News Of Myanmar

အီရန်တော်လှန်ရေးအစောင့်တပ်ဖွဲ့ (IRGC) က ကာဒစ္စတန်ဒေသ၊ အယ်လ်ဟာရီယာ Al Harir အခြေစိုက်စခန်းရှိ အမေရိကန်စစ်ဌာနချုပ်ကို ဒုံးကျည် ၅ စင်းဖြင့် ပစ်ခတ်တိုက်ခိုက်ခဲ့ကြောင်း ထုတ်ပြန်လိုက်သည်။ NOM

၂၀၂၆ ခုနှစ်၊ မတ်လ ၈ ရက်နေ့ ၌ ဖောင်းပြင်မြို့နယ်၊ ညောင်ကုန်းကျေးရွာအနီးရှိ PDF အကြမ်းဖက်စခန်းတစ်ခုကို တပ်မတော်စစ်ကြောင်းများက ဝင်ရောက်စီးနင်းချေမှုန်းခဲ့ရာ အကြမ်းဖက်အလောင်း ၈ လောင်းနှင့် လက်နက်မျိုးစုံ ၆ လက်နှင့် ခဲယမ်းများသိမ်းဆည်းရမိခဲ့သည်။ NOM

"သိရှိနိုင်ပါရန်" ၂၀၂၆ ခုနှစ်၊ တက္ကသိုလ်ဝင်စာမေးပွဲနှင့် စက်မှု၊ စိုက်ပျိုး၊ မွေးမြူရေး တက္ကသိုလ်ဝင်စာမေးပွဲများ ကျင်းပနေသည့် ကာလအတွင်း ဆရာဆရာမများ၊ ကျောင်းသားကျောင်းသူများ၊ စာမေးပွဲတာဝန်ရှိသူများ၊ ကျောင်းသားမိဘပြည်သူများ သွားလာမှု အဆင်ပြေချောမွေ့စေရန်အတွက် အစီအမံများ ဆောင်ရွက်ထားကြောင်း သိရသည်။ ထိုသို့ဆောင်ရွက်ရာ၌ သက်ဆိုင်ရာတိုင်းဒေသကြီးနှင့် ပြည်နယ်အလိုက်မော်တော်ယာဉ် အသုံးပြုခွင့်ဆိုင်ရာ အစီအမံများအဖြစ် စာမေးပွဲအတွက် အသုံးပြုမည့်ယာဥ်တွင် “စာမေးပွဲတာဝန်” သို့မဟုတ် “Car Pass” ကတ်ပြားများကို ကားရှေ့မှန်တွင်ကပ်၍ အသုံးပြုခွင့်ပြုမည်ဖြစ်သလို စာမေးပွဲတာဝန်ခံယာဉ်များနှင့် ကျောင်းသား ကြို/ပို့ ယာဉ်များကို စုံ/မ အက္ခရာ( ခွဲခြားခြင်းမရှိဘဲ) သွားလာခွင့်ပြုမည်ဟုဆိုသည်။ အလားတူ ပြင်ပဖြေကျောင်းသားများအနေဖြင့် မိမိတို့၏ “စာမေးပွဲဖြေဆိုခွင့် ကတ်ပြား” ပြသ၍ မော်တော်ဆိုင်ကယ်နှင့် မော်တော်ယာဉ်များ မောင်းနှင်ခြင်းတို့ကို သက်ဆိုင်ရာ ခရိုင်/မြို့နယ်ပညာရေးမှူးများနှင့် အထွေထွေ အုပ်ချုပ်ရေးမှူးများက ပူးပေါင်းဆောင်ရွက်ထားရှိကြောင်းလည်း သိရသည်။

အမေရိကန်ရဲ့ သံတမန်ရေးရာဟာ အတုအယောင်တွေပဲ အမေရိကန်နိုင်ငံရဲ့ သြဇာညောင်းတဲ့ သတင်းတင်ဆက်သူ တပ်ကာကာလ်ဆင် က အမေရိကန်နိုင်ငံရဲ့ နိုင်ငံတကာ ဆက်ဆံရေးနဲ့ သံတမန်ရေးရာ လုပ်ဆောင်ချက်တွေအပေါ် ဝေဖန်ထားတာ ဖြစ်ပါတယ်။ ပြီးခဲ့တဲ့နှစ် ဇွန်လနဲ့ ဒီနှစ် ဖေဖော်ဝါရီလတွေမှာ အီရန်နိုင်ငံနဲ့ လုပ်ဆောင်ခဲ့တဲ့ သံတမန်ရေးရာ ကြိုးပမ်းမှုတွေဟာ "အတုအယောင်" တွေသာ ဖြစ်ခဲ့မယ်ဆိုရင် ဒါဟာ အီရန်ဘက်က လုံခြုံစိတ်ချရပြီလို့ အထင်မှားအောင် လုပ်ပြီး ခိုးကြောင်ခိုးဝှက် တိုက်ခိုက်ဖို့ ပြင်ဆင်တာမျိုး ဖြစ်နေမယ်ဆိုရင် ဒါဟာ အလွန်တရာ အရှက်သိက္ခာမဲ့တဲ့ လုပ်ရပ်ဖြစ်တယ်လို့ ဆိုပါတယ်။ ဒီလိုမျိုးလှည့်ဖျားပြီး တိုက်ခိုက်တာဟာ "ပုလဲဆိပ်ကမ်း (Pearl Harbor)" တိုက်ခိုက်ခံရမှုထက် ဘာများ ပိုကောင်းနေမှာလဲလို့ မေးခွန်းထုတ်ထားပါတယ်။ ဒါဟာ အမေရိကန် နိုင်ငံသားတွေအတွက်ရော နိုင်ငံအတွက်ပါ အဆင့်အတန်းနိမ့်ကျတဲ့ လုပ်ရပ်ဖြစ်ပြီး ပါဝင်ပတ်သက်သူတွေကို အပြစ်ပေးသင့်တယ်လို့ ပြောဆိုထားပါတယ်။ ယူကရိန်းနိုင်ငံကို ကြားခံ (Proxy) အဖြစ် အသုံးပြုပြီး ရုရှားနဲ့ ဖြစ်ပွားနေတဲ့ ပဋိပက္ခကို ဘယ်လိုဖြေရှင်းကြမလဲ? "ငါတို့က စစ်တိုက်တယ်။ ယူကရိန်းလူမျိုးတွေကတော့ အသက်ပေးနေရတယ်" လို့ ထောက်ပြထားပါတယ်။ အီရန်ကို စစ်မကြေညာခင်ကတည်းက ဒီပြဿနာတွေကို ဖြေရှင်းထားသင့်တာပါ။ အခုတော့ ရုရှားက အီရန်ကို တိုက်ခိုက်ဖို့ လိုအပ်တဲ့ အချက်အလက်တွေကို ပြန်ပေးနေပြီ (အမေရိကန်က ယူကရိန်းကို ကူညီသလိုမျိုး) လို့ ဆိုပါတယ်။ အခုလို လုပ်ရပ်တွေကြောင့် ကမ္ဘာကြီးကို ပေးလိုက်တဲ့ သတင်းစကားကတော့ "အမေရိကန်ရဲ့ သံတမန်ရေးရာဟာ အတုအယောင်တွေပဲ" ဆိုတာ ဖြစ်နေပါတယ်။ ဆွေးနွေးပွဲတွေ လုပ်နေစဉ်မှာပဲ နောက်ကွယ်ကနေ တိုက်ခိုက်ဖို့ ပြင်ဆင်နေတာမျိုး ဖြစ်တဲ့အတွက် နောင်မှာ ဘယ်လိုပြဿနာမျိုးကိုမဆို ငြိမ်းချမ်းစွာ ဖြေရှင်းဖို့ ခက်ခဲသွားလိမ့်မယ်လို့ သတိပေးထားတာ ဖြစ်ပါတယ်။ NOM

🚨 🇦🇪 - ယူအေးအီးသည် လုံခြုံမှုမရှိတော့ဟု ယူဆရသည့်အတွက် လွန်ခဲ့သည့် နှစ်ရက်အတွင်း စီးပွားရေးလုပ်ငန်းရှင်နှင့် ကုမ္ပဏီပေါင်း ၆၇ ခု နိုင်ငံအတွင်းမှ ထွက်ခွာသွားကြောင်း သတင်းများက ဖော်ပြနေသည်။ ကောက်ယူထားသော စာရင်းဇယားများအရ ရှေ့ဆက်ပြီး ထွက်ခွာမည့်သူ အရေအတွက် ပိုမိုများပြားလာနိုင်ကြောင်းသိရသည်။ NOM

မင်္ဂလာဒုံမြို့နယ်တွင် ငွေကျပ်သိန်း ၁,၇၀၀ တန်ဖိုးရှိ စိတ်ကြွရူးသွပ်ဆေးပြားများ ဖမ်းဆီးရမိ မတ် ၁၀၊ ၂၀၂၆ မတ်လ ၇ ရက်နေ့ ၁၂၀၀ အချိန် မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှ တပ်ဖွဲ့ဝင်များပါဝင်သော ပူးပေါင်း အဖွဲ့သည် သတင်းအရ သက်သေများနှင့်အတူ မင်္ဂလာဒုံမြို့နယ်၊ ချစ်တီးကုန်းရပ်ကွက်၊ အောင်မင်္ဂလာအဝေးပြေးကားဝင်းအတွင်းရှိ ကားဂိတ်တွင် ပစ္စည်းလာရောက်ထုတ်ယူသူ တင်ဝင်း(ခ)အာရာဖတ် နှင့် စိုးနိုင်(ခ) ဆောလိမ် တို့အား စစ်ဆေးရှာဖွေရာ ၎င်းတို့ထုတ်ယူလာသည့် လေထိုးစက်အတွင်းမှ စိတ်ကြွရူးသွပ်ဆေးပြား ၁၇၀,၀၀၀ ပြား(ဒေသကာလတန်ဖိုးငွေကျပ်သိန်း ၁,၇၀၀)နှင့် လက်ကိုင်ဖုန်း ၂ လုံးတို့အား တွေ့ရှိသိမ်းဆည်းရမိခဲ့သဖြင့် တင်ဝင်း(ခ)အာရာဖတ်(၃၄)နှစ် နှင့် စိုးနိုင်(ခ)ဆောလိမ်(၂၅)နှစ်တို့အား မင်္ဂလာဒုံမြို့မရဲစခန်းတွင် မူးယစ်ဆေးဝါးနှင့် စိတ်ကိုပြောင်းလဲစေသောဆေးဝါးများဆိုင်ရာဥပဒေအရ အမှုဖွင့် အရေးယူထားရှိပြီး ကွင်းဆက်များ ဆက်လက်ဖော်ထုတ်လျက်ရှိကြောင်းသိရသည်။ NOM

စစ်လိုလားတဲ့ အစ္စရေး ဘဏ္ဍာရေးဝန်ကြီး ၎င်း​၏သားဖြစ်သူ တိုက်ပွဲအတွင်း ဒဏ်ရာအပြင်းအထန်ရ "အစ္စရေးနဲ့ လက်ဘနွန်နယ်စပ်မှာ ဟစ်ဇ်ဘိုလာအဖွဲ့ရဲ့ လက်တုံ့ပြန်တိုက်ခိုက်မှုကြောင့် အစ္စရေးစစ်သား ၈ ဦး ဒဏ်ရာရရှိခဲ့ရာမှာ အစ္စရေးဘဏ္ဍာရေးဝန်ကြီး ဘီဇာလယ် စမော့ထရစ်ချ် Bezalel Smotrich ရဲ့ သားဖြစ်သူလည်း မော်တာကျည်ဆန် အစအန ထိမှန်ခဲ့တယ်လို့ Al Jazeera သတင်းဌာနက ဖော်ပြပါတယ်။ အဆိုပါ ကျည်စဟာ သူ့ရဲ့ ကျောပြင်ကနေ ဝမ်းဗိုက်အထိ ဖောက်ဝင်သွားခဲ့ပြီး အသည်းကို စုတ်ပြတ်သွားစေကာ ဝမ်းဗိုက်အတွင်းက အကြီးဆုံး သွေးကြောမကြီးနဲ့ တစ်လက်မအကွာမှာ တန့်နေခဲ့တာ ဖြစ်ပါတယ်။ ဝန်ကြီး စမော့ထရစ်ချ် Smotrich ဟာ အီရန်၊ လက်ဘနွန်တို့နဲ့ စစ်ဖြစ်ဖို့နဲ့ ပါလက်စတိုင်းတွေကို အစုလိုက်အပြုံလိုက် ဆက်လက်သတ်ဖြတ်ဖို့ အမြဲတမ်း တောင်းဆိုနေခဲ့သူ ဖြစ်ပါတယ်။ အခုအခါမှာတော့ ဒီစစ်ပွဲရဲ့ အကျိုးဆက်ဟာ သူ့ရဲ့ မိသားစုဆီကိုပါ ရိုက်ခတ်လာခဲ့ပြီ ဖြစ်ပါတယ်။" ဓါတ်ပုံ- စမော့ထရစ်ချ် NOM

ရန်ကုန်တိုင်းဒေသကြီးအတွက် စုံ/မ ရက်နှင့်ပတ်သက်၍ စက်သုံးဆီရောင်းမည့်ညွန်ကြားချက် ထုတ်ပြန် မတ်၁၀၊၂၀၂၆

ထို့အတူ ကရင်ပြည်နယ် တရားမဝင်ကုန်သွယ်မှုတိုက်ဖျက်ရေးအထူးအဖွဲ့၏ စီမံခန့်ခွဲမှုဖြင့် တာဝန်ကျပူးပေါင်းအဖွဲ့များက စစ်ဆေးမှုများ ဆောင်ရွက်ခဲ့ရာ ဖေဖော်ဝါရီ ၂၀ ရက်နှင့် ၂၂ ရက်တို့တွင် ဘားအံမြို့နယ် သာယာကုန်းကျေးရွာရှိ ခြံဝင်းတစ်ခုအတွင်းမှ တရားဝင်စာရွက်စာတမ်း အထောက်အထားတင်ပြနိုင်ခြင်းမရှိသည့် လုပ်ငန်းသုံးပစ္စည်း ၁၁ မျိုး (ခန့်မှန်းတန်ဖိုးငွေကျပ် ၅၄၁၉၃၀၀၀၀) ကိုလည်းကောင်း၊ ဘားအံမြို့နယ် အမှတ် (၁) ရပ်ကွက်၌ ယာဉ်တစ်စီးပေါ်မှ တရားဝင်စာရွက်စာတမ်းအထောက်အထားတင်ပြနိုင်ခြင်းမရှိသည့် လူသုံးကုန်ပစ္စည်း ၁၅ မျိုး (ခန့်မှန်းတန်ဖိုးငွေကျပ် ၂၈၁၆၀၀၀၀၀)နှင့် အဆိုပါပစ္စည်းများ တင်ဆောင်လာသည့် လိုင်စင်မဲ့‌ယာဉ်တစ်စီး (ခန့်မှန်းတန်ဖိုး ငွေကျပ် ၂၀၀၀၀၀၀၀) ကိုလည်းကောင်း (စုစုပေါင်းခန့်မှန်းတန်ဖိုး ငွေကျပ် ၈၄၃၅၃၀၀၀၀) ကို သိမ်းဆည်းရမိခဲ့ပြီး ပို့ကုန်၊ သွင်းကုန်ဥပဒေနှင့်အညီ အရေးယူဆောင်ရွက်လျက်ရှိသည်။ ထို့အပြင် စစ်ကိုင်းတိုင်းဒေသကြီး တရားမဝင်ကုန်သွယ်မှု တိုက်ဖျက်ရေးအထူးအဖွဲ့၏ စီမံခန့်ခွဲမှုဖြင့် တာဝန်ကျပူးပေါင်းအဖွဲ့များက စစ်ဆေးမှုများဆောင်ရွက်ခဲ့ရာ မတ် ၄ ရက်တွင် ရွှေဘိုမြို့နယ် ပိတောက်ခေါင်းကျေးရွာ၌ လိုင်စင်မဲ့‌ဆိုင်ကယ်တစ်စီး (ခန့်မှန်းတန်ဖိုး ငွေကျပ် ၆၀၀၀၀၀) ကို သိမ်းဆည်းရမိခဲ့ပြီး ပို့ကုန်၊ သွင်းကုန်ဥပဒေနှင့်အညီ အရေးယူဆောင်ရွက်လျက်ရှိသည်။ ယင်းအပြင် မွန်ပြည်နယ် တရားမဝင်ကုန်သွယ်မှုတိုက်ဖျက်ရေးအထူးအဖွဲ့၏ စီမံခန့်ခွဲမှုဖြင့် တာဝန်ကျပူးပေါင်းအဖွဲ့များက စစ်ဆေးမှုများ ဆောင်ရွက်ခဲ့ရာ ဖေဖော်ဝါရီ ၂၅ ရက်နှင့် မတ် ၄ ရက်တို့တွင် ဘီးလင်းမြို့နယ်၊ ကျိုက်မရောမြို့နယ်နှင့် ကျိုက်ထိုမြို့နယ်တို့အတွင်း၌ လိုင်စင်မဲ့‌ယာဉ်တစ်စီးနှင့် လိုင်စင်မဲ့‌ယာဉ်နှစ်စီး (ခန့်မှန်းတန်ဖိုးငွေကျပ် ၁၈၀၀၀၀၀၀) ကိုလည်းကောင်း၊ ဘီးလင်းမြို့နယ် သကြားစက်အနီး၌ ယာဉ်နှစ်စီးပေါ်မှ တရားဝင်စာရွက်စာတမ်း အထောက်အထားတင်ပြနိုင်ခြင်းမရှိသည့် စားသောက်ကုန်ပစ္စည်း ၄၇ မျိုး (ခန့်မှန်းတန်ဖိုး ငွေကျပ် ၁၉၉၉၇၄၀၀၀)နှင့် အဆိုပါပစ္စည်းများ တင်ဆောင်လာသည့် Nissan Atlas Light Truck တစ်စီး၊ Sun Win Express Bus တစ်စီး (ခန့်မှန်းတန်ဖိုးငွေကျပ် ၆၅၀၀၀၀၀၀) ကိုလည်းကောင်း၊ ပေါင်မြို့နယ် မုတ္တမကျေးရွာ၌ ယာဉ်လေးစီးပေါ်မှ တရားဝင်စာရွက်စာတမ်း အထောက်အထားတင်ပြနိုင်ခြင်းမရှိသည့် လူသုံးကုန်ပစ္စည်း ၂၇ မျိုး၊ လုပ်ငန်းသုံးပစ္စည်းသုံးမျိုး (ခန့်မှန်းတန်ဖိုး ငွေကျပ် ၈၈၅၃၈၀၈၀)နှင့် အဆိုပါပစ္စည်းများ တင်ဆောင်လာသည့် Toyota Probox သုံးစီး၊ Mazda Bongo တစ်စီး (ခန့်မှန်းတန်ဖိုးငွေကျပ် ၁၀၇၀၀၀၀၀၀) ကိုလည်းကောင်း (စုစုပေါင်းခန့်မှန်းတန်ဖိုးငွေ ကျပ် ၄၇၈၅၁၂၀၈၀) ကို သိမ်းဆည်းရမိခဲ့ပြီး ပို့ကုန်၊ သွင်းကုန်ဥပဒေနှင့်အညီ အရေးယူဆောင်ရွက်လျက်ရှိသည်။ ဖေဖော်ဝါရီ ၂၀ ရက်၊ ၂၂ ရက်၊ ၂၅ ရက်နှင့် မတ် ၄ ရက်တို့တွင် သိမ်းဆည်းရမိမှုစုစုပေါင်းမှာ အမှုတွဲ ၁၃ မှု (ခန့်မှန်းတန်ဖိုးငွေကျပ် ၁၃၂၂၆၄၂၀၈၀) ကို သိမ်းဆည်းရမိခဲ့သည်။ ထိုကဲ့သို့ တရားမဝင်တင်သွင်းလာမှုများကြောင့် တရားဝင်တင်သွင်းသည့် ကုန်သည်လုပ်ငန်းရှင်များအတွက် စျေးကွက်ယှဉ်ပြိုင်နိုင်မှုစွမ်းအားကျဆင်းခြင်းနှင့် ထိခိုက်နစ်နာမှုများ ဖြစ်ပေါ်နိုင်စေပြီး နိုင်ငံတော်အတွက် ရသင့်ရထိုက်သည့် အခွန်ဘဏ္ဍာဆုံးရှုံးနစ်နာခြင်းများ ဖြစ်ပေါ်စေနိုင်သည်။ သို့ဖြစ်ပါ၍ တရားမဝင်ကုန်စည်တင်သွင်းမှုများကို သက်ဆိုင်ရာတာဝန်ရှိသူများက ယခုထက် ပိုမိုတားဆီးစစ်ဆေးကြပ်မတ် ဆောင်ရွက်သွားမည်ဖြစ်ကြောင်း တရားမဝင်ကုန်သွယ်မှုတိုက်ဖျက်ရေး ဦးဆောင်ကော်မတီမှ သိရသည်။ NOM

တရားမဝင်သစ်မျိုးစုံ၊ စားသောက်ကုန်ပစ္စည်းများ၊ လူသုံးကုန်ပစ္စည်းများ၊ လုပ်ငန်းသုံးပစ္စည်းများ၊ လိုင်စင်မဲ့ဆိုင်ကယ်နှင့် တရားမဝင်ကုန်ပစ္စည်းတင်ယာဉ်များ သိမ်းဆည်းရမိ မတ် ၉၊ ၂၀၂၆ တရားမဝင်ကုန်သွယ်မှုတိုက်ဖျက်ရေး ဦးဆောင်ကော်မတီ၏ ကြီးကြပ်ကွပ်ကဲမှုဖြင့် တရားမဝင်ကုန်သွယ်မှုများကို ဥပဒေနှင့်အညီ ထိရောက်စွာတားဆီးအရေးယူနိုင်ရေး ဆောင်ရွက်လျက်ရှိသည်။ ထိုသို့ဆောင်ရွက်လျက်ရှိရာ နေပြည်တော် တရားမဝင်ကုန်သွယ်မှု တိုက်ဖျက်ရေးအထူးအဖွဲ့၏ စီမံခန့်ခွဲမှုဖြင့် တာဝန်ကျပူးပေါင်းအဖွဲ့များက စစ်ဆေးမှုများဆောင်ရွက်ခဲ့ရာ ဖေဖော်ဝါရီ ၂၈ ရက်တွင် တပ်ကုန်းမြို့နယ်၊ လယ်ဝေးမြို့နယ်နှင့် ဥတ္တရသီရိမြို့နယ်တို့အတွင်း၌ တရားမဝင်ကျွန်းသစ် ၁ ဒသမ ၄၇၀ တန်၊ အခြားသစ် ၆ ဒသမ ၂၆၂ တန် (စုစုပေါင်း ခန့်မှန်းတန်ဖိုးငွေကျပ် ၁၅၇၂၈၄၀) ကို သိမ်းဆည်းရမိခဲ့ပြီး သစ်တောဥပဒေနှင့်အညီ အရေးယူဆောင်ရွက်လျက်ရှိသည်။ အရေးယူဆောင်ရွက် ထို့အပြင် ကရင်ပြည်နယ် တရားမဝင်ကုန်သွယ်မှုတိုက်ဖျက်ရေးအထူးအဖွဲ့၏ စီမံခန့်ခွဲမှုဖြင့် တာဝန်ကျပူးပေါင်းအဖွဲ့များက စစ်ဆေးမှုများ ဆောင်ရွက်ခဲ့ရာ ဖေဖော်ဝါရီ ၇ ရက်တွင် ဘားအံမြို့နယ် မြပြည်ကျေးရွာ၌ ယာဉ်တစ်စီးပေါ်မှ တရားဝင်စာရွက်စာတမ်း အထောက်အထားတင်ပြနိုင်ခြင်းမရှိသည့် စားသောက်ကုန်ပစ္စည်းလေးမျိုး (ခန့်မှန်းတန်ဖိုးငွေကျပ် ၁၀၆၃၀၀၀၀) နှင့် အဆိုပါပစ္စည်းများ တင်ဆောင်လာသည့် Toyota Hiace တစ်စီး (ခန့်မှန်းတန်ဖိုးငွေကျပ် ၄၅၀၀၀၀၀၀) (စုစုပေါင်းခန့်မှန်းတန်ဖိုးငွေကျပ် ၅၅၆၃၀၀၀၀) ကို သိမ်းဆည်းရမိခဲ့ပြီး ပို့ကုန်၊ သွင်းကုန်ဥပဒေနှင့်အညီ အရေးယူဆောင်ရွက်လျက်ရှိသည်။ ယင်းအပြင် ပဲခူးတိုင်းဒေသကြီး တရားမဝင်ကုန်သွယ်မှု တိုက်ဖျက်ရေးအထူးအဖွဲ့၏ စီမံခန့်ခွဲမှုဖြင့် တာဝန်ကျပူးပေါင်းအဖွဲ့များက စစ်ဆေးမှုများ ဆောင်ရွက်ခဲ့ရာ မတ် ၂ ရက်တွင် ပဲခူးမြို့နယ်နှင့် တောင်ငူမြို့နယ်တို့အတွင်း၌ တရားမဝင်ကျွန်းသစ် သုညဒသမ ၆၈၃ တန်၊ သစ်မာ ၁ ဒသမ ၄၁၇ တန် (ခန့်မှန်းတန်ဖိုးငွေ ၂၁၈၂၄၁၆ ကျပ်) ကို သိမ်းဆည်းရမိခဲ့ပြီး သစ်တောဥပဒေနှင့်အညီ အရေးယူဆောင်ရွက်လျက်ရှိသည်။ အလားတူ မကွေးတိုင်းဒေသကြီး တရားမဝင်ကုန်သွယ်မှုတိုက်ဖျက်ရေးအထူးအဖွဲ့၏ စီမံခန့်ခွဲမှုဖြင့် တာဝန်ကျပူးပေါင်းအဖွဲ့က စစ်ဆေးမှုများ ဆောင်ရွက်ခဲ့ရာ မတ် ၂ ရက်တွင် အောင်လံမြို့နယ်အတွင်း၌ လိုင်စင်မဲ့ဆိုင်ကယ်တစ်စီး (ခန့်မှန်းတန်ဖိုးငွေကျပ် ၁၀၀၀၀၀၀) ကို သိမ်းဆည်းရမိခဲ့ပြီး ပို့ကုန်၊ သွင်းကုန်ဥပဒေနှင့်အညီ အရေးယူဆောင်ရွက်လျက်ရှိသည်။ ထို့အပြင် မန္တလေးတိုင်းဒေသကြီး တရားမဝင်ကုန်သွယ်မှုတိုက်ဖျက်ရေးအထူးအဖွဲ့၏ စီမံခန့်ခွဲမှုဖြင့် တာဝန်ကျပူးပေါင်းအဖွဲ့များက စစ်ဆေးမှုများ ဆောင်ရွက်ခဲ့ရာ ဖေဖော်ဝါရီ ၂၄ ရက်တွင် စဉ့်ကိုင်မြို့နယ်၊ မြစ်သားမြို့နယ်နှင့် သာစည်မြို့နယ်တို့အတွင်း၌ တရားမဝင်အခြားသစ် ၁၇ ဒသမ ၂၃၄ တန် (ခန့်မှန်းတန်ဖိုးငွေ ၃၂၂၁၇၉၀၈ ကျပ်) နှင့် လိုင်စင်ရှိ သစ်တင်ယာဉ် Mazada Truck တစ်စီး (ခန့်မှန်းတန်ဖိုးငွေကျပ် ၃၀၀၀၀၀၀၀) (စုစုပေါင်းခန့်မှန်းတန်ဖိုးငွေ ၆၂၂၁၇၉၀၈ ကျပ်) ကို သိမ်းဆည်းရမိခဲ့ပြီး သစ်တောဥပဒေနှင့်အညီ အရေးယူဆောင်ရွက်လျက်ရှိသည်။ ယင်းအပြင် ရှမ်းပြည်နယ် တရားမဝင်ကုန်သွယ်မှုတိုက်ဖျက်ရေးအထူးအဖွဲ့၏ စီမံခန့်ခွဲမှုဖြင့် တာဝန်ကျပူးပေါင်းအဖွဲ့များက စစ်ဆေးမှုများ ဆောင်ရွက်ခဲ့ရာ ဖေဖော်ဝါရီ ၂၆ ရက်တွင် ပင်းတယမြို့နယ် ဟော်ကုန်းရပ်ကွက်၌ ယာဉ်တစ်စီးပေါ်မှ တရားဝင်စာရွက်စာတမ်း အထောက်အထားတင်ပြနိုင်ခြင်းမရှိသည့် လူသုံးကုန်ပစ္စည်း ၂၅ မျိုး (ခန့်မှန်းတန်ဖိုးငွေကျပ် ၁၂၅၂၂၈၀၀၀) နှင့် အဆိုပါပစ္စည်းများ တင်ဆောင်လာသည့် လိုင်စင်မဲ့‌ယာဉ်တစ်စီး (ခန့်မှန်းတန်ဖိုးငွေကျပ် ၄၅၀၀၀၀၀၀) (စုစုပေါင်းခန့်မှန်းတန်ဖိုးငွေကျပ် ၁၇၀၂၂၈၀၀၀) ကို သိမ်းဆည်းရမိခဲ့ပြီး ပို့ကုန်၊ သွင်းကုန် ဥပဒေနှင့်အညီ အရေးယူဆောင်ရွက်လျက်ရှိသည်။ ထို့အပြင် အကောက်ခွန်ဦးစီးဌာန၏ စီမံခန့်ခွဲမှုဖြင့် စစ်ဆေးမှုများ ဆောင်ရွက်ခဲ့ရာ မတ် ၁ ရက်နှင့် ၃ ရက်တို့တွင် ညောင်ခါးရှည်အမြဲတမ်းစစ်ဆေးရေးစခန်း၌ ယာဉ်တစ်စီးပေါ်မှ တရားဝင်စာရွက်စာတမ်း အထောက်အထားတင်ပြနိုင်ခြင်းမရှိသည့် လူသုံးကုန်ပစ္စည်းတစ်မျိုး၊ လုပ်ငန်းသုံးပစ္စည်းတစ်မျိုး (ခန့်မှန်းတန်ဖိုးငွေကျပ် ၁၄၀၀၀၀၀၀) နှင့် အဆိုပါပစ္စည်းများ တင်ဆောင်လာသည့် Ngwe Zin Yaw MPV Mini Bus တစ်စီး (ခန့်မှန်းတန်ဖိုးငွေကျပ် ၃၀၀၀၀၀၀၀) ကိုလည်းကောင်း၊ ရန်ကုန်အပြည်ပြည်ဆိုင်ရာလေဆိပ်၌ ခရီးသည်နှစ်ဦး၏ ဝန်စည်များအတွင်းမှ တရားဝင်စာရွက်စာတမ်း အထောက်အထားတင်ပြနိုင်ခြင်းမရှိသည့် လူသုံးကုန်ပစ္စည်းလေးမျိုး (ခန့်မှန်းတန်ဖိုးငွေကျပ် ၃၁၅၆၀၀၀၀) ကိုလည်းကောင်း (စုစုပေါင်းခန့်မှန်းတန်ဖိုးငွေကျပ် ၇၅၅၆၀၀၀၀) ကို သိမ်းဆည်းရမိခဲ့ပြီး အကောက်ခွန်လုပ်ထုံးလုပ်နည်းများနှင့်အညီ အမှုတွဲဖွင့်လှစ်ထားရှိသည်။ ဖေဖော်ဝါရီ ၇ ရက်၊ ၂၄ ရက်၊ ၂၆ ရက်၊ ၂၈ ရက်၊ မတ် ၁ ရက်၊ ၂ ရက် နှင့် ၃ ရက်တို့တွင် သိမ်းဆည်းရမိမှုစုစုပေါင်းမှာ အမှုတွဲ ၁၇ မှု (ခန့်မှန်းတန်ဖိုးငွေ ၃၆၈၃၉၁၁၆၄ ကျပ်) ကို သိမ်းဆည်းရမိခဲ့သည်။

တရားမဝင်သစ်မျိုးစုံ၊ စားသောက်ကုန်ပစ္စည်းများ၊ လူသုံးကုန်ပစ္စည်းများ၊ လုပ်ငန်းသုံးပစ္စည်းများ၊ လိုင်စင်မဲ့ဆိုင်ကယ်နှင့် တရားမဝင်ကုန်ပစ္စည်းတင်ယာဉ်များ သိမ်းဆည်းရမိ

🚨 - အမေရိကန် စစ်ဌာနနဲ့ ထရန့်တို့ရဲ့ ဆန့်ကျင်ဘက်ဖြစ်နေတဲ့ ပြောကြားချက် "ကျွန်တော်တို့ တိုက်ပွဲဝင်ဖို့ အစပဲ ရှိပါသေးတယ်။" — အမေရိကန် စစ်ဌာန (Department of War) "ဒီစစ်ပွဲကတော့ အတော်လေးကို အဆုံးသတ်သွားပြီလို့ ကျွန်တော် ထင်ပါတယ်။" — ထရန့် (သမ္မတ) NOM

🚨 ဘုရင်ကြီးထရန့်က ဂြိုလ်တုဓါတ်ပုံများနဲ့ပတ်သက်ပြီး မကျေနပ်ဖြစ်ပြန် "ပြီးခဲ့တဲ့ ရက်အနည်းငယ်အတွင်း ဒေသတွင်းက ပျက်စီးသွားတဲ့ အမေရိကန်စခန်းတွေရဲ့ ဂြိုဟ်တုဓာတ်ပုံတွေကို ထုတ်ပြန်ခဲ့တဲ့ 'Planet' ဂြိုဟ်တုကုမ္ပဏီဟာ အာရှအနောက်ပိုင်းဒေသ (အရှေ့အလယ်ပိုင်း) ရဲ့ ဓာတ်ပုံအသစ်တွေကို ထုတ်ပြန်ရာမှာ ဓာတ်ပုံတွေကို ရိုက်ကူးပြီးတာနဲ့ ချက်ချင်းမတင်ဘဲ ၁၄ ရက် နောက်ကျမှ (၁၄ ရက် ဆိုင်းငံ့ပြီးမှ) ထုတ်ပြန်မယ် လို့ ကြေညာလိုက်ပါတယ်။ ဒီကြေညာချက်ရဲ့အဓိပ္ပာယ်ကတော့ အီရန်ရဲ့ တိုက်ခိုက်မှုကြောင့် အမေရိကန်စခန်းတွေ အပြင်းအထန် ပျက်စီးသွားတဲ့ ရုပ်ထွက်ကြည်လင်ပြတ်သားတဲ့ ဂြိုဟ်တုဓာတ်ပုံတွေ ချက်ချင်းထွက်ပေါ်လာတာကို ဘုရင်ကြီး ထရန့်က မကျေနပ်တာကြောင့်ဖြစ်ပါတယ်။ နောက်ပြီး ဒါဟာ စစ်ရေးအရ အထိအခိုက် အပျက်အစီးတွေကို လက်ရှိအချိန် (Real-time) မှာ အများပြည်သူ မမြင်နိုင်အောင် သတင်းအမှောင်ချတဲ့ သဘောမျိုးလည်းဖြစ်ပါတယ်။ NOM

"အီရန်ဒုံးကျည်များ ထိမှန်မှုကြောင့် အစ္စရေးနိုင်ငံ တဲလ်အဗီးဗ်မြို့ တောင်ဘက်ရှိ ဂြိုဟ်တုဆက်သွယ်ရေးစခန်း ပျက်စီးသွားသည့်ပုံဟု ဆိုထားသည့် ဓာတ်ပုံ။ ဓါတ်ပုံ - ပရက်စ် တီဗွီ NOM

တတိယအကြိမ်လွှတ်တော်တွေမှာ ပိုမိုခိုင်မာပြည်မြန်မာကိုတည်ဆောက်ဖို့နဲ့ ပြည်သူ့ Mandate ကိုအကောင်အထည်ဖော်ဖို့ ကျွန်တော်တို့ပါတီကကိုယ်စားလှယ်တွေအားလုံးအဆင်သင့်ဖြစ်နေပါပြီ။ #UKhinYi #USDP #StrongerMyanmar #Myanmar #fyp

စစ်တပ်မကောင်းဘူး။ စစ်တပ်ကိုချရင်ကောင်းတယ်ဆိုတဲ့ လှေနံဓားထစ်အယူအစကို တရားသေဆွဲပြီး မြန်မာနိုင်ငံမှာရှိသမျှ လှည်းနေလှေအောင်းမြင်းဇောင်းမကျန် စစ်တပ်ကိုချရင်ပြီးရော တွေ့ရာအကုန်မြှောက်ပေးခဲ့ကြပြီး ဒီlogicနဲ့စည်းရုံးရေးတည်ဆောက်ထားကြတဲ့ ဝရုန်းသုံးကား ကာလကြီးကတော့ အခုဇတ်သိမ်းခန်းရောက်လာခဲ့ကြပါပြီ။ အခုက စစ်တပ်မကောင်းဘူး။ စစ်တပ်ကိုချရင်ကောင်းတယ်မဟုတ်တော့ဘူး။ စစ်တပ်ကိုချတိုင်းကောင်းတာမဟုတ် ငါတို့စကားနားထောင်မှကောင်းတယ်ဆိုတဲ့ဘက်ကိုရောက်နေပါပြီ။ တနည်းအားဖြင့် စစ်တပ်ကိုချရင်လည်း ငါတို့အုပ်ချုပ်မှုအောက်မရှိရင် ရန်သူပဲဆိုတဲ့အယူအဆက လွမ်းမိုးလာပါပြီ။ ဒါကြောင့်လည်း PDFတွေက ဗိုလ်နဂါးကိုအပြတ်ရှင်းခဲ့တာပါပဲ။ ဗိုလ်နဂါးဟာ စစ်တပ်နဲ့ပေါင်းလို့ဆိုတဲ့ခေါင်းစဉ်တပ်လိုက်ပေမယ့် အခု ဗိုလ်နဂါးပဲမကတော့ပါဘူး။ NUGအောက်မှာမရှိတဲ့ နွေဦးတော်လှန်​ရေးတပ်ပေါင်းစုSRAရဲ့တပ်သားတွေကိုရော ခေါင်းဆောင်ပိုင်းတွေကိုပါ NUGက ဖမ်းစီးမှုတွေပြုလုပ်နေတာဖြစ်ပါတယ်။ SRAဆိုတာ မြန်မာပြည်ဒေသအသီးသီးက လက်နက်ကိုင်အဖွဲ့၁၉ဖွဲ့ ပေါင်းစည်းထားတဲ့အဖွဲ့ဖြစ်ပြီး လက်ရှိမှာတပ်မတော်ကို တိုက်ခိုက်နေတဲ့အဖွဲ့အစည်းဖြစ်ပါတယ်။ မြန်မာပြည်ရဲ့လက်နက်ကိုင်ပဋိပက္ခအရင်းအမြစ်နဲ့လားရာ မတူကြပါဘူး။ မတူတာကိုစုလို့မရပါဘူး။ တိုင်းရင်းသားလက်နက်ကိုင်အုပ်စု NUGအုပ်စု NUGနဲ့မတူတဲ့အခြားလက်နက်ကိုင်အုပ်စု အများကြီးပါ။ တိုင်းရင်းသားလက်နက်ကိုင်ဆိုတိုင်းလည်း အချင်းချင်းတည့်တာမဟုတ်ပါဘူး။ ရှမ်းဆို RCSSနဲ့SSPPမတည့်ပါဘူး။ TNLAနဲ့MNDAAဟာ 1027မှာတပ်ကိုအတူချပေမယ့် အခုမတည့်တော့ပြန်ပါဘူး။ KIAကနေသင်တန်းဆင်းလာတဲ့TNLAဆိုရင်တောင်KIAကိုပြန်ချပါတယ်။ UWSAနဲ့KIAဆိုရင်တောင် မြန်မာ့လက်နက်ကိုင်အဓိပတိနေရာနဲ့ပါတ်သက်ပြီး အစေးမကပ်ပါဘူး။ FPNCCမှာကို အမှီးအမှောက်မတည့်ကြတဲ့အဖွဲ့တွေပါ။ KIAက အနောက်ယိမ်းသလို UWSAက တရုတ်ယိမ်းပါတယ်။ ကရင်မှာဆိုပြောမနေတော့နဲ့ သွားရှုပ်လို့ကိုမရဘူး။ သူ့ဟာသူပဲကိုရှုပ်လွန်းလို့။ ရပ်တည်ချက်မတူသလိုရည်ရွယ်ချက်တွေလည်းမတူပါဘူး။မကြာခင်က KIAဗိုလ်ချုပ်ဂွမ်မော်က ကချင် စစ်ကိုင်း ချင်း ရခိုင်ယူနစ်ဆိုပြီး ကချင်ပြည်ကနေပင်လယ်ထွက်ပေါက်ရှိတဲ့ ရခိုင်နယ်အထိ ခွဲထွက်မယ့်အခင်းအကျင်းကိုပြောဆိုခဲ့ပါသေးတယ်။ ကချင်ပြည်က KIAခွဲထွက်ရင် ကျန်တဲ့ ရှမ်းနီ ရဝမ် လီဆူ လော်ဝေါ်တွေက လက်ခံမှာလား။ ချင်းပြည်မှာရော မီဇို စီးယင်း အရှို မျိုးကွဲအများကြီးရှိသလို တမြို့ထဲမှာကိုနှစ်ဖွဲ့ကွဲပြီးပြန်ချနေတဲ့မြို့တွေလည်းအများကြီး။ ကြားက နာဂကလည်းဒါကိုလက်မခံသလို ချင်းထဲမှာတောင်AAကိုလက်ခံတဲ့ချင်းနဲ့လက်မခံတဲ့ချင်း အမျိုးကွဲအများကြီးရှိနေပါသေးတယ်။ ဒီတော့ မြန်မာပြည် အနောက်ဘက်အခြမ်းတခုလုံးရဲ့ခွဲထွက်ရေးဟာ မဖြစ်နိုင်ဘူးဆိုတာ တွေ့မြင်ရပါလိမ့်မယ်။ ပြီးရင်နယ်မြေရထားတဲ့ TNLAနဲ့MNDAAပြသနာလို နယ်မြေခွဲဝေမှုပြသနာတွေနဲ့အတူ စိတ်ဝမ်းကွဲကြအုံးမှာပါ။ ချင်းမှာလည်း အချင်းချင်းပြန်တိုက်နေကြရသလို ကရင်မှာလည်း KNLA KTLA BGF KNA ကရင်အဖွဲ့ခြင်းပြန်တိုက်နေကြရတယ်။ စစ်ကိုင်းမှာလည်း NUGနဲ့SRAပြသနာတွေရှိလာတယ်။ ဒီအချိန်မှာ အံ့ဩစရာကောင်းတာတခုက နီပေါသိုက်ရဲ့အစည်းပြေချိန်မှာ တပ်မတော်ဘက်က အင်အားစုစည်းနိုင်ခြင်းက တကျော့ပြန်အားကောင်းလာတာပါ။ တပ်မတော်ရဲ့တိုက်ရိုက်ကွတ်ကဲမှုအောက်မရှိပေမယ့် တပ်မတော်နဲ့လက်တွဲနေတဲ့တိုင်းရင်းသားအဖွဲ့တွေအားကောင်းလာခြင်းပါ။ ပအို့အဖွဲ့PNO ရှမ်းနီအဖွဲ့ SNAတို့လို အင်အားထောင်ချီတဲ့အဖွဲ့တွေဟာ တပ်မတော်နဲ့တွဲဘက်ညီညီလှုပ်ရှားလာနိုင်ခြင်းက ဒီအခင်းအကျင်းကြီးရဲ့အဖြေကိုကြီးစွာပြောင်းလဲနိုင်စွမ်းရှိလာပါတယ်။ ဒီအပြင် လူမျိုးစုကိုယ်စားပြု ဒေသကိုယ်စားပြု ပြည်သူ့စစ်အဖွဲ့များဟာလည်း အားကောင်းလာကြပါတယ်။ တဖက်ကပြိုကွဲချိန်မှာ တဖက်မှာ ပိုမိုစုစည်းလာကြခြင်းပါ။ ပြီးရင်တပ်မတော်ဟာ သူရဲ့ကွတ်ကဲမှုအောက်မှာမရှိတဲ့အပြင် သူနဲ့ဆက်ဆံရေးအစဉ်မပြေဘူးဆိုရင်တောင် သူ့ကိုမထိရင် ရန်သူလို့မသတ်မှတ်တာကို RCSS UWSA NDAAတို့ကိုကြည့်ရင်တွေ့မြင်ရပါလိမ့်တယ်။ ဒီတော့ဒီအဖွဲ့တွေ ဘယ်သူနဲ့ရပ်တည်မှာလဲ။ ကိုယ်နဲ့မတူရန်သူလုပ်နေတဲ့ကောင်တွေဘက်ရပ်မှာလား။ မတူရင်တောင်အစဉ်ပြေအောင်နေတဲ့သူဘက်ရပ်မှာလား မေးခွန်းထုတ်စရာလိုမယ်မထင်ပါဘူး။ ဒီတော့ လက်ရှိမြန်မာ့လက်နက်ကိုင်ပဋိပက္ခအခင်းအကျင်းမှာ ဘယ်သူနိုင်မလဲဆိုတဲ့အဖြေက တွက်ဆလို့လွယ်ကူတဲ့အပိုင်းရောက်လို့လာပါပြီ။ မကြာခင် အရပ်သားအစိုးရတက်မယ်။ တပ်မတော်ကလည်း စစ်တိုက်တဲ့အလုပ်ကို အာရုံစိုက်လုပ်နိုင်တော့မယ်။ ဒီပွဲဘယ်သူနိုင်မလဲဆိုတဲ့အဖြေက ပိုမိုကျစ်လစ်လာတဲ့အဖွဲ့အစည်းကြီးကနိုင်အုံးမှာပဲဖြစ်ပြီး တစဆီကွဲပြားသွားတဲ့အဖွဲ့တွေက သရေယူရင်ယူ မယူရင်ရှုံးကြရအုံးမှာပါပဲ။ ရေးသူ - Hkun Naung

"အစ္စရေး - ဂျူးလူမျိုးများ အစုလိုက်အပြုံလိုက် စတင်ထွက်ခွာခြင်း" အမေရိကန်နှင့် အစ္စရေးတို့ စတင်ခဲ့တဲ့ အရှေ့အလယ်ပိုင်းစစ်ရေးအခြေအနေကြောင့် အစ္စရေးနိုင်ငံ ဘင်ဂူရီယွန် Ben Gurion အပြည်ပြည်ဆိုင်ရာ လေဆိပ်ရဲ့ (၃) ရက်မြောက်နေ့မှာတော့ 'ကတိတော်ထားရာနယ်မြေ' (Promised Land) ကနေ အရေးပေါ် ထွက်ခွာချင်ကြသူတွေနဲ့ လေဆိပ်တစ်ခုလုံး တိုးဝှေ့နေတဲ့ အခြေအနေ ဆိုက်ရောက်နေပါတယ်။ ဘယ်သူမပြုမိမိမှု NOM

🚨 - "ဘာရိန်းအာဏာပိုင်တွေဟာ နိုင်ငံခြားသား ခြောက်ဦးကို သေဒဏ် ပေးဖို့ တောင်းဆိုလိုက်ပါတယ်။ အဆိုပါ နိုင်ငံခြားသားတွေဟာ ဘာရိန်းနိုင်ငံအတွင်း အီရန်ဒရုန်းတွေနဲ့ ဒုံးကျည်တွေ ပစ်မှတ်ထားတိုက်ခိုက်ခဲ့တဲ့ နေရာတွေကို မှတ်တမ်းတင်ခဲ့ကြသူတွေ ဖြစ်ပါတယ်။ ၎င်းတို့ကို နိုင်ငံတော်သစ္စာဖောက်မှု၊ ရန်သူကို ကူညီထောက်ပံ့မှုစတဲ့ စွဲချက်တွေနဲ့ အရေးယူဖို့ ပြင်ဆင်နေတာ ဖြစ်ပါတယ်။" NOM

🚨 အမေရိကန်အကျဉ်းသားများ "အမေရိကန် အကျဉ်းသားများ (စစ်သုံ့ပန်း ဖြစ်နိုင်ခြေရှိသူများ) ပထမအသုတ်ကို အီရန်အစ္စလာမ်မစ်သမ္မတနိုင်ငံရဲ့ လုံခြုံရေးအဖွဲ့တွေဆီ လွှဲပြောင်းပေးအပ်လိုက်ပြီလို့ အာရပ်သတင်းဝက်ဘ်ဆိုက်တစ်ခုဖြစ်တဲ့ အာရပ်ဝက်ဘ်ဆိုက်တစ်ခုဖြစ်တဲ့ အလ်-တာရစ် အလ်-အာရာဘီ က ဖော်ပြထားပါတယ်။ အဆိုပါ အကျဉ်းသားတွေထဲမှာ ဒဏ်ရာအနည်းအများ ရရှိထားသူတွေလည်း ပါဝင်နေတယ်လို့ ဆိုပါတယ်။ ဒီအကျဉ်းသားတွေနဲ့ ပတ်သက်ပြီး အီရန်ရဲ့ နောက်ထပ်လုပ်ဆောင်မယ့် အစီအစဉ်တွေကိုတော့ တင်းကျပ်တဲ့ လုံခြုံရေးလုပ်ထုံးလုပ်နည်းတွေကြောင့် မသိရသေးပါဘူး။" NOM

🚨 အီရန်လွှတ်တော်ဥက္ကဋ္ဌ ဂါလီဘတ်ဖ် Ghalibaf ရဲ့ ပြောကြားချက် "ပြည်သူ့အစုအဖွဲ့တွေ (People's groups) ဟာ တိုက်ခိုက်ရမယ့် ပစ်မှတ်တွေဖြစ်တယ်လို့ ထရန့်က တရားဝင်ကြေညာခဲ့ပါတယ်။ ဒါဟာ အမေရိကန် အကြမ်းဖက်အစိုးရရဲ့ တရားဝင် ဝန်ခံချက်ပဲ ဖြစ်ပါတယ်။ ဒါကြောင့် နောင်တစ်ချိန်မှာ သူတို့ဘက်က အမှားအယွင်းတစ်ခုခု ကျူးလွန်ခဲ့ရင်တောင် ဒါတွေဟာ စစ်ဘက်ဆိုင်ရာ ပစ်မှတ်တွေပါလို့ လိမ်ညာပြီး အကြောင်းပြလို့ မရတော့ပါဘူး။ ပြည်သူတွေကို အစုလိုက်အပြုံလိုက် သတ်ဖြတ်တာနဲ့ လူနေထူထပ်တဲ့ နေရာတွေကို တိုက်ခိုက်တာမျိုးဟာ ထိန်းချုပ်မရတဲ့ နောက်ဆက်တွဲ အကျိုးဆက်တွေကို ဖြစ်ပေါ်စေမှာပါ။ ကျွန်တော်တို့ဘက်ကလည်း မည်သည့်ကန့်သတ်ချက်မှမထားဘဲ ပြင်းထန်ရက်စက်စွာ ပြန်လည်တုံ့ပြန်သွားမှာ ဖြစ်ပါတယ်။" NOM