Тиімді Қазақстан

Түрлі тілдердегі кітаптарды жүктеп алуға болатын тегін онлайн-кітапханалар 📌 MyBook — кітап оқуға арналған қолайлы, электронды кітапхана мен қосымша. Қосымшада тегін шығармалары бар бөлім қолжетімді – олардың саны 193 000-нан асады. Олардың арасында шағын әңгімелер де, әлемдік әдебиет шығармалары да бар. 📌 Project Gutenberg — әлемдегі алғашқы онлайн-кітапханалардың бірі. Мұндағы кітаптар еркін түрде, тегін қолжетімді — қазіргі таңда саны 60 000-нан асады. Кітаптар ағылшын, неміс, француз және португал тілдерінде қолжетімді. 📌 Europeana — бүкіл Еуропаға арналған цифрлы кітапхана. Сайтта электронды кітаптарды ұсынатын негізгі серіктестер — түрлі елдердің ұлттық кітапханалары. Өнер немесе спорт сияқты тақырыптық бөлімдері де бар. Кітаптар француз, неміс және ағылшын тілдерінде қолжетімді. 📌 Books Should Be Free — 7000-нан астам электронды кітаптар мен аудиокітаптар. Таңдау өте үлкен — кітаптар 20-ға жуық санатқа бөлінген. Файлдар 30 тілде қолжетімді, тізімде тіпті эсперанто да бар. 📌 Great Books and Classics — мұнда түрлі тілдердегі «Гильгамеш туралы аңыздан» бастап, Архимед шығармаларына дейінгі классикалық әдебиеттің үлкен көлемін табуға болады. 📌 Open Library — ағылшын тіліндегі қолжетімді кітаптрдың барлық дерлік онлайн нұсқаларын тегін табуға болатын ең үлкен онлайн кітапхана. Біраз бұрын біз қазақ тілін үйренуге арналған тегін ресурстар жайлы жазба жариялағанбыз. Сол жазбадан да тегін электронды кітаптары бар сайттарды таба аласыздар 👈 Жазбаны Creative Asia арнасындағы әріптестеріміз әзірледі. Олар тегін курстар, шетелде оқуға арналған стипендиялар жайлы жазады, жалпы, түрлі пайдалы ақпараттармен бөліседі 👍 Алып қосарларыңыз болса, пікірлер бөліміне қалдыра кетіңіздер 🙌

Қытайдан шыққан көліктердің барлық артықшылықтары мен кемшіліктері Аталмыш көліктерді алу қажеттігін немесе қажетсіздігін бағалай алуларыңыз үшын қытайлық Kia Seltos пен Hyundai Elantra жайлы жазбаның астындағы барлық пікірлерді оқып шықтық. Артықшылықтары: + бағасы автосалондардан 2 миллион ₸ төмен (жергілікті нөмірі бар бір көліктің құны шамамен 8-9 миллион ₸) + көліктерді алдын ала төлемсіз бөліп төлеуге болады (бағасы өзгермейді) + жинақталуы біздің үлгілерге қарағанда жақсырақ, толығырақ (интеллектуалды адаптивті круиздік бақылау, 360 камерасы бар) + өз бағасы үшін ыңғайлы әрі сенімді көлік + мультимедианы орыстандыру жүруде + отын шығыны аз Негізгі аргумент: қытайлықтар өз халқы үшін сапасыз зат шығармайды, олар көлікті орта есеппен 2-3 жылға алады. Егер сіз де осы кезеңге алуды жоспарласаңыз, қандай да бір мәселелер туындамауы керек. Бастысы, уақытылы қызмет көрсетіп, күтіп ұстау. Кемшіліктері: - салондар Trade In-де импорттық көліктерді қабылдамайды. Қайталама нарықта сату қиынырақ болады. - біздің көліктердің қосалқы бөлшектері жарамайды. Қытайлық элантра біздікінен 5 см қысқа, сондықтан қажет болған жағдайда бөлшектерін табу қиын болады. Ал дилерлерде мұндай қосалқы бөлшектердің каталогтары жоқ. - орыс тілі бар болса да, әлі де Baidu-ға қосылған. - кепілдіктің болмауы (сатушылар бір жылға береді, бірақ ол автосалондағыдай болмайды. Мысалы, Hyundai 5 техникалық қызмет көрсетуді сыйлыққа береді және 5 жыл немесе 100 000 шақырымға кепілдік береді). - қытайлық вариаторының ресурсы Қазақстанда құрастырылған көлікке қарағанда аз. - жылдам старт немесе тайғанау деген жоқ, тек қана вариаторда "баяу" қозғалыс - мырыштау жоқ. Шанағы коррозияға қарсы қапталмаған, сондықтан құрыш пленкасымен қаптауға, түбін өзіңіз өңдеуге тура келеді. - дыбыс оқшаулау біздің жинақтарға қарағанда нашар - рульді, әйнек пен орындықтарды жылыту жоқ деп естідік (оқырмандар қателескен болуы мүмкін, Youtube-тағы бірнеше шолуда жылыту бар екенін көргенбіз, сондықтан анықтап, біліп алған жөн) Ешкімді айыптамайық, әркім шешімді өз қаржылық жағдайына байланысты қабылдайды. Әрине, мүмкіндік болса өзіміздің немесе корейлік жинақты алған дұрыс. Енді қытайлық көлікті алғанда не нәрсе күтіп түрғанын білетін боласыздар. https://t.me/tiimdiqazaqstan

10 минут уақытыңызды бөліп, миллиондаған теңгені сақтап қалыңыз Соңғы 2 аптада бізге ата-анасы алаяқтарға алданып қалған 4 оқырманымыз жазды: алаяқтар оларды несие алуға, ақша жіберуге, тіпті қолма-қол ақша беруге мәжбүрлеген. Сома 500 мың ₸-ден 7,5 миллион ₸-ге дейін жетеді 🥲 Мұндай жағдайда тек полицияға хабарласуға болады, олар қылмыстық іс қозғайды, бірақ ақшаны қайтарып берген жағдайлар жайлы естімеппіз (араларыңызда естігендер бар ма?). Егер жәбірленуші ақшаны немесе картаны өзі алмағаны анықталса, яғни алаяқтар ақшаны жәбірленушінің қатысуынсыз өз есепшоттарына аударып алған болса, онда несиенің күшін жоюға болады. Бірақ егер ақшаны жәбірленуші өзі берген болса (аударған немесе қолма-қол берген), онда мұндай несие есептен шығарылмайды, яғни оны төлеуге тура келеді. Сондықтан ата-аналарыңызбен сөйлесіп, төмендегілердің бәрі алаяқтықтың кең таралған түрлері екенін айтыңыздар: • «Емханадан» қоңырау шалып, флюорографияға немесе скринингке шақырады, содан кейін жазылымды растау үшін SMS-код сұрайды. • Бейнеқоңырау арқылы құқық қорғау органының қызметкері ретінде (форма киіп, артына Президенттің портретін іліп қояды) қоңырау шалып, банк қызметкерлерінің қылмыстық әрекеттерін ашуға көмек көрсетуді сұрайды. • Чаттарда қандай да бір курсты немесе оқытуды «тегін береді». • Техникалық қолдау қызметінен WhatsApp немесе Telegram-ға хабарлама жібереді. Есептік жазбаны жою туралы өтініш түскендей етіп хабарлайды. • Ұялы байланыс операторы ретінде нөмірдің әрекет ету мерзімі жақында бітетіндігін хабарлап, ұзартуды қалайды ма, соны сұрайды. • Қазақстандық емес нөмірден келген кез келген аудио немесе бейне қоңырау (немесе бейтаныс электрондық поштадан келген хабарлама). Тіпті алаяқтар жасанды интеллект көмегімен сіздің бетіңізді жасап алған болуы да мүмкін. • "eGov-қа келген кодты жіберіңіз." • Қандай да бір жарыста біреуге дауыс беру туралы өтініш. • Күніне $100+ төленетін кез келген онлайн қосымша жұмыс. Көбінесе мәтінді қайта теру немесе әлеуметтік желілерде лүпіл басу/пікір жазу. • Қарызға ақша сұраған кез келген адам (жеке хабарласуын сұрасын). • Сіз өзіңіз жол көлік оқиғасына тап болдыңыз, енді мәселені «шешу» үшін белгілі бір мекенжайға қолма-қол ақша жіберу керек (курьер алып кетеді). • Сыйлық беретін денсаулыққа арналған тауарлар мен қызметтерді жарнамалау (массажға арналған жамылғылар немесе орындықтар). • WhatsApp арқылы салық кеңсесінен келген кез келген хабарламалар (олар хабарламаны тек пошта арқылы немесе салық төлеушінің жеке кабинетіне жібереді). Жалпы, SMS-ке, банк қосымшалары мен ақшаға қатысты істің бәрінде абай болған жөн. Бірде-бір банк, пошта бөлімшесі немесе емхана сізден ақша жіберуді, оның үстіне SMS-кодты айтуды сұрамайды. Мүлде тыңдамауларын, тұтқаны қоя салулары керектігін түсіндіріп айтыңыздар. Осындай жағдайға тап болған кездеріңіз болды ма және қашан болып еді? Егер қосарыңыз болса, жаза кетіңіз👇

Айтпақшы, Отау бойынша биылғы тізім жарық көрді Тізімге өткендердің минималды ұпайлары мынадай: 35 жасқа дейінгі тұлғалар — 454,78 ұпай 36 жастан басталатын тұлғалар — 530,55 ұпай Тізімде 0,02 ұпай жетпей қалғандар да болды 🥲

Отбасы банкте жеңілдікпен ипотека рәсімдеу мүмкін бе? «Наурыз» бен «Отау» тиімді ипотекаларына жасаған шолуымызда біз қорытынды тізімге жыл сайын ең көп ұпай жинаған қатысушылар өтетінін жазған болатынбыз. Ал бұл ұпайлар не үшін беріледі? «Наурыз» бағдарламасы бойынша: - Балалы болу (санына қарамастан) — 10 ұпай - Тіркелген неке (ұзақтығына қарамастан) — 5 ұпай - 35 жасқа дейін — 5 ұпай - Отбасы Банктегі депозит бойынша сыйақы мөлшері үшін — әр 1000₸-ге 1 ұпай. - Халықтың әлеуметтік осал топтарына жататындар — 10 ұпай «Отау» бағдарламасы бойынша: - Тркелген неке (ұзақтығына қарамастан) — 10 ұпай - Балалы болу (санына қарамастан) — 50 ұпай - Салым сыйақысының сомасы — әр 1000₸ үшін 5 ұпай - Салым мерзімі — депозит ашылған әр жыл үшін 5 ұпай Ұпайлар саны бірдей болған жағдайда, депозитте ең көп жинақ сомасы бар және салым мерзімі ұзағырақ (біріншісі екіншісіне қарағанда басымырақ) тұлғаларға басымдық беріледі. Егер сіздің балаңыз болмаса, отбасылы болмасаңыз әрі халықтың осал топтарына жатпайтын болсаңыз, онда аталмыш ипотекаларға өтудің жалғыз мүмкіндігі — «Отбасы банкінде» ұзағырақ әрі көбірек ақша жинау. Бұл жазбаның қажеті не? Уақытыңызды үнемдеп, мүмкіндігіңіз аз екенін түсінсеңіз, 1 миллион ₸ «Отбасы Банкінде» босқа салмауыңыз үшін. Себебі екі бағдарлама бойынша да өтініш беру үшін «Отбасы банкінде» осы сомадан басталатын депозит болуы керек. Немесе, керісінше, белсендірек жинай бастау үшін, себебі аталмыш бағдарламалар 2031-2032 жылдарға дейін жыл сайын өтінім қабылдайды. Бұл ипотекалар бойынша шолуларымызға сілтеме жазбаның басында. https://t.me/tiimdiqazaqstan

Дұрыс үнемдеу жайлы екі кереғар пікір Қайсысы сізге жақын? 👾 — Жапондық қыз 🌚 — Марғұлан Сейсембай

ForteBlue карталары бойынша тиімді өзгерістер (бұл жалақы алуға таптырмас карта) Ай сайынғы 15%-ға дейінгі жоғарылатылған бонустарға енді төмендегілер қосылады: • картадағы орташа тәуліктік қалдық 60 000₸ басталса, тағы 1% бонус беріледі (барлығына) • банкте 1,5 миллион ₸ -ден басталатын депозиті барларға тағы 1% бонус (картаға жалақы алатындар үшін) Мысалы, мамырда стандартты түрде тамақ жеткізуге 5% немесе таксиге 10% немесе Forte Market-те 15% немесе киім-кешек пен аяқ киімге 3% таңдауға болады (екеуін таңдау керек). Жоғарыда көрсетілген шарттарды орындасаңыз, бұл бонустарға +2% ала аласыз. Такси үшін 12% бүгінгі таңдағы ең тиімді нұсқа 👍 Неліктен аталмыш карта жалақы алу үшін тиімді? • Шығару мен қызмет көрсетуі толығымен тегін • Айына 7 миллион ₸ дейін ақша шешіп алу комиссиясыз жүзеге асады • Айына 500 мың ₸-ге дейін басқа да ақша шешіп алулар тегін • Айына 500 мың ₸-ге дейінгі аударымдар комиссиясыз Бонустар бойынша шарттар: транзакция өңделгеннен кейін 3-4 күн ішінде есептеледі. Кез келген POS терминалда сауда жасау кезінде немесе Forte қосымшасындағы «Төлемдер» бөлімінде жұмсауға болады. Тәуліктік бонустар шегі — 10 000Б, айына — 30 000Б дейін. Басқа да артықшылықтары (барлық Forte карталары үшін): - Forte Forex-те тиімді валюта айырбастау - Alem мен Золотая Корона арқылы шетелге тиімді аударымдар - Серіктестік желісінде 16%-ға дейін бонустар («Қосымша» бөліміндегі тізім → Супер кешбэк) - Жедел аударым жүйесіне қатысуы. - Сауда нүктелерінің МСС кодын білуге ​​болады. Бұл не? Кез келген адам картаны қосымшада немесе банк бөлімшелерінде аша алады. Жалақы аталмыш картаға түспесе, қызмет көрсетуі тек бірінші жылы тегін болады (ары қарай жылына 2000₸). Комиссиясыз толтыру бойынша нұсқаулық 👉 сілтемеде ( №1, 4, 5, 10, 11 әдістерді қараңыз) | Карталар бойынша біздің нұсқаулық 👉 сілтемеде | Қосымшаға бейне шолу сілтемеде. Жалақысын осы картаға алатындардан 🔥 | https://t.me/tiimdiqazaqstan

Алматылықтарға тағы да қызыға қараудамыз 🫠 ryadom.kz сайтында мына азық-түлікке 50% жеңілдік қолжетімді (скриншоттағы). Егер бірінші тапсырыс кезінде промокод қолдансаңыз, бағалар төмендегідей болады: • Makfa жоғарғы сұрыпты ұны 1 кг – 122₸ • Сүт 2,5% Adal 0,9 л — 172₸ • Дара күркетауық шұжығы – 280₸ • Toblerone шоколады 100 гр. — 365₸ • Картоп пюресі қосылған тефтели дайын түскі асы — 323₸. • Сондай-ақ жалбыз лайм Fuse Tea 0,5 — 1₸ (2 данасын қосуға болады) Бұл позицияларды қалай табуға болады? Сайттың негізгі бетінде бөлек бөлім болады. Науқан 3 маусымға дейін жалғасады, бірақ ертерек аяқталуы мүмкін. Бір тапсырысқа осы заттардың 1 данасын салуға болады, бірақ бұл тауарлар салынған себетке бір күнде 3 бөлек тапсырыс жасауға болады. Промокодтар: • PF-YBBSSBK — 4000₸ басталатын бірінші тапсырысқа 2000₸ жеңілдік • PC-AJF69MR — 4000₸ басталатын кез келген тапсырысқа 1000₸ жеңілдік Жеткізу тегін. Тапсырысыңызды 4000₸ қалай толтыратыныңызды білмесеңіз, 10 жұмыртқа, 1 литр Шедевр күнбағыс майы мен Barilla фарфалле пастасын қосуға болады. Бұл тауарлар 4300₸ шығады, бірінші промокодты пайдалану арқылы 2300₸ болады. Тапсырыс беру. https://t.me/tiimdiqazaqstan

Temu-дан тапсырысымызды алдық. Шолу Тапсырыс 7 мамыр күні жасалып, 26 мамырда Астанадағы пәтерге дейін жеткізілді (19 күн). Суреттегі заттардың бәрі 12 401₸-ге шықты (50%-дың жеңілдік беретін купонның арқасында, қазір оны беруді тоқтатқан сияқты🗿). Онсыз 2 есе қымбатқа шығушы еді. Бағалар бойынша жеке-жеке (купонды есепке алғандағы баға): • Фитнес білезік — 155₸. Тек шолу жасау үшін тапсырыс берген едік, тек бауы болатын шығар деп ойлағанбыз. Құрылғының өзі де бар екен. Қалай жұмыс істейтінін әлі түсінбедік, бірақ жұмыс істеп тұр, істен шығу жағдайларын байқамадық 😁 • 20 ілгіш — 673₸ (бір данасы 33₸). Жұқа, бірақ ауыр әрі резеңкеленген. Киім сырғып кетпейді. • Көлікке арналған визитка нөмірі — 2 дана 478₸ (немесе бір дана үшін 239₸). • Кепка 2 дана — 732₸-ден. Сапасы жақсы, бірақ логотипі айтарлықтай ұқыпты кестеленбеген. • Әмиян (Барсетка) — 3680₸. Сапасы жақсы, өз бағасы үшін 5-тен 5 деген баға беремін. • Антисептикке арналған қалта дозаторы — 3 данасы 135₸. Болады. • Пышақ қайрақ — 226₸. Ауыр, жақсы қайрайды. 5-тен 5. • Триммер — 932₸. Жұмыс істеп тұр😁 MicroUsb қуаттағышы бар. • Автокөліктің бүйір айналарына арналған жаңбырға қарсы жапсырма — 2 дана үшін 199₸. Әлі жабыстырып көрмедік. • 5 жұп шұлық — 390₸. Жақсы сияқты, бірақ өлшем таңдау мүмкін болмады. Маған тар екен • Дозаторы бар аяқ киім щеткасы — 155₸. • Шаш пен жүнді жинауға арналған щетка — 116₸. Жақсы жинайды. • 100 дана мақталы таяқшалар — 107₸. • Ойыншық-экскаватор — 1000₸. Болады, бірақ сапасы үшін сәл қымбатырақ. PDD-да шамамен 400₸ тұратын шығар. • Аяққа арналған үрлемелі жастық (ұшақта одан балаларға төсек жасап беруге болады, сілтемедегідей) — 1585₸. • Кір жуғыш машинаға арналған парақша-таблеткалар, 30 дана — 280₸ • Микроталшық шүберектер 3 дана 30x30 см — 482₸ (немесе бір данасы үшін 160₸). Сапасы сондай жақсы емес, 5-тен 3. Өзімізде Kaspi-де сапалыларын 200₸-ге алуға болады. Тауарларға барлық сілтемелер 👉 мына жерде (купонсыз бағаны 2 еселей беріңіздер). Қорытынды: қосымшаның орыс тілінде екендігі мен үйге дейін жеткізу бар екені қолайлы. Сондай-ақ онда қазір кез келген тапсырысқа тегін жеткізу қолжетімді. Бірақ купондарды есепке алмағанда, Pinduoduo-да арзанырақ болатыны сөзсіз, тіпті жеткізу құнын есепке алған күннің өзінде де. Сондай-ақ Temu-да тек арзан тауарлар, әрі таңдау сондай көп емес, егер 2 сағат бойы белсенді қарасаңыз, барлық тауарларды көріп шығуға болады. Жалпы, егер купондар қайта пайда болса, тиімді екендігі 100%. Егер пайда болмаса, Ozon, WB, Kaspi-мен салыстырып көру керек. Бірақ олардың бағасымен қатар пікірлеріне де мән беру керек. 5 жұлдыздың 4,5-нен төмен алу қауіпті). 50% жеңілдік купоны 👉 мына сілтемеде болған (қазір болмауы да мүмкін). Біздің Temu-ге жасаған шолуымыз сілтемеде. Ал сіз Temu-ден не алдыңыз? Көңіліңізден шықты ма?