VP.Start

មកស្វែងយល់ពីវិធីការពារខ្លួនពីការវាយប្រហារតាមប្រព័ន្ធឌីជីថល ដើម្បីការពារទិន្នន័យសំខាន់ៗ និងកាត់បន្ថយហានិភ័យនៃការបាត់បង់ទិន្នន័យ។ https://youtu.be/ZX6Po0iH4t8?si=V5bn4S10fR7Bjk7r #VPStart #innovation #technolog

ការវិវត្តរបស់សង្គមនាពេលបច្ចុប្បន្ន បាននាំឱ្យតម្រូវការប្រើប្រាស់ថាមពលអគ្គិសនីកើនឡើងជាបន្តបន្ទាប់។ កំណើនតម្រូវការនេះបានក្លាយជាបញ្ហាប្រឈមដ៏សំខាន់មួយ ដែលទាមទារឱ្យមានដំណោះស្រាយប្រកបដោយនវានុវត្តន៍ និងប្រសិទ្ធភាព។ ហេតុអ្វីបានជាតម្រូវការថាមពលអគ្គិសនីក្នុងយុគសម័យឌីជីថលមានការកើនឡើងយ៉ាងឆាប់រហ័ស? នៅក្នុងយុគសម័យឌីជីថល មនុស្សម្នាក់ៗប្រើប្រាស់ឧបករណ៍អគ្គិសនីជាច្រើនប្រភេទសម្រាប់ការរស់នៅ និងការងារប្រចាំថ្ងៃ ដែលជាមធ្យមមានលើសពីពីរឧបករណ៍ក្នុងម្នាក់។ លើសពីនេះ ការកើនឡើងនៃការប្រើប្រាស់រថយន្តអគ្គិសនី (EV) ក៏បានជំរុញឱ្យតម្រូវការថាមពលអគ្គិសនីកាន់តែកើនឡើងផងដែរ។ កត្តាទាំងនេះទាមទារឱ្យមានប្រព័ន្ធគ្រប់គ្រងបណ្ដាញអគ្គិសនីដែលមានភាពវៃឆ្លាត និងមានប្រសិទ្ធភាព ដើម្បីឆ្លើយតបទៅនឹងតម្រូវការរបស់អ្នកប្រើប្រាស់។ ដំណោះស្រាយ Smart Grid របស់ VP.Start ត្រូវបានទទួលស្គាល់ដោយអគ្គិសនីកម្ពុជា (EDC) និងសហគ្រាសផ្គត់ផ្គង់អគ្គិសនីឯកជន ដែលជាបច្ចេកវិទ្យា ជួយកាត់បន្ថយភាពស្មុគស្មាញក្នុងការគ្រប់គ្រង និងចែកចាយថាមពលអគ្គិសនី។ ប្រព័ន្ធនេះរួមចំណែកកាត់បន្ថយការបាត់បង់ថាមពល បង្កើនប្រសិទ្ធភាពប្រតិបត្តិការ និងកាត់បន្ថយការដាច់ចរន្តអគ្គិសនីឱ្យនៅកម្រិតទាបបំផុត។ ជាផ្នែកមួយនៃគម្រោងធ្វើទំនើបកម្មឌីជីថលប្រចាំឆ្នាំ អគ្គិសនីកម្ពុជា (EDC) និង VP.Start បានបញ្ចប់ការអនុវត្តគម្រោងដោយជោគជ័យនៅខេត្តសៀមរាប ដែលរួមមានការដំឡើងឧបករណ៍ DRC IoT Devices ការត្រួតពិនិត្យប្រព័ន្ធ Smart Grid នៅក្នុងបន្ទប់បញ្ជា (Control Center) និងការផ្ទៀងផ្ទាត់ការដំឡើងឧបករណ៍ឱ្យស្របតាមស្តង់ដារបច្ចេកទេសដែលបានកំណត់ក្នុងគម្រោង។ ការអនុវត្តទាំងនេះបានរួមចំណែកពង្រឹងស្ថិរភាព និងប្រសិទ្ធភាពនៃការគ្រប់គ្រងបណ្ដាញអគ្គិសនី ស្របតាមទិសដៅនៃការអភិវឌ្ឍ Smart Grid នៅកម្ពុជា។ #VPStart #PLUM #SmartGridSolution #edc

ការធ្វើទំនើបកម្មឌីជីថលលើបណ្ដាញអគ្គិសនីកំពុងត្រូវបានអនុវត្តជាបន្តបន្ទាប់ ដើម្បីបង្កើនសមត្ថភាពក្នុងការគ្រប់គ្រងបណ្ដាញដោយប្រើប្រាស់បច្ចេកវិទ្យាវៃឆ្លាត។ ដំណើរការនេះត្រូវបានអនុវត្តដោយផ្អែកលើស្ថានភាព និងតម្រូវការជាក់ស្ដែងរបស់តំបន់នីមួយៗ តាមរយៈការរួមបញ្ចូលបច្ចេកវិទ្យាដែលសមស្របទៅនឹងលក្ខខណ្ឌរបស់បណ្ដាញអគ្គិសនីទាំងនោះ។ គោលបំណងសំខាន់គឺដើម្បីបង្កើនប្រសិទ្ធភាព ភាពជឿជាក់ និងគុណភាពនៃការផ្គត់ផ្គង់ថាមពលអគ្គិសនី ស្របតាមទិសដៅនៃការអភិវឌ្ឍបណ្ដាញអគ្គិសនីឆ្លាតវៃ (Smart Grid)។ ជាក់ស្ដែង នៅលើបណ្ដាញអគ្គិសនីក្នុងខេត្តត្បូងឃ្មុំ បច្ចេកវិទ្យា Smart Grid ត្រូវបានដាក់ឱ្យប្រើប្រាស់ដោយផ្អែកលើតម្រូវការជាក់ស្ដែងរបស់បណ្ដាញនៅតំបន់នោះ។ តាមរយៈគម្រោងប្រចាំឆ្នាំរវាងអគ្គិសនីកម្ពុជា (EDC) និង VP.Start ក្រុមវិស្វកររបស់ VP.Start បានដំឡើង DRC IoT Devices ជាច្រើនឈុត ដើម្បីភ្ជាប់ជាមួយបរិក្ខារអគ្គិសនី និងបង្កើតការគ្រប់គ្រងបណ្ដាញតាមរយៈប្រព័ន្ធ Smart Grid ប្រកបដោយប្រសិទ្ធភាព។ បន្ថែមពីនេះ ប្រព័ន្ធ Smart Grid មានសមត្ថភាពឆ្លើយតបបានយ៉ាងឆាប់រហ័ស ដោយផ្ញើព័ត៌មានជូនដំណឹងអំពីភាពមិនប្រក្រតីទៅកាន់ប្រតិបត្តិករគ្រប់គ្រងបណ្ដាញអគ្គិសនីភ្លាមៗ។ ទិន្នន័យដែលទទួលបានជាបន្តបន្ទាប់ អាចជួយឱ្យប្រតិបត្តិករធ្វើការវិភាគ វាយតម្លៃ និងដោះស្រាយបញ្ហាបានទាន់ពេលវេលា។ លទ្ធផលនៃការអនុវត្តបច្ចេកវិទ្យានេះ បានរួមចំណែករក្សាស្ថិរភាពនៃការផ្គត់ផ្គង់ថាមពលអគ្គិសនី កាត់បន្ថយការដាច់ចរន្តដែលជាការរំខានដល់អ្នកប្រើប្រាស់។ #VPStart #PLUM #SmartGridSolution #edc

តើដំណើរការនៃការធ្វើទំនើបកម្មឌីជីថលរបស់ VP.Start មានលក្ខណៈដូចម្ដេចខ្លះ? ការធ្វើទំនើបកម្មឌីជីថលរបស់ VP.Start មានលក្ខណៈងាយស្រួល និងរហ័ស ដោយដំណើរការដំឡើងមិនតម្រូវឱ្យមានការផ្លាស់ប្តូរបរិក្ខារចាស់ៗចេញនោះឡើយ។ នេះគឺជាការធ្វើទំនើបកម្មបែបឌីជីថល ដោយគ្រាន់តែភ្ជាប់ឧបករណ៍វៃឆ្លាត Smart Grid IoT របស់ VP.Start ទៅនឹងបរិក្ខារដែលមានស្រាប់ នោះប្រព័ន្ធគ្រប់គ្រងបណ្ដាញអគ្គិសនីនឹងត្រូវបានផ្លាស់ប្ដូរទៅជាប្រព័ន្ធឌីជីថលវៃឆ្លាតភ្លាមៗ។ ជាក់ស្តែង បេសកកម្មរបស់ VP.Start នៅតែបន្តចុះដំឡើងឧបករណ៍ DRC-015 ភ្ជាប់ទៅនឹងបរិក្ខារអគ្គិសនី LVDB និងត្រង់ស្វូរនៅក្នុងបន្ទប់ភ្លើង ដើម្បីធ្វើទំនើបកម្មបណ្ដាញអគ្គិសនីតង់ស្យុងទាប ជូនមជ្ឈមណ្ឌលបញ្ជា (DCC) របស់អគ្គិសនីកម្ពុជា។ ការភ្ជាប់ DRC-015 ទៅនឹងបរិក្ខារអគ្គិសនីទាំងនេះ គឺជាការរួមចំណែកបង្កើនប្រសិទ្ធភាពនៃការផ្គត់ផ្គង់ថាមពលជូនអ្នកប្រើប្រាស់ដោយគ្មានការរំខាន ជួយកាត់បន្ថយការបាត់បង់ថាមពល និងផ្តល់ព័ត៌មានបានរហ័សរាល់ពេលមានភាពមិនប្រក្រតីណាមួយកើតឡើងនៅក្នុងបន្ទប់ភ្លើង LVDB។ #VPStart #PLUM #SmartGridSolution #edc

ទិន្នន័យទទួលបានពីប្រព័ន្ធ DRS បានជួយកាត់បន្ថយភាពស្មុគស្មាញនៃដំណើរការទាញយកទិន្នន័យចេញពីនាឡិកាស្ទង់ថាមពលអគ្គិសនីនាពេលកន្លងមក។ DRS ផ្តល់ទិន្នន័យជាក់ស្ដែង ត្រឹមត្រូវ រហ័ស និងមានសុវត្ថិភាព ដែលជាមូលដ្ឋានគ្រឹះក្នុងការធ្វើសេចក្តីសម្រេចចិត្តប្រកបដោយភាពវៃឆ្លាត សម្រាប់ការគ្រប់គ្រងចំណូល-ចំណាយ ការវិភាគទិន្នន័យ និងការកំណត់ទិសដៅអភិវឌ្ឍឱ្យកាន់តែមានប្រសិទ្ធភាព។ លើសពីនេះ ប្រព័ន្ធនេះក៏ជួយលើកកម្ពស់ការថែទាំបរិក្ខារអគ្គិសនី និងពន្យារអាយុកាលប្រើប្រាស់ឱ្យបានយូរអង្វែងផងដែរ។ https://youtu.be/LN64HP5xNxM?si=AaNZt9T5AOJ6EBqC #VPStart #innovation #technology #DRS

កម្មវិធី The SIMA Journey នាថ្ងៃសុក្រ សប្ដាហ៍ក្រោយនេះ នឹងលើកយកប្រធានបទ "Why Do We Need Renewable Energy Integration?" មកចែករំលែកអំពីសារៈសំខាន់ និងឥទ្ធិពលនៃការរួមបញ្ចូលថាមពលកកើតឡើងវិញទៅក្នុងបណ្ដាញអគ្គិសនី ព្រមទាំងពិភាក្សាអំពីបច្ចេកវិទ្យា Smart Grid របស់ VP.Start បានត្រៀមខ្លួនរួចជាស្រេច ដើម្បីគាំទ្រការរួមបញ្ចូលថាមពលកកើតឡើងវិញនាពេលអនាគត។ #VPStart #innovation #technology

ដំណើរទស្សនកិច្ចក្រោមអធិបតីភាពដឹកនាំដោយ ឯកឧត្តម រឿត សុខុន នាយករង នាយកដ្ឋានធនធានមនុស្ស នៃកាកបាទក្រហមកម្ពុជា រួមជាមួយសការី និងយុវជនកាកបាទក្រហមកម្ពុជា មកទស្សនកិច្ចសិក្សានៅ VP.Start Sen Sok Valley Campus កាលពីថ្ងៃទី២៤ ខែកក្កដា ឆ្នាំ២០២៦។ ដំណើរទស្សនកិច្ចនេះរៀបចំឡើងក្នុងគោលបំណងស្វែងយល់អំពីនវានុវត្តន៍ និងដំណោះស្រាយបច្ចេកវិទ្យារបស់ VP.Start ដែលត្រូវបានអភិវឌ្ឍ និងដាក់ឱ្យប្រើប្រាស់ជាក់ស្តែងលើបណ្តាញអគ្គិសនីនៅកម្ពុជាអស់រយៈពេលជាងមួយទសវត្សរ៍។ សមិទ្ធផលទាំងនេះបានបង្ហាញថា ការបង្កើតបច្ចេកវិទ្យាមិនត្រូវបានកំណត់ដោយទីតាំងភូមិសាស្ត្រនោះទេ ប៉ុន្តែអាស្រ័យលើចក្ខុវិស័យ ការច្នៃប្រឌិត និងការប្តេជ្ញាចិត្តក្នុងការជម្នះឧបសគ្គ ដើម្បីបង្កើតដំណោះស្រាយដែលឆ្លើយតបទៅនឹងបញ្ហាប្រឈមជាក់ស្តែង។ តាមរយៈការស្រាវជ្រាវ និងការអភិវឌ្ឍជាបន្តបន្ទាប់ VP.Start បានបង្កើតដំណោះស្រាយបច្ចេកវិទ្យា SIMA Smart Grid, SIMA Smart Cities, SIMA Smart Home និង AlienCheck ដែលរួមចំណែកដោះស្រាយបញ្ហាក្នុងជីវភាពរស់នៅប្រចាំថ្ងៃ ពង្រឹងសន្តិសុខថាមពល និងលើកកម្ពស់ស្ថិរភាព ភាពធន់ និរន្តរភាព និងចីរភាពនៃប្រព័ន្ធថាមពល។ #VPStart #innovation #technology

កម្មវិធី The SIMA Journey បានលើកយកប្រធានបទស្តីពី “តើយើងអាចជំរុញការប្រើប្រាស់ថាមពលបៃតង តាមរយៈនវានុវត្តន៍ និងបច្ចេកវិទ្យាបានយ៉ាងដូចម្តេច?” ដែលផ្តោតលើការរួមបញ្ចូលថាមពលកកើតឡើងវិញតាមរយៈបច្ចេកវិទ្យា Smart Grid ដើម្បីកសាងអនាគតថាមពលបៃតងប្រកបដោយចីរភាព។ ការយល់ដឹងអំពីថាមពលស្អាត និងថាមពលបៃតង គឺជាជំហានដ៏សំខាន់ក្នុងការជំរុញការអនុវត្តដំណោះស្រាយបច្ចេកវិទ្យា ដែលអាចជួយពង្រឹងស្ថិរភាព ប្រសិទ្ធភាព និងភាពធន់នៃប្រព័ន្ធថាមពល។ ការប្រែប្រួលអាកាសធាតុ គឺជាបញ្ហាប្រឈមសកលដែលមនុស្សគ្រប់រូបគួរតែយល់ដឹងអំពីមូលហេតុ និងផលប៉ះពាល់របស់វា។ ការចូលរួមរបស់យើងម្នាក់ៗក្នុងការអនុវត្តដំណោះស្រាយប្រកបដោយចីរភាព និងការការពារបរិស្ថាន នឹងរួមចំណែកកសាងអនាគតបៃតងសម្រាប់មនុស្សជំនាន់បច្ចុប្បន្ន និងជំនាន់ក្រោយ។ #VPStart #innovation #technology

នៅ VP.Start យើងជឿជាក់ថា នវានុវត្តន៍ គឺមានសារៈសំខាន់ក្នុងការបង្កើតដំណោះស្រាយបច្ចេកវិទ្យា ដោយរួមបញ្ចូលជាមួយបរិក្ខារដែលមានស្រាប់ ដើម្បីធ្វើទំនើបកម្ម និងផ្លាស់ប្តូរទៅជាប្រព័ន្ធគ្រប់គ្រងឌីជីថលប្រកបដោយប្រសិទ្ធភាព។ ដំណោះស្រាយបច្ចេកវិទ្យាដែលកើតចេញពីនវានុវត្តន៍ទាំងនេះ បានជួយកាត់បន្ថយការបាត់បង់ថាមពលក្នុងប្រព័ន្ធចែកចាយអគ្គិសនីមុនពេលទៅដល់អ្នកប្រើប្រាស់ ដោយអាចកាត់បន្ថយបានរហូតដល់ ៣០% ផ្អែកលើលទ្ធផលនៃការសិក្សាករណីជាក់ស្ដែងកន្លងមក។ ការកាត់បន្ថយការបាត់បង់ថាមពលនេះ មិនត្រឹមតែបង្កើនប្រសិទ្ធភាពនៃប្រព័ន្ធអគ្គិសនីប៉ុណ្ណោះទេ ប៉ុន្តែថែមទាំងរួមចំណែកកាត់បន្ថយការបញ្ចេញឧស្ម័នកាបូនពីការផលិតថាមពល និងត្រៀមខ្លួនសម្រាប់ការរួមបញ្ចូលថាមពលកកើតឡើងវិញ ឆ្ពោះទៅកាន់អនាគតថាមពលបៃតងប្រកបដោយចីរភាព។ #VPStart #innovation #technology

Digital Twins ប្រៀបដូចជាការស្រមើស្រមៃ ឬការស្រមៃទុកជាមុនរបស់មនុស្សអំពីគម្រោងការ ឬវត្ថុណាមួយ មុននឹងបង្កើត ឬត្រូវអនុវត្តជាក់ស្តែង ដែលជាសមត្ថភាពកើតឡើងដោយធម្មជាតិរបស់មនុស្ស។ ប៉ុន្តែ នៅក្នុងយុគសម័យបច្ចេកវិទ្យា Digital Twins ត្រូវបានវិស្វករអភិវឌ្ឍឱ្យក្លាយជាគំរូឌីជីថលដែលមានរូបរាង និងដំណើរការស្រដៀងនឹងវត្ថុ ឬប្រព័ន្ធពិត។ តាមរយៈការក្លែងធ្វើ និងការវិភាគលើគំរូនេះ យើងអាចព្យាករបានជាមុនអំពីការវិវត្ត ឬបញ្ហាដែលអាចកើតឡើង ធ្វើឱ្យការរចនា ការអភិវឌ្ឍ និងការបង្កើតប្រព័ន្ធពិតកាន់តែងាយស្រួល មានប្រសិទ្ធភាព និងកាត់បន្ថយហានិភ័យឱ្យនៅកម្រិតទាបបំផុត។ https://youtu.be/Qsug0ttHpRc?si=r6fRqZWcm4bTwJl- #VPStart #innovation #technology

មកស្វែងយល់អំពី Digital Twins តាមរយៈវីដេអូខាងក្រោម ដែលបានចែករំលែកក្នុងកម្មវិធី The SIMA Journey ។ Digital Twins គឺជាបច្ចេកវិទ្យាទំនើបដែលត្រូវបានប្រើប្រាស់យ៉ាងទូលំទូលាយក្នុងវិស័យផ្សេងៗ ដើម្បីជួយដល់ការស្រាវជ្រាវ ការអភិវឌ្ឍ និងការធ្វើ Simulation ដែលបង្កើនប្រសិទ្ធភាពនៃការសម្រេចចិត្តកាន់តែវៃឆ្លាតជាងមុន។ https://youtu.be/Iarac7epxFw?si=YXGzJiD9s1YulQB_ #VPStart #innovation #technology

កិច្ចជំនួបពិភាក្សា និងចែករំលែកចំណេះដឹងរវាង VP.Start និងនិស្សិតមកពីវិទ្យាស្ថានជាតិពហុបច្ចេកទេសកម្ពុជា (NPIC) ស្តីពីការវិវត្តថ្មីៗនៃបច្ចេកវិទ្យា និងតួនាទីដ៏សំខាន់របស់នវានុវត្តន៍ក្នុងការជំរុញឱ្យបច្ចេកវិទ្យាទាំងនោះមាននិរន្តរភាព។ https://youtu.be/0vT3YbyTxmc?si=17tYnvoOR1XQzvJn #VPStart #innovation #technology #NPIC

វិស្វករជំនាញរបស់ VP.Start បានបញ្ចប់គម្រោងប្រចាំឆ្នាំជាមួយអគ្គិសនីកំពង់ចាមដោយជោគជ័យ។ គម្រោងនេះរួមមានការប្រឹក្សាបច្ចេកទេស ការវិភាគបណ្ដាញអគ្គិសនី ការដំឡើង DRC និងការចុះត្រួតពិនិត្យដោយផ្ទាល់នៅតាមទីតាំងដែលកំពុងប្រឈមនឹងបញ្ហាបច្ចេកទេស ដើម្បីបង្កើនប្រសិទ្ធភាព និងភាពជឿជាក់ក្នុងការផ្គត់ផ្គង់ថាមពលអគ្គិសនី។ ជាមួយនឹងដំណោះស្រាយបច្ចេកវិទ្យារបស់ VP.Start ម្ចាស់អាជីវកម្មអគ្គិសនីនឹងទទួលបានការគ្រប់គ្រងបណ្ដាញអគ្គិសនីតាមរយៈប្រព័ន្ធឌីជីថល ព្រមទាំងសេវាកម្មប្រឹក្សា ថែទាំ និងការឆ្លើយតបបញ្ហាបច្ចេកទេសបានយ៉ាងរហ័ស និងមានប្រសិទ្ធភាព។ #VPStart #PLUM #SmartGridSolution #edc

🌱🌏 ជួបគ្នាជាថ្មី ក្នុងកម្មវិធី The SIMA Journey របស់ VP.Start! ក្នុងសប្ដាហ៍នេះដែរ យើងនឹងលើកយកការពិភាក្សា និងចែករំលែកចំណេះដឹងអំពីតួនាទីរបស់នវានុវត្តន៍ និងបច្ចេកវិទ្យាបែបថ្មីរបស់ VP.Start ក្នុងការរួមចំណែកក្នុងការកាត់បន្ថយឧស្ម័នផ្ទះកញ្ចក់ចូលទៅក្នុងបរិយាកាស បង្កើនប្រសិទ្ធភាពនៃការប្រើប្រាស់ថាមពល និងជំរុញការរួមបញ្ចូលថាមពលស្អាតឱ្យកាន់តែទូលំទូលាយ ដើម្បីឆ្ពោះទៅរកអនាគតដែលប្រកបដោយចីរភាព និរន្តរភាព និងប្រសិទ្ធភាព។ ចុះឈ្មោះនៅតំណភ្ជាប់ខាងក្រោមនេះ ដើម្បីចូលរួមកម្មវិធី៖ https://sima.vpstart.com/event/57/register ចួបគ្នានៅក្នុងកម្មវិធី The SIMA Journey នឹងប្រព្រឹត្តទៅនៅ មជ្ឈមណ្ឌលស្រាវជ្រាវ និងអភិវឌ្ឍន៍ VP.Start Sen Sok Valley Campus នៅថ្ងៃសុក្រ ទី២៤ ខែកក្កដា ឆ្នាំ២០២៦។ #vpstart #innovation #technology

ក្រុមវិស្វករជំនាញរបស់ VP.Start ធ្វើដំណើរទស្សនកិច្ចទៅអន្តរជាតិ ដើម្បីស្វែងរកដៃគូផលិតឧបករណ៍វៃឆ្លាត (IoT Devices) នៅក្នុងបរិមាណច្រើនដើម្បីឆ្លើយតបទៅនឹងតម្រូវការទីផ្សារជាក់ស្តែង។ VP.Start មិនបង្កើតរោងចក្រផលិតឧបករណ៍ទាំងអស់នេះដោយខ្លួនឯងនោះទេ យើងត្រូវការដៃគូអន្តរជាតិជាច្រើនដើម្បីផលិតទៅតាមតម្រូវការដែលយើងចង់បាន។ #VPStart #innovation #technology

គ្រប់ដំណោះស្រាយ Smart Grid របស់ VP.Start សុទ្ធតែបានវិវត្តន៍ចេញពីបញ្ហាប្រឈមជាក់ស្តែងនៅលើបណ្ដាញអគ្គិសនី។ ដោយផ្អែកលើបទពិសោធន៍ និងគំនិតច្នៃប្រឌិត វិស្វកររបស់ VP.Start បានរចនា និងអភិវឌ្ឍដំណោះស្រាយបច្ចេកវិទ្យាដែលសមស្របទៅនឹងតម្រូវការ និងបរិបទនៃការប្រើប្រាស់របស់អតិថិជន។ តស់! មកស្វែងយល់អំពីដំណោះស្រាយ Smart Grid របស់ VP.Start ទាំងអស់គ្នា! https://youtu.be/7QK3C4EQs1M?si=3WzV4s9DIFbDQmkL #VPStart #innovation #technology

វិស្វករជំនាញរបស់ VP.Start បានចុះជួបអតិថិជនដែលជាម្ចាស់អាជីវកម្មចែកចាយថាមពលអគ្គិសនី ដើម្បីផ្តល់ការគាំទ្រផ្នែកបច្ចេកទេស ការប្រឹក្សាយោបល់ និងរួមចំណែកលើកកម្ពស់ប្រសិទ្ធភាពនៃការប្រើប្រាស់ដំណោះស្រាយ Smart Grid ។ ការចុះជួបនេះឆ្លុះបញ្ចាំងពីការប្តេជ្ញាចិត្តរបស់ VP.Start ក្នុងការយកចិត្តទុកដាក់ចំពោះអតិថិជនទាំងអស់ មិនថាជាអតិថិជនថ្មី ឬអតិថិជនដែលបានប្រើប្រាស់ដំណោះស្រាយរបស់យើងជាយូរមកហើយនោះទេ។ លើសពីនេះ ក្រុមវិស្វកររបស់យើងតែងតែចុះត្រួតពិនិត្យប្រព័ន្ធគ្រប់គ្រង និង Smart Grid IoT Solutions ដែលកំពុងដំណើរការរួមជាមួយបរិក្ខារអគ្គិសនី ដើម្បីជួយបង្កើនប្រសិទ្ធភាពនៃប្រតិបត្តិការ និងពន្យារអាយុកាលនៃបរិក្ខារឱ្យកាន់តែយូរផងដែរ។ #VPStart #innovation #technology

តើអ្វីទៅជាការធ្វើទំនើបកម្មឌីជីថលលើបណ្ដាញអគ្គិសនី? ការធ្វើទំនើបកម្មឌីជីថលលើបណ្ដាញអគ្គិសនី សំដៅលើការផ្លាស់ប្តូរពីការគ្រប់គ្រងបែបប្រពៃណី មកជាការគ្រប់គ្រងប្រតិបត្តិការតាមរយៈប្រព័ន្ធឌីជីថលវិញ។ នេះគឺជាការនាំយកបច្ចេកវិទ្យាមកជួយបំពេញតម្រូវការថាមពលដ៏ច្រើនលើសលប់ ស្របតាមបរិបទនៃការរស់នៅប្រចាំថ្ងៃរបស់មនុស្សនាសម័យបច្ចុប្បន្ន។ ជាក់ស្តែង នៅក្នុងសប្ដាហ៍នេះ ក្រុមវិស្វករជំនាញរបស់ VP.Start បានចុះដំឡើង DRC-010 ជូនក្រុមហ៊ុន អគ្គិសនី អ៊ី អិល ធី ភី ឯ.ក នៅខេត្តបាត់ដំបង និងមួយផ្នែកទៀត បានបន្តដំឡើងឧបករណ៍ DRC-015 នៅតាមទីតាំងសំខាន់ៗ ជូនមជ្ឈមណ្ឌលបញ្ជា (DCC) របស់អគ្គិសនីកម្ពុជា។ បេសកកម្មដំឡើង Smart Grid IoT ទាំងអស់នេះ គឺក្នុងគោលបំណងធ្វើទំនើបកម្មបណ្ដាញអគ្គិសនី ដើម្បីចូលរួមចំណែកបង្កើនប្រសិទ្ធភាពនៃការផ្គត់ផ្គង់ថាមពលជូនអតិថិជន ប្រកបដោយស្ថិរភាព ចីរភាព និងជួយកាត់បន្ថយការបាត់បង់ថាមពលក្នុងកំឡុងពេលបញ្ជូន។ #VPStart #PLUM #SmartGridSolution #edc

ការដោះស្រាយបញ្ហាប្រឈមសកលទៅលើបម្រែបម្រួលអាកាសធាតុ តាមរយៈការកាត់បន្ថយការបាត់បង់ថាមពល និងពង្រឹងប្រសិទ្ធភាព និងគុណភាពថាមពលឱ្យមាននិរន្តរភាព គឺជាគោលដៅចម្បងរបស់ VP.Start ក្នុងការពង្រីកខ្លួនចូលទៅកាន់ទីផ្សារអន្តរជាតិ ជាពិសេសប្រទេសកំពុងអភិវឌ្ឍន៍។ ការដោះស្រាយបញ្ហាតាមរយៈបច្ចេកវិទ្យាបែបថ្មីនេះ មានឥទ្ធិពលខ្លាំងទៅលើការអភិវឌ្ឍន៍សេដ្ឋកិច្ច ទាក់ទាញការវិនិយោគ និងជួយឱ្យអាជីវកម្មចែកចាយថាមពលមានការរីកចម្រើនផងដែរ។ #VPStart #innovation #technology

បង្កើតឡើងនៅក្នុងប្រទេសកម្ពុជា បង្កើតឡើងសម្រាប់ពិភពលោក។ នេះបង្ហាញពីភាពខ្លាំង មោទនភាព និងសមត្ថភាពពិតប្រាកដរបស់វិស្វករកម្ពុជា។ VP.Start បន្តដំណើរទៅមុខមួយជំហានទៀត នៅលើទឹកដីនៅក្នុងប្រទេសសិង្ហបុរី (Singapore)។ តើ VP.Start មានគោលដៅអ្វីនៅលើទឹកដីប្រទេសសិង្ហបុរី? #VPStart #innovation #technology