Валерий Николаев, Глава Верхневилюйского района

- Үүт соҕотуопкатыгар эбии үбүлээһиҥҥэ быһаарыы ылылынна. Улуус бүддьүөтүттэн үүтү соҕотуопкалааччыларга барыларыгар (биирдиилээн кэтэх хаһаайыстыба, бааһынай хаһаайыстыба (КФХ) буоларыттан тутулуга суох) 1 лиитирэ үүккэ 15 солкуобай эбии көрүлүннэ. Маны сэргэ үүтү тутааччыларга кэтэх хаһаайыстыбалаахтартан лиитирэтин 15 солкуобайы төлүүллэригэр этии оҥоһулунна. Икки өттүттэн үүт туттарааччы 1 лиитирэ үүккэ 30 солкуобайы ылар буолуоҕа. - Үп-харчы эргийиитин хонтуруоллуур сыалтан Үөһээ Бүлүүтээҕи тыа хаһаайыстыбатын управлениета, “Алмазэргиэнбаан” АКБ уонна “Үөһээ Бүлүү” ХЭУо үүтү соҕотуопкалааччылары кытары “Алмазэргиэнбаан” АКБ счетугар номинальнай счет арыналларыгар Сөбүлэһиигэ илии баттанна. Бу счет үүтү соҕотуопкалааччылар үптэрин хонтуруоллуурга төһүү күүс буолар. Үүт туттарааччы төһө үүтү туттарбытынан төлөбүрүн ылар буолуоҕа ону кытта үүт туттарааччы уһатыллыбакка ыйын ахсын бириэмэтигэр үбүн аахсар буолуоҕа. - Сүөһү аһылыгын бэлэмнээһини сайыннарыы бырагырааматынан 11 мөл.139 тыһ.солк. судаарыстыбаннай өйөбүлү (субсидия) ыллыбыт. Ол түмүгэр улууспут МТЗ 82.1 мааркалаах 10 тыраахтары атыылаһар кыахтанна. - СУС бырагырааманан үүтү туттарааччыларга 2023 сыл сэтинньи, ахсынньы ыйдааҕы иэстэрэ – 7.893.52 солк.толору төлөннө.  - Маны тэҥэ үүт туттарааччыларга 2023 сыл сэтинньи, ахсынньы ыйдааҕы иэс харчыларын ылбакка олорбуттарын– 5 мөл.300 тыһ.солк.толору төлөннө. Нэһилиэнньэ куттала суох буолуутун хааччыйыы: - 2024 сыл ыам ыйыттан Сургуулукка, Туобуйаҕа, Харбалаахха, Ороһуга, Быракааҥҥа уонна Өргүөккэ 6 муниципальнай быыһыыр-баһаарынай сулууспалар арылыннылар. - 36 баһаарынай-быыһыыр сулууспалар штаттара эбии көрүлүннэ. - Харбалаах нэһилиэгэр (МПСС) Урал баһаарынай автоцистерна бэрилиннэ. - Үөһээ Бүлүүтээҕи техникумҥа үөрэтэр-көрдөрөр сыалга анаан Урал баһаарынай автоцистерна бэрилиннэ. Онон техникумҥа устудьуоннар баһаарынай чаастарын үөрэтэргэ төһүү кыах үөскээтэ. Успуорт:     - Успуорт инструктордар штаттарын элбэтиигэ үлэ саҕаланна. - Анал министиэристибэни кытары Үөһээ Бүлүү улууһун нэһилиэнньэлээх пууннарыгар успуорт инструктордарын штатын арыйарга үлэ ыытыллар. *_Байыаннай сулууспалаахтары өйөөһүн:_* - СӨ Бырабыыталыстыбатын кытта В.Николаев хамаандата бииргэ үлэлээһинин түмүгэр; М.М.Осипов, Е.М.Осипов уонна Д.М.Иванов байыаннай дьайыы бэтэрээннэрин бырааптара чөлүгэр түһэрилиннэ. “Обеспечение жильем ветеранов боевых действий” бырагыраама чэрчитинэн бу бэтэрээннэр судаарыстыбаттан босхо кыбартыыралары ылыахтара. - Анал байыаннай дьайыыга сылдьар биир дойдулаахтарбытыгар Үөһээ Бүлүүттэн дэлэгээссийэ барааһына, гуманитарнай көмөнү оҥоруу, биир дойдулаахтары кытта көрсүһүү тэрилиннэ. - СӨ Бырабыыталыстыбатын, Ыччат дьыалаларыгар уонна социальнай коммуникацияҕа министиэристибэтин бииргэ үлэлээһиннэрин түмүгэр сотору кэминэн Үөһээ Бүлүүгэ “Дьиэ кэргэни уонна ыччаты психологическай өйүүр киин” ГБУ өрөспүүбүлүкэтээҕи филиала арыллан үлэтин саҕалыа. Валерий Николаев хамаандата СӨ бырабыыталыстыбатын, СӨ салалтатын, биэдэмистибэлэрин уонна министиэристибэлэрин кытта көдьүүстээх үлэлэрин түмүгүнэн, 100 күн устата Үөһээ Бүлүү улууһун социальнай-экэнэмиичэскэй сайдыытыгар ситиһиилээх көрдөрүүнү ситистибит. Бу 100 күн устата улууспут салгыы сайдарыгар бөҕө тирэх уурулунна. Социальнай суолталаах эбийиэктэр бырайыактара саҕаланна. Үөһээ Бүлүү улууһа биир кэлимник 2030 сылга дылы сайдарыгар былаан оҥоһуллар. Бу – саҕаланыыта эрэ! 100 күннээх – түмсүүлээх, көдьүүстээх үлэбит кэннибитигэр хааллаҕа. Сайдыы суола тэлэлиннэ! Сыал-сорук туруорулунна! Бастакы хардыылар оҥоһулуннулар. Иннибит диэки бары бииргэ! Иннибит диэки – саҥа кыайыыларга! #100күн #100дней #ҮөһээБүлүү T.me/ValeriNikolaev

ВАЛЕРИЙ НИКОЛАЕВ Үөһээ Бүлүү улууһун Баһылыгын дуоһунаһыгар киирбитэ 100 күнэ 2024 сыл тохсунньу 21 күнүгэр Үөһээ Бүлүүгэ саҥа баһылык талыллыбыта. Валерий НИКОЛАЕВ Үөһээ Бүлүү улууһун (оройуон) муниципальнай тэриллии баһылыгын дуоһунаһыгар киирэн, 2024 сыл олунньу 4 күнүттэн үлэтин саҕалаабыта. Бүгүн ыам ыйын 14 күнүгэр, В.В.Николаев хамаандата үлэтин-хамнаһын саҕалаабыта лоп курдук 100 күнэ. Бу кэм устата Валерий Валерьевич уонна кини хамаандата Үөһээ Бүлүү улууһун бары нэһилиэктэрин хабан үлэлээтэ, миэстэтигэр сылдьан олоҕу-дьаһаҕы билсистэ, олохтоохтордуун көрсүстэ. Суол-иис өрөмүөнүгэр уонна социальнай суолталаах эбийиэктэри тутууга өрөспүүбүлүкэ бүддьүөтүттэн үбү-харчыны тыырсыыга үтүмэн үлэ ыытылынна, судаарыстыбаннай бырайыактары олоххо киллэриигэ бастакы ситиһиилэр баар буоллулар. ВАЛЕРИЙ НИКОЛАЕВ ХАМААНДАТЫН 100 КҮННЭЭХ ҮЛЭТИН-ХАМНАҺЫН ТҮМҮКТЭРЭ: Тутуу, суол-иис өрөмүөнэ: - Көтөрдөөх – Сургуулук (Баҕадьа) суолун саҥаттан оҥорууга (реконструкция) 90 мөл.795 тыһ.солк. көрүлүннэ. Ол иһигэр өрөспүүбүлүкэ бүддьүөтүттэн 64 мөл.150 тыһ.солк., улуус бүддьүөтүттэн 26 мөл.645 тыһ.солк. көрүлүннэ. - Боотулуу – Маҥаас (Харбаала) суолун саҥаттан оҥорууга 48 мөл.994 тыһ.солк. көрүлүннэ. Ол иһигэр өрөспүүбүлүкэ бүддьүөтүттэн 36 мөл.256 солк., улуус бүддьүөтүттэн 12 мөл.738 тыһ.солк. көрүлүннэ. - Үөдүгэй нэһилиэгин Ю.М.Максимов, В.В. Васильев, Е.В.Адамова уонна П.П.Андреев аатынан уулуссалар суолларын өрөмүөнүгэр 7 мөл.246 тыһ.солк. көрүлүннэ. - Нам бөһүөлэгин Комсомольскай, Хомустаах уонна Механизаторскай суолларын өрөмүөнүгэр  5 мөл.204 тыһ.солк. көрүлүннэ. Уопсастыбаннай тырааныспар: - “Куттала суох хаачыстыбалаах суоллар” национальнай бырагыраама чэрчитинэн эрдэ көрүллүбүт 3 маршрутнай оптуобустар кэллилэр. - Ыам ыйыттан Харбалаах – Үөһээ Бүлүү – Харбалаах хайысханан оптуобус сырыыта сөргүтүлүннүө. Бэс ыйыттан Үөһээ Бүлүү уонна Үөдүгэй нэһилиэгин иһигэр маршрутнай оптуобустар сырыылара саҕаланыаҕа. Оптуобус саҥа хайысхата өрүс уҥуор нэһилиэктэригэр сылдьаллара былааннанар. Тутуу: - Үөдүгэй нэһилиэгин Андреевскай бөһүөлэгэр “Универсальнай успуорт комплексын” тутуутугар өрөспүүбүлүкэ бүддьүөтүттэн – 102,7 мөл.солк., улуус бүддьүөтүттэн – 3,1 мөл.солк., уопсайа 105,8 мөл.солк. көрүлүннэ. - СӨ ГБПОУ “Үөһээ Бүлүүтээҕи техникум 250 миэстэлээх үөрэнэр-лабаратыарыйатын” бырайыактааһын заданията саҕаланна. - Андреевскай бөһүөлэгин “Элгээн” сиригэр-уотугар 75 миэстэлээх “Кырдьаҕастар уонна инбэлииттэр интэринээт-дьиэлэрин” тутуутун бырайыактааһынын заданията саҕаланна. - “Андреевскай бөһүөлэгин 240 миэстэлээх оҕо уһуйаана” бырайыагын судаарыстыбаннай эспэртиисэтэ бара турар. - Мэйик нэһилиэгин 80/40 миэстэлээх оскуола-саад тутуутун бырайыактааһынын заданията саҕаланна. - “Харбаала (Маҥаас) нэһилиэгин 60 миэстэлээх оскуола” тутуутун бырайыактааһынын заданията саҕаланна.  - “Баҕадьа (Сургуулук) 60/30 миэстэлээх оскуола-саад” тутулла турар. Манна өрөспүүбүлүкэ бүддьүөтүттэн эбии үбү-харчыны тардыыга үлэ барар. Билиҥҥи туругунан, 79 мөл.687 тыһ.солк. кыттыгас үбүлээһини ситистибит. - СӨ инвестиционнай бырагырааматыгар Ороһу оскуолатын тутуутугар 100 мөл.солк. үбүлээһин корректировкаҕа киирэрин ситистибит. Газификация: - Үөһээ Бүлүү олохтоохторун көрдөһүүлэринэн 5 олорор дьиэни босхо гаас ситимигэр холбуурга  “Сахатранснефтегаз” АУо (СТНГ) салалтатын кытары кэпсэтии ыытылынна. - “Сахатранснефтегаз” АУо (СТНГ) кытары Үөһээ Бүлүү улууһун өрүс уҥуор сытар нэһилиэнньэлээх пууннарыгар гааһы киллэриигэ бииргэ үлэлэһии сөбүлэҥэр илии баттастыбыт.   - Үөһээ Бүлүү улууһа СӨ тутууга министиэристибэтэ ыытар “Развитие и освоение территории в целях стимулирования строительства индивидуальных жилых домов” субсидияны ылар куонкуруска кыттар сайаапканы биэрдибит. Ол түмүгэр Балаҕаннаах нэһилиэгэр 29 уонна Үөдүгэй нэһилиэгин ыччат кыбаарталын 62 сир учаастагар гаас ситимэ оҥоһуллуохтара.  Тыа хаһаайыстыбата:

Москва куоракка үлэлиир Единай Координационнай Центр түргэн көмө сулууспатын салайааччытын Алексеева Лена Афанасьевнаны кытта көрсөн госпитальга эмтэнэ, туруктарын бөҕөргөтө сылдьар уолаттарбыт туһунан билистибит. Көрсүһүү кэннэ, В.П. Демихов аатынан Москва куораттааҕы клиническай балыаһаҕа бааһыран эмтэниигэ сылдьар байыаспытын кытта көрүстүбүт. Үөһээ Бүлүүбүт уолугар дойдутуттан кэһиилэри, дойдутун аһын үтүөрэригэр, чөлүгэр түһэригэр анаан туттардыбыт, Үөһээ Бүлүү сонунун сырдаттыбыт, ирэ-хоро кэпсэттибит. Бааһыран эмтэнэ сылдьар уолаттарбытыгар түргэн үтүөрүүнү баҕарабыт. #СВОихНеБросаем #СВО #ҮөһээБүлүү T.me/ValeriNikolaev

Анал байыаннай дьайыы зонатыгар барыахпыт иннигэр бүгүн Москва куоракка Саха Өрөспүүбүлүкэтин бастайааннай бэрэстэбиитэлин Федотов Андрей Сандаминовиһы кытта көрүстүбүт. Андрей Сандаминович анал байыаннай дьайыы зонатын картатыгар опорнай пууннары уонна саха байыастара ханан сулууспалыы сылдьалларын ыйан кэрдэн биэрдэ. Ону таһынан Андрей Сандаминович айаммытыгар туһалаах сүбэлэри эттэ. Бүгүн Москваттан Ростовка айанныыбыт. #СВОихНеБросаем #СВО #ҮөһээБүлүү T.me/ValeriNikolaev

Бүгүн Москва куоракка Российскай Федерация оборона министиэристибэтин Н.Н. Бурденко аатынан байыаннай госпитальга бааһыран эмтэнэ сылдьар биир дойдулаах байыастарбытын көрүстүбүт. Уолаттарбытыгар дойдуларыттан кэһиилэри туттардыбыт, туруктарын билистибит, атах тэпсэн олорон кэпсэттибит. Ону тэҥэ күүстэригэр күүс эбинэллэрин курдук, доруобуйаларын көннөрөллөрүгэр анаан дойдуларын аһын, балыгын туттардыбыт. Уолаттар дойдуларын сонунун сэҥээрэ истэн, кэһиилэри тутан сүрдэрэ көтөҕүлүннэ. Анал байыаннай дьайыы байыастарыгар этэҥҥэ эмтэниини, чэгиэн доруобуйаны баҕарабыт. #СВОихНеБросаем #СВО #Верхневилюйск T.me/ValeriNikolaev

Бүгүн Үөһээ Бүлүү улууһугар Өрөгөй күнэ! Биир дойдулаахтарбыт, Үөһээ Бүлүү улууһун 2 спортсмена Айаал Лазарев уонна Сардана Трофимова Париж куоракка ыытыллар сайыҥҥы Олимпийскай оонньууларга путевка ыллылар. Айаал Лазарев Аан дойдутааҕы турнирга полуфиналга Венгрия тустуугун Даниэл Лигеттыны 2:12 суотунан кыайан Олимпиадаҕа кыттар кыаҕы биэрэр путевканы сүүйдэ. Ону таһынан, Кыргызстан өрөспүүбүлүкэтин легкай атлетика федерацията бастыҥ сүүрүккэ диэн Олимпийскай квотаннан путевканы биһиги кыыспытыгар Сардана Трофимоваҕа туттарда. Сардана Трофимова тренерын Татьяна Юрьевна Жиркованы өр ситиспит Олимпийскай путевканы ылбыккытынан эҕэрдэлиибин. Айаал Лазарев уонна Сардана Трофимова Тамалакаан нэһилиэгиттэн иккиэн төрүттээхтэр. Тамалакаан нэһилиэгин олохтоохторун оҕолоргут ситиһиилэринэн, өрөгөй күнүнэн эҕэрдэлиибин. Спортсменнарбытыгар, Айаал Лазаревка, Сардана Трофимоваҕа баҕарабыт үрдүк көрдөрүүлээх Олимпийскай оонньуулары! Дойдугут дьоно, Үөһээ Бүлүүлэр киэн туттабыт! Иннигит хоту Олимпийскай чыпчаалга! #СарданаТрофимова #АйаалЛазарев #Олимпиада2024 #ҮөһээБүлүү T.me/ValeriNikolaev

Бүгүн Үөһээ Бүлүү улууһугар Өрөгөй күнэ! Биир дойдулаахтарбыт, Үөһээ Бүлүү улууһун 2 спортсмена Айаал Лазарев уонна Сардана Трофимова Париж куоракка ыытыллар сайыҥҥы Олимпийскай оонньууларга путевка ыллылар. Айаал Лазарев Аан дойдутааҕы турнирга полуфиналга Венгрия тустуугун Даниэл Лигеттыны 2:12 суотунан кыайан Олимпиадаҕа кыттар кыаҕы биэрэр путевканы сүүйдэ. Ону таһынан, Кыргызстан өрөспүүбүлүкэтин легкай атлетика федерацията бастыҥ сүүрүккэ диэн Олимпийскай квотаннан путевканы биһиги кыыспытыгар Сардана Трофимоваҕа туттарда. Сардана Трофимова тренерын Татьяна Юрьевна Жиркованы өр ситиспит Олимпийскай путевканы ылбыккытынан эҕэрдэлиибин. Айаал Лазарев уонна Сардана Трофимова Тамалакаан нэһилиэгиттэн иккиэн төрүттээхтэр. Тамалакаан нэһилиэгин олохтоохторун оҕолоргут ситиһиилэринэн, өрөгөй күнүнэн эҕэрдэлиибин. Спортсменнарбытыгар, Айаал Лазаревка, Сардана Трофимоваҕа баҕарабыт үрдүк көрдөрүүлээх Олимпийскай оонньуулары! Дойдугут дьоно, Үөһээ Бүлүүлэр киэн туттабыт! Иннигит хоту Олимпийскай чыпчаалга! #СарданаТрофимова #АйаалЛазарев #Олимпиада2024 #ҮөһээБүлүү T.me/ValeriNikolaev

Бу саас Андрей Иннокентьевичка сылдьан сүүрүк аттарбытын кытта билсибитим. Баттл Мэн, Бумеранг, Квит, Нумезматик өрөспүүбүлүкэтээҕи сүүрүүлэр призердара. 2024 сыл сезонун түөрт сүүрүк аттарбыт ситиһиилээхтик саҕалаатылар. Инники аттарбытын улахан өрөспүүбүлүкэтээҕи күрэхтэр кэтэһэллэр. Ситиһиилээх эрчиллиини, саҥа кыайыылары баҕарабыт! #КонныйСпорт #ҮөһээБүлүү T.me/ValeriNikolaev

Ыам ыйын 9 күнүгэр, АГАТУ ипподромугар сезону арыйар Геройдар бириистэригэр бастакы ат сүүрдүүтэ ыытылынна. Ат сүүрдүүтүгэр 11 улуустан хамаандалар кытыннылар. Ол курдук, Үөһээ Бүлүү, Амма, Чурапчы, Нам, Мэҥэ Хаҥалас, Хаҥалас, Горнай, Сунтаар, Уус Алдан, Ньурба, Таатта улууһуттан хамаандалар кытыннылар. 40-ча сүүрү ат 6 көрүҥ дистанцияҕа күөн күрэхтэстилэр. Үөһээ Бүлүү сүүрүк аттара күрэхтэһиигэ ситиһиилээхтик кытыннылар. Сүүрүк аттары Дьокуускай куоракка биир дойдулаахпыт Андрей Иннокентьевич Неустроев иитэр, көрөр, эрчийэр. Андрей Иннокентьевич уопуттаах билиитинэн, эрчийиитинэн аттарбыт бириистээх миэстэҕэ тигистилэр. 🏇1600 м дистанцияҕа, 3 саастаах, Саха Сиригэр төрөөбүт аттарга 🥈 2-с миэстэни ылла Батл Мэн, 1.51'5 көрдөрүүлээх. 🏇2400 м дистанцияҕа, 4 саастаах, Саха Сиригэр төрөөбүт аттарга 🥈 2-с миэстэни ылла Нумизматик, 2.49'2 көрдөрүүлэх. 🏇1600 м дистанцияҕа, 4 саастаах, ЧВП (Чистокровная верховая порода) аттарга 4-с бириистээх миэстэҕэ тигистэ Бумеранг, 1.48'8 көрдөрүүлээх. 🏇1400 м дистанцияҕа, 4 саастаах, ЧВП (Чистокровная верховая порода) аттарга 🥈 2-с миэстэни ылла Квит, 1.31'9 көрдөрүүлээх. Быйылгы сезону Үөһээ Бүлүүбүт сүүрүк аттара ситиһиилээхтик саҕалаатылар. Андрей Иннокентьевиһы үрдүк көрдөрүүгүтүнэн эҕэрдэлиибит, өссө элбэх кыайыылары, үрдэллэри баҕарабыт! #КонныеСкачки #КонныйСпорт #Верхневилюйск