን የሚቀላቀሉት አመራርና አባላት ቁጥር ከጊዜ ወደጊዜ እየጨመረ ነው። ከታች ስማቸው የተገለፁት የአገዛዙ ሰራዊት የአገዛዙን አረመኔ እና ፀረ -ህዝብ መሆኑን ተረድተን ፋኖን መቀላቀል መርጠናል ብለዋል።
ከታች ስማቸው የተገለፁት የመከላከያ አመራር ፣ አባላት እና ሚሊሻ የአፋብን ሸዋ ጠቅላይ ግዛት አሳምነው 5ኛ ዕዝ ከሰም፪ኛ ኮርን ከነሙሉ ትጥቃቸው ተቀላቅለዋል።
1ኛ. ሁነኛው አራጋው---የ102 ክ/ጦር አባል
2ኛ. አሳልፍ ክፍሌ---የሚሊሻ አባል
3ኛ. ፻አለቃ ሀይልዬ ኪዳኔ--የ18ኛ ክ/ጦር 5ኛ ሻለቃ ሻምበል አዛዦ
4ኛ. ሻለቃ ተስፋዬ--የ18ኛ ክ/ጦር 5ኛ ሻለቃ አባል
5ኛ. ገበዬሁ መኮንን--የ18ኛክ/ጦር 5ኛ ሻለቃ አባል
✅ ገቢ የሆነ ንብረት
✔ 01 ስናይፐር
✔ 08 የተለያዩ ክላሽንኮቭ ጠብመንጃዎች
✔ 8 ትጥቆች፣ በርካታ ተተኳሾች፣ ቦንቦችና ወታደራዊ ቁሳቁሶችን በመያዝ ፋኖን የተቀላቀሉ ሲሆን በርካታ የሚሊሻና የመከለካያ አባላት ከሞላሌ ከተማ እየፈረሱ ፋኖን እየተቀላቀሉ መሆኑ ተገልጿል።
" ክብር ለትግሉ ሠማዕታት!
" ህልውናችን በተባበረ ክንዳችን!
የአፋብን ሸዋ ጠቅላይ ግዛት አሰምነው 5ኛ ዕዝ ሕዝብ ግንኙነት መምሪያ
15 oct, 09:50
አፋብን ጎንደር ጠቅላይ ግዛት በላይ ዘለቀ 3ኛ ዕዝ አመራሮች ከምዕራብ በለሳ አርባያ ከተማ ነዋሪዎች ጋር ውይይት አካሄዱ!
ጥቅምት 05/2019 ዓ.ም
በመድረኩ በከተማዋ የሚስተዋሉ መልካም አስተዳደር ችግሮችን፣ በቀጣናው የሚታዩ ችግሮችን በማስተካከል ህዝባዊ አንድነትን ማጠናከር፣ የፋኖን ወቅታዊ የትግል ቁመና ጠንካራና ደካማ ጎኖችን መገምገም፣ እንዲሁም ማህበረሰቡ ለትግሉ የሚያደርገውን ደጀንነትና አጠቃላይ የትግሉን ሂደት በተመለከተ ሰፊ ውይይት ተካሂዷል።
በዚህ ህዝባዊ ውይይት የአፋብን ጎንደር ጠቅላይ ግዛት በላይ ዘለቀ 3ኛ ዕዝ ሰብሳቢ አርበኛ ዮሐንስ ንጉሱ፣ የሰው ሀብት አስተዳደር መምሪያ ኃላፊ አርበኛ አዳነ ፀጋ እንዲሁም ሌሎች የዕዝ ፣የኮር እና የክፍለ ጦር አመራሮች ተገኝተዋል።
በውይይቱ የተሳተፉት የከተማው ነዋሪዎች የማህበረሰብ ተወካዮች ፣ የሃይማኖት አባቶች እንዲሁም የሀገር ሽማግሌዎች መድረኩ ወቅታዊና አስፈላጊ መሆኑን ገልጸው በሰራተኞች ደህንነት ምክንያት በመሰራት ያሉ የህዝብ አገልግሎት ሰጪ ፕሮጀክቶች (መንገድ፣የውሃ ) ሳይስተጎሉ ስራቸውን እንዲጠናቀቅ ጥበቃ ማድረግ፣ የከተማዋን ሰላምና ደህንነት መጠበቅ፣ ህዝባዊ አገልግሎት ሰጪ ተቋማት ከአደጋና ከጉዳት እንዲጠበቁ አመራር መስጠት፣ ህዝቡ ማህበራዊ ፍትህ እንዲያገኝ ማስቻል፣ ህዝባዊ አደረጃጀቶች ታጋዩን ዘርፈ ብዙ ድጋፉ እንዲያደርጉ ተልዕኮ መስጠት እና ወታደራዊ አደረጃጀቶችን ማስተካከል ተገቢ መሆኑን አጽንኦት ሰጥተው አንስተዋል።
በተጨማሪም በቀጣናው የሚታዩ ችግሮችን ለመፍታት ግልጽ የሆነ የዕዝ ሰንሰለትና የአሰራር ስርዓት በመዘርጋት የአካባቢውን ሰላምና ፀጥታ በአስተማማኝ ሁኔታ ማረጋገጥ እንደሚገባ የተናገሩት የውይይቱ ተሳታፊዎች ፣ የሚደረጉ ህዝባዊ የሎጅስቲክስ ድጋፎች በተቀናጀ ሁኔታ እንዲመሩ አመራር መስጠት ተገቢ መሆኑን ጠቁመዋል።
በመጨረሻም በውይይቱ የተሳተፉት የዕዝ፣ የኮር እና የክፍለ ጦር አመራሮች በተነሱት ጥያቄዎች ላይ ማብራሪያ በመስጠት፤ በቀጣይ ትኩረት የሚሹና መስተካከል ያለባቸውን ስራዎች በመለየት አስፈላጊውን የእርምት እርንምጃ መውሰድ ተገቢ መሆኑን አጽንኦት ሰጠዋል።
ህልውናችን በተባበረ ክንዳችን!
የአፋብን ጎንደር ጠቅላይ ግዛት በላይ ዘለቀ 3ኛ ዕዝ ሕዝብ ግንኙነት መምሪያ
15 oct, 08:55
