𝐁𝐈𝐎 අපි™ 🌿🇱🇰

*2026 ඒ ලෙවල් ඛේදවාචකය: දින 3ක නිවාඩුව, ප්‍රසිද්ධ ගුරුවරුන්ගේ 'බිස්නස්' නිහඬතාවය සහ පාසල්වල "ලස්සන ලේඛන" මාෆියාව!* ලංකාවේ අධ්‍යාපන ක්‍රමය ඇතුළේ හැමදාමත් බැටකන්නේ අහිංසක සිසුන් ය. එහි අලුත්ම ගොදුර බවට පත්ව ඇත්තේ 2026 උසස් පෙළ (A/L) සිසුන් ය. සාමාන්‍යයෙන් උසස් පෙළ විභාගයකට පෙර සිසුන්ට ස්වයං අධ්‍යයනය සඳහා ලැබිය යුතු මාස කිහිපයක කාලය (Study Leave) මෙවර සම්පූර්ණයෙන්ම අහිමි වී ඇත. ​යථාර්ථය නම්, 2026 තෙවන වාරය අවසන් වන්නේ අගෝස්තු 07 වැනිදා ය. විභාගය ආරම්භ වන්නේ අගෝස්තු 10 වැනිදා ය. පාසල් නිම වී විභාගයට ඇත්තේ හරියටම දින 3 කි! මුළු තෙවන වාරයටම වෙන්ව ඇත්තේ දින 9ක් වැනි කෙටි කාලයකි. ​මේ අසාධාරණය ගැන කතා කරද්දී සමාජයෙන් නැගෙන ප්‍රධානම තර්කයක් තිබේ: "ඇයි ඉතින් ප්‍රසිද්ධ ටියුෂන් ක්ලාස් ගැන කියවන්නේ? විභාගය තියන්නේ පාසල් අධ්‍යයන කටයුතු අවසන් ද කියා බලා මිසක් ටියුෂන් ඉවරද කියා බලා නෙවෙයිනේ. ඉස්කෝලෙන් කරගන්න තිබ්බානේ!" කියාය. ​ඇත්තටම දත්ත සහ වාර්තා මත පමණක් දිවෙන ලංකාවේ පාසල් පද්ධතියේ සහ ටියුෂන් ලෝකයේ සැබෑ හෙළිදරව්ව මෙන්න: ​1. "විෂය නිර්දේශය අවසන්" යන ව්‍යාජ ලේඛන සහ පාසල් ගුරුවරුන්ගේ රෙදි ගැලවීම! ​බොහෝ පාසල් බලධාරීන් සහ ගුරුවරුන් පවසන්නේ විෂය නිර්දේශයන් උගන්වා අවසන් නිසා විභාග කල් දැමීමට අවශ්‍ය නොවන බවයි. නමුත් ඇත්තටම පාසල්වල සිදුවන්නේ කුමක්ද? ​උඩින් පල්ලෙන් අතපත ගෑම: පාසල්වල සිලබස් ඉවර කරන්නේ දරුවාට "තේරෙන" විදිහට නෙවෙයි, රෙගියුලේෂන්ස් (Regulations) වලට අනුව "පොතේ හැටියට" ය. අවසන් මාස කිහිපයේදී පාඩම් 4-5ක් එක දිගට උඩින් පල්ලෙන් කියවා, "සිලබස් කවර්ඩ්" කියා ලේඛන සකස් කරයි. ​ඇත්තම නියැදියක් ගත්තොත්: මේ කියන ගුරුවරුන්ගේ පාසල්වලට ළමයි පැමිණි ආකාරය (Attendance) සහ ඒ දරුවන්ට උගන්වපු දේ තේරුණාද කියා ප්‍රශ්නාවලියක් දුන්නොත්, බොහෝ පාසල් ගුරුවරුන්ට උත්තර නැති වනු ඇත. ​ඇයි එහෙනම් ටියුෂන්?: පාසලෙන් සියල්ල හරියටම, තේරෙන මට්ටමට කෙරෙන්නේ නම් ලංකාවේ ලක්ෂ සංඛ්‍යාත දරුවන් පාසල් වෙලාවත් කට් කරමින්, නිදි මරාගෙන ටියුෂන් පස්සේ දුවන්නේ පිස්සුවට නොවේ. පාසල් පද්ධතියේ ඇති මේ බිඳවැටීම නිසාම දරුවන්ට ටියුෂන් මත යැපීමට සිදුව ඇත. ​2. මාසයක් ඇතුළත වාර විභාග 2-3ක්: දරුවන්ගේ ස්ට්‍රෙස් (Stress) එක කාටද ගාණක්? ​වාර්තාමය වශයෙන් තමන් නිවැරදි බව පෙන්වීමට පාසල් කරන තවත් දරුණු අපරාධයක් තිබේ. නීතිමය වශයෙන් වාර විභාග සියල්ල තබා අවසන් බව පෙන්විය යුතු නිසා, ඇතැම් පාසල්වල එකම මාසය ඇතුළත වාර විභාග දෙකක් හෝ තුනක් පවත්වයි! - ​දරුවන්ට පාඩම් කරන්න වෙලාවක් නැත. - ​එක විභාගයක් ඉවර වනවාත් සමගම ඊළඟ විභාගයයි. - වැරදි නිවැරදි කරගන්න කොහෙත්ම කාලයක් ලැබි නැත ! - ​මේ හරහා සිදුවන්නේ දරුවන් අධික මානසික ආතතියකට (Extreme Stress) ලක්වීම සහ විභාගය එපා වීම පමණි. නමුත් බලධාරීන්ට අවශ්‍ය "අපි ටර්ම් ටෙස්ට් (Term tests) තියලා ඉවරයි" කියා ෆයිල් එක ක්ලෝස් කිරීමට පමණි. - ​3. ප්‍රසිද්ධ "ගුරු තරු" මේ ගැන නිහඬ ඇයි? (The Business Behind) ​විභාගය තව මාස එකක් හෝ දෙකක් කල් ගියහොත් Fail මට්ටමේ ඉන්න එකෙක් S හෝ C එකකටත්, C එකෙක් B හෝ A එකකටත් යන්න පුළුවන් බව ප්‍රසිද්ධ ගුරුවරුන් හොඳින්ම දනී. නමුත් ඔවුන් මේ අසාධාරණය ගැන කතා නොකරන්නේ ඔවුන්ට සිසුන් යනු දරුවන් නොව, "පාරිභෝගිකයන්" (Customers) වන බැවිනි. ​විභාගය කල් ගියොත් ඔවුන්ට සල්ලි හම්බවෙන්නේ ඒ කල් යන මාස දෙකේ විතරයි. හැබැයි මේ කෙටි කාලය අස්සේ විභාගය තිබ්බොත්, ළමයි විශාල ප්‍රමාණයක් Fail වෙනවා හෝ රිසල්ට්ස් අඩු කරගන්නවා. එවිට ඔවුන් ඊළඟ අවුරුද්දේ සෙකන්ඩ් සයි (Second Shy) කරන්න තීරණය කරයි. එතකොට ඒ දරුවන්ගෙන් තවත් මාස 7ක් 8ක් තිස්සේ Revision, Paper Class, Theory Discussion කිය කියා කෝටි ගණන් මුදල් හූරා කන්න මේ ප්‍රසිද්ධ ගුරු තරුවලට අවස්ථාව ලැබෙනවා. මාස 2ක ආදායමට වඩා ඔවුන්ට මාස 8ක ආදායම ලොකුය! ​අවසාන අදහස 💥 ​පාසල් පද්ධතිය "ලේඛන" සහ "වාර්තා" වලින් තමන් නිවැරදි බව පෙන්වද්දී, ටියුෂන් මාෆියාව තමන්ගේ ලබන වසරේ බිස්නස් එක සරු කරගන්නට බලන් සිටියි. මැදින් තැළෙන්නේ, පොඩි වෙන්නේ සහ ජීවිතය නැති කරගන්නේ 2026 අහිංසක දරුවන් ය. දින 3ක නිවාඩුවකින් විභාගයකට මුහුණ දීමට සිදුවීම විහිළුවකි. -copied