عَذيَّة

قم ضمّني خل العيون الذوابيح ‏تذرف على صدري رذاذٍ يريحه ‏وأنسى العتب ترى العتب للمجاريح ‏ماهو لـ من أستمع للنصيحه ‏قد قالو العذال مالك مصاليح ‏مني ولادري كذبهم من صحيحه ‏قلبي أحترق وعروق قلبي مشافيح ‏لـ شوفتك والعاذل الله يبيحه

ادعمها وبشده ولكن مرات على قد ما تكون متلهف لصوت وراعيه الا انك ترده … حصل ومع الاسف

اتصالك يوم جاني كيف أرده؟ ‏ وانت صوتك ونبرتك كلها أماني ‏ انت سولف مايهم اللي تعده ‏ ومايخالف لو أخالف لك عشاني

« من همّل الطير ما عوّد على راعيه يستاهل الضيق من فرط بشيهانة »

‏القلب يخلي كل ما أبطى به البعد ‏لاصار فرقا والغياب إضطراري ‏لا أمساه ليل وكل من فالبلد هَجْد ‏يستاحش وتطري عليه الطواري ‏ماكنّه إلا مدّرج الهِيم للوِرْد ‏متيممٍ لين أخلفته المذاري ‏يصْبح على شوفة صحاصيحها الجرد ‏ويمسي على لجة قِنيب الضواري ‏قلبي وأعرف أقصاه وش حاجة السرد ‏عذروبه انه — فالضلوع متواري ‏لو هو يشاف إن كان ياقوم يالورد ‏أحنّ وأليَّن من حديث إعتذاري ‏بلاه ولف أدناه ماحرّك الوجد ‏ياكثر ماله من حنينه مساري

‏ظنيت بالبُعد لي سلوى ‏وانا اللي انصبت بسيوفي

لا تنسونا من دعواتكم🤍

لاتنسونا من دعواتكم🤍

اقول اللي عشق مثلي ومثلك ما خلق له صبر اقول الصبر للي حب و احنا فــــــوق حبينا

مخاوفي ما عادت اللي تعرفين تغيّرت وانا مثل ماهقيتي أخاف أموت وتفقديني وتبكين ومحدٍ يضمك عقبي ليا بكيتي وأخاف لا منّك بغيتي تقومين محدٍ يفز ويسندك لا أرتكيتي وأخاف لاجلستي وخاطرك شين محدٍ يعرف من نظرتك وش بغيتي وأخاف واجد واجد إنك تروحين ياويلي إن رحتي ولا عاد جيتي

‏حتى لو إنك كنت في عمري سراب ‏بعض السراب ‏ألذ من بعض الأكيد

أنا هنا — ببقى لك العمر كلّه ‏و ( أنتي ) متى ما حن قلبك تعالي

تدللي واعمليلي ما تحاسنتي يرضيك واللي يجيني منك يرضيني في منزل ما مسك مفتاحه إلا أنتي ولا أدري تحسين .. ولا ما تحسيني! كأنك تحسين فـ أنتي ما تعاونتي غير إحتلالك لقلبي وش عطيتيني؟ إلا أنتي إنك بغربالي تفتنتي ولا أدري معك وين مشواري يوديني يا كثر زينك لو إنك ما تزينتي مدري مزينك رب البيت في عيني

يا قساوة الدنيا!

صدقني قلبي ينحرق اعذرني اشقيتك معايا

‏شفت النجوم اللي تخاوت مع الليل ؟ ‏أضرب عددها في عددها وزدها ‏أحسب خطوط الطول والعرض بالميل ‏أجمع شعوب الأرض وادبل عددها ‏أكتب رقم مليار مليار تدبيل ‏مليار في مليار وضاعف عددها ‏أحسب عدد ماسبّح العبد بالليل ‏ومادارت أيام السنة في بددها ‏شوف النتيجة كم تطلع بتحليل ‏ذي قيمتك عندي وهذا عددها

يكفّيني أغيب وخافقي ماجاك منه قصور ويكفّيك أتذكّر كل ليلة لهفة عناقي تذكّر يوم أخليك اتباهى كبرياء وغرور يوم إني اتحدابك وأخيّب هقوة الهاقي وتذكّر يوم أعذرك وأنت لا صادق ولا معذور أدورلك عذر وأصدقه وأكذّب أحداقي وتذكّر يوم جيت من الحزن متضايق ومكسور فرشت لك الضلوع وقلت لك يا سيد عشاقي خِذ اضلوعي وابن فيها يسار الصدر بيت وسور ترى مافيه قبلك من سكن صدري وخفاقي وبعد هذا رحلت ولا بقى إلا بيتك المهجور وألا ياكبرها لا من رحلت ومنزلك باقي