es
Feedback

¡No caigas en manos de tramposos! Telemetrio encuentra y marca estos canales 👉 Si quieres ver la etiqueta, suscríbete

Basem Elewa-باسم عليوة

Basem Elewa-باسم عليوة

Ir al canal en Telegram

BIO: Shariah Auditor|Zakat Accountant|Ex. Islamic Financial, PHD.Re.,M.Sc,DIP,CIB,CISTRAF,CISTA,CISCAM,CZA صفحة الفيسبوك الرسمية والوحيدة https://www.facebook.com/basem.elewa.5 قناة اليوتيوب shorturl.at/tQV15 صفحة Linkedin shorturl.at/glmTZ

Mostrar más

📈 Análisis del canal de Telegram Basem Elewa-باسم عليوة

El canal Basem Elewa-باسم عليوة (@basemelewa) en el segmento lingüístico de Árabe es un actor destacado. Actualmente la comunidad reúne a 29 891 suscriptores, ocupando la posición 2 354 en la categoría Religión y espiritualidad y el puesto 2 229 en la región Arabia Saudí.

📊 Métricas de audiencia y dinámica

Desde su creación el невідомо, el proyecto ha mostrado un crecimiento acelerado, reuniendo a 29 891 suscriptores.

Según los últimos datos del 11 noviembre, 2026, el canal mantiene una actividad estable. En los últimos 30 días la variación de miembros fue de -53, y en las últimas 24 horas de 3, conservando un alto alcance.

  • Estado de verificación: No verificado
  • Tasa de interacción (ER): El promedio de interacción de la audiencia es 5.91%. Durante las primeras 24 horas tras publicar, el contenido suele obtener 2.86% de reacciones respecto al total de suscriptores.
  • Alcance de las publicaciones: Cada publicación recibe en promedio 1 767 visualizaciones. En el primer día suele acumular 856 visualizaciones.
  • Reacciones e interacción: La audiencia responde de forma activa: el promedio de reacciones por publicación es 13.
  • Intereses temáticos: El contenido se centra en temas clave como شَرِكَة, إِنسَان, شَرعِيَّة, قَرض, صِيَانَة.

📝 Descripción y política de contenido

El autor describe el recurso como un espacio para expresar opiniones subjetivas:
“BIO: Shariah Auditor|Zakat Accountant|Ex. Islamic Financial, PHD.Re.,M.Sc,DIP,CIB,CISTRAF,CISTA,CISCAM,CZA صفحة الفيسبوك الرسمية والوحيدة https://www.facebook.com/basem.elewa.5 قناة اليوتيوب shorturl.at/tQV15 صفحة Linkedin shorturl.at/glmTZ”

Gracias a la alta frecuencia de actualizaciones (últimos datos recibidos el 12 noviembre, 2026), el canal mantiene la vigencia y un amplio alcance. La analítica demuestra que la audiencia interactúa activamente con el contenido, lo que lo convierte en un punto de referencia dentro de la categoría Religión y espiritualidad.

29 891
Suscriptores
+324 horas
+47 días
-5330 días
Archivo de publicaciones
شبهة جديدة حول الفوائد البنكية حققت ملايين المشاهدات ! "هو البنك كان جاء خبط على بابك وقال لك سلفني؟ لا. رحت أنت للبنك عشان تسلفه؟ ما حصلش. ده أنت رايح تحط فلوسك في البنك لغرضين: تحفظ الفلوس وتستثمر الفلوس وبالتالي ليست من الفوائد الربوية " بص يا صديقي : أنا مصدّقك إنك رحت البنك عشان تستثمر فلوسك ومش رايح تقرضه ولا حاجه. بس خلّيني أسألك سؤال واحد. هو لو البنك خسر في تشغيل فلوسك، هل لسه ملزم يرجّع لك المبلغ كامل ويدفع لك العائد المتفق عليه؟ الاجابة : لو بنك تقليدي نعم لان راس مال الشهادات مضمون والفائدة مربوطة وثابتة طيب خلّينا نشيل البنك من المثال ونحط واحد اسمه أحمد. أنا اديت أحمد مليون جنيه يشتغل بيهم. واتفقنا إنه لو كسب، نقسم الربح بيننا بالنص. كسب ٢٠٠ ألف؟ يبقى ليا ١٠٠ ألف وليه ١٠٠ ألف. ولو حصلت خسارة تجارية من غير تعدٍّ ولا تقصير، الخسارة المالية تقع على رأس المال، وأحمد يخسر جهده. دي صورة المضاربة وجائزه شرعًا وزي الفل. طيب لو أحمد قال لي «هشغّل المليون، وبعد سنة هرجّع لك المليون كاملين ومعاهم ١٨٠ ألف، سواء كسبت أو خسرت». أحمد في الحالتين بيشغّل الفلوس. وأنا في الحالتين قصدي أكسب. لكن حقي في العقد الأول حصة من ربح لو اتحقق. وفي العقد التاني، ليا في ذمة أحمد مبلغ لازم يدفعه بزيادة مشروطة، حتى لو ما حقّقش أي ربح. وعشان كده الفقهاء بيقولوا «العبرة في العقود بالمقاصد والمعاني، لا للألفاظ والمباني». والمعنى هنا بنعرفه من اتفاق الطرفين والحقوق اللي ترتبت عليه. مجرد إنّي رايح أدور على استثمار ما يغيّرش الالتزام اللي قبلته لما مضيت. والا خلاص كل الناس تعمل بينها وبين بعضهم كده ولا هتيجي بين الافراد تقولي الحكم يختلف !؟ طيب فين الدليل؟ ربنا قال في آيات الربا ﴿وَإِنْ تُبْتُمْ فَلَكُمْ رُءُوسُ أَمْوَالِكُمْ لَا تَظْلِمُونَ وَلَا تُظْلَمُونَ﴾ [البقرة: ٢٧٩]. وابن قدامة نقل في المغني عن ابن المنذر إجماع أهل العلم على أن المُقرِض إذا اشترط على المقترض زيادة أو هدية مقابل القرض، فأخذ الزيادة دي ربا. وخد بالك من موضع الإجماع. بنتكلم عن عقد ثبت إنه قرض، وشرطت فيه زيادة. ولما يختلف اثنين في تكييف حساب بنكي، لازم نقرأ العقد الأول عشان نعرف هل الحكم ده ينطبق عليه ولا لا . طيب هل أي زيادة عند سداد القرض حرام؟ هنا فيه موقف يوضّح الفرق. النبي ﷺ استسلف بكرًا، يعني جملًا صغيرًا، ولما جه وقت السداد أمر أبا رافع إنه يقضي الرجل حقه. فأبو رافع ما لقاش إلا جملًا خيرًا منه، فقال له النبي ﷺ «أعطه إياه، إن خيار الناس أحسنهم قضاءً». والحديث رواه مسلم. طيب إيه الفرق بين الموقف ده وبين أحمد اللي وعد يرجّع المليون ومعاهم ١٨٠ ألف؟ صاحب الجمل ما كانش له حق بموجب القرض إنه يطالب بجمل أفضل. الزيادة حصلت عند السداد من باب حسن القضاء. أما في مثال أحمد او البنك ، فالـ١٨٠ ألف حق مشروط من البداية، وصاحب المال يقدر يطالب بيه. الفرق هو الشرط، مش مجرد إن اللي رجع كان أكتر من اللي اتاخد. وفي صحيح البخاري، عبد الله بن سلام رضي الله عنه نبّه أبا بردة إلى هدية المدين لصاحب الحق، وذكر حتى حمل التبن أو الشعير تعتبر من ربا القروض. طيب يا عم باسم البنوك دي مؤسسات حديثة وصيغ تمويلها مستحدثه الخ مالهاش علاقة بالقروض طيب يا صديقي هي البنوك دي اختراع ولا حاجه خاصة بدولة معينه. الاجابة اكيد لا : البنوك من اكبر المؤسسات المالية وموجوده من ١٤٧٢ م في ايطاليا و موجوده في مصر من ١٨٩٨ م فبالتالي كان لازم ينعقد لها المجمع الفقه الإسلامي الدولي و في قراره رقم (٨٦) بشأن الودائع المصرفية اعتبر الحساب الجاري قرضًا من الناحية الفقهية، لأن البنك ضامن المبلغ وملزم بردّه عند الطلب. وفرّق بين الودائع التي تُدفع عليها فوائد، فاعتبرها قروضًا ربوية، وبين حسابات الاستثمار القائمة على مضاربة مستوفية لشروطها فعشان تطبّق الكلام ده على حساب بعينه، افتح العقد واسأل العائد اللي هستحقه حصة من الربح اللي هيطلع فعلًا، ولا زيادة التزم البنك يدفعها لي على مبلغ مضمون في ذمته؟ وبعد ما تعرف إجابة السؤال ده، ابقى احكم على العقد اللي قدامك. 📌الخلاصة: نيتك وانت رايح تضع اموالك في البنك ليست مؤثرة في الحكم الشرعي، فلا نية مع العقود فالعبرة بطبيعة العقد ومكوناته وشروطه وتبعاته والله أعلى وأعلم #باسم_عليوة #شريعة_أوديت #فوائد_البنوك_تحت_المجهر

محتاج تدفع اشتراك أونلاين بالدولار، ومعندكش card، فبتطلب من شخص يدفعهولك… وتديله قيمة الاشتراك، ورسوم العملة، ومقابل خدمته. هل ده ربا؟ الإجابة بتتوقف على سؤال بسيط: إنت دفعت له قبل ما يشتري، ولا هو دفع من جيبه الأول؟ الحالة الأولى: إنت دفعت له مقدمًا لنفترض إن الاشتراك بـ٢٠ دولارًا، وسعر الدولار ٥٠ جنيهًا. يبقى قيمة الاشتراك ١٠٠٠ جنيه. ولو رسوم تدبير العملة ٢٥ جنيهًا، واتفقتم إن أجرة الشخص ٨٠ جنيهًا؛ تدفع له قبل ما ينفّذ العملية: ١٠٠٠ قيمة الاشتراك + ٢٥ رسوم العملة + ٨٠ أجرة الخدمة. دي وكالة بأجر معلوم، والأصل جوازها؛ لأنك دفعت ثمن الخدمة ومصاريفها، واتفقتم على أجرة الشخص مقابل تنفيذ الدفع. ومعيار أيوفي للوكالة يجيز للوكيل أخذ أجره، ويُلزم الموكل بثمن الخدمة ومصروفاتها. الحالة الثانية: الشخص صاحب card هو اللي دفع من جيبه الأول نفس الاشتراك: ١٠٠٠ جنيه، ورسوم العملة: ٢٥ جنيهًا. لو رجع لك وطلب ١٠٢٥ جنيهًا، فده استرداد للمبلغ والمصروفات اللي دفعها. كأنه أقرضك المبلغ ورديته بنفس قيمته "قرض حسن " لكن لو قال لك: «دفعت عنك ١٠٢٥، رجّعهم لي ١١٢٥ عشان أنا دفعت من جيبي»، فالزيادة فيها اشكالية لانها اما زيادة مقابل القرض فهتكون قرض جر نفع او اجرة على أداء الخدمة فهتدخل في شبهة الربا بسبب الجمع بين السلف والبيع فعشان تخرج من هذه الشبهة ادفع له الفلوس ١٠٢٥ جنيه الاول قبل ما هو يسددهم وبعدين ياخد اجرة الخدمة لوحدها زي ما قولنا وتكون مقابل مجهوده واستخدام بطاقته ليس مقابل القرض ما تنساش تشارك البوست مع اصحابك ، و لو لسه عندك سؤال اكتبه لي في التعليقات 👇🏻 #باسم_عليوة #شريعة_أوديت

دي بلاي ليست السيرة الاقتصادية، وكل الحلقات هتنزل عليها بإذن الله. https://youtube.com/playlist?list=PLIFXAkfosq_I... متنسوش تعملوا اشتراك في القناة وتفعلوا الجرس 🔔.

📌 اتفرج على الحلقة كاملة على اليوتيوب الحلقة الثانية عشرة | السيرة الاقتصادية لعبدالرحمن بن عوف رضي الله عنه https://youtu.be/lhpekWM0iIE

جالي السؤال ده واستوقفني مع نفسي شوية "إزاي تعرف إن طموحك المالي لسه مشروع، وما اتحولش إلى «الدنيا همّي»؟" اولًا الحمد لله ان مازالت الناس تفاش في قلوبها عشان تذكرنا معاها ثانيا: مش كل واحد بيسعى للرزق وعايز ينجح تبقى الدنيا همّه. عندك مثلًا عبد الرحمن بن عوف رضي الله عنه لما هاجر المدينة قال: «دلّوني على السوق»، واشتغل وكسب، والنبي ﷺ أقرّه على ذلك. واغلب العشرة المبشرين بالجنة كانوا من اثرياء الصحابة وقال أحد السلف : «ليس الزهد في الدنيا بتحريم الحلال ولا بإضاعة المال، ولكن الزهد أن تكون بما في يد الله أوثق منك بما في يدك». وما عند الله خيرٌ وأبقى وعشان اجاوب على السؤال ده لازم نسأل نفسنا شوية أسئلة : هل السعي للمال الحلال؟ ولا مش فارق معاك مصدره !؟وهل بيشغلني عن حقوق ربنا ؟ ولما يزيد دخلنا بيزيد انفاقك ، ولا بيزيد الطمع والبهل والشح والتطلع لما في ايدي الناس؟ الفرق مش في حجم المال… الفرق في مكانه من قلبك. فلو دخل المال قلب العبد وتمكن منه وتعلق به قلبه اصبحت الدنيا همه ففرق الله عليه شمله وجعل الفقر بين عينيه ولم يأخذ من الدنيا إلا ما قد كتبه الله له ومن كان المال مجرد وسيلة للتعبد والتقرب الى الله فما جاء منه بسخاوة نفس فهو من عند الله وما سُلب فهو بقدر الله و محبة من الله جمع الله لهذا العبد شمله وجعل غناه في قلبه فبدل الله نتيجة تفريغه لقلبه فقر الدينا بغنى الآخره فأتته الدنيا وهي راغمة واعلم ان الله يعطي و يمنع الرزق للمسلم بقدر ما يصلح به دينه فهو العليم الحكيم قال تعالى: اللَّهُ يَبْسُطُ الرِّزْقَ لِمَنْ يَشَاءُ مِنْ عِبَادِهِ وَيَقْدِرُ لَهُ إِنَّ اللَّهَ بِكُلِّ شَيْءٍ عَلِيمٌ والله أعلى وأعلم 📌اكتب لي في التعليقات: إيه العلامة اللي بتفكّرك إن المال وسيلة مش غاية؟ وشارك البوست مع حد ممكن يستفيد منه. #باسم_عليوة #شريعة_أوديت

الحمد لله سلسلة جديدة ومجموعة بوستات عن بطاقات البنوك بأنواعها : (١) البنوك اللى تسألها عن بطاقة الائتمان :- ‏https://m.facebook.com/story.php?story_fbid=6886191638109929&id=100001574829279&mibextid=ZbWKwL (٢) البنك الاسلامي بيطلب منك عمل وديعه مقابل اصدار credit card :- ‏https://m.facebook.com/story.php?story_fbid=6885959901466436&id=100001574829279&mibextid=CDWPTG (٣) تفاصيل فى احكام فيزا المشتريات أو الكريديت كارد :- ‏https://m.facebook.com/story.php?story_fbid=6470763866319377&id=100001574829279&mibextid=CDWPTG (٤) منع استخدام debit card خارج مصر :- ‏https://m.facebook.com/story.php?story_fbid=6883856218343471&id=100001574829279&mibextid=CDWPTG (٥) حكم وضع أجهزة الدفع (pos) فى المحلات التجارية :- ‏https://m.facebook.com/story.php?story_fbid=6470199649709132&id=100001574829279&mibextid=CDWPTG (٦) البطاقه الائتمانيه أو البطاقه المصرفية :- ‏https://m.facebook.com/story.php?story_fbid=1808982009164276&id=100001574829279&mibextid=CDWPTG (٧) الفرق بين بطاقات الائتمان المتجددة فى البنوك التقليدية credit card وبطاقات الائتمان غير المتجدده charge card فى البنوك الاسلاميه :- ‏https://fb.watch/nB5iqUUjII/?mibextid=NnVzG8 (٨) ماهى بطاقات الخصم أو التخفيض:- ‏https://m.facebook.com/story.php?story_fbid=1517449954984151&id=100001574829279&mibextid=CDWPTG (٩) استعمال بطاقات التخفيض التى يتم الحصول عليها بمقابل مادي :- ‏https://m.facebook.com/story.php?story_fbid=6475505242511906&id=100001574829279&mibextid=CDWPTG (١٠) تسييل النقدية من ڤيزا المشتريات https://www.facebook.com/100001574829279/posts/6951350068260752/?mibextid=cr9u03 (١١) تطبيق تكه https://www.facebook.com/100001574829279/posts/6940424749353284/?mibextid=cr9u03 (١٢) تعليق على قرار البنك المركزي بشأن بطاقات الائتمان https://www.facebook.com/100001574829279/posts/6913588458703580/?mibextid=cr9u03 (١٣) هل يجوز التعامل مع البنوك التقليدية مع وجود بدائل في البنوك اسلامية https://www.facebook.com/100001574829279/posts/6909109812484778/?mibextid=cr9u03 (١٤)الخلاصة في بطاقات الدفع https://www.facebook.com/100001574829279/posts/6908726375856455/?mibextid=cr9u03 (١٥) الفرق بين الcredit card , charge card https://www.facebook.com/share/d58KSBK4DRibpkgN/?mibextid=WC7FNe (١٦) البطاقات الائتمانية المرتبطة بالتورق المصرفي المنظم ( مرابحة السلع الدولية ) https://www.facebook.com/share/15HQufNEQp/?mibextid=wwXIfr (17)تنبيه مهم للناس الي بتسألني عن كروت المشتريات https://www.facebook.com/share/p/1DxoxYzdBC/ (18)التقسيط عن طريق الكارت الإسلامي BNPL https://www.facebook.com/share/r/1Hi77K5J4s/ #باسم_عليوة #معاملات #سبوبة_حلال #زكاتي #التدقيق_الشرعي #محاسبة_زكاة_الشركات #الشركات_الحديثة #بطاقات_الدفع

هل يجوز السحب النقدي من البطاقات الائتمانية credit card !؟ أولًا : لا يجوز استخدام البطاقة الإئتمانية من بنك تقليدي، بسبب وجود شرط غرامة أو فائدة عند التأخير نتيجة جدولة الدين ؛ حتى لو أنت ناوي تسدد في فترة السماح. كما ورد بقرار مجمع الفقه الإسلامي الدولي. ويتأكد الحكم في حالة وجود بديل من بنك إسلامي خالٍ من الشرط ده، يبقى الأولى إنك تختار البديل. طيب، لو البطاقة في البنك الإسلامي فيها سحب نقدي… هل رسوم السحب حرام؟ هنا لازم نفصل بين القرض وأجرة خدمة السحب. لما تسحب من الحد الائتماني، فالمبلغ اللي أخدته يُعد قرضًا من البنك المصدر للبطاقة. ومجمع الفقه الإسلامي أجاز أصل السحب بشرط ألا تترتب عليه زيادة ربوية، وأجاز رسوم الخدمة المقطوعة التي لا ترتبط بمبلغ القرض أو مدته. لكن الرسوم بتختلف حسب مين اللي بياخدها: لو بتسحب من ماكينة البنك المصدر للبطاقة: ما ينفعش البنك يحوّل السحب لمصدر ربح على القرض. فمعيار أيوفي " القرض" : اشترط أن يكون الرسم مبلغ معلوم في حدود أجرة الخدمة، وألا يُربط بالمبلغ المسحوب أو بمدة السداد. ومعيار بطاقات الدفع قيّد الرسوم التي يحصل عليها مصدر البطاقة بالتكلفة الفعلية المباشرة. يعني لو البنك بياخد "نسبة" من المبلغ المسحوب لمجرد إنه أقرضك المبلغ، فهذه مش أجرة خدمة مستقلة؛ دي زيادة مرتبطة بالقرض. أما لو بتسحب من ATM بنك آخر: فالبنك صاحب الماكينة بيقدم خدمة صرف نقدي، ومعيار أيوفي فرّق بينه وبين البنك المصدر للبطاقة، وذكر أن رسوم صاحب الماكينة إذا لم يكن هو مصدر البطاقة تكون بحسب الاتفاق وساعتها ينفع تكون نسبة او مبلغ مقطوع او غيره لانه هنا اصبح مقدم خدمة وليس مقرضًا كما في الحالة الأولى . 📌فالخلاصة: * شرط الفائدة أو غرامة التأخير في عقد البطاقة التقليدية يجعل البطاقة غير جائزة، حتى لو كنت بتسدد في فترة السماح. * السحب النقدي نفسه قرض، وأجرة الخدمة لا يجوز أن تكون وسيلة لزيادة القرض. * رسوم البنك المصدر لما تسحب من ماكينته لها ضوابط: تجوز بالتكلفة فعلية مباشرة، من غير ربح على القرض. * رسوم ماكينة بنك آخر تُبحث بحسب الجهة اللي بتحصلها وحقيقة الخدمة، ومش كل رسم ظاهر على الشاشة نقدر نحكم عليه من اسمه بس. والمفروض ان كل ده بيتم مراجعته واعتماده من ادارة الرقابة الشرعية في البنوك الاسلامية ويمكنك التأكد بنفسك منهم في خدمة العملاء او مراجعة الشروط والأحكام اللي بتوقع عليها وياريت تنتبه وانت بتوقع عشان في تفاصيل في البطاقات انا كتبت عنها كتير هسيب لك اللينكات في التعليقات 📌ولو عايز تراجع العقد هترك لك لينك ترفع عليه العقد والفريق عندي في شريعه اوديت هيراجعوه ويكتبوا عنه تقرير مفصل عنه والله أعلم. #باسم_عليوة #شريعة_أوديت

هل يجوز لموظف الكول سنتر يستخدم اسم أجنبي غير اسمه الحقيقي أو لغة معينة غير لغته او لهجة معينة غير لهجته ؟ السؤال ده متكرر فخليني احرره بالتفصيل شوية بناءًا عن الاحتمالات اللي جات لي في تساؤلاتكم : في البداية الاشكال الشرعي مش في الاسم وحده ولا حتى في اللهجة ، لكن في الحقيقة اللي الاسم او اللهجة بتوصلها للعميل. وهنا خمس صور لازم نفرّق بينهم: الصورة الأولى: اسم أجنبي مستعار للتعامل فقط موظف اسمه أحمد، وبيستخدم اسم «آدم» أو طلال مثلًا في المكالمات، من غير ما يقول إنه من جنسية معينة أو يدّعي صفة غير حقيقية. مجرد استخدام الاسم المستعار ليس كذبًا في ذاته، ما دام مش معمول عشان يضلل العميل، وطبعًا من دون ادعاء كاذب لما يُسأل الموظف عن حقيقته. و في فتاوى معاصرة أجازت الاسم المستعار لغرض العمل، بشرط ألا يتحول لادعاء مضلل. الصورة الثانية: الموظف يدّعي جنسية أو مكان اقامة غير حقيقي لو العميل سأله: «إنت أمريكي؟» فقال له: «أيوه»، أو قال إنه موجود في أمريكا وهو في مصر، فهذا كذب صريح، وقد يدخل في الغش إذا بُني عليه تعامل أو قرار من العميل. وغير جائز لعموم قول النبي ﷺ: «مَن غشَّنا فليس منا». الصورة الثالثة: الشركة مصرية وتقدّم نفسها على أنها شركة أجنبية هنا التضليل متعلق بهوية الشركة نفسها، مش باسم الموظف فقط. فإذا كانت الشركة تتعمد إيهام العميل بأنها شركة أمريكية أو بريطانية، وهي ليست كذلك، فهذا كذب وغش، خصوصًا لو المعلومة مؤثرة في ثقة العميل أو قراره بالتعامل. الصورة الرابعة: الشركة أمريكية او سعودية فعلًا، وموظفو خدمة العملاء في مصر مجرد إن الشركة الأجنبية تستعين بموظفين مصريين لا يُعد كذبًا. لو الموظف يتعامل باسم الشركة الحقيقي، ولا يدّعي إنه أجنبي أو موجود خارج مصر زي ما قولنا قبل كده، فهذه صورة مختلفة عن انتحال هوية الشركة أو الموظف ولا يوجد فيها اشكال شرعي . الصورة الخامسة: الموظف يستخدم اسمًا أجنبيًا، والعميل يفترض وحده أنه أجنبي لو الموظف لم يقل ذلك، ولم تتعمد الشركة صناعة هذا الانطباع، فمجرد استنتاج العميل لا يكفي وحده للحكم بوجود كذب. لكن لو الاسم اختير عمدًا عشان العميل يعتقد أن الموظف أجنبي، فده إيهام مقصود، ويأخذ حكم الغش بحسب أثره في التعامل. 📌ورد في معيار الايوفي حكم عام بخصوص التزييف والغش في المعاملات الاون لاين: بالمعيار الشرعي رقم (38) لأيوفي، الخاص بالتعاملات المالية عبر الإنترنت، ذكر أن التزييف أو الغلط في شخصية أحد طرفي العقد أو صفة فيه يعطي الطرف الآخر حق فسخ العقد. و التزييف متعلق هنا بهوية الشركة المتعاقدة أو صفة مؤثرة فيها. و الموظف هنا بمثابة متحدث باسم الشركة سواء كان اجير او وكيل وتقع مسئولية العقد وتبعاته على الشركة التي قامت بتوكيله الخلاصة الاسم الأجنبي وحده مش هو المشكلة. المشكلة إن الاسم يُستخدم للكذب أو لصناعة انطباع غير حقيقي عن الموظف أو الشركة. فلو هو مجرد اسم للتعامل بلا ادعاء ولا تضليل، فأرجوا الا يكون فيها اشكال شرعي . ولكن لو الغرض منه إيهام العميل بهوية غير حقيقية، فهذه صورة غير جائزة بسبب الغش والتدليس. والله أعلى أعلم. لو عندك تفاصيل في الوظيفة دي لم اتناولها في البوست اكتبها لي في التعليقات #باسم_عليوة #شريعة_أوديت

إنتم عارفين إن من معجزات النبي ﷺ إنه أُوتي جوامع الكلم؟ يعني كان بيتكلم بكلمات قليلة، لكن معانيها واسعة، والعرب كانوا بيفهموا دلالة كل كلمة. ومن الألفاظ اللي استوقفتني حديث أبي هريرة رضي الله عنه: «نهى رسول الله ﷺ عن بيع الغرر». الحديث مشهور، واللفظ مشهور… بس أنا عايزكم تركزوا معايا في كلمتين: بيع الغرر. كلمة «البيع» في الفقه مش صورة واحدة؛ تحتها صور وعقود كتير، زي المرابحة والتولية والوضيعة والسَّلَم والاستصناع والإجارة لانها بيع للمنفعة يعني مش بيع بالمعنى الفقهي الدقيق، لكنها من عقود المعاوضات اللي ليها أحكامها وضوابطها. أما عن الغرر، سميت بذلك لان البائع يغر المشتري بظاهر السلعة وباطنها مجهول ، والجهالة أو المخاطرة تكون مؤثرة، تخلي الواحد مش عارف هو هيدفع إيه بالضبط، أو هياخد إيه، أو هل هيقدر يستلمه أصلًا ولا لا . ويدخل تحت لفظ الغرر أيضًا أنواع كتيرة نهى النبي ﷺ عنها كانت معروفة في زمانه، مثل بيع الملامسة والمنابذة، وبيع الحصاة، وحَبَل الحبلة، والمضامين والملاقيح، وبيع اللبن في الضرع، وبيع عَسْب الفحل، وبيع الشيء اللي البائع مش قادر يسلّمه، زي السمك في الميه أو الطير في الهوا. ومش بس كده… كلمة «الغرر» بقت وصفًا فقهيًا بنفهم بيه معاملات ظهرت بعد عصر النبي ﷺ والصحابة. فكل ما ظهرت صورة جديدة، الفقهاء بيسألوا: هل فيها نفس الجهالة أو المخاطرة المؤثرة اللي نهى عنها الشرع؟ ومن أمثلة المعاملات المعاصرة اللي اتكلم فيها الفقهاء من جهة الغرر: التأمين التجاري؛ لأن وقت استحقاق التعويض ومقداره مش معلومين عند التعاقد، لان الشخص المؤمن عليه بيدفع أقساط قليلة و يأخذ تعويض كبير ، أو بيدفع أقساط كثيرة ولا يأخذ تعويضًا. وده معناه إن الحكم هنا متعلق بالتأمين التجاري، مش كل صور التأمين؛ فالتأمين التعاوني والتكافلي له تكييف مختلف وهو جائز في العموم . ومنها بعض صور التسويق الهرمي أو الشبكي، لما يدفع الشخص مبلغ مقابل الاشتراك، ويكون مكسبه متعلقًا باحتمال قدرته على إدخال مشتركين جدد؛ فالمعاملة قد يجتمع فيها الغرر والميسر، بحسب صورتها وشروطها. ومنها اليانصيب، أو المسابقات اللي لازم تدفع فيها عشان تشارك، أو يدخل ثمن الاشتراك في قيمة الجائزة؛ لأن المشارك بيكون متردد بين إنه يكسب الجائزة أو يخسر اللي دفعه. وأما المسابقة المجانية، فدي صورة تانية وحكمها يختلف . خدوا بالكم: مش معنى إن كل الأمثلة دي فيها غرر إنها كلها «بيع» بالمعنى الفقهي الدقيق؛ بعضها عقود معاوضات أو مسابقات، وبعضها يجتمع فيه الغرر مع الميسر. المهم إننا نفهم علة المنع وننزلها على الصورة الجديدة من غير تعميم. يعني البيع فيه جوامع كلم والغرر فيه جوامع كلم ولما تجمعهم مع بعض هتطلع منهم جوامع كلم اخرى ولو ركزت في قوله تعالى: ﴿وَأَحَلَّ اللَّهُ الْبَيْعَ وَحَرَّمَ الرِّبَا﴾. احل الله البيع بكلم صوره الا البيع المحرم الذي جاء به النص من الكتاب والسنة والاجماع والقياس وهنا برضوا البيع بكل اقسامه وانواعه اللي ذكرتها قبل كده ولكن حرم الربا وهو كل بيع محرم و اللي ممكن يدخله غرر، أو ربا، أو ظلم، ولكل واحد من دول ضوابطه وأحكامه. شايفين حديث بكلمتين بس بيفتح لنا باب كبير لفهم المعاملات في بيع التقسيط والمقاولات والزراعة والمسابقات و التامين والبورصة و البنوك الخ ! ده مش مجرد حكم على بيوع قديمة؛ دي قاعدة تساعدنا نفهم صور جديدة ونقيسها بميزان الوضوح والعدل وحفظ أموال الناس. وييجي واحد يقولك: مفيش حاجة اسمها اقتصاد إسلامي! ده إحنا عندنا أصول شرعية تبني نظام كامل للمعاملات، وتضع معايير نناقش بيها حتى أعقد صور الاقتصاد الحديث. 📌بس احنا اللي عندنا هوس بالمدارس الاقتصادية الحديثة اللي على فكرة معنديش مشكلة في تقبلها وانما بعد عرضها على شرع الله فما توافق مع الشرع اقررناه وما تنافى معه نحيناه جانبًا مهما كان نفعه الظاهر فإثمه اكبر من نفعه فلقد صدق ربي وكذبت كل النظريات الوضعية فاللهم ردّنا إلى دينك ردًّا جميلًا. #باسم_عليوة #شريعة_أوديت

دي بلاي ليست السيرة الاقتصادية، وكل الحلقات هتنزل عليها بإذن الله. https://youtube.com/playlist?list=PLIFXAkfosq_I... متنسوش تعملوا اشتراك في القناة وتفعلوا الجرس 🔔.

📌 اتفرج على الحلقة كاملة على اليوتيوب الحلقة السادسة عشرة | السيرة الاقتصادية لعمر بن الخطاب رضي الله عنه https://youtu.be/mx-VZexdkek

الحلقة دي برعاية «إجارة»، للاستثمار العقاري بالتملك الجزئي، بالتعاون مع «أمتار» المرخصة من الرقابة المالية. تقدر تمتلك حصة من ٥٠ ألف جنيه في عقار مؤجر بالفعل. ولما تلاقي «تمت المراجعة من خلال إجارة»، تعرف إن العقود ونشاط المُستأجر اتراجعوا من الناحية الشرعية. لينك اجارة https://t.me/+h1XKsOn-WWc4YTY0 لينك تحميل الابب https://api.amtaar.co/p/ejara_oaw7n

وأنا في رحلة الحج اللي فاتت، حصل موقف غريب جدًا! كنا مجهّزين ١٥ حلقة في «السيرة الاقتصادية»، زي ما كنت قلت لكم، واستقرّينا على الصحابة اللي هنتناول سيرتهم في الموسم الأول من البرنامج. وأثناء زيارتي للمدينة، دخلت أسلّم على النبي ﷺ، وسيدنا أبي بكر وسيدنا عمر رضي الله عنهما. وأول ما عيني وقعت على اسم سيدنا عمر، جت في خاطري حاجة غريبة جدًا… كأني بسأل نفسي بلسانه «هو إنت ما عملتش حلقة عني في السيرة الاقتصادية ليه؟» والله زي ما بقول لكم كده، خاطر جه في بالي ووقفني مع نفسي.🤷🏻‍♂️ فقلت أكيد إحنا عاملين حساب حلقة عن سيدنا عمر، وأكيد أنا اللي ناسي. وأول ما خرجت من المسجد، بعت للفريق وسألتهم «هو إحنا مجهّزين حلقة عن سيدنا عمر؟» فكان ردّهم «لأ، إحنا مركّزين على الصحابة التجّار». قلت لهم لازم نعمل حلقة عن الفكر الاقتصادي لعمر بن الخطاب، وتبقى أكبر حلقة في الموسم، وندخل فيها في تفاصيل فكره وعبقريته الاقتصادية. وبالفعل، بدأنا نشتغل عليها من وقتها عشان نديها حقها. وطبعًا مهما عملنا، مش هنوفي سيدنا عمر حقه. الحلقة دي هتكون آخر حلقة في الموسم الأول، وحلقة استثنائية حبّينا نختم بيها الموسم، عشان يبقى ختامها مسك. وبعدها هناخد إجازة لحد رمضان، استراحة محارب… لأننا بنجهّز لبرنامج عن موضوع بنتناوله لأول مرة في محتوى مرئي. تتوقّعوا عن إيه؟😅 نسأل الله أن ييسّره لنا، ويكتب لنا أجره. وادعوا لنا يتمّ على خير، لأن الموضوع شائك فعلًا. 📌الحلقة الآن على اليوتيوب ما تنساش تشترك في القناة وتفعل جرس التنبيه وساعدونا بنشر الحلقة عشان توصل لاكبر عدد ممكن اللينك في التعليقات 👇🏻 #باسم_عليوة #السيرة_الاقتصادية #شريعة_أوديت

https://api.amtaar.co/p/ejara_oaw7n لينك تحميل الابب