NOM

🇰🇼 🤍 - ကူဝိတ်နိုင်ငံရှိ အမေရိကန်စစ်စခန်း တိုက်ခိုက်ခံရမှုနဲ့ ပတ်သက်ပြီး နောက်ဆုံးရရှိထားတဲ့ သတင်း ကူဝိတ်နိုင်ငံရှိ အမေရိကန်စစ်စခန်းကို အီရန်က တိုက်ခိုက်ရာတွင် အမေရိကန်စစ်သည်များ သေဆုံးခဲ့ကြောင်း ဒေသတွင်းသတင်းရင်းမြစ်များက အတည်ပြုပြောကြားနေသည်။ ကယ်ဆယ်ရေးရဟတ်ယာဉ်များ သည် အခင်းဖြစ်ပွားရာနေရာသို့ အချိန်မီရောက်ရှိနိုင်ခြင်း မရှိခဲ့ဟု သိရသည်။ NOM

အမေရိကန်နဲ့အစ္စရေး-အီရန်တို့ကြား တိုက်ခိုက်မှုတွေ ပြင်းထန်နေသလို တဖက်မှာလည်း ပါကစ္စတန်-အာဖဂန်စစ်ပွဲက ဆက်လက်ဖြစ်ပွားနေပါတယ်။ တနင်္ဂနွေနေ့က ပါကစ္စတန်ဟာ အမေရိကန်ရဲ့ လေတပ်စခန်းဟောင်းဖြစ်ခဲ့တဲ့ Bagram Air Base ကို တိုက်ခိုက်မှုတွေ ပြုလုပ်ခဲ့ပြီး ထိခိုက်မှုတွေရှိခဲ့တာကို ဂြိုလ်တုဓါတ်ပုံတွေနဲ့တကွ The New York Times က ဖော်ပြခဲ့ပါတယ်။ တိုက်လေယာဉ်သံတွေကို ကြားခဲ့ရပြီး ပေါက်ကွဲမှုတွေဖြစ်ပေါ်ခဲ့တယ်ဆိုတာကို ဒေသခံ ၄ ဦးက အတည်ပြုခဲ့ပါတယ်။ ပါကစ္စတန်ဟာ အာဖဂန်စစ်ဘက်ပစ်မှတ်တွေကို ပြီးခဲ့တဲ့အပတ်အတွင်းက လေကြောင်းတိုက်ခိုက်မှုပေါင်း အကြိမ် ၅၀ ကျော်အထိ ပြုလုပ်ခဲ့ပါတယ်။ News Of Myanmar NOM

အီရန်တိုက်ခိုက်မှုအတွင်း ဝါရှင်တန်နဲ့ ဗြိတိန်တို့ အကွဲအပြဲဖြစ်လာမလား? အီရန်ကို တိုက်ခိုက်မှုတွေ ပြုလုပ်ဖို့ Diego Garcia လေတပ်စခန်းကို အသုံးပြုခွင့်မပေးခဲ့တဲ့ ဗြိတိန်ဝန်ကြီးချုပ် Starmer ကို ဒေါ်နယ်ထရမ့်က စိတ်ပျက်လက်ပျက်ဖြစ်နေတယ်လို့ Daily Telegraph သတင်းစာက ဖော်ပြခဲ့ပါတယ်။ ဗြိတိန်ဟာ သူ့ရဲ့ အခြေစိုက်စခန်းတွေကနေ လေကြောင်းတိုက်ခိုက်မှုတွေလုပ်ဖို့ အမေရိကန်ရဲ့ တောင်းဆိုချက်တွေကို အစောပိုင်းမှာ ငြင်းဆန်ခဲ့ပါ။ ဒါပေမယ့် တနင်္ဂနွေနေ့ ညနေပိုင်းမှာတော့ အမေရိကန်ဘက်က တောင်းဆိုမှုကို လက်ခံတယ်လို့ ပြောဆိုခဲ့ပါတယ်။ မနေ့က ထုတ်ပြန်ခဲ့တဲ့ အင်တာဗျူးတခုမှာတော့ ထရမ့်က Starmer ရဲ့ စိတ်ပြောင်းလဲလာဖို့ သူ အချိန်အများကြီးယူပြီး ပြောဆိုခဲ့ရကာ ဒီအပေါ်မှာ စိတ်ပျက်ခဲ့မိတယ်လို့ ဗြိတိန်သတင်းစာကို ပြောဆိုခဲ့ကြောင်း ဆိုပါတယ်။ News Of Myanmar NOM

Crete ကျွန်းမှာရှိတဲ့ အမေရိကန်ရေတပ်စခန်းကို သူလျှိုလုပ်တယ်လို့ သံသယရှိသူတဦးကို ဂရိက ဖမ်းဆီးလိုက်တယ်လို့ သိရပါတယ်။ အသက် ၃၆ နှစ်အရွယ်အမျိုးသားတဦးဖြစ်ပြီး အဆိုပါကျွန်းဟာ Souda ပင်လယ်အော်မှာ တည်ရှိပြီး ဂရိ၊ အမေရိကန်နဲ့ နေတိုးအဖွဲ့တွေရဲ့ စစ်ရေးအဆောက်အအုံတွေ ရှိကာ မကြာသေးခင်ကမှ အမေရိကန်လေယာဉ်တင်သင်္ဘော Gerald R.Ford က အရှေ့အလယ်ပိုင်းကို မထွက်ခွာခင် ထောက်ပံ့ရေးပစ္စည်းတွေ ပြန်လည်ဖြည့်တင်းဖို့အတွက် လာရောက်သွားခဲ့ပါသေးတယ်။ ဂရိအာဏာပိုင်တွေက အဆိုပါအမျိုးသားကို စုံစမ်းစစ်ဆေးနေပြီး သံသယရှိသူရဲ့ ဖုန်းအတွင်းမှာ ကန်လေယာဉ်တင်သင်္ဘောရဲ့ ဓါတ်ပုံတွေကို တွေ့ရှိခဲ့ရပြီး အီရန်က လူတဦးနဲ့ ဆက်စပ်မှုတွေ ရှိနေလားဆိုတာကို ထပ်မံစုံစမ်းနေပါတယ်။ News Of Myanmar NOM

အမေရိကန်နဲ့ အစ္စရေးတို့ရဲ့ အီရန်အပေါ် တိုက်ခိုက်မှုဟာ နိုင်ငံတကာဥပဒေတွေကို ချိုးဖောက်တာ ရှင်းလင်းလွန်းပြီး အီရန်ပြည်သူတွေရဲ့ နာကျင်မှုကို တူရကီဘက်က မျှဝေခံစားပေးနိုင်တယ်လို့ တူရကီသမ္မတ အာဒိုဂန်က ပြောဆိုခဲ့ပါတယ်။ တူရကီဟာ နေတိုးအဖွဲ့ဝင်နိုင်ငံဖြစ်ပြီး အီရန်နဲ့ အိမ်နီးချင်းနိုင်ငံဖြစ်ပါတယ်။ News Of Myanmar NOM

"ဘာရိန်းနှင့် ဆော်ဒီအာရေဗျနိုင်ငံတို့ကို ဆက်သွယ်ထားသော 'ဘုရင်ဖာဟဒ်' ပင်လယ်ကူးတံတားကို ဒရုန်းဖြင့် တိုက်ခိုက်ခံခဲ့ရသည်။ ပါရှန်ပင်လယ်ကွေ့ပေါ်တွင် တည်ဆောက်ထားပြီး ဘာရိန်းကျွန်းနှင့် ဆော်ဒီအာရေဗျကို ဆက်သွယ်ပေးထားသည့် အဆိုပါတံတားမှာ ၂၅ ကီလိုမီတာ ရှည်လျားပြီး နှစ်နိုင်ငံ 'ချစ်ကြည်ရေးတံတား' အဖြစ် လူသိများသည်။ အမေရိကန်တပ်ဖွဲ့ဝင်များသည် ဘာရိန်းနိုင်ငံမှ ဆော်ဒီအာရေဗျဘက်သို့ တိမ်းရှောင်ရန် ဤတံတားကို အသုံးပြုခဲ့ကြပြီး တစ်ချိန်တည်းမှာပင် ကျွန်းဆွယ်ဒိုင်း (Peninsula Shield) ပူးပေါင်းတပ်ဖွဲ့များက အီရန်စစ်ပွဲနှင့် ပတ်သက်ပြီး ဘာရိန်းအစိုးရကို ဆန့်ကျင်ဆန္ဒပြနေသည့် ပြည်သူများကို နှိမ်နင်းရန် ဤတံတားမှတစ်ဆင့် ဘာရိန်းအတွင်းသို့ ဝင်ရောက်လာခဲ့ကြသည်။ ဤတံတားကို တိုက်ခိုက်ခြင်းသည် လက်ရှိအုပ်ချုပ်သူ အစိုးရအဖွဲ့အတွက် နောက်ဆုံးသတိပေးချက်ပင် ဖြစ်သည်။" NOM

နယူးယောက်မြို့ရှိ Trump Tower (ထရမ့်တာဝါ) တွင် သံသယဖြစ်ဖွယ် အထုပ်တစ်ထုပ် တွေ့ရှိရခြင်းကြောင့် ဗုံးရှင်းလင်းရေးအဖွဲ့ ရောက်ရှိနေ။ NOM

ကူဝိတ်ရှိ အမေရိကန် စစ်စခန်းမီးလောင်ကျွမ်းနေ။ NOM

အမေရိကန်နှင့် အစ္စရေးတို့ရဲ့ အီရန်အပေါ် ကျူးကျော်တိုက်ခိုက်မှုအများအတွင်း ဒဏ်ရာရနေတဲ့ အီရန် အရပ်သားတစ်ဦးက သူ့ရဲ့မိခင်နဲ့ ဖုန်းပြောနေတဲ့ စိတ်မကောင်းဖွယ် မြင်ကွင်းတစ်ခု ဖြစ်ပါတယ်။ ဘေးနားရှိလူများ - "သူ့အခြေအနေ ဘယ်လိုရှိလဲ မသိဘူး။" ဒဏ်ရာရနေသူ - "ကျွန်တော့် ဒူးအောက်ပိုင်းက... ဒူးအောက်ပိုင်းက ဘာမှ ခံစားလို့မရတော့ဘူး (ဒဏ်ရာပြင်းထန်နေတဲ့သဘော)။" ထိုစဉ်သူ့အမေဆီက ဖုန်းဝင်လာလို့ သူကဖုန်းကိုကိုင်လိုက်တယ် ဒဏ်ရာရနေသူ - "ဟယ်လို... အမေလား။ နေကောင်းရဲ့လား အမေ။" ဒဏ်ရာရနေသူ - "ကျွန်တော် ဘာမှမဖြစ်ပါဘူး... ကျွန်တော် ဘာမှမဖြစ်ဘူးလို့ပဲ လူတွေကို ပြောပေးပါ... ဘာမှ မဖြစ်ပါဘူးအမေ။" ဒဏ်ရာရနေသူ - "အမေ... ကျွန်တော့်အတွက် ဆုတောင်းပေးပါဦး (Salawat ရွတ်ပေးပါ)။ ကောင်းကောင်းနေခဲ့ပါဦး အမေ... နှုတ်ဆက်ပါတယ်ဗျာ။" ဒီဗီဒီယိုဟာ အီရန်နိုင်ငံ၊ ဖာဒေါ့စီရင်ပြင်အနီးမှာ အမေရိကန်နဲ့ အစ္စရေးတို့ရဲ့ တိုက်ခိုက်မှုအပြီး ဖြစ်ပွားခဲ့တဲ့ အခြေအနေတစ်ခုလို့ ဖော်ပြထားပါတယ်။ ဒဏ်ရာရနေသူဟာ သူအသက်အန္တရာယ်နီးနေပြီဆိုတာ သိတဲ့အတွက် သူ့မိခင်ကို စိတ်မပူစေချင်ဘဲ "ဘာမှမဖြစ်ဘူး" လို့ နှစ်သိမ့်ရင်း နောက်ဆုံးနှုတ်ဆက်စကား ပြောနေတာဖြစ်ပါတယ်။ NOM

"အီရန်စစ်ပွဲအတွက် အမေရိကန်၏ ထိတ်လန့်ဖွယ်ရာ အသုံးစရိတ်များကို Live ကောင်တာဖြင့် ဖော်ပြ တိုက်ရိုက်ကြည့်ရှုရန် လင့်ခ် ကိုနှိပ်ပါ 👇 https://iran-cost-ticker.com/ NOM

"၁၉၅၇ ခုနှစ်မှ ၁၉၇၁ ခုနှစ်အထိ ဘာရိန်း (Bahrain) သည် တရားဝင်အားဖြင့် အီရန်နိုင်ငံ၏ (၁၄) ခုမြောက် ပြည်နယ်တစ်ခု ဖြစ်ခဲ့သည်။ ဘာရိန်းကို အီရန်၏ ပြည်နယ်တစ်ခုအဖြစ် တရားဝင် ကြေညာခဲ့ပြီး တစ်နှစ်အကြာ ၁၉၅၈ ခုနှစ်တွင် ထိုစဉ်က ဘာရိန်းကို အုပ်ချုပ်ခဲ့သူ (ယခု အဲမီးယားမင်းသား၏ အဘိုးဖြစ်သူ) ရှိတ်ဆလ်မန် ဘင် ဟာမက် အယ်လ်-ခါလီဖာ သည် အီရန်နိုင်ငံအပေါ် သစ္စာခံကြောင်း ကတိပြုခဲ့သည်။ ၁၉၅၇ ခုနှစ်မတိုင်မီကလည်း အီရန်သည် ဘာရိန်းကျွန်းပေါ်တွင် လက်တွေ့ကျကျ အုပ်ချုပ်နိုင်စွမ်း မရှိသော်လည်း ၎င်းကို အီရန်၏ ဖားစ်ပြည်နယ်၏ အစိတ်အပိုင်းတစ်ခုအဖြစ် သတ်မှတ်ခဲ့သည်။ ထိုစဉ်က ဘာရိန်းသည် ကာတာနှင့် အာရပ်စော်ဘွားများပြည်ထောင်စု တို့နည်းတူ ဗြိတိသျှအင်ပါယာ၏ လက်အောက်ခံ 'ပါရှန်ပင်လယ်ကွေ့ ဒေသအုပ်ချုပ်ရေး' (Persian Gulf Residency) အောက်တွင် ဗြိတိသျှတို့၏ အုပ်ချုပ်မှုအောက်၌သာ ရှိခဲ့သည်။ သို့သော်လည်း ဘာရိန်း၏ သမိုင်းကြောင်းတစ်လျှောက် အချိန်အတော်ကြာမှာ ပါရှန်ကျွန်းတစ်ခုအဖြစ် တည်ရှိခဲ့ခြင်းကြောင့် ယနေ့ထက်တိုင် ဘာရိန်းနိုင်ငံတွင် ရှီယိုက် မွတ်စလင်များ အများစု ဖြစ်နေရခြင်း ဖြစ်သည်။ ထို့အပြင် ဘာရိန်းနိုင်ငံသား အများအပြားမှာလည်း အီရန်နွယ်ဖွားများ ဖြစ်ကြပြီး အီရန်အစိုးရအပေါ် လိုလားသော နိုင်ငံရေး အမြင်များ ရှိကြသည်။" NOM

"ဘာရိန်းနိုင်ငံရှိ ရှီယိုက်မွတ်စလင်များနှင့် တရားမဝင်ဟု သတ်မှတ်ခံထားရသော ခါလီဖာ (Khalifa) အစိုးရတို့အကြား ထိပ်တိုက်ပဋိပက္ခများ ဖြစ်ပွားနေကြောင်း သတင်းရရှိသည်။" "ဆော်ဒီအာရေဗျနိုင်ငံ၏ ကျောထောက်နောက်ခံပြုမှုကို ရရှိထားသော ခါလီဖာအစိုးရလုံခြုံရေးတပ်ဖွဲ့ဝင်များကို ဆန္ဒပြသူများက မီးလောင်ဗုံးများဖြင့် ပြန်လည်တိုက်ခိုက်လျက်ရှိသည်။" NOM

"အီရန်နိုင်ငံ၏ ပြည်သူ့စစ်အရန်တပ်ဖွဲ့ဖြစ်သော ဘာဆစ်ဂျ် အဖွဲ့သည် တစ်နိုင်ငံလုံးအတိုင်းအတာဖြင့် စစ်ဆေးရေးဂိတ်များ ဖွင့်လှစ်ထားပြီး၊ သံသယဖြစ်ဖွယ် လှုပ်ရှားမှုများကို စောင့်ကြည့်ရန် ဖြတ်သန်းသွားလာသမျှ ယာဉ်အားလုံးကို စစ်ဆေးလျက်ရှိသည်။" "နေရာအတော်များများတွင် ယင်းမှာ ပြည်သူများ၏ ကိုယ်ထူကိုယ်ထ အစီအစဉ်များဖြစ်ပြီး၊ ကျေးလက်ဒေသများတွင်လည်း 'ကျေးရွာစောင့်တပ်များ' ကို ဖွဲ့စည်းတည်ထောင်ထားကြသည်။" NOM

"အမေရိကန်မရိန်းတပ်ဖွဲ့များစခန်းကို အီရန်က အသေခံဒရုန်း (၁၀) စီးဖြင့် ထပ်မံတိုက်ခိုက်" ကူဝိတ်နိုင်ငံရှိ အမေရိကန် မရိန်းတပ်ဖွဲ့ဝင်များ အခြေစိုက်ရာ အရစ်ဖ်ဂျန် (Arifjan) စစ်အခြေစိုက်စခန်းကို အသေခံဒရုန်း (၁၀) စင်းဖြင့် ထပ်မံတိုက်ခိုက်ခဲ့ရာ ပစ်မှတ်များကို အောင်မြင်စွာ ထိမှန်ခဲ့ကြောင်း၊ ဤတိုက်ခိုက်မှုလှိုင်းအတွင်း အမေရိကန်စစ်သည် အများအပြား သေဆုံးနိုင်ကြောင်း IRGC (အီရန် တော်လှန်ရေးအစောင့်တပ်ဖွဲ့) ပြန်ကြားရေးဌာနက ထုတ်ပြန်ထားသည်။ NOM

ဘာရိန်းနိုင်ငံက ဟိုတယ်တစ်ခုကို အီရန်က ဒရုန်းနဲ့ တိုက်ခိုက်ခဲ့တာကြောင့် အမေရိကန် ကာကွယ်ရေးဝန်ကြီးဌာန ဝန်ထမ်းနှစ်ဦး ထိခိုက်ဒဏ်ရာရရှိခဲ့တယ်လို့ ဝါရှင်တန်ပို့စ် သတင်းမှာ ဖော်ပြထားပါတယ်။ NOM

🇸🇦 - အမေရိကန်၏ ကာကွယ်ရေးလုပ်ငန်းစဉ်များသည် အစ္စရေးနိုင်ငံကိုသာ အဓိကထားပြီး အမေရိကန်၏ စစ်အခြေစိုက်စခန်းများရှိရာ ပင်လယ်ကွေ့နိုင်ငံများကိုမူ လျစ်လျူရှုထားကြောင်း ဆော်ဒီအရာရှိတစ်ဦးက အယ်လ်ဂျာဇီးရား သတင်းဌာနသို့ ပြောကြားခဲ့သည်။ NOM

🇴🇲 - ဗြိတိန်ရေကြောင်းအာဏာပိုင်အဖွဲ့၏ ထုတ်ပြန်ချက်အရ အိုမန်နိုင်ငံ ကမ်းလွန်ပင်လယ်ပြင်အနီးတွင် ရေနံတင်သင်္ဘောတစ်စီး တိုက်ခိုက်ခံခဲ့ရကြောင်း သိရသည်။ အဆိုပါ တိုက်ခိုက်မှုကြောင့် သင်္ဘော၏ အင်ဂျင်ခန်းအတွင်း မီးလောင်ကျွမ်းမှု ဖြစ်ပွားခဲ့ပါသည်။ NOM

🇮🇷🇮🇷 🤍 - "သတင်းအချို့အရ အီရန်တော်လှန်ရေးအစောင့်တပ် (IRGC) သည် အိုမန်နိုင်ငံ ကမ်းလွန်ပင်လယ်ပြင်တွင် အမေရိကန် စစ်သင်္ဘောတစ်စင်းကို တိုက်ခိုက်ခဲ့ပြီး အပြန်အလှန် ပစ်ခတ်တိုက်ခိုက်မှုများ ဖြစ်ပွားနေကြောင်းသိရသည်။" NOM