KaYin Scout Network

☔သတင်း☔ ဘင်္ဂလားပင်လယ်အော်၊ တောင်တရုတ်ပင်လယ်တို့တွင် ဖြစ်ပေါ်နိုင်သည့် ထူးခြားမိုးလေဝသအခြေအနေများနှင့် မြန်မာနိုင်ငံအပေါ် သက်ရောက်နိုင်သည့်အခြေအနေ ကြိုတင်ခန့်မှန်းခြင်း (စက်တင်ဘာ ၁၅ ရက် နေ့လည် ၁၂ နာရီ ၃၀ မိနစ် - ECMWF MODEL UPDATE) ===== 🔸ဖိလစ်ပိုင်ပင်လယ်မှ စတင်ပြီး အနောက်ဘက်-တောင်တရုတ်ပင်လယ်သို့ ရွေ့လျားဝင်ရောက်လာနိုင်မည့် တိုင်ဖွန်းမုန်တိုင်း •  ဖိလစ်ပိုင်နိုင်ငံအရှေ့ဘက်၊ ဂူအမ်ကျွန်း၏ အနောက်မြောက်ဘက် ဖိလစ်ပိုင်ပင်လယ်မှာ စက်တင်ဘာလ ၁၉ ရက် ည မှ စတင်၍ လေဖိအားနည်းရပ်ဝန်းတခုဖြစ်ပေါ်လာနိုင်ပါတယ်။ •  အဲ့ဒီလေဖိအားနည်းရပ်ဝန်းက အနောက်ဘက်ကို ဆက်လက်ရွေ့လျားပြီး စက်တင်ဘာလ ၂၃ ရက် ည မှာ အပူပိုင်းမုန်တိုင်း/တိုင်ဖွန်းမုန်တိုင်းအဆင့်ဖြင့် ဖိလစ်ပိုင်နိုင်ငံမြောက်ပိုင်းကို စတင်ဖြတ်ကျော်ပြီးတော့ - •  စက်တင်ဘာလ ၂၄ ရက် ည မှာ တိုင်ဖွန်းမုန်တိုင်းအဆင့်နဲ့ပဲ တောင်တရုတ်ပင်လယ်အတွင်းကိုရောက်ရှိလာနိုင်ပါတယ်။ •  အနောက်ဘက်ကို ဆက်လက်ရွေ့လျားပြီး စက်တင်ဘာလ ၂၆ ရက် ည မှာ ဗီယက်နမ်နိုင်ငံမြောက်ပိုင်းကို စတင်ဖြတ်ကျော်ဝင်ရောက်နိုင်ပါမယ်။ •  မုန်တိုင်းအကြွင်းအကျန်များက လာအိုနိုင်ငံပေါ်မှတဆင့် မြန်မာနိုင်ငံအရှေ့ဘက်ဒေသတွေကို ဆက်လက်ရွေ့လျားဝင်ရောက်လာနိုင်မှာဖြစ်ကြောင်း ဒီနေ့ စက်တင်ဘာလ ၁၅ ရက် နံနက်ပိုင်းမှာ ရရှိတဲ့ ECMWF MODEL ရဲ့ ကနဦးကြိုတင်ခန့်မှန်းလမ်းကြောင်းမှာတွေ့ရပါတယ်။ မြန်မာနိုင်ငံဘက်တွင် မုန်တိုင်းအကြွင်းအကျန်သက်ရောက်နိုင်မည့် အခြေအနေ ကြိုတင်ခန့်မှန်းချက် 🔸လက်ရှိအချိန်အထိ ရရှိပြီး ကြိုတင်ခန့်မှန်းချက်များအရ - စက်တင်ဘာလ ၂၇ ရက် နံနက်ပိုင်း ဗီယက်နမ်နိုင်ငံမြောက်ဘက်ကမ်းခြေမှတဆင့် ကုန်းတွင်းကိုဝင်ရောက်လာတဲ့ တိုင်ဖွန်းမုန်တိုင်းအဆင့်မှအားပျော့သွားပြီး ကုန်းတွင်းမုန်တိုင်း၊ လေဖိအားနည်းရပ်ဝန်း၊ ကုန်းတွင်းလေပွေလှိုင်းအဆင့်များအဖြစ် အနောက်ဘက်သို့ဆက်လက်ရွေ့လျားနိုင်ပါတယ်။ 🔸တိုင်ဖွန်းမုန်တိုင်းအကြွင်းကျန်များက မြန်မာနိုင်ငံအရှေ့ပိုင်း(ရှမ်းပြည်နယ်၊ ကယားပြည်နယ်၊ ကရင်ပြည်နယ်၊ မွန်ပြည်နယ်တို့ကို စတင်ဝင်ရောက်လာနိုင်မှာဖြစ်ကြောင်း ခန့်မှန်းထားပါတယ်။ 🔸ယခုတင်ပေးတဲ့ ခန့်မှန်းချက်များသည် ကနဦးကြိုတင်ခန့်မှန်းချက်များ(Long range forecast)ဖြစ်တာကြောင့် စက်တင်ဘာလ ၁၉ ရက်ည၊ ဖိလစ်ပိုင်ပင်လယ်မှာ လေဖိအားနည်းရပ်ဝန်းဖြစ်လာပြီးတဲ့အခါ ပြောင်းလဲနိုင်မည့် ကြိုတင်ခန့်မှန်းချက်များကို ဆက်လက်စောင့်ကြည့်ပြီး တင်ပေးသွားပါဦးမယ်။ ဂရုစိုက်ကြပါ။ 🙏🕊️🌷 MM Weather #MRSN Sep 15 ,  12:36 PM 📬 သတင်းပေးပို့ရန် @MagwayScoutBot