¡Ya disponible! Investigación de Telegram 2025 — los principales insights del año 
AI | DigiTech
Ir al canal en Telegram
Texnologiyalar olamidagi eng so’nggi yangiliklar, foydali maqolalar va hayotingizni osonlashtiruvchi sun’iy intellektlar haqidagi kanal. Reklama: @DigiTech_ads
Mostrar más📈 Análisis del canal de Telegram AI | DigiTech
El canal AI | DigiTech (@digitechai) en el segmento lingüístico de Uzbeko es un actor destacado. Actualmente la comunidad reúne a 53 564 suscriptores, ocupando la posición 2 480 en la categoría Tecnologías y Aplicaciones y el puesto 1 370 en la región Uzbekistán.
📊 Métricas de audiencia y dinámica
Desde su creación el невідомо, el proyecto ha mostrado un crecimiento acelerado, reuniendo a 53 564 suscriptores.
Según los últimos datos del 25 junio, 2026, el canal mantiene una actividad estable. En los últimos 30 días la variación de miembros fue de 955, y en las últimas 24 horas de -312, conservando un alto alcance.
- Estado de verificación: No verificado
- Tasa de interacción (ER): El promedio de interacción de la audiencia es 24.94%. Durante las primeras 24 horas tras publicar, el contenido suele obtener 18.01% de reacciones respecto al total de suscriptores.
- Alcance de las publicaciones: Cada publicación recibe en promedio 13 372 visualizaciones. En el primer día suele acumular 9 654 visualizaciones.
- Reacciones e interacción: La audiencia responde de forma activa: el promedio de reacciones por publicación es 132.
📝 Descripción y política de contenido
El autor describe el recurso como un espacio para expresar opiniones subjetivas:
“Texnologiyalar olamidagi eng so’nggi yangiliklar, foydali maqolalar va hayotingizni osonlashtiruvchi sun’iy intellektlar haqidagi kanal.
Reklama: @DigiTech_ads”
Gracias a la alta frecuencia de actualizaciones (últimos datos recibidos el 26 junio, 2026), el canal mantiene la vigencia y un amplio alcance. La analítica demuestra que la audiencia interactúa activamente con el contenido, lo que lo convierte en un punto de referencia dentro de la categoría Tecnologías y Aplicaciones.
53 564
Suscriptores
-31224 horas
+2 0507 días
+95530 días
Archivo de publicaciones
53 464
🕹️ Steam Controller chiqdi — kompyuterlar uchun ideal geympadni 100 dollarga olish mumkin.
Bu deyarli Steam Deck'ning o‘zi, faqat kontroller formatida: magnitli stiklar, bitta quvvatda 35 soatgacha ishlash, yuqori aniqlikdagi vibratsiya, giroskop, sensorli panellar va ko‘p tugmalar.
Eng zo‘ri: agar o‘yinlar Deck bilan mos bo‘lsa, geympad Steam'dagi barcha o‘yinlar uchun tavsiya etilgan sozlamalarni avtomatik tarzda yuklab oladi. Ya'ni, o‘yinlarning 99 foizi uni allaqachon qo‘llab-quvvatlaydi.
📟 DigiTech
53 464
⚡️Xakerlar Rockstar Games tizimini buzib kirib, tovon puli talab qilishdi, biroq natijada tasodifan kompaniya qiymatini bir kunda 1 mlrd dollarga oshirib yuborishdi.
Sizdirilgan arxivdan GTA Online'ga tegishli raqamlar ma'lum bo’ldi va investorlar 12 yillik eski o‘yin kuniga 1,3 mln dollar, yiliga esa 500 mln dollar daromad keltirishini bilib qolishdi.
Xakerlar o’zlari bilmay kompaniya obro’sini oshirib qo’yishdi :)
📟 DigiTech
53 464
🗺️ Kaliforniyalik yigit kuryerlarga uyini qanday topishni tushuntirishdan charchab, yo‘lni dronlar yordamida ko‘rsata boshladi.
Tom BetJorj odatda hech kim bormaydigan chekkaroq joyda yashaydi. U haydovchilarga yo‘l bo‘yidagi belgilar bilan yo‘nalish berishga ham urindi, xaritalarda manzilini to‘g‘riladi — ammo hech biri yordam bermadi.
Yechim uning o‘z ishidan — ya'ni dron-shoulardan topildi. U yuzta dronni olib, uyining tepasida kuryerlar uchun «Noto‘g‘ri burilish» va «Yo‘lingizda davom eting» kabi ko‘rsatmalar porlab turadigan qilib sozladi.
📟 DigiTech
53 464
🖼️ NASA «Artemis II» missiyasining barcha suratlarini bir saytga to’pladi — yuqori sifatdagi 12 000 ta suratlar endi hamma uchun ochiq.
Bu har qanday didga mos keladigan fon rasmlarining ulkan arxividir: u yerda Yerni orbitadan turib olingan suratlari, kosmik kema va koinotning ajoyib manzaralari mavjud.
👉 Suratlarni yuklab olish uchun havola.
📟 DigiTech
53 464
⚡️Oracle bir kunda 30 000 xodimini ishdan bo‘shatib, ularni o’sha xodimlar o‘rgatgan neyrotarmoqqa almashtirdi.
IT mutaxassislaridan o‘z ishlarini to‘liq tasvirlab berish, so‘ngra bu ma’lumotlarni sun’iy intellektni o‘qitish uchun topshirish so‘ralgan. Keyin esa ularni kutilmaganda ishdan bo’shatishgan.
Shartnomalar bekor qilingani sababli ko‘pchilik xodimlarning hali muomalaga kiritilmagan aksiyalari kuyib ketdi, bu aksiyalarni rahbariyat an’anaviy mukofotlar o‘rniga bergan edi. Natijada odamlar nafaqat ish joyidan, balki o‘n minglab dollar kutilayotgan daromaddan ham ayrilishdi.
Oracle bittada juda ko’p xodimni ishdan bo’shatish bo’yicha Meta'ni ham ortda qoldirdi.
📟 DigiTech
53 464
⚡️Xotira inqirozi Mac mini’ga ham yetib keldi.
Endi Mac mini (M4) narxlari rasman 799 dollardan boshlanadi, chunki Apple 16+256 GB hajmga ega bazaviy versiyasini sotuvdan oldi.
Hozirda Apple Store'dagi boshlang‘ich konfiguratsiya — 16+512 GB. 2024-yilning kuzida namoyish etilganidan buyon Mac mini M4 narxi 599 dollardan boshlangan edi.
Aftidan, vaziyat bundan keyin yanada yomonlashadi.
📟 DigiTech
53 464
⚡️Volkswagen foyda va talabning pasayishi sababli o‘z zavodlarida XITOY avtomobillarini ishlab chiqarishni boshlashi mumkin.
Konsern 2026-yilni yomon boshladi: sof foyda qariyb uchdan birga, yetkazib berish hajmi esa 4 foizga kamaydi. Asosiy muammolar — Xitoy va AQSh'dagi sust savdo, raqobatning kuchayishi va bojlar bosimi.
Nemis gigantining o‘z elektromobillariga bo‘lgan talab keskin tushib ketgani sababli butun boshli zavodlari bekor turibdi. Ularning butunlay yopilib ketishiga yo‘l qo‘ymaslik va ulkan yo‘qotishlarni hech bo‘lmasa qisman qoplash uchun VW o‘z konveyerlarini Xitoy brendlariga ijaraga berishga tayyor.
📟 DigiTech
53 464
⚡️Maxsus xizmatlar endi o‘chirilgan bildirishnomalarni o‘qiy olmaydi — Apple ushbu zaiflikni iOS 26.4.2 versiyasida bartaraf etdi.
Bildirishnomalar tizimidagi zaiflik hatto Signal'dan ham o‘chirilgan xabarlarni qayta tiklashga imkon berardi. Yangi iOS’da ma’lumotlarni tozalash funksiyasi yaxshilangan, endi bildirishnomalar xotirada saqlanmaydi.
📟 DigiTech
53 464
🤖 Endi robotlarni minsa bo‘ladi — xitoyliklar birinchi robot-ot Qiji T1000 ni ishlab chiqishdi.
Bu jonivor bir tonna yukni tashiy oladi va mashina yurolmaydigan joylardan o‘ta oladi. U unchalik tez yurmasada, ammo qorda, tik qiyaliklarda va hatto olov ichida ham harakatlana oladi. Bitta zaryadda 2 kungacha chopadi.
📟 DigiTech
53 464
Dollarlaringiz uyda "uxlab" yotibdimi? Ularni ishga solish vaqti keldi! 💸
Inflyatsiya jamg‘armalaringizni "yeb qo‘yishiga" yo‘l qo‘ymang. Bugungi kunda AQSH dollarida yillik 8% daromad olish — bu shunchaki omonat emas, bu aqlli investitsiyadir.
Garant bank taklif etayotgan "Bingo" omonatining afzalliklari:
📈 Stavka: Yillik 8% (xorijiy valyuta uchun juda yuqori ko‘rsatkich).
💰 To‘lovlar: Har oy o‘z foizlaringizni yechib olishingiz mumkin.
📥 Imkoniyat: Dastlabki 3 oy davomida hisobni to‘ldirish imkoniyati mavjud.
13 oy ichida pulingiz siz uchun sezilarli foyda keltirsin.
👉 Batafsil ma’lumot: garantbank.uz
📞 Aloqa uchun: 1326
Reklama
53 464
⚡️Samsung 2027-yilda xotira inqirozi keskinlashishini kutmoqda.
Samsung Electronics vitse-prezidenti moliyaviy hisobotda korporatsiya talabni qondirishga ulgurmayotganini ma’lum qildi. Bundan tashqari, mavjud tendensiyalarga ko‘ra, kelgusi yilda vaziyat yanada yomonlashishi kutilmoqda. Mutaxassislarning fikricha, taqchillik 2030-yilgacha davom etishi mumkin.
Ayni vaqtda kompaniyaning ishlari a’lo darajada — birinchi chorakdagi operatsion foyda o‘tgan yilning shu davriga nisbatan qariyb 8 baravarga oshgan.
📟 DigiTech
53 464
🥽 Apple Vision Pro'dan voz kechadi.
MacRumors nashrining yozishicha, sotuvlar pastligi sababli Apple «fazoviy kompyuter»ning yangi avlodlarini ishlab chiqishdan voz kechib, uning o‘rniga Siri'li aqlli ko‘zoynaklarni ishlab chiqaradi.
Ko‘zoynak ikkita kameraga ega bo‘ladi: ulardan biri imo-ishoralarni tanib, Siri uchun «ko‘z» vazifasini o‘taydi. Biroq birinchi modelda hozircha ilg‘or datchiklar bo’lmaydi.
📟 DigiTech
53 464
⚡️JPMorgan tahlilchilarining fikricha, 2027-yilga borib iPhone tannarxining deyarli yarmi xotiraga to’g’ri keladi. Hozirda bu ko‘rsatkich 10% atrofida.
Nvidia kabi yirik buyurtmachilar zavodlarni ishlab chiqarish liniyalarini ommaviy xarid qilib, taqchillikni yuzaga keltirmoqda. Shu sababli yetkazib beruvchilar narxlarni oshirib, hatto Apple uchun ham shartlarni qat’iylashtiryapti.
Nazariy jihatdan ikkita ssenariy bor. Birinchisida, Apple marjani saqlab qolish uchun iPhone'ning boshlang‘ich narxini 1000 dollargacha oshiradi. Ikkinchisida esa kompaniya, xuddi MacBook Neo misolidagidek, foydadan voz kechib, bozorni kattaroq qismini egallashga urg’u beradi.📟 DigiTech
53 464
⚡️Polshalik bloger strimda pul yig‘ish bo‘yicha Ginnesning jahon rekordini o‘rnatdi — Petr Xanke to‘qqiz kunlik uzluksiz translyatsiya davomida saraton bilan kasallangan bolalarga yordam uchun 68 million dollar to‘play oldi.
Xayriya aksiyasini «Coldplay» guruhi sardori Kris Martin, «Arsenal»ning sobiq darvozaboni Voysex Shensny, Ispaniyalik futbolchi Lamin Yamal va boshqa mashhurlar qo‘llab-quvvatladi. Mehmonlarning bir qismi qo‘llab-quvvatlash belgisi sifatida sochini kalga oldirdi, translyatsiyani esa eng avjiga chiqqan pallasida 1,4 million tomoshabin kuzatdi.
📟 DigiTech
53 464
⚡️Meta xodimlarni ishdan bo‘shatishdan avval ularning harakatlari asosida sun’iy intellektni o‘qitib oldi.
21-aprel kuni Meta rahbariyati kompaniya ichida ma’lumotlar yig‘ishni boshladi: har bir klavish bosilishi, sichqoncha harakatlari yozib olindi va muntazam ravishda ekran skrinshotlari olindi. Xodimlarga bu yangi sun’iy intellekt agentlarini oddiy ofis ishlarini bajarishga va interfeyslar bilan ishlashga o‘rgatish uchun deb aytildi.
Biroq buning asl sababi 27-aprel kuniyoq ayon bo‘ldi. Mark Sukerberg «optimallashtirish va samaradorlikni oshirish» uchun 8000 nafar xodimni ishdan bo‘shatishini e’lon qildi. Kompaniya moliyaviy mablag‘larni aynan sun’iy intellektni yanada rivojlantirishga yo‘naltirishni rejalashtirmoqda. Ommaviy ishdan bo‘shatishlar bir oydan so‘ng boshlanadi.
📟 DigiTech
53 464
📲 OpenAI iPhone «qotili»ni chiqarmoqchi — insayderlarning xabar berishicha, kompaniya ilovalar o‘rnini sun’iy intellekt agentlari egallaydigan o‘z telefonini ishlab chiqmoqda.
Foydalanuvchi o‘ziga nima kerakligini aytsa, neyrotarmoq buni dasturlarni ochmasdan bajaradi. Tizim harakatlar kontekstini hisobga oladi va vazifalarning bir qismini qurilmaning o‘zida, murakkabroqlarini esa bulut orqali qayta ishlaydi.
📟 DigiTech
53 464
🥽 Apple Vision Pro ko‘zoynagi yordamida ilk tibbiy jarrohlik amaliyoti o‘tkazildi — uning yordamida bemorning ko‘zidan katarakta olib tashlandi.
Qurilma jarrohlik mikroskopidan 3D-tasvirni uzatib, uning ustiga bemorning tibbiy ko‘rik ma’lumotlarini joylashtirib turdi. Bu shifokorga boshqa ekranlarga chalg‘imasdan operatsiya qilish imkonini berdi.
📟 DigiTech
53 464
🕹️ PlayStation'da litsenziyalarni tekshirish tizimi paydo bo‘ldi: agar PS4 yoki PS5 30 kundan ortiq internetga ulanmasa, o‘yinlar ishga tushmasligi mumkin.
Yangi tizim faqat 2026-yilning 17-martidan keyin sotib olingan o‘yinlar uchun ishlaydi. Ayrim o‘yinchilar PS4'da 30 kunlik taymerni allaqachon payqashgan.
Sony o‘zgarishlar haqida hech kimni ogohlantirmagan — buni faqat qo‘llab-quvvatlash xizmati operatorlarigina tasdiqlamoqda.
📟 DigiTech
53 464
⚡️Tadqiqot: 15 yil ichida odamlar kuniga 28 foiz kamroq so‘z talaffuz qiladigan bo‘lishdi. Smartfonlar tufayli haqiqiy suhbatlashishga ehtiyoj kamaydi.
2005-yilda odamlar kuniga o‘rtacha 16,6 mingta so‘z aytishgan bo’lsa, 2019-yilga kelib bu ko‘rsatkich 12 mingtadan kamaygan. Ushbu pasayish eng ko‘p zumerlarda kuzatilgan.
📟 DigiTech
53 464
⚡️Odamlarni yollash ularni neyron tarmoqlar bilan almashtirishdan arzonroqqa tushmoqda — kompaniyalar botlarga odamlarning maoshidan ko‘proq pul sarflay boshlashdi.
Nvidia neyron tarmoqlarga butun jamoaning maoshlaridan ko‘ra ko‘proq mablag‘ sarflamoqda. Uber rahbari esa yillik sun’iy intellekt byudjetini bir necha oyda sarflab bo‘ldi, chunki kompaniya ichida hamma Claude yordamida kod yozyapti.
Claude allaqachon keskin talab tufayli narxlarni oshirib yuborgan. Agar avvallari korporatsiyalar har qadamda sun’iy intellektni joriy etayotgani bilan maqtanib yurgan bo‘lsa, endi bundan uyalishmoqda. Neyron tarmoqlar uchun bunday katta harajatlar aksiyadorlarda faqatgina vahima uyg‘otyapti.📟 DigiTech
