Jesus lovers💕

“لو قامت عليّ حرب ففي ذلك أنا مطمئن” (مزمور 27:3)💕

اديني المناسب من ايديك اللي ينسيني اللي عدا في كل شئ يارب ❤️‍🩹

جُملة جميلة في القداس "دبر حياتنا كما يليق".. "كما يليق" من وجهة نظرك أنت يارب، مش حسب رسمنا واحلامنا وتوقعاتنا.. "كما يليق" بالخطة والقصد الإلهي ليا ولمكاني في الملكوت "كما يليق" لخيري ومصلحتي مش لمتعتي وانبساطي وخلاص. "كما يليق" بـ حُبك وأمانتك وصلاحك ناحيتي. حقيقي يارب.. دبر حياتي كما يليق..

ربنا هيرزقك مش بس باللي محتاجه دلوقتي لأ ده شايلك كمان اللي هتحتاجه بعدين حتى وأنت مش شايف الطريق قدامك ربنا فعلاً بيجهزلك المخرج اللي أنت شايفه قلق وحيرة هو عند ربنا ترتيب محكم هو مش بس بيقضي حوائجك النهاردة ده كمان بيأمنلك اللي لسه متعرفش إنه جاي في السكة توقيت ربنا ممكن ميكونش ماشي مع ساعتك بس ترتيباته دايماً بتيجي في وقتها بالظبط عشان كدة خلي ثقتك فيه متهتزش حتى في الأيام الهادية اللي مبيحصلش فيها حاجة أنت مش بس مستور وعايش يومك أنت ربنا بيجهزك لحاجة أكبر بكتير ♥️

خليك دايماً شاكر لربنا لأن حتى في الأيام اللي مكنتش بتصلّي فيها كتير كان لسه حنين وطيب معاك كانت فيه لحظات أنت فيها مشغول ومشتت وتعبان لكنه برضه كان حاميك وساترها معاك وبيفتحلك سكك من حيث لا تحتسب حتى لما بنقصر ربنا مبيقصرش أبداً نعمته لسه مغطيانا ومحبته مابتتغيرش وأمانته دايمة معانا "أَمِينٌ هُوَ الرَّبُّ الَّذِي سَيُثَبِّتُكُمْ وَيَحْفَظُكُمْ مِنَ الشِّرِّيرِ" 2 تسالونيكي 33 كرم ربنا وخيره مش معتمد على مدى مثاليتك هو بيفضل دايماً أمين وصادق معاك لأن دي صفته وده طبعه ❤️

هيجي وقت هتقول فيه ببساطة يا رب أنا دلوقتي فهمت وقتها هتكون ممتن مش عشان كل حاجة اتفهمت في وقتها لا عشان شوفت بعينك إن طريق ربنا كان دايما أحكم وأحلى بكتير من طريقك عادي جداً إنك ماتكونش فاهم كل حاجة دلوقتي وعادي تحس إنك تعبت من الانتظار أو مش عارف ربنا مرتبلك إيه مش كل فترة بنمر بيها لازم نفهم حكمتها وقتها بس ده مش معناه إن ربنا مش موجود حتى في الأوقات اللي بتحس فيها إن الدنيا ملخبطة أو مش واضحة هو شغال وبيرتب كل حاجة عشان تمشي صح حسب خطته الكاملة هيجي يوم وكل اللي مش مفهوم هيبقى واضح والحمل التقيل ده هتعرف سببه وهتفهم ليه طلب منك تصبر وليه كل حاجة حصلت بالشكل ده بالظبط دلوقتي ريح قلبك وثق فيه ربنا معاك في الوقت ده وبيسند خطوتك وهو اللي في إيده كل شيء ♥️

طوبى لفاقدين الأمل , الممسكين بيسوع ! ❤

Trust the timing of your life. God is working while you are waiting. مش معنى إنك "مستني" إن مفيش حاجة بتحصل، بالعكس.. ربنا شغال وبيرتبلك كل خير. الفترة دي مش معمولة عشان تكسرك، دي معمولة عشان تقويك وتجهزك للي جاي ​إنت مش متأخر عن حد، إنت في المكان والوقت الصح اللي لازم تكون فيهم دلوقتي ​ربنا بيظبطلك الأمور وبيحميك في الطريق من غير ما تحس ​"صنع الكل حسناً في وقته" جامعة 11:3 🙇🏻🤍

Trust the process; the delay is part of the plan. ترتيبات ربنا دايمًا تستاهل الصبر اللي إنت شايفه تأخير هو في الحقيقة تجهيز ليك ربنا عارف بالظبط الوقت الصح اللي يستجيب فيه لكل دعوة دعيتها مفيش داعي تستعجل على حاجة ربنا لسه بيشكلها في حياتك اللي وعدك بيه هيحصل بس في وقته المظبوط عشان كده، ارتاح وسيب نفسك لتدبيره، وخليك واثق في حكمته لأَنِّي عَرَفْتُ الأَفْكَارَ الَّتِي أَنَا مُفْتَكِرٌ بِهَا عَنْكُمْ، يَقُولُ الرَّبُّ، أَفْكَارَ سَلاَمٍ لَا شَرٍّ، لأُعْطِيَكُمْ آخِرَةً وَرَجَاءً." (إر 29: 11) 🤍

يا إلهي، إني أثق بك في كل شيء.. Dear God, I trust You with everything.

عزيزي الله، أتمني قلبي يهدي شوية. أتمني مبقاش بهذا القدر من الحساسية نحية كل حاجة. أتمني أفكاري متفضلش سحلاني بالشكل ده طول الوقت و ساحلة كل اللي حواليا معايا. أتمني محاولاتنا كلنا متبقاش هدر. أتمني يبقي وجودي لطيف و خفيف و مش مُقرف.

"لاَ تَهْتَمُّوا بِشَيْءٍ، بَلْ فِي كُلِّ شَيْءٍ بِالصَّلاَةِ وَالدُّعَاءِ مَعَ الشُّكْرِ، لِتُعْلَمْ طِلْبَاتُكُمْ لَدَى اللهِ." (في 4: 6).

ارتاح ف محبته ..ف حضنه ، ف تدبيره ..ثق أنه بيحبك ..وأنه ضابط الكل ، هيقدر كويس قوي يرتبلك امورك ❤️

❤️

انما هي صلاة قلبية بقلب طفل كافية.. زمن النعمة عجيب ✝️🩷

يا رب، تعالَ إلى كل قلبٍ مُضطرب، إلى كل إنسان يحمل خوفه بصمت، وإلى كل نفسٍ تعبت من التفكير والقلق والانتظار. امنحنا سلامك الذي يفوق كل فهم، وذكّرنا أنّك حاضر حتى في أصعب اللحظات، وأن يدك لا تتركنا مهما اشتدت العواصف. يا رب، خفّف ثقل الخوف عن القلوب، وامسح الدموع المخفية، وأعطِ راحة لكل من لا يعرف كيف يهدأ قلبه الليلة🤍

الزواج في المسيحية مش مجرد إكليل وناس واقفة بتسقف وبتشهد. الزواج أمانة… أمانة في نظرة قبل ما تبقى لمسة،في كلمة قبل ما تبقى جرح، في فكر قبل ما يبقى خيانة،في حب بيستحمل، مش بس بيشتهي. أمانة في الجسد،في مسؤولية البيت من أول الفلوس لحد النفسية، في المشاعر المعقدة اللي مش دايمًا مفهومة،حتى في الغريزة. أمانة في الأطفال اللي ممكن نجيبهم…هنجيبهم ليه؟ وإحنا فعلًا قدّ إننا نديهم أمان مش عقد؟ عشان كده مش كل اتنين متجوزين عايشين علاقة مقدسة… في ناس عايشة شهوة تحت اسم جواز، وأطفال أبرياء بيدفعوا الثمن. الزنا في المسيحية مش بيبدأ بالفعل بيبدأ من أول ما الأمانة تقع من جوّه. اللي مش أمين في علاقته مع الإله،عمره ما يكون أمين مع الشريك.. الأمانة الحقيقة بتبدأ من أول خطوة للمسيح. Cpd..

"إِنَّهُ مِنْ إِحْسَانَاتِ الرَّبِّ أَنَّنَا لَمْ نَفْنَ، لأَنَّ مَرَاحِمَهُ لاَ تَزُولُ. هِيَ جَدِيدَةٌ فِي كُلِّ صَبَاحٍ. كَثِيرَةٌ أَمَانَتُكَ" (مراثي إرميا 3: 22-23).🤍

اوعدنا بفرحه تهد فينا جبل الحزن اللى معشش فى قلوبنا يارب .❤️‍🩹