📜 Be different _ تالته ثانوي

#كرم_ربنا احد طلاب الثانوية العامة امتحانات الثانوية العامة جات ومع اول امتحان خرجت من العربي وانا مش عارف اييه صح و اييه غلط و كل مدرس ب اجابة و بعدها ماده ف التانيه والجدل يزيد على الكيمياء و شوية فيزياء ومش عارف اعتمد على اييه عشان اراجع، المهم سبتها على ربنا و قلت اللي فيه الخير ربنا هيقدمهولي وكملت لآخر ماده بعدها خلصت امتحانات و عدى حوالي ١٠ ايام و الكلام بعدها زاد اوي عن النتيجة وتسريب الاوائل و كانت فيه كلام أن النتيجة خلاص هتظهر بعد اسبوعين ، و كان طبعا فيه إحساس بالقلق ، بس كنت هرضى بأي حاجة يجيبها ربنا لينا ، رب الخير لا يأتي إلا بالخير ، جات الساعة ١١ بليل تقريبا أعلنوا الأوائل وطالما أعلنوهم يبقا احنا خلاص على وشك الظهور ، صليت قيام الليل و بعد كده الفجر أذّن رحت المسجد صليته وأنا خارج منه لقيت واحد صاحبي أكبر مني بيقولي أعرف حد في الكنترول أجيبهالك ، قولتله لا يعم سيبنا مع الموقع الرسمي اللي بينزل وخلاص ، بعد كده كلمته قولتله بص خد رقم الجلوس اهو ، لو كويسة كلمني لو مش كويسة سيبني أنا هعرف ، فضل ساكت ما بعتليش حاجة ، عرفت أن النتيجة مش أحسن حاجة وتقبلت الموضوع عادي و ربنا ما بيضيعش حد ، لقيته بعدها بشوية بيكلمني ويقولي مبروك يا دكترة أنت جبت 387 !! ، فضلت مش مستوعب هل الدرجة دي كويسة ولا ايه طب دي كام في المية ، دخلت حسبتها لقيتها 94.39 ٪ !! وهي آية واحدة بس جات في بالي وقتها "إِنَّ الَّذِينَ آمَنُوا وَعَمِلُوا الصَّالِحَاتِ إِنَّا لَا نُضِيعُ أَجْرَ مَنْ أَحْسَنَ عَمَلًا" عقبالكم جميعاً ❤️ منقول🤍

ياريت تقروه كويس ويبقي حط تفااعل عشان يوصل للكل🤍🫶🏻