VP.Start

ដើម្បីក្លាយជាមនុស្សដែលមានគំនិតច្នៃប្រឌិត មនុស្សនោះ ត្រូវតែមាន ការគិតវិជ្ជមានជាមុនសិន។ តស់ មកស្វែងយល់បន្ថែមពីសក្កានុពលរបស់ មនុស្សដែលមានគំនិតច្នៃប្រឌិត នៅក្នុងវីដេអូខាងក្រោមទាំងអស់គ្នា! https://youtu.be/DQR0hbt-rgg?si=B6AvuZhKKi2HWn-d #VPStart #innovation #technology

ឱកាសការងារពី VP.Start! ✨ តស់! មកដាក់ពាក្យនៅ VP.Start ទាំងអស់គ្នា ដើម្បីចូលរួមបង្កើតនូវទំព័រថ្មីនៃបរិវត្តន៍បច្ចេកវិទ្យាបែបថ្មី ក្រោមចក្ខុវិស័យ “បង្កើតឡើងនៅកម្ពុជា បង្កើតឡើងដើម្បីពិភពលោក”។ យើងត្រូវការជ្រើសរើសក្រុមការងារជាច្រើនក្រុមដូចជា៖ 🚀 Data Analytics & Visualization engineer (១ នាក់) 🚀 Purchasing & Logistic Executive (១ នាក់) 🚀 Electrical & Documentation Engineer (១ នាក់) 🚀 Production Engineer (១ នាក់) 🚀 Marketing Executive (១ នាក់) 📅 ថ្ងៃផុតកំណត់ទទួលពាក្យ នៅថ្ងៃទី៣០ ខែកក្កដា ឆ្នាំ២០២៦ ខាងមុខនេះ! 📍 ទីតាំងសម្ភាសន៍៖ VP.Start Sen Sok Valley Campus ▶️ https://maps.app.goo.gl/LLTwGqkrYKadMaUS7 ☑️ ផ្ញើប្រវត្តិរូបសង្ខេបនៅទីនេះ៖ 📩 អុីម៉ែល៖ hr@vpstart.com 🌐 គេហទំព័រ៖ https://vpstart.com/careers #VPStart #innovation #technology

តើមានវិធីសាស្ត្រអ្វីខ្លះដែលអាចអភិវឌ្ឍខ្លួនឱ្យក្លាយជាមនុស្សដែលមានគំនិតច្នៃប្រឌិត? ទស្សនាវីដេអូខាងក្រោម ដើម្បីឈ្វេងយល់ពីវិធីសាស្ត្រដែលអាចជួយអភិវឌ្ឍសមត្ថភាពគំនិតច្នៃប្រឌិត និងស្វែងយល់ពីឥទ្ធិពលនៃគំនិតច្នៃប្រឌិត ដែលអាចចូលរួមដោះស្រាយបញ្ហាប្រឈមក្នុងការងារ អាជីវកម្ម និងការរស់នៅប្រចាំថ្ងៃរបស់មនុស្សបានផងដែរ! https://youtu.be/o8Dj-6YFjwk?si=dvfKA-QwPZ8xzaH_ #VPStart #innovation #technology

តើអ្វីទៅជាបដិវត្តន៍ឧបករណ៍វៃឆ្លាត (IoT Revolution)? តើបដិវត្តន៍ឧបករណ៍វៃឆ្លាត នឹងចូលរួមចំណែកផ្លាស់ប្តូរអ្វីខ្លះ ដើម្បីជួយកាត់បន្ថយភាពស្មុគស្មាញ និងជួយសម្រួលដល់ជីវភាពរស់នៅប្រចាំថ្ងៃរបស់មនុស្ស? កុំភ្លេចចូលរួមសិក្ខាសាលា “The SIMA Journey” ជាមួយ VP.Start ក្រោមប្រធានបទ “Why Do We Join the IoT Revolution?” នៅថ្ងៃសុក្រ សប្ដាហ៍នេះ នៅ VP.Start Sen Sok Valley Campus ។ សិក្ខាសាលានេះនឹងចែករំលែកអំពីឥទ្ធិពលនៃនវានុវត្តន៍ទៅលើការបង្កើតបច្ចេកវិទ្យាវៃឆ្លាត ការធ្វើបរិវត្តកម្មឌីជីថល (Digital Transformation) និងការអភិវឌ្ឍប្រកបដោយចីរភាព (Sustainable Development)។ តស់! ចុះឈ្មោះចូលរួមសិក្ខាសាលាទាំងអស់គ្នា! https://sima.vpstart.com/event/44/register ជួបគ្នានៅ៖ 🗓 កាលបរិច្ឆេទ៖ ថ្ងៃទី២៦ ខែមិថុនា ឆ្នាំ២០២៦ 🕘 ពេលវេលា៖ ម៉ោង ៩:០០ ព្រឹក – ១១:០០ ព្រឹក #VPStart #innovation #technology

វិស្វករជំនាញរបស់ VP.Start បានធ្វើដំណើរទៅកាន់ប្រទេសឡាវ ដើម្បីសិក្សាពីហេដ្ឋារចនាសម្ព័ន្ធអគ្គិសនី និងស្វែងយល់ពីបញ្ហាប្រឈមនានាទាក់ទងទៅនឹងការគ្រប់គ្រងបណ្តាញចែកចាយថាមពលអគ្គិសនីនៅក្នុងប្រទេសឡាវ ដើម្បីត្រៀមដាក់ឱ្យប្រើប្រាស់សាកល្បងនូវការដោះស្រាយបញ្ហាតាមរយៈបច្ចេកវិទ្យា Smart Grid របស់ VP.Start។ នេះគឺជាបេសកកម្មដ៏សំខាន់មួយរបស់វិស្វករយើងក្នុងការនាំយកនវានុវត្តន៍និងបច្ចេកវិទ្យាបែបថ្មីនេះ ទៅកាន់ទីផ្សារអន្តរជាតិ ដែលមិនត្រឹមតែជួយដោះស្រាយបញ្ហានៅលើបណ្ដាញអគ្គិសនីនៅក្នុងប្រទេសកម្ពុជាតែប៉ុណ្ណោះទេ ប៉ុន្តែថែមទាំងចូលរួមចំណែកអភិវឌ្ឍវិស័យថាមពលនៅក្នុងប្រទេសឡាវ ព្រមទាំងបណ្តាប្រទេសផ្សេងៗទៀតផងដែរ។ “បង្កើតឡើងនៅកម្ពុជា បង្កើតឡើងដើម្បីពិភពលោក” #VPStart #innovation #technology #edl

នេះគឺជាប្រធានបទសំខាន់ៗ នៃ The SIMA Journey ដែលប្អូនៗ អ្នកស្រាវជ្រាវ និងសាធារណជនទាំងអស់អាចចូលរួមដោយសេរីដើម្បីស្តាប់បទបង្ហាញសំខាន់ៗផ្សេងៗទាក់ទងទៅនឹងនិន្នាការថ្មីនៃបច្ចេកវិទ្យា, Modernization concept, Big Data, AI, Data-Driven journey, Digital Twin និងប្រធានបទសំខាន់ៗជាច្រើនទៀត ដែលទាក់ទងទៅនឹង នវានុវត្តន៍ និងបច្ចេកវិទ្យាសម្រាប់អនាគតប្រកបដោយនិរន្តរភាព។ សិក្ខាសាលានេះ ផ្តល់ឱកាសដល់អ្នកចូលរួមអាចចែករំលែកចំណេះដឹងទៅវិញទៅមក និងការចូលរួមវគ្គសំណួរចម្លើយជាមួយវិស្វកររបស់យើងនៅ VP.Start ដែលកម្មវិធីនេះនឹងរៀបចំឡើងរៀងរាល់ថ្ងៃសុក្រ ចាប់ពីម៉ោង ៩ ដល់ម៉ោង ១១ ព្រឹក។ The SIMA Journey បង្កើតឡើងសម្រាប់អ្នកស្រាវជ្រាវ សិស្សនិស្សិត វិស្វករ និងអ្នកវិទ្យាសាស្រ្តទាំងអស់ ដែលមានបំណងចង់អភិវឌ្ឍនវានុវត្តន៍ ការបង្កើតថ្មី និងគំនិតច្នៃប្រឌិត ដើម្បីប្រែក្លាយការគិតទៅជាដំណោះស្រាយជាក់ស្តែង។ ជួបគ្នារៀងរាល់ថ្ងៃសុក្រទាំងអស់គ្នា! #VPStart #innovation #technology

VP.Start សូមស្វាគមន៍ដំណើរទស្សនកិច្ចរបស់ ឯកឧត្តម ឌី បញ្ញា អគ្គលេខាធិការរងនៃព្រឹទ្ធសភា, ឯកឧត្តម ទេព ចរិយា ប្រធានសហភាពសហព័ន្ធយុវជនកម្ពុជាប្រចាំព្រឹទ្ធសភា និងសមាជិកទាំងអស់ មកកាន់ VP.Start Sen Sok Valley Campus នៅថ្ងៃចន្ទ ទី២២ ខែមិថុនា ឆ្នាំ២០២៦ នេះ។ ដំណើរទស្សនកិច្ចនេះ បង្ហាញពីការយកចិត្តទុកដាក់ និងការគាំទ្រពីសំណាក់ ស.ស.យ.ក ប្រចាំព្រឹទ្ធសភាចំពោះនវានុវត្តន៍ និងបច្ចេកវិទ្យាបែបថ្មី ដែលត្រូវបានបង្កើតឡើងដោយ VP.Start និងបានដាក់ឱ្យប្រើប្រាស់ដោយជោគជ័យ ក្នុងការជំរុញបរិវត្តកម្មឌីជីថលប្រព័ន្ធ Smart Grid ។ លើសពីនេះ នវានុវត្តន៍ និងបច្ចេកវិទ្យាទាំងនេះ នឹងត្រូវបានពង្រីកទៅកាន់ទីផ្សារអន្តរជាតិ ស្របតាមចក្ខុវិស័យរបស់ VP.Start “ផលិតឡើងដើម្បីកម្ពុជា និងផលិតឡើងដើម្បីពិភពលោក”។ #VPStart #innovation #technology

នៅក្នុងសប្ដាហ៍ថ្មីនេះ! វិស្វករជំនាញរបស់ VP.Start បានដំឡើង DRC-015 ចំនួន ៣ ទីតាំងសំខាន់ៗបន្ថែមទៀត ជូនមជ្ឈមណ្ឌលបញ្ជា (DCC) របស់អគ្គិសនីកម្ពុជា ដើម្បីភ្ជាប់ជាមួយបរិក្ខារអគ្គិសនី LVDB និងត្រង់ស្វូរ សម្រាប់ការផ្លាស់ប្តូរប្រព័ន្ធប្រតិបត្តិការទាំងមូលទៅជាប្រព័ន្ធឌីជីថល។ ការភ្ជាប់ DRC-015 ទៅកាន់បរិក្ខារអគ្គិសនីជាបន្តបន្ទាប់នេះ គឺជាការយកចិត្តទុកដាក់ក្នុងការពង្រឹងប្រសិទ្ធភាពនៃការបញ្ជូនថាមពលអគ្គិសនីជូនអតិថិជនឱ្យបានគ្រប់គ្រាន់ និងមានស្ថិរភាព។ DRC-015 មានសមត្ថភាពខ្ពស់ក្នុងការបញ្ជូនព័ត៌មានអំពីស្ថានភាពបណ្ដាញទៅកាន់ប្រព័ន្ធវៃឆ្លាត LMS នៅក្នុងបន្ទប់បញ្ជា។ រាល់ព័ត៌មានដែលត្រូវបានបញ្ជូន នឹងត្រូវរក្សាទុកជាទិន្នន័យសម្រាប់ការវិភាគ ដែលជួយសម្រួលដល់ប្រតិបត្តិករអគ្គិសនីក្នុងការធ្វើសេចក្ដីសម្រេចដោយផ្អែកលើទិន្នន័យជាក់ស្ដែង និងបង្កើនប្រសិទ្ធភាពក្នុងការវិភាគ ក៏ដូចជាការពង្រីកបណ្ដាញអគ្គិសនីឱ្យកាន់តែមានប្រសិទ្ធភាពជាងមុន។ #VPStart #PLUM #SmartGridSolution #edc

លោក អេង ចាន់ដារារិទ្ធ "ប្រសិទ្ធភាពផ្នែកសង្វាក់ផលិតកម្មនៅ VP.Start នៅពេលនេះ ជាការត្រៀមខ្លួនរួចជាស្រេច ដើម្បីឆ្ពោះទៅកាន់ឆាកអន្តរជាតិ។" បន្ទាប់ពីបង្កើតគំរូឧបករណ៍វៃឆ្លាតរួច តើធ្វើដូចម្តេចដើម្បីផលិតក្នុងចំនួនច្រើន ជាមួយប្រសិទ្ធភាពសង្វាក់ផលិតកម្មនិងគុណភាពនៃឧបករណ៍វៃឆ្លាត សម្រាប់ការប្រើប្រាស់ជាក់ស្ដែង? អានអត្ថបទពេញតាមរយៈតំណរភ្ជាប់ខាងក្រោម៖ https://www.vpstart.com/news-events/the-journey-to-develop-smart-grid-iot-devices-final-phase

តស់! មកស្វែងយល់ពីឥទ្ធិពលនៃគំនិតច្នៃប្រឌិត (Idea-Driven) ដែលបានជំរុញឱ្យ VP.Start អភិវឌ្ឍដំណោះស្រាយបច្ចេកវិទ្យាប្រកបដោយនវានុវត្តន៍ និងភាពលេចធ្លោខុសប្លែកពីគេ! https://youtu.be/F6r06WDTQH4?si=SY8V29h6b_2ROxVj #VPStart #innovation #technology

ប្រធានបទ “The Power of Creative Thinking” ត្រូវបានយកមកចែករំលែក និងពិភាក្សាក្នុងកម្មវិធី The SIMA Journey នៅ VP.Start Campus ដើម្បីចូលរួមចំណែកជំរុញផ្នត់គំនិតរបស់និស្សិតឱ្យមានភាពវិជ្ជមាន និងភាពច្នៃប្រឌិតក្នុងអំឡុងពេលសិក្សា ដែលជាមូលដ្ឋានសំខាន់ក្នុងការដឹកនាំទៅរកការគិតក្រៅប្រអប់ (Think Outside the Box)។ តើអ្វីទៅជាឥទ្ធិពលនៃគំនិតច្នៃប្រឌិត? គំនិតច្នៃប្រឌិត គឺជាសមត្ថភាពធម្មជាតិដែលមានស្រាប់នៅក្នុងមនុស្សគ្រប់រូបតាំងពីកំណើត។ វាជាកម្លាំងជំរុញឱ្យមនុស្សអាចបង្កើតគំនិតថ្មីៗ និងអភិវឌ្ឍបច្ចេកវិទ្យាទំនើបៗ ដើម្បីជួយដោះស្រាយបញ្ហា និងកាត់បន្ថយភាពស្មុគស្មាញនានាក្នុងជីវិតប្រចាំថ្ងៃ។ VP.Start បានមើលឃើញពីសារៈសំខាន់នៃការអភិវឌ្ឍគំនិតច្នៃប្រឌិត និងបានចូលរួមជំរុញនិស្សិតដែលកំពុងសិក្សាឱ្យខិតខំហ្វឹកហាត់ការគិត និងស្វែងរកគំនិតថ្មីៗ ដើម្បីសម្រេចបាននូវគោលដៅផ្ទាល់ខ្លួន ព្រមទាំងពង្រឹងសមត្ថភាពសិក្សាឱ្យស្របទៅនឹងតម្រូវការការងារជាក់ស្តែង និងការវិវត្តរបស់ពិភពលោកនាពេលបច្ចុប្បន្ន និងអនាគត។ #VPStart #innovation #technology

ចួបជាមួយលោក ផល្លី ក្រោមប្រធានបទ “The Power of Creative Thinking” ក្នុងកម្មវិធី The SIMA Journey នៅ VP.Start Sen Sok Valley Campus ដែលនឹងប្រព្រឹត្តទៅនៅថ្ងៃសុក្រ ទី១៩ ខែមិថុនា ឆ្នាំ២០២៦ ខាងមុខនេះ! តស់! ចុះឈ្មោះឥឡូវនេះ តាមរយៈតំណភ្ជាប់ខាងក្រោម៖ https://sima.vpstart.com/event/42/register #VPStart #innovation #technology

អបអរសាទរ ព្រះរាជពិធីបុណ្យចម្រើនព្រះជន្ម សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល ក្នុងព្រះរាជឱកាសព្រះរាជពិធីបុណ្យចម្រើនព្រះជន្មវស្សា គម្រប់ ៩០ ព្រះវស្សា យាងចូល ៩១ ព្រះវស្សា។ #VPStart #innovation #technology

ទស្សនាវីដេអូចែករំលែកអំពីអនាគតរបស់បច្ចេកវិទ្យា ដែលនឹងឆ្ពោះទៅរកនិន្នាការនៃការប្រើប្រាស់ទិន្នន័យធំ (Big Data) ទាំងអស់គ្នា! https://youtu.be/99eK_S4U980?si=PoIzBONCT_jEPiO0 #VPStart #innovation #technology

វិទ្យាស្ថានបច្ចេកវិទ្យាកម្ពុជា (ITC) និង VP.Start បានជួបពិភាក្សាការងារជាថ្មីម្តងទៀត នៅ VP.Start Sen Sok Valley Campus កាលពីថ្ងៃទី១៦ ខែមិថុនា ឆ្នាំ២០២៦។ កិច្ចជំនួបនេះ ធ្វើឡើងក្នុងគោលបំណងស្វែងរកចំណុចប្រសព្វរវាងគ្រឹះស្ថានសិក្សា និងវិស័យឯកជន ដើម្បីឈានទៅរកចីរភាពរួមគ្នា ក្នុងការគាំទ្រដល់ការអភិវឌ្ឍនវានុវត្តន៍ បច្ចេកវិទ្យា ការស្រាវជ្រាវ និងពង្រឹងកម្មវិធីសិក្សាឱ្យស្របទៅនឹងតម្រូវការជាក់ស្តែងនៃទីផ្សារការងារនាពេលបច្ចុប្បន្ន និងអនាគត។ #VPStart #innovation #technology

ស្វាគមន៍មកកាន់ The SIMA Journey! ក្នុងសប្តាហ៍ទី២នេះ The SIMA Journey នឹងនាំយកប្រធានបទថ្មីមួយទៀតសម្រាប់មកចែករំលែកដល់អ្នកចូលរួមទាំងអស់ទាក់ទងទៅនឹង "Real Challenges. Smart Solutions. Lasting Impacts" ដែលនឹងបង្ហាញអំពីការមើលឃើញបញ្ហាប្រឈមនានា ការដោះស្រាយបញ្ហាតាមរយៈការបង្កើតដំណោះស្រាយវៃឆ្លាតនៃបច្ចេកវិទ្យា និងលទ្ធផលដែលអ្នកប្រើប្រាស់នឹងទទួលបានបន្ទាប់ពីប្រើប្រាស់នូវដំណោះស្រាយនោះ។ ស្វែងយល់ពីអាថ៌កំបាំងនៅពីក្រោយការបង្កើតដំណោះស្រាយវៃឆ្លាតរបស់ VP.Start តាមរយៈការបង្ហាញនូវរឿងរ៉ាវជាក់ស្តែង ដែលអាចឱ្យអ្នកចូលរួមទទួលបានពុទ្ធិថ្មីៗ និងមានវេទិកាសំណួរចម្លើយជាច្រើនទៀតផងដែរ។ ចួបគ្នានៅ ថ្ងៃទី១៩ ខែមិថុនា ឆ្នាំ២០២៦ នៅ The SIMA Journey Hub នៅ VP.Start Sen Sok Valley Campus ចាប់ពីម៉ោង ៩ ដល់ម៉ោង ១១ ព្រឹក! #VPStart #innovation #technology

នវានុវត្តន៍និងបច្ចេកវិទ្យារបស់ VP.Start ត្រូវបាននាំយកទៅចែករំលែកនិងដាក់បង្ហាញនៅវិទ្យាស្ថានពហុបច្ចេកទេសភូមិភាគតេជោសែនតាកែវ (RPITST) នាព្រឹកថ្ងៃទី ១៥ ខែមិថុនា ឆ្នាំ២០២៦ នេះ។ ការចូលរួមនាឱកាសនេះ គឺក្នុងគោលបំណងបង្ហាញនិងចែករំលែកនូវបច្ចេកវិទ្យាបែបថ្មី ជូនដល់សិស្សានុសិស្ស ដើម្បីឱ្យពួកគាត់អាចឈ្វេងយល់ពីការងារជាក់ស្តែងរបស់ក្រុមការងារយើងដោយផ្ទាល់។ ទាំងអស់នេះជាការរួមចំណែកមួយរបស់ VP.Start ក្នុងការជំរុញការសិក្សារបស់និស្សិតឱ្យកាន់តែរីកចម្រើន និងសម្រេចបាននូវគោលដៅទៅថ្ងៃអនាគត។ #VPStart #innovation #technology

ផ្នែកថែទាំអតិថិជនរបស់ VP.Start តែងតែចុះជួបអតិថិជន—ទាំងអ្នកប្រើប្រាស់ថ្មី និងចាស់—ដើម្បីប្រមូលព័ត៌មានសំខាន់ៗ ស្វែងយល់ពីបញ្ហាប្រឈមជាក់ស្តែង ប្រឹក្សាយោលបល់ និងផ្តល់ដំណោះស្រាយអំពីការប្រើប្រាស់ប្រព័ន្ធឱ្យបានពេញលេញទាំងបញ្ហាបច្ចេកទេស និងបញ្ហាប្រឈមផ្សេងៗជូនអតិថិជនក្នុងអំឡុងពេលចុះជួបនោះផងដែរ។ លទ្ធផលបន្ទាប់ពីការប្រើប្រាស់ដំណោះស្រាយរបស់ VP.Start គឺជាអាទិភាពដែលយើងតែងតែគិតគូរជានិច្ចដល់អតិថិជន។ ទំនាក់ទំនងក្រុមការងាររបស់ VP.Start តាមរយៈតំណភ្ជាប់ខាងក្រោម៖ https://www.vpstart.com/customer-care #VPStart #innovation #technology

សប្ដាហ៍ថ្មីនេះ! វិស្វកររបស់ VP.Start បានដំឡើង DRC-001 និង DRC-018 ជាច្រើនឈុត និងបន្តបេសកកម្មរបស់ខ្លួនក្នុងការភ្ជាប់ DRC-015 នៅតាមបន្ទប់ភ្លើងសំខាន់ៗជាច្រើនបន្ថែមទៀត ទៅកាន់មជ្ឈមណ្ឌលបញ្ជា (DCC) របស់អគ្គិសនីកម្ពុជា។ បេសកកម្មរួមគ្នាជាមួយអគ្គិសនីកម្ពុជានេះ ក្នុងគោលបំណងផ្លាស់ប្តូរការគ្រប់គ្រងបណ្ដាញអគ្គិសនីនៅកម្ពុជា ឱ្យក្លាយជាបណ្ដាញអគ្គិសនីវៃឆ្លាត ដែលអាចគ្រប់គ្រង និងបញ្ជាប្រតិបត្តិការនានាតាមប្រព័ន្ធឌីជីថល ដោយប្រើប្រាស់បច្ចេកវិទ្យា Smart Grid របស់ VP.Start។ ការអនុវត្តគម្រោងនេះបានបង្ហាញឱ្យឃើញថា អគ្គិសនីកម្ពុជាបានមើលឃើញពីការប្រែប្រួលនៃសង្គម និងតម្រូវការប្រើប្រាស់ថាមពលអគ្គិសនីដែលកំពុងកើនឡើងជាបន្តបន្ទាប់ ហើយបានត្រៀមខ្លួនជាមុនតាមរយៈការធ្វើទំនើបកម្មបណ្ដាញអគ្គិសនី ដើម្បីធានាស្ថិរភាព និងភាពជឿជាក់នៃការផ្គត់ផ្គង់ថាមពលជូនអតិថិជន។ #VPStart #PLUM #SmartGridSolution #edc

“Big Data Era: A Journey Toward Data-Driven Technology” ត្រូវបានចែករំលែកក្នុងសិក្ខាសាលានៅ VP.Start SIMA Journey Hub ។ កម្មវិធីចែករំលែកចំណេះដឹង និងគំនិតច្នៃប្រឌិតរបស់ VP.Start នៅតែបន្តសម្រាប់ប្អូនៗនិស្សិតដែលមានចំណាប់អារម្មណ៍ និងចង់មកស្វែងយល់អំពីនវានុវត្តន៍ និងបច្ចេកវិទ្យាបែបថ្មី ដែលត្រូវបានស្រាវជ្រាវ និងអភិវឌ្ឍដោយវិស្វកររបស់យើងនៅទីនេះ។ តើកម្មវិធី The SIMA Journey នេះ បង្កើតឡើងដើម្បីអ្វី? គោលបំណងរបស់ VP.Start គឺចង់រួមចំណែកក្នុងការពង្រឹង និងអភិវឌ្ឍធនធានមនុស្សនៅកម្ពុជាក្នុងវិស័យបច្ចេកវិទ្យា ឱ្យកាន់តែរីកចម្រើន និងមានសមត្ថភាពប្រកួតប្រជែងលើឆាកអន្តរជាតិ។ ភាពច្នៃប្រឌិត (Creativity) ភាពវិជ្ជមាន (Positivity) និងផ្នត់គំនិតសកល (Global Mindset) គឺជាគន្លឹះសំខាន់ដែលអាចជួយឱ្យប្អូនៗឈានទៅដល់គោលដៅសិក្សា និងអាជីពរបស់ខ្លួនបានកាន់តែលឿន និងមានប្រសិទ្ធភាព។ ការអភិវឌ្ឍបច្ចេកវិទ្យាមួយឱ្យក្លាយជាដំណោះស្រាយពិតប្រាកដ ត្រូវការការរួមបញ្ចូលនៃចំណេះដឹង ជំនាញ ភាពច្នៃប្រឌិត និងការគិតប្រកបដោយទំនួលខុសត្រូវ ដើម្បីធានាថាបច្ចេកវិទ្យានោះមានគុណភាព សុវត្ថិភាព ស្ថិរភាព និងមិនប៉ះពាល់ដល់បរិស្ថាន។ #VPStart #innovation #technology