КРОПКА

Разміначны кардыё-хайк ад Тбіліскага клуба інтравертаў Едзем у цясніну Tana, дзе зойдзем на гару SATSKHENISI. Гэта шпацыр базавага ўзроўню па сцежцы сярод скал і хвойных лясоў, па лузе на ўзгорках, з кардыё ды маляўнічымі краявідамі Tana-Tedzami. ⏰ 6.06 (субота), выезд а 8-й. 🚜 Ехаць 2 гадзіны. 🌤 +18...+24°, без ападкаў. 🧭 Паход: 7–8 гадзін. 💸 Трансфер: скідваемся па 60...50 лар/чал (больш людзей – менш кошт). ☎️ Пытанні: @intraviert. Удзел: данат. Далучацца праз форму 🌟

Трэнінг "Дзейнічай Беражна!" Збіраемся ў Гарыкуле — арт-вёсцы, дзе навокал лугі і від на горы (гадзіна ад Тбілісі) Уявіце, што едзеце ў госці да блізкіх сяброў, дзе на вас чакаюць медытацыі на вольным паветры, стварэнне лэнд-арту і асэнсаванне сябе іншым У кошт уключана:  🌱 пражыванне ў двух унікальных дамах з відам на горы;  🌱 у дамах будуць аднамесныя або двухмесныя пакоі;  🌱 трохразовае хатняе вегетарыянскае харчаванне, якое будзе рыхтаваць для нас мясцовая жанчына; 🌱 кава-брэйкі з перакусамі;  🌱 трансфер з Тбілісі і ў адваротны бок; 🌱 праграма з арт і эка практыкамі самаклопату і даследаванні сябе;  🌱 шпацыры з суправаджэннем і аўтдор-практыкі;  🌱 праца з двума вопытнымі трэнерамі;  🌱 матэрыялы для практык;  🌱 горнае паветра і тры дні толькі для сябе! Кошты (ранняе браніраванне): ● Прывядзі сяброўку (з чалавека) - 170 € (530 ₾) ● Двухмесны нумар - 190 € (590 ₾) ● Аднамесны нумар - 220 € (685 ₾) 🏃🏻‍♀️‼️ З 03.06 павышэнне коштаў Забраніраваць месца і задаць пытанні можна ў дырэкт ❤️

Шосты запіс "Умоўна геніяльнага шоу"! Як заўсёды, адказваем на пытанні, генерыруем жарты ды, гэтым разам, спрабуем новыя фарматы. Прыходзьце смяяцца і нават рагатаць! 📅 19 мая (аўторак) 🕠 Збор гасцей: 20:00 📍 Speakeasy | 33 Mikheil Tsinamdzghvrishvili 💸 Уваход: любы данат Для браніравання месца пішыце ў TG: @umounyja ✨

Закрыццё збору для Вячаслава ✨ Дарагія сябры, Слава сёння быў выпісаны з шпіталю. 🙏 Гэта вельмі важны крок, хоць наперадзе яго чакае яшчэ працяглае лячэнне і аднаўленне. 💰 Вынікі збору: * Сабрана: 10.992 лары * Выдаткавана на шпіталізацыю: 11.046,24 лары Суму, якой не хапала, а таксама першачарговыя дадатковыя выдаткі мы пакрылі за кошт уласных сродкаў. Ад усёй душы дзякуем кожнаму з вас. Ваша падтрымка, удзел, словы, пераводы – гэта было неверагодна крута і сапраўды кранае ❤️ 🤍 Мы зрабілі гэта разам! Вячаслаў прыйшоў у сябе і змог атрымаць неабходную тэрміновую дапамогу. Гэта бясцэнна. На дадзеным этапе мы закрываем збор. Далей будзем разлічваць на аднаўленне, уласныя сілы і страхавую падтрымку. 📄 Фінансавыя дакументы сабраны, пры неабходнасці з імі можна азнаёміцца. Яшчэ раз вялікі дзякуй за вашую чалавечнасць!                             📌 Кантакты для сувязі: @TP2912 (Таццяна) @olsmol_gr (Вольга)

✨ Апдэйт па зборы сродкаў для Вячаслава ад яго сяброў Дарагія сябры,  калі шчыра, цяжка падабраць словы. Слёзы выступаюць на вачах ад кожнага водгуку, кожнага паведамлення, кожнага пераводу. Вялікі вам дзякуй ❤️ 💰 Сабрана: 10 795 лары — гэта неверагодна. 🩺 Стан Вячаслава: Яго стан паляпшаецца: ён у свядомасці, можа размаўляць. Учора, калі я яго бачыла, ён прасіў перадаць усім вам вялікую падзяку. Аднак аднаўленне яшчэ далёка не завершанае: аналізы пакуль далёкія ад нормы, і, па словах лекараў, ён будзе ў шпіталі як мінімум да пятніцы ўключна. Наперадзе далейшае аднаўленне і дадатковыя абследаванні. 📊 Выдаткі на 14.04: • 6 541,22 лары — шпіталь і абследаванні • 250 лары — дадатковы антыбіётык • 105 лары — першасная кансультацыя і бялок 🔄 Важна: Выдаткі працягваюцца. Мы, яго сябры, якія аб’ядналіся для дапамогі і кантролю расходавання сродкаў, прынялі рашэнне пакуль не закрываць збор. 🤍 Дзякуем вам за тое, што вы ёсць. Дзякуем за вашу чалавечнасць. 📌 Рэквізіты для дапамогі: GE39CD0360000069220029 Tatsiana Prokharava  📌 Кантакты для сувязі: @TP2912 (Таццяна) @olsmol_gr (Вольга)

☕️ Беларускамоўны нэтворкінг у какавашнай 🤝🏻 Збіраемся ўвечары, каб пазнаёміцца, пагутарыць на цікавыя тэмы ды выпіць смачнага ў прыемнай кампаніі 🌟 Падчас сустрэчы ўдзельніцы_кі распавядаюць пра сябе ды абмяркоўваюць простыя пытанні ў невялічкіх групах па 3-4 чалавекі. Напрыканцы гуляем у вясёлую гульню  🗯 Мова сустрэчы – беларуская. Узровень валодання: ад ніколі не размаўлялі на мове да пачалі размаўляць на беларускай да таго як нарадзіліся. Важна: нэтворікнг – гэта не заняткі па вывучэнню мовы, размаўляем як размаўляецца. А выпраўляць суразмоўцаў можна толькі калі яны самі пра гэта папрасілі ☕️ У какавашнай падчас нэтворкінга можна замовіць смачную ежу, а таксама алкагольныя і безалкагольныя кактэйлі, сартавое какава, лідскі квас, віно 🕖 Калі: 18.02 (серада) 20:00 📍 Месца: But First Cacao 💰 free donation  Удзел па рэгістрацыі ў апытанцы суполкі

🚨 Тэрміновы збор на лячэнне Дарагія суайчыннікі і не толькі, патрэбна тэрміновая дапамога! Наш сябар, Вячаслаў, беларус, які ўжо больш за 4 гады жыве ў Грузіі, зараз знаходзіцца ў шпіталі з сур’ёзнай праблемай унутраных органаў. Стан цяжкі – спатрэбілася тэрміновая шпіталізацыя. Усе гэтыя гады Слава дапамагаў іншым беларусам, а зараз дапамога спатрэбілася яму.  Страхоўка аформлена, але пачне дзейнічаць толькі з 17 красавіка, таму зараз усе медыцынскія выдаткі неабходна пакрываць самастойна. Дадаткова сітуацыю ўскладняе тое, што Вячаслаў нядаўна страціў працу і застаўся без даходу. 💸 Ужо за адзін дзень знаходжання ў шпіталі і правядзення аналізаў спатрэбілася каля 2400 лары. Кожны наступны дзень стацыянару каштуе прыкладна 800 лары. 🎯 Агульная сума збору на неабходныя зараз рэчы: 8 000 лары. Зараз гэта сапраўды пытанне жыцця і смерці. 🙏 Просім аб матэрыяльнай падтрымцы – любая сума важная і можа дапамагчы выратаваць жыццё. Рэпосты і распаўсюд інфармацыі таксама вітаюцца. 📌 Рэквізіты для дапамогі: GE39CD0360000069220029 Tatsiana Prokharava  📌 Кантакт для сувязі: @TP2912 (Таццяна) @olsmol_gr (Вольга)

Юбілейны запіс "Умоўна геніяльнага шоу"! Сустракаемся пяты раз і, як заўсёды, смешна ці правільна адказваем на складаныя пытанні! Гэтым разам з таленавітай і фантастычнай украінскай камікессай – Янай Лютай! Прыходзьце станавіцца разумней і рагатаць! 📅 14 красавіка (аўторак) 🕠 Збор гасцей: 20:00 📍 Speakeasy  💸 Уваход: любы данат Для браніравання пішыце ў TG: @umounyja ✨

Краявідны хайк без уздымаў ад Тбіліскага клуба інтравертаў Едзем да нацпарку Algeti, дзе наведаем гару SHIKHAN. Нас чакае лайтовы шпацыр па хрыбце і на спуск. Навокал: свежае паветра адкрытай прасторы, хвойныя лясы на хвалістых узгорках, вялікія горы гарызонтам і плывучыя на магутным ветры аблокі. Фініш у Manglisi. Нешта квітнее і мы гэта пабачым. ⏰ 4.04 (субота), выезд а 10-й. 🚜 Ехаць каля гадзіны. ⛅️ +12...+16°, пераменная воблачнасць. 🧭 Паход: 5~6 гадзін. 💸 Трансфер: скідваемся па 60...50...40 лар/чал (больш людзей – менш кошт). ☎️ Пытанні: @intraviert. Удзел: данат. Далучацца праз форму 🌟

Манчкін на беларускай ✨ #гульнятэка Вясёлая карткавая гульня для 3-6 чалавек, як дарослых так і дзяцей. Зробленая як пародыя на сусвет Dungeons&Dragons. Вас чакаюць сутарэнні, скарбы і вядома ж бойкі з пачварамі. Акрамя таго вас чакаюць здрады сяброў, якія хочуць дасягнуць запаветнага дзясятага ўзроўню раней за вас!  Што яшчэ сказаць пра гульню ў правілах якой ёсць у тым ліку фраза "любыя спрэчкі вырашаюцца гучнай лаянкай паміж гульцамі".  Дзякуем Міхасю Варанцову за пераклад! https://drive.google.com/file/d/1Me6sWkHWtQfvjVi6mtl5PLwVbQA_lha2/view Знайсці гульню можна на палічках беларускіх настолак у барах 5327° і D22.

Conscious chic party 💚 29 сакавіка (нядзеля) — утульны і свядомы SWAP-дзень з добрай атмасферай, абменам і ўстойлівымі практыкамі ♻️ 🕒 15:00 – 20:00 — SWAP Прыносіце адзенне, абутак, кнігі, аксесуары, расліны або іншыя рэчы, якім хочаце даць новае жыццё — або проста прыходзьце і знайдзіце нешта для сябе (бясплатна!) 🧦 16:00 – 17:30 — Воркшоп па штопцы шкарпэтак (рэгістрацыя па спасылцы) Даведайцеся пра тэхніку darning і падарыце любімым рэчам другое жыццё 🧠 18:00 — Квіз пра slow і fast fashion Даведайцеся больш фактаў пра хуткую і павольную моду 📍Grind Pizza Прыходзьце абменьвацца, вучыцца, рамантаваць і святкаваць свядомы лад жыцця ✨

🎹 Iva Sativa ў Тбілісі Iva Sativa – рэперка і спявачка, якая ўвасабляе ў сваёй творчасці жаночую сілу спрадвечных паганскіх каранёў, змешваючы яе з рытмамі drum and bass, хіп-хопу і этнамузыкі. 📆 Дата: 29 сакавіка (нядзеля) ⏰ Час: 21:00 📍 Месца: Mechanica Club Квіткі ад 30 еўра па спасылцы.

Лёгкі разміначны хайк ад Тбіліскага клуба інтравертаў Наведаем іншы бок вадасховішча Zhinvali, каб прайсці маршрутам між вёскамі AVENISI – LAUSHA. Пачнем ад месца, дзе ў возера ўпадае рака Khorkhi, ды паднімемся лесам на лужок, дзе зладзім прывал і паглядзім на вадаём з незвычайнага ракурсу. Пасля будзем павольна спускацца да ракі Khorkhula, што градыентам пераходзіць з рэчышча ў вадасховішча. Убачым частку дна. Факультатыўна можна будзе падняцца сцежкай на безыменную гару над лугам, каб даследаваць больш. 📆 7.03 (субота), выезд а 10-й. 🚙 Ехаць 1.5 гадзіны. 🌤 +3...+7°, пераменная воблачнасць. 🧭 Шпацыр: 5~7 гадзін. 💰 Трансфер: скідваемся па 60...50...40 лары з чалавека (больш людзей – менш кошт). ☎️ Пытанні: @intraviert. Удзел: данат. Далучацца праз форму 🌟

☕️ Беларускамоўны нэтворкінг у Сабурталаўшчыне! 🤝🏻 Гэтым разам збіраемся ў новым месцы і як звычайна знаёмімся, гутарым пра цікавае ў прыемнай кампаніі за кубачкам кавы. 🌟 Падчас сустрэчы ўдзельніцы_кі распавядаюць пра сябе ды абмяркоўваюць простыя пытанні ў невялічкіх групах па 3-4 чалавекі. Напрыканцы гуляем у вясёлую гульню. 🗯 Мова сустрэчы — беларуская. Узровень валодання: ад ніколі не размаўлялі на мове да пачалі размаўляць на беларускай да таго як нарадзіліся. Важна: нэтворікнг — гэта не заняткі па вывучэнню мовы, размаўляем як размаўляецца. А выпраўляць суразмоўцаў можна толькі калі яны самі пра гэта папрасілі. ☕️ У кавярні ёсць духмяныя дэсерты, а таксама гарбата, матча ды кава на любы густ. Колькасць месцаў абмежавана магчымасцямі прасторы. 🕖 Калі: 04.03 (серада) 20:00 📍 Месца: "BAHO" (150 метраў ад ст.м. Дэлісі) 💰 free donation  Удзел па рэгістрацыі ў апытанцы суполкі

"Сакрэтны Гітлер" 🙃  #гульнятэка Захапляльная сацыяльна-дэдукцыйная настольная гульня для 5–10 чалавек. Сакрэтныя ролі, падман, логіка і напружаныя дыскусіі дапамогуць выявіць, хто ліберал, хто фашыст, але галоўнае — Гітлер павінен заставацца нявыяўленым. Далучайцеся да гульні, дзе кожны ход патрабуе стратэгіі, увагі і камунікацыі. Гэта ідэальны выбар для кампаній, якія любяць інтэлектуальныя выклікі, тактычныя хады і вострыя эмоцыі! Знайсці гульню можна на палічках беларускіх настолак у барах 5327° і D22.

Бясплатны анлайн-курс для беларусак «Унутраная сіла і ўстойлівасць» 🗓 12 сакавіка – 14 красавіка Дарагая сяброўка, дарагая каляжанка! ✨ Мы ведаем, ты шмат працуеш, клапоцішся пра блізкіх і стараешся быць прафесіяналкай. А яшчэ — знаходзіць сілы клапаціцца пра сябе, каб быць здаровай, шчаслівай і поўнай энергіі. Мы запускаем анлайн-курс пра ўстойлівасць у складаныя часы. У ім мы гаворым пра тры важныя аспекты жыцця кожнай: праца, здароўе і самарэалізацыя. Калі табе зараз патрэбная падтрымка ў адным або некалькіх з іх — гэты курс для цябе. Што будзе на курсе: 🔹 8 бясплатных анлайн-сустрэч 🔹 2 нетворкінгавыя сесіі 🔹 дадатковыя матэрыялы ❗️Падрабязнасці пра курс, тэмы і экспертак можна паглядзець на сайце. Калі: 🗓 12 сакавіка – 14 красавіка (5 тыдняў) Аўторкі і чацвяргі, 19:00 па мінскім часе Як прыняць удзел: 📝 Запоўні анкету да 10 сакавіка. Мы запрашаем беларусак 18+, якія пражываюць у любой краіне.

💫 Святкаванне Дня роднай мовы! Збіраемся, каб пагутарыць, пазнаёміцца і… напісаць невялічкі дыктант. "Дастаём двайныя аркушы", — але мы не ў школцы, таму адзнак не будзе, а толькі родная мова, прыемная кампанія і ўтульная прастора.  Імпрэза пасуе людзям з любым узроўнем ведання беларускай мовы. У прасторы размяшчаецца бібліятэка з беларускімі кнігамі — можна будзе пагартаць і ўзяць пачытаць дадому. Таксама можна паглядзець і набыць кнігі з асартыменту кнігарні. Бярыце сябе і сяброў, а аркуш і асадкі выдадзім на месцы. 🕖 Калі: 21.02 субота 17:00 📍 Месца: "Itakabooks" (раён Liberty square) 💰 free donation Рэгістрацыя для ўдзелу па спасылцы. Да сустрэчы!

Вандроўка ў горы ад Тбіліскага клуба інтравертаў Едзем у Стэпанцміндшчыну – шпацыраваць па даліне ледавіка DEVDARAKI – самага вялікага на Казбеку. Ён актыўны, утварае раку Amali, уздоўж якой і пойдзем да кропкі назірання, дзе перад намі ўзнікне вузкі язык ніжняга краю льду, а адтуль назад. Верагодна факультатыўнае наведванне заледзянелых (калі яшчэ не расплыліся) вадаспадаў Gveleti. 📆 15.02 (нядзеля), выезд а 8-й. 🚙 Ехаць 3 гадзіны. 🌤 -6...+6°, пераменная сонечнасць. 🏔 Паход + вадаспады: 5~7 гадзін. 💰 Трансфер: 70...50 лары з чалавека (больш людзей – менш кошт). ☎️ Пытанні: @intraviert. Удзел: данат. Далучацца праз форму 🌟

😈 "Карткі Супраць Чалавецтва"  #гульнятэка Гэта пераклад англамоўнай настолкі Cards Agains Humanity. Калі вы не чулі пра гэтую гульню, то мо гэта і лепш. Бо ў ёй чорны гумар і нічога святога! 🥤Добра заходзіць пад любыя напоі. Гуляць можна ад трох чалавек і ў любы час. Знайсці яе можна на палічках беларускіх настолак у барах 5327° і D22. А больш перакладзеных гульняў можна знайсці тут ✨

Вандроўка на закінутую авіябазу ад Тбіліскага клуба інтравертаў Наведаем SHIRAKI MILITARY AIRFIELD. Пашпацыруем па ўзлётнай паласе сярод ангараў з масіўнымі металічнымі варотамі на калёсах, зазірнём у некаторыя з іх, а таксама даследуем рэшткі самалётаў! Апроч гэтага спынімся па дарозе, каб агледзіць крэпасць-манумент Arkhiloskalo ды яшчэ адзін загадкавы артэфакт — такі ж пакінуты, як і авіябаза. Факультатыўны прыпынак — крэпасць Chailuri, што праз дарогу ад аднайменных вёсак, дзе звычайна праводзіцца кліканне вясны Берыкаоба на мяжы лютага і сакавіка. 📆 7.02 (субота), выезд а 8-й. 🚙 Ехаць 3 гадзіны. 🌤 +4...+10°, пераменная сонечнасць. 🛩 Агляд лакацый: 5~7 гадзін. 💰 Трансфер: 60...40 лары з чалавека (больш людзей – менш кошт). ☎️ Пытанні: @intraviert. Удзел: данат. Далучацца праз форму 🌟