ፍኖተ-አማራ ሚዲያ (Finote Amhara Media)

አንች የአማራ መሬት፣ ታሪክ የዘከረሽ፣ መካን ያልሆንሽ፣ ምነኛ እፁብ ነሽ! ዛሬም እንደ ትናንቱ እንዲህ ያሉ አኩሪ ጀግኖችን ታበቅያለሽ። የዚህች ምድር ልጆች ተራ ተዋጊዎች ብቻ አይደሉም፤ አርቆ አሳቢዎች፣ ጥልቅ ምሁራን እና የጠላትን ስልት አስቀድመው መመርመር የሚችሉ ብልህ አዕምሮ ባለቤቶች ናቸው። ትግልና ነፃነት ምን ማለት እንደሆነ፣ ዋጋውም ስንት እንደሆነ ጠንቅቀው ያውቃሉ። ​የጠላት ኃይል ማናቸውንም ዘመናዊ መሣሪያዎች ቢያሰልፍ እንኳ እነዚህን አርበኞች ሊገታቸው አይችልም። አብይ አህመድ ከላይ ጀቶችና ድሮኖችን ቢያበር፣ ከታችም ታንክና ከባድ መድፎችን ቢያሰልፍ በጽናት የቆሙትን የነፃነት አርበኞች አያቆማቸውም። ከዚህም በላይ ጥበባቸው የላቀ ነው፤ አማራን ከየትኛው የጭንቀት ቀንና መቼ ከጦርነት ነፃ ማውጣት እንዳለባቸው በሰላማዊም ሆነ በወታደራዊ ስልት ያውቁታል። ዘመናዊውን ወታደራዊ ሳይንስ ከባህላዊ ጀግንነት ጋር አስተባብረው የሠሩ የተማሩ መሪዎች ናቸው። ​ስለዚህ ሀገር ወዳድ ጀግኖች ምን ያህል ብጽፍ፣ ስማቸውን ጠርቼ ብናገር አንደበት አያበቃኝም፤ ቃላትም ያጥሩኛል። የሸዋ ሰንሰለታማ ተራሮች፣ የወሎ አንበሳ ተዋጊና አዋጊ ፋኖዎች፣ እንዲሁም የጎጃም፣ የጎንደር እና የሸዋ የአሳምነው አናብስት ሁሉ የዚህ እውነት ምስክሮች ናቸው። ​ይህ ሁሉ የተስፋና የፅናት ተምሳሌት የሆነው ሐቅ የሚገለጸው ከሸዋ ሰማይ ስር ባሉት አርበኞች ነው። ከእነዚህም መካከል፦​አርበኛ አለቃ ኢሳያስ ደመቀ የአፋብን ሸዋ ጠቅላይ ግዛት አሳምነው 5ኛ ዕዝ ምክትል ወታደራዊ አዛዥ ​መቶ አለቃ ልመነው ሻወል ደመቀ የአፋብን ሸዋ ጠቅላይ ግዛት አሳምነው 5ኛ ዕዝ ወታደራዊ እቅድና እስትራቴጂ ዋና መምሪያ አዛዥ፣ ከትግል ጓዶቻቸው ጋር የሕዝባቸውን ነፃነት ለማረጋገጥ በቁርጠኝነት የቆሙ ታላላቅ ጀግኖች ናቸው። #Dave_Amhara የአማረ ታዘዘ ወንድም ታናሹ ብላቴና

በሸዋ ጠቅላይ ግዛት መርሐቤቴ አውራጃ ህዝባዊ መድረኮችና የአደረጃጀት ሥራዎች ተጠናክረው ቀጥለዋል!! ጥቅምት 30/2019 ዓ.ም አፋብን ሸዋ ጠቅላይ ግዛት አሳምነው 5ኛ ዕዝ ከብልፅግና አገዛዝ ኃይሎች ነፃ ባወጣው የመርሐቤቴ አውራጃ አካል የሆነው ሚዳ ሬማ ወረዳ ከገጠር እስከ ከተማ ሕዝባዊ መድረኮችና የአደረጃጀት ሥራዎች ተጠናክረው መቀጠላቸው ተገለፀ። ከመርሐቤቴ አውራጃ ሚዳ ሬማ ወረዳ መራኛና ሬማ ከተሞች የተጀመሩት ታላላቅ ህዝባዊ መድረኮች ተጠናክረው ሲቀጥሉ፣ በተለያዩ የወረዳው ገጠራማ ቀበሌዎች እየተካሄዱ የሚገኙት መድረኮች በርካታ ሕዝብ በነቂስ እየወጣ ሰፊ ውይይቶችን በማድረግ ጠንካራ አደረጃጀት እያደረገ ይገኛል። እየተካሔዱ በሚገኙት ሕዝባዊ መድረኮች ላይ የአፋብን ሸዋ ጠቅላይ ግዛት አሳምነው 5ኛ ዕዝ ከፍተኛ አመራሮች፣ የ503ኛ ኮር አመራሮች፣ የክ/ጦር አመራሮች እና የሚዳ ሬማ ወረዳ የክላስተር አመራሮች፣ እንዲሁም የአርበኞች ጦር ሰራዊት አመራሮች በቅንጅት መርሃ ግብሩን መርተዋል። በቀን 29/2/2019 ዓ.ም በሶርች አረዳ ዋዩ፣ በተድላ ጊዎርጊስ፣ በለብቃ፣ በሬማ 01፣ በአላቦ ቢራባ፣ በቃራ መጅት፣ በሱንቢት ካራ ምሽግ እና በአፈር ባይኔ ወይብላ ቀበሌዎች በርካታ ሕዝብ የታደመባቸው ሰፊ መድረኮች ተደርገው፡ ሕዝባዊ አደረጃጀቶች መሰራታቸው ተገልጿል። በመድረኮቹም ከተሳታፊዎች ለተነሱ ጥያቄዎች በየደረጃው በሚገኙ አመራሮች ምላሽና ማብራሪያ በመስጠት፣ ቀጣይ የጋራ የሥራ አቅጣጫዎች በማስቀመጥ ውይይቱ በተሳካ ሁኔታ መጠናቀቁን የ503ኛ ኮር ቃል አቀባይ ገልጿል። " ክብር ለትግሉ ሰማዕታት! " ህልውናችን በተባበረ ክንዳችን! አፋብን ሸዋ ጠቅላይ ግዛት አሳምነው 5ኛ ዕዝ ሕዝብ ግንኙነት መምሪያ

ደሳለኝ ዘውዱ ሻለቃ በጠላት ላይ ከፍተኛ ድልን ተቀዳጁ=============================================== ጥቅምት 29/2019 ዓ.ም አፋብን ቴዎድሮስ 2ኛ ዕዝ 206ኛ ኮር 24ኛ ክ/ጦር ህዝብ ግንኙነት ክፍል በአፋብን ቴዎድሮስ 2ኛ ዕዝ 206ኛ ኮር 24ኛ ክ/ጦር አካል የሆኑት የቦቅላ ደሳለኝ ዘውዱ ሻለቃ የፋኖ ኃይሎች በከፈቱት መደበኛ ውጊያ በአገዛዙ ላይ ከፍተኛ የሆነ ድልን ተቀዳጅተዋል። ዛሬ ጥቅምት 29/2019 ዓ.ም መነሻውን ከደብረማርቆስ እና አምበር ከተማ በማድረግ የቦቅላ ከተማን ለመውርና መልሶ ለመቆጣጠር የተንቀሳቀሰውን ራሱን ጥምር ጦር ብሎ የሚጠራውን የዘራፊውን የአብይ አህመድዙፋን አስጠባቂ ፓሊስ ሚሊሻ ፋራ ኮማንዶና አድማ ብተና ፖሊስ የጀግናው ሻለቃ ደሳለኝ ዘውዱ ልጆች የቦቅላ አካባቢ ላይ ፊት ለፊት መደበኛ ውጊያ በመክፈት ጠላትን ያዝረከረኩት ሲሆን ይሔ ወራሪ ጠላትም በደመነፍስ በመደነባበር እግሬ አውጭኝ ብሎ በመፈርጠጥ ሙትና ቁስለኛውን ታቅፎ ተመልሷል።በዚህም በ ውጊያ የጀግናው የሻለቃ ደሳለኝ ዘውዱ ልጆች ስምንት(8) የጠላት ሀይል እከኸዲያኛው ሲሸኝ ከ12 ቀላይ ደግሞ ከባድና ቀላል ቁስለኛ ሆነው በሞትና በህይወት መካከል ሆነው እያጣጣሩ ይገኛሉ።የጀግናው የሻለቃ ደሳለኝ ዘውዱ ልጆችም በምንጊዜም ጀግናቸው ሰማዕቱ ኮማንዶ ፲ አለቃ ደሳለኝ ዘውዱ ስም በመጠራት በስሙ ፈክረው በመግባት በምንት ውስጥ 3ጊዜ ግጃጅ በመፈፀም እና ጠላት ሲፈነጭባት የነበረችውን የቦቅላ ከተማን ከተቆጣጠሩ 5ኛ ቀናቸውን ያስቆጠሩ ሲሆን እስካሁኗ ሰዓት ድረስም በየቦቅላ ከተማ እየተገማሸሩባት ይገኛል:: ድል ለትብብር ሐይላችን አፋብን ቴዎድሮስ 2ኛ ዕዝ 206ኛ ኮር 24ኛ ክ/ጦር ህዝብ ግንኙነት ክፍል

በየትኛውም ደረጃ ለህዝብ የሚከፈል መስዋዕትነት ህልውናን ለማስጠበቅ የሚደረግ ቁርጠኝነት ለአማራ ህዝብ የጀግንነት መገለጫ ነው!! ጀግኖች መስዋትነት የከፈሉበትን ትግል ዕውን ለማድርግ ድርጅቱ የሰጠውን ግዳጅ በተሰጠን የስራ ኃላፊነት ለመወጣት ሰራዊታችን የበለውን በልተው፣ ሰራዊቱ የተራበውን ተርበው፣ ሰራዊቱ የተጠመውን ተጠምተው፣ ሰራዊት የወጠውን ዳገት እና ቁልቁለት ተወጥተው፣ ሰራዊቱ በሚያርፍበት ቦታ ምሽግ ይዘው በጣላት ላይ ከባድ እርምጃ ለመውሰድ እግራችን እስኪላጥ፣ እስኪነፈርቅ ድርስ ሌት ከቀን ሁሌም ትጉዘዋል የቴዎድሮስ 2ኛ ዕዝ በምስራቅ ግንባር አስተባባሪዎች። ትግላችንን ለመሸርሸር፣ እውነተኛ ታጋዮች ከሰራዊት እና ከህዝባችን ለመነጠል በብልፅግና ያልተሰራ ነገር የለም!! ሁሉንም ነገር ተቆቁመው ጀግኖቹ የበላይ ዘለቀ ልጆች የአማራን ፋኖ የትጥቅ ትግል ጫፍ ለማድርስ ድርጅቱ የሰጣቸውን ግዳጅ በብቃት ፈፅመዋል። በዚህ ትግል በውስጥህ የያዝከውን ቁስል፣ ህመም ለማይረዳህ ጓደኛም ይሁን የስራ ባልደረባ ፍፁም ቦታ አትስጣቸው? ደርትህን ነፍተህ ማንነትህ ማን እንደሆነ አሳያቸው። አንተ ከእነሱ በፊት ለአማራ ህዝብ ብለህ እውነትን በመጋፈጥ ድል ያመጣህ በተገኘው ድል የማትኮራ እውነተኛ ታጋይ መሆንህን አስረግጠህ አሳያቸው። በዚህ ትግል ሺዎች ቆስለውበታል፣ በሺዎች የሚቆጠር አማራ መስዋትነት ከፍለውበታል፣ በሺዎች የሚቆጠር አማራ በስውር እስር ቤቶች በጅምላ ታስረውበታል፣ በዚህ ትግል የአማራ ህዝብ ትግል ብዙ ዋጋ ከፍሎበታል። ይሁንና የትኛውም ታጋይ ትግሉን የተቀላቀልነው በአማራው ላይ የሚደርሰውን ዕርፍት አልባ የጅምላ ግድያዎችን በዘላቂነት ለማስቀረት እና ለአማራነት የሚገነባ ስረዓተ መንግስት ለመገንባት እያንዳንዳችን ጠጠር እየወረወርን ትግላችንን ዳር እንዲደርስ እየሰራን እንገኛለን። ለአማራ ህዝብ አንድያ ነፍስህን ለመስጠት የወጣህው ወዳጄ ለማንም አጎብዳጅ አትሁን፣ ሀቀኛ ታግይነትህን አስቀጥል፣ አላማህ ላይ ብቻ አተኩር፣ ከሰው ምንም አትጠብቅ፣ ሰው ያልተነበበ መፅሃፍ ነው። በትግሉ የሚኖሩ እና በትግሉ መስዋትነት የሚከፍሉትን ህዝባችን ሰራዊታችን እንዳሁም አንተን ለማጥፋት የሚሞክር ጠላት ሳይቀር በደንብ ያውቃቸዋል። ምስል ቴዎድሮስ ዕዝ ምስራቅ ግንባር አስተባባሪዎች 👇👇👇 ህልውናችን በተባበር ክንዳችን! ድል ለአማራ ህዝብ! ድል ለአማራ ፋኖ!! አዲስ ትውልድ፣ አዲስ አስተሳሰብ፣ አዲስ ተስፋ!! ጥቅምት 29/2019 ዓ.ም Fano Yibeltal Getie Mitiku 64ኛ ክ/ጦር ሕዝብ ግንኙነት

የአርበኛ ጌትነት መሳፍንትን የሙት ቀን መሠረት በማድረግ የራስ አሞራው ውብነህ 208ኛ ኮር አመራሮችና አባላት በዛሬው ዕለት ጥቅምት 29/2019 ዓ/ም የተለያዩ መርሃ ግብሮችን በማካሄድ በድምቀት አክብረዋል። በዕለቱም የሰማዕቱን አርበኛ ሕይወትና ተጋድሎ የሚዘከሩ የተለያዩ ሁነቶች የተከናወኑ ሲሆን፣ አጠቃላይ መርሃ ግብሩ ለአርበኛው የነበረው ፅናትና አርቆ አሳቢነት ትልቅ ክብር የሚሰጥበት ነበር። ​በመርሃ ግብሩ ላይ የጎንደር ጠቅላይ ግዛት በላይ ዘለቀ 3ኛ ዕዝ ከፍተኛ አመራሮች በክብር ተጋባዥነት ተገኝተዋል። የዕዙ አመራሮች በአርበኛ ጌትነት መሳፍንት የትግል ዘመን የነበረውን አርበኝነት እና አገርን የመጠበቅ ታላቅ አደራ በተግባር ያሳዩትን ገድል በመዘከር፣ የአርበኛውን አላማና ፅናት አጠናክሮ ለማስቀጠል ያላቸውን ቁርጠኝነት በድጋሚ አረጋግጠዋል። ​መታሰቢያውን በማስመልከትም የሻማ ማብራት ስነ-ሰርዓት እና ሌሎች አጭር ዝግጅቶች በልዩ ሁኔታ ተካሂደዋል። ተሳታፊዎች በሰማዕቱ መሪነትና አርአያነት ላይ ትኩረት ያደረጉ ሃሳቦችን በማንሳት፣ የጀግኖችን አሻራ ላለመሳትና አደራቸውን በውጤታማነት ለመወጣት ቃል የተገባበት መንፈሳዊና ታሪካዊ ክንውን ሆኖ ውሏል። የራስ አሞራው ውብነህ 208ኛ ኮር ህዝብ ግንኙነት መምሪያ!!

ዘረ-ፈጁ የኦህዴድ ብልፅግና አገዛዝ በአማራ ህዝብ ላይ እየፈፀመ ያለውን የዘር ማጥፉት ጭፍጨፋ አስመልክቶ ከአማራ ሕብረት ሜልበርን አውስትራሊያ የተሰጠ ወቅታዊ መግለጫ

ጥቅምት 29 ቀን 2019 ዓ.ም የአቶ ጀዋር መሐመድን የዘረ-ፈጂ ቅስቀሳ ለመቃዎም የቀረበ ጥሪ ለሰው ልጆች ደህንነት ተቆርቋሪ ለሆናችሁ ወገኖች በሙሉ! በኢትዮዽያ የፖለቲካ ምህዳር ተጽዕኖ ፈጣሪ ከሆኑት የፖለቲካ ሰዎች መካከል አንዱ የሆነውና ከፍተኛ የማህበራዊ ሚዲያ ተከታይ ያለው አቶ ጀዋር መሐመድ ሰሞኑን እያካሄደ ባለው ተከታታይ ዘመቻ፣ 1. በስልጣን ላይ የሚገኘውን ጀኖሳይዳል ስርዓት የኦሮሞ ህዝብ ስርዓት አስመስሎ እየቀሰቀሰ መሆኑን፣ 2. በተለይም አገዛዙ በአማራ፣ በትግራይ እና በሶማሌ ህዝብ ላይ እያካሄደው ያለውን ዘረ-ፈጂ ጭፍጨፋ አጠናክሮ እንዲቀጥል እየቀሰቀሰ መሆኑን፣ 3. የብልጽግና አገዛዝ በኤርትራ ላይ ወረራ እንዲፈጽም እየገፋፋ መሆኑ በግልጽ አይተናል። ስለዚህ ይህ በተጽዕኖ ፈጣሪነቱ የሚታወቅ የፖለቲካ ሰው የሚያካሂደው ዘረ-ፈጂ ቅስቀሳ ተንቆ ሊተው የማይገባውና በብዙ ንጹሃን ዜጐች ላይ የበለጠ እልቂት የሚያስከትል መሆኑን በመገንዘብ፦ ● በሀገሪቱ እየተካሄደ ያለውን ህዝባዊ ትግል የምትደግፉ የፖለቲካና የሲቭክ አደረጃጀቶች ይህንን ዘረ-ፈጂ ቅስቀሳ በመግለጫ እንድታወግዙ፣ ● ተጽዕኖ ፈጣሪ የሆናችሁ የሀገሪቱ ልሂቃን በሙሉ፣ (በተለይም የአማራ፣ የኦሮሞ፣ የትግራይና የሶማሌ ልሂቃን) ይህንን ዘረ-ፈጂ ቅስቀሳ በማህበራዊ ሚዲያ እንድታወግዙ፣ ● እያንዳንዱ ለህዝብ ደህንነት ተቆርቋሪ የሆናችሁ ኢትዮዽያዊያን፣ “ጀዋር መሐመድ የዘር-ፍጂት ቅስቀሳን አቁም!” በማለት በየማህበራዊ ሚዲያችሁ ዘረ-ፈጂ ቅስቀሳውን እንድታወግዙ፣ ● በውጭ ሀገራት የምትኖሩና የህግ ባለሙያ የሆናችሁ ኢትዮዽያዊያን አንድ ኮሚቴ አቋቁማችሁ በአቶ ጀዋር መሐመድ ላይ ክስ እንድትመሰርቱ፣ ● መገናኛ ብዙሃንም ይህንን ዘረ-ፈጂ ቅስቀሳ ለማውገዝ የሚካሄደውን ህዝባዊ ዘመቻ የማገዝ ትብብር እንድታደርጉ በታላቅ አክብሮት እጠይቃለሁ። ከአክብሮት ጋር ልደቱ አያሌው። Email: ayalewlidetu@gmail.com

​የአፋብን ጎንደር ጠቅላይ ግዛት በላይ ዘለቀ 3ኛ ዕዝ ከፍተኛ አመራሮች ምዕራብ ጎንደር ዞን ቁጥር 04 ነዋሪዎች ጋር ሰፊ ህዝባዊ ውይይት አደረጉ! ጥቅምት 29/ 2019 ዓ.ም ​ጥቅምት 28/ 2019 ዓ.ም ምዕራብ ጎንደር ዞን ቁጥር 04 በተከናወነው በዚህ የውይይት መድረክ ላይ የዕዙ ከፍተኛ አመራሮች የተገኙ ሲሆን፤ወቅታዊ ማህበራዊና ፖለቲካዊ ሁነቶች ላይ ገምገማ ተደርጓል። ​በመድረኩ ላይ የዕዙ አመራሮች አርበኛ ደረጀ በላይ፣ ኮሎኔል አበራ አዛናው፣አርበኛ ኪሩቤል ጎቤ ፣ አርበኛ ወልዳረጋይ ሸርብ እና አርበኛ ብዙአየሁ ወንድምነው ተገኝተዋል። አመራሮቹ በአካባቢው የሚስተዋሉ ማህበራዊና ፖለቲካዊ ተግዳሮቶችን በመዳሰስ፣ በአካባቢያዊ ያሉ ችግሮችን ፈጣን ምላሽ የሚሰጡ እና የትግሉን አውድ ከፍ ሊያደርጉ የሚችሉ ወሳኝ አቅጣጫዎችን አስቀምጠዋል። ​በውይይቱ ላይ የተሳተፉ የሃይማኖት አባቶች፣ የሀገር ሽማግሌዎች እና ወጣቶች በበኩላቸው፤ መድረኩ ወቅታዊና እጅግ አስፈላጊ መሆኑን ገልጸው የትግሉን ቀጣይነት እና የቀጠናውን የትግል አውድ መቀየር በሚችል መሰረታዊ ጉዳይችና አቅጣጫዎች ላይ የጋራ ምክክር ተደርጎበታል ። ስለሆነም የሚያጋጥሙትን ልዩ ልዩ ችግሮች ቀጠናው የሚገኙ ሁሉም አደረጃጀቶች ህዝባዊ ትግሉ በጋራላይ ትኩረት በማድረግ እና የሚስተዋሉ ችግሮች በመገምገም ዘላቂ መፍትሔዎችን ማስቀመጥ እና ትግሉን ማሻገር ላይ ትኩረት ማድረግ እንደሚገባ የውይይት ተሳታፊዎቹ በአጽንኦት ገልጸዋል። ህልውናችን በተባበረ ክንዳችን! ​አፋብን ጎንደር ጠቅላይ ግዛት በላይ ዘለቀ 3ኛ ዕዝ ሕዝብ ግንኙነት መምሪያ!

በጀብደኛዉ ምኒልክ 1ኛ ዕዝ 16ኛ ኮር ጥቅምት 26/2019 ዓ.ም መቄት ወረዳ ወቄጣ ላይ የተማረኩት የጠላት 504ኛ ኮር 98ኛ ክፍለጦር ሰራዊት አባላት በመከላከያ ተቋም ውስጥ ያለውን የጭቆናና የግፍ ጥግ አጋለጡ! ምርኮኞቹ "በመከላከያ ተቋም ውስጥ ወታደር ሳንሆን እስረኞች ተደርገን ነው የነበርነው ብለዉ  ፋኖ እንደዚህ መሆኑን ሁሉም ቢያቅ ኑሮ መከላከያ ሰራዊት ውስጥ የሚቀመጥ ወታደር አንድም አይኖርም ነበር ሲሉ ተናግረዋል። የበላይ አመራሮቻችን ፋኖ ማርኮ ይገላል እያሉ ሲያስፈራሩን እውነት መስሎን ነበር አሁን ግን በፋኖ ተማርከን ህይወታችንን ተርፏል ሲሉ ደስታቸዉን ገልፀዋል። ምርኮኞቸም የተደረገላችውን እንክብካቤና ለቆሰሉት የህክምና አገልግሎት መሰጠታቸውን አመስግነዋል። ምርኮኞቹ በመጨረሻም በመከላከያ ተቋም ውስጥ ሁናቹህ  ለአገዛዙ ስልጣን ሲባል ህይዎታችሁን አትገብሩ ለፋኖ እጅ ሰጥታችሁ እራሳችሁን አድኑ በማለት መልክታቸውን አስተላልፈዋል። መዳረሻው ድልና ነፃነት የሆነው የአማራ ህዝብ የህልውና ተጋድሎ ተጠናክሮ ይቀጥላል። ህልውናችን በተባበረ ክንዳችን! አፋብን ምኒልክ 1ኛ ሚዲያና ኮሙኒኬሽን  መምሪያ! ጥቅምት፦ 29/ 2019 ዓ/ም