Валерий Николаев, Глава Верхневилюйского района

Бүгүн, ыам ыйын 27 күнүгэр Н.Г. Золотарев - Якутскай аатынан Харбалаах орто оскуолатын баазатыгар сылын ахсын тэриллэр биэс хонуктаах байыаннай үөрэх хомуурун арыллыытыгар кыттыыны ыллым. Быйыл байыаннай хомуурга Үөһээ Бүлүү улууһун 13 оскуолатыттан 10-с кылаас уолаттара уонна Үөһээ Бүлүүтээҕи техникум үөрэнээччилэрэ барыта 89 уол кыттар. Хомуур сүрүн салайааччыта Харбалаах орто оскуолатын физкультураҕа учуутала Арнольд Николаевич Брощев, хомуур штабын салайааччыта Кэнтик орто оскуолатын директоры иитэр үлэҕэ солбуйааччы Степан Анатольевич Родинов уонна эдэр байыастары бэлэмнээх буолууга иитэр Саха сирин быыһыыр сулууспатын Бүлүүтээҕи этэрээт көрдүүр уонна быыһыыр салаатын салайааччыта, анал байыаннай дьайыы кыттыылааҕа Михаил Васильевич Ан биэс хонук устата уолаттары военно-патриотическай иитиигэ дьарыктыахтара. Урукку кэмҥэ Үөһээ Бүлүүгэ байыаннай үөрэхтээһиҥҥэ «Чуураат» оҕо лааҕыра тэриллэрэ. Онтон билиҥҥи кэмҥэ олох араас түгэннэригэр бэлэм буолууга, дойдуну таптыырга, эрчиллиилээх буоларга сүрүн иитэр үлэни ыытар биэс хонуктаах хомуур үгэс быһыытынан тэриллэрэ олус хайҕабыллаах. Бүгүҥҥү күнтэн саҕалаан инники эрэллэрбит, Ийэ дойдуларын көмүскүүргэ бэлэмнээх буолууга тургутууну, бэлэмнэниини ааһыахтара. Эдэр байыастары, уһуйааччылары хомуур бастакы күнүнэн эҕэрдэлээтэ Үөһээ Бүлүү улууһун үөрэҕэриитин салайааччыта Юрий Васильевич Кынатов. Юрий Васильевиһы кытта Харбалаах орто оскуолатыгар сылдьан, хомуурга кэлбит уолаттар олорор сирдэрин усулуобуйаларын, аһыыр астарын, үөрэнэр, дьарыктанар сирдэрин көрдүбүт. Уолаттарбыт, ыччаттарбыт! Бу биэс хонук иһигэр элбэххэ үөрэнин, сайдын, бөҕө туруктанын, эр киһилии хорсун санаалаах буолун диэн баҕа санаабын тиэрдэбин. #ВоеннаяПодготовка #Верхневилюйск T.me/ValeriNikolaev

Убаастабыллаах Үөһээ Бүлүү улууһун урбаанньыттара! Эһигини идэлээх бырааһынньыккытынан - Урбаанньыт күнүнэн "Үөһээ Бүлүү улууһа (оройуона)" муниципальнай оройуон аатыттан уонна тус бэйэм итиитик-истиҥник эҕэрдэлиибин. Урбаанньыт үлэтэ олус сыралаах, элбэх кыһамньыны уонна эппиэтинэһи ирдиир. Урбаанньыт бэйэтин эрэ туһугар буолбакка нэһилиэнньэ наадыйыытын толорорго элбэх кылааты оҥорор. Урбаанньыттар баар буолаҥҥыт улууспут социальнай-экэнэмиичэскэй сайдыыта күүһүрэр, бөҕөргүүр, улуус олоҕун таһыма үрдүүр. Урбаанньыттар улууһу табаарынан уонна араас өҥөнөн хааччыйарга эрэ буолбакка, уопсастыбаннай уонна аһымал акцияларга көхтөөхтүк кытталлар, саҥа үлэ миэстэтин таһаараллар. Түгэни туһанан махтаныам этэ анал байаннай дьайыыга сылдьар уолаттарбытыгар, ону таһынан Нам улууһугар халаан уутугар эмсэҕэлээбиттэргэ суһал көмөнү хомуйарга көмөлөспүт, кылааттарын киллэрбит, ону таһынан улуустааҕы араас тэрээһиннэргэ, аһымал акцияларга кыттыыны ылар урбааньыттарга. Бүгүҥҥү бэлиэ күҥҥэ баҕарыам этэ эһиэхэ сайдыыны. Күн аайы дохуоттаах буоларгытыгар, саҥа саҕалааһыннаргыт барыстаах буолалларыгар баҕарабыт. Чэгиэн туругу, чөл доруобуйаны, үбү-харчыны, ситиһиилэри! Үөһээ Бүлүү улууһун баһылыга Валерий Николаев. #ДеньРоссийскогоПредпринимательства #Верхневилюйск T.me/ValeriNikolaev

Жители Верхневилюйска массово собрались отмечать День Осуохая. В этот летний вечер, гости в национальных костюмах собрались у дома Олонхо, а наши именитые запевалы повели их за собой в традиционный хороводный танец. Отрадно, что на Осуохай пришли и стар и млад.

Бүгүн Үөһээ Бүлүү улууһун бары оскуолаларыгар Түмүк чуораан чугдаарда. Быйыл улууспут үрдүнэн 179 выпускник 11-с кылааһы, 329 үөрэнээччи 9-с кылааһы бүтэрэллэр. 11-с кылааһы 14 выпускник кыһыл көмүс мэдээлинэн бүтэрээри бэлэмнэнэ сылдьаллар. Бүгүн Үөһээ Бүлүүтээҕи 4-с нүөмэрдээх оскуолаҕа үөрэх дьылын түмүктүүр үөрүүлээх линейкаҕа кыттыыны ыллым. 4-с оскуоланы быйыл 17 оҕо бүтэрдэ. Үөрүүлээх линейкаҕа араас сылларга оскуоланы салайбыт дириэктэрдэр Кынатов Ю.В., Гольдеров Ф.Ф., Александров А.М., Ан М.В. уонна билиҥҥи оскуола дириэктэрэ Кардашевский С.Н. выпускниктары эҕэрдэлээтилэр. Күндү Үөһээ Бүлүү улууһун выпускниктара! Эһиги 11 сыл устата ылбыт билиигитин туһанан, экзаменнаргытын ситиһиилээхтик туттаран, талбыт үөрэххитигэр киирэр кэмҥит кэллэ. Эһиги иннигитигэр студент олоҕо кэтэһэр. Үрдүк, орто үөрэх кыһатын бүтэрэн, үтүө үлэһит дьон буолаҥҥыт дойдугутугар эргиллэн, төрөөбүт улуускут туһугар үлэлиэххит-хамсыаххыт диэн бигэ эрэллэхпит. #ПоследнийЗвонок2024 #ҮөһээБүлүү T.me/ValeriNikolaev

Бүгүн, ыам ыйын 25 күнүгэр, Аллараа Бэстээххэ Руслан Еремеевич Федотов маҕаһыыныттан Үөһээ Бүлүү улууһун тэриллиилээх хаһаайыстыбалара "Кормозаготовка" бырагыраамматынан тыраахтырдары ыллылар. Ол курдук: 1.Кардашевский Петр Владимирович - Балаҕаннах. 2 ОСПК Кубалаах - Үөдүгэй 3 Васильев Василий Васильевич - Дүллүкү 4 Акимов Василий - Далыр 5 Тюляхов Айсен - Оросу 6 СХПК Быйаман - Нам 7 Санников Ариан - Мэйик 8 Степанов Николай - Боотулу 9 Васильев Никита - Кэнтик 10 Григорьев Никита - Хоро Саҥа тыраахтардары ылбыт тэриллиилээх хаһаайыстыбаларбытын, тыа хаһаайыстыбатын үлэһиттэрин эҕэрдэлиибит. Үлэҕит таһаарыылаах, быйаҥнаах буоллун. #ВручениеТракторов #Кормозаготовка #ҮөһээБүлүү T.me/ValeriNikolaev

Бүгүн, ыам ыйын 25 күнүгэр, Аллараа Бэстээххэ Руслан Еремеевич Федотов маҕаһыыныттан Үөһээ Бүлүү улууһун тэриллиилээх хаһаайыстыбалара "Кормозаготовка" бырагыраамматынан тыраахтырдары ыллылар. Ол курдук: 1.Кардашевский Петр Владимирович - Балаҕаннах. 2 ОСПК Кубалаах - Үөдүгэй 3 Васильев Василий Васильевич - Дүллүкү 4 Акимов Василий - Далыр 5 Тюляхов Айсен - Оросу 6 СХПК Быйаман - Нам 7 Санников Ариан - Мэйик 8 Степанов Николай - Боотулу 9 Васильев Никита - Кэнтик 10 Григорьев Никита - Хоро Саҥа тыраахтардары ылбыт тэриллиилээх хаһаайыстыбаларбытын, тыа хаһаайыстыбатын үлэһиттэрин эҕэрдэлиибит. Үлэҕит таһаарыылаах, быйаҥнаах буоллун. #ВручениеТракторов #Кормозаготовка #ҮөһээБүлүү T.me/ValeriNikolaev

Бүгүн Саха Өрөспүүбүлүкэтигэр аан маҥнайгытын оһуохай күнүн бэлиэтиибит. Оһуохай күнэ Саха Өрөспүүбүлүкэтин Ил Дархана Айсен Сергеевич Николаев 2023 сыл, балаҕан ыйын 7 күнүгэр илии баттаабыт Ыйааҕынан тэриллибитэ. Үөһээ Бүлүү улууһа Саха Сиригэр бастыҥ оһуохайдьыттарынан аатырар. Ол курдук, Ил Дархан Айсен Сергеевич эһээтэ Андрей Титович Титаров өрөспүүбүлүкэҕэ биллэр тойуксут, норуот ырыаһыта уонна бастыҥ оһуохайдьыт. Кини аатынан өрөспүүбүлүкэтээҕи оһуохай күрэҕэ Үөһээ Бүлүүгэ номнуо 20-чэ сыл ыытыллар. Саха Сирин Аан Дархан этээччилэрин аатын араас сылларга сүкпүттэрэ Үөһээ Бүлүүттэн Вадим Константинов, Валентина Семенова уонна Айталина Мойтохонова. Айталина Михайловна Мойтохонова хас да көлүөнэ Саха Сирин үтүөлээх оһуохайдьыттарын иитэн таһаарбыт оһуохайга бастыҥ уһуйааччы буолар. Үөһээ Бүлүүгэ оһуохай киэҥник сайдарыгар сүҥкэн кылааты уурбут киһибит - Үөһээ Бүлүүтээҕи Оһуохай түмсүү салайааччыта Дмитрий Яковлевич Федотов буолар. Кини көҕүлээһининэн Үөһээ Бүлүү оһуохайа киэҥник тарҕаммыта, аатырбыта, сайдыбыта. Онон Саха Сиригэр Оһуохай сайдыытыгар Үөһээ Бүлүүлэр кылааппыт улахан. Бары оһуохайы таптааччылары, сэҥээрээччилэри, оһуохайдьыттары, кынаттары, уһуйааччылары, үөрэнээччилэри Саха Сиригэр оһуохай күнүнэн эҕэрдэлиибин. Үөһээ Бүлүү оһуохайа дорҕоонноохтук дуорайа турдун! #ОһуохайКүнэ #ҮөһээБүлүү T.me/ValeriNikolaev

Ытыктабыллаах Үөһээ Бүлүү улууһун олохтоохторун Бүлүү өрүс күнүнэн итиитик-истиҥник эҕэрдэлиибин! Бүлүү өрүс күнэ Бүлүү эҥээр улуустарын экологктара көҕүлээһиннэринэн уонна быһаччы тэрийиилэринэн  сылын ахсын ыам ыйын 25 күнүгэр ыытыллар. Бу бэлиэ күҥҥэ ытыктыыр, таптыыр, үйэлэргэ иитэр-аһатар Эбэбитигэр сүгүрүйэбит. Хотун Бүлүүгэ анаан Саха Сиригэр аан маҥнайгы өрүскэ анаммыт монумент-скульптураны 1967 норуот маастара Анисим Прокопьев туруорбута. Ону таһынан Бүлүү өрүс туһунан элбэх ырыа ылламмыта, хоһоон суруллубута. Бэҕэһээ Бүлүү өрүс кытылыгар тахсан үлэ коллективтара "День реки Вилюй" бырайыак чэрчитинэн суббуотунньуктаабыттара. Бу бырайыак эдэр көлүөнэни Бүлүү өрүскэ убаастабыллаах, ытыктабыллаах сыһыаны иҥэрэргэ аналлаах. Бүлүү өрүс уутун иһэн олорор улуустар өрүспүтүн харыстыырга, ыраастык тутарга өрүү дьулуһуохтаахпыт. Айылҕабыт тэбэр сүрэҕэ, сүүрэр тымыра Бүлүү өрүспүт туругуттан олохтоох дьон доруобуйата, кута-сүрэ улахан тутулуктаах. Былыр былыргаттан сахалар Эбэни үүт үрүмэннэн күндүлээн, Эбэттэн көрдөһөн баччаларга диэри ууһаан-тэнийэн кэллэхпит. Билигин да Бүлүү Эбэбититтэн өрүү көрдөһөбүт, киниэхэ сүгүрүйэбит. ХАРЫСТЫАҔЫҤ БҮЛҮҮ ӨРҮҺҮ! ЫТЫКТЫАҔЫҤ ХОТУН БҮЛҮҮНҮ! Бүлүү, Бүлүү эбэккэбин Бүгүн өйдөөн кэллим мин: Кэҕэ этэр, өтөн үөтэр Кэрии, чараҥ сирдэрдээх, Дьэргэйбэхтии сүүрэр-көтөр Дьигискэннээх сүүрүктээх… #Бүлүү #БүлүүӨрүс #ДеньРекиВилюй T.me/ValeriNikolaev

Үөрүүлээх сонун. Ыам ыйын 24 күнүгэр Саха Өрөспүүбүлүкэтин Наука Академиятын уопсай сүбэ  мунньаҕар саҥа чилиэннэри таллыллар.   Кистэлэҥ куоластааһын түмүгүнэн 5 саҥа чилиэн талылынна. Ол иһигэр Саха Өрөспүүбүлүкэтин Наука Академиятын чилиэннэринэн 2 Үөһээ Бүлүүттэн төрүттээх биир дойдулаахтарбыт талылыннылар: - Гуманитарнай наукаҕа, "Хоту дойду норуоттарын тылын сайыннарыы" хайысхатыгар Наука Академиятын чилиэнинэн талылынна - педагогическай наука кандидата, профессор, Габышева Феодосия Васильевна. - Физико-математическай наукаҕа, вычислительнай математика хайысхатыгар Наука Академиятын чилиэнинэн талылынна - физико-математическай наука доктора, профессор Васильев Василий Иванович. Биир дойдулаахтарбытын, саҥа талыллыбыт Саха Өрөспүүбүлүкэтин Наука Академиятын чилиэннэрин Феодосия Васильевнаны уонна Василий Ивановиһы үрдүк ситиһиигитинэн эҕэрдэлиибит. Наука, үөрэҕэрии суолугар өссө үрдүк ситиһиилэри, кыайыылары баҕарабыт. #АкадемияНаук #ҮөһээБүлүү T.me/ValeriNikolaev

Сүөһү аһылыгын бэлэмнээһини сайыннарыы өрөспүүбүлүкэтээҕи бырагырааманнан ылыллыбыт 10 устуука МТЗ 82.1 мааркалаах тыраахтардарбыт Аллараа Бэстээххэ кэллилэр. Сарсын ыам ыйын 25 күнүгэр үөрүүлээх быһыыга-майгыга Руслан Федотов хампаанньыйата Үөһээ Бүлүү механизатордарыгар тыраахтардары туттарыа. Онтон үргүччү 10 тыраахтарбыт Үөһээ Бүлүүгэ айаннаан кэлиэхтэрэ. #ҮөһээБүлүү #Кормопроизводство T.me/ValeriNikolaev