Մեր մարզերը

Եվրոպայի օրվան նվիրված տոնակատարությունների շրջանակում Լոռու մարզում տեղի կունենա տեղեկատվական ցուցահանդես, ինչպես նաև մեծ ու բազմաժանր համերգ։ Մայիսի 17-ին` ժամը 16։00-ից, ՔՈԱՖ ՍՄԱՐԹ կենտրոնում տեղի կունենա տեղեկատվական ցուցահանդես, որի ընթացքում այցելուները հնարավորություն կունենան ծանոթանալու Եվրոպական միության կողմից ֆինանսական աջակցություն ստացած ծրագրերին ու դրանց շահառուներին։ Փոքրիկների օրը ևս իրական տոնի կվերածվի, ծրագրում ներառված խաղերի ու մրցույթների շնորհիվ, նրանք կունենան ժամանակը լավագույնս վայելելու բոլոր պայմանները։ Օրը կեզրափակվի մեծ համերգային ծրագրով, որտեղ ելույթ կունենան Արամ MP3-ին, «Լավ Էլի» ռոք խումբը, ինչպես նաև Հայկ Պետրոսյանը, Վահագն Հայրապետյանը, Դեյվ Գեոդակյանը, Արման Մնացականյանը և Դանիել Մելքոնյանը, ովքեր կներկայանան Շառլ Ազնավուրի 100-ամյակին նվիրված «Շնորհակալություն Շառլ» երաժշտական ծրագրով: Միջոցառումները կանցկացվեն մայրաքաղաք Երևանում և ՀՀ Լոռու, Սյունիքի մարզերում։ Մուտքն ազատ է։

STEM խթանման մրցանակաբաշխություն 🤖 FEMINNO-ն մեկնարկում է նոր ծրագիր, որն ուղղված է խթանելու դպրոցահասակ աղջիկների հետաքրքրությունը STEM/ԳՏՃՄ ոլորտներում: 🔍 Քիմիա, ֆիզիկա, երկրաչափություն, հանրահաշիվ, աստղագիտություն, աշխարհագրություն, կենսաբանություն, ինֆորմատիկա - եթե քեզ հետաքրքրում են այս առարկաները, ապա այս մրցույթը հիանալի հնարավորություն է, քանի որ STEM/ԳՏՃՄ ոլորտները որպես կանոն ներառում են հենց նշված դպրոցական առարկաները։ 💡 Փնտրում են աղջիկների, որոնք ուզում են փորձել իրենց ուժերը STEM/ԳՏՃՄ ուղղություններում և վստահ են, որ կարող են հավաքել 2-5 հոգանոց ընկերական թիմ։ Ծրագրին միացած մենթորների աջակցությամբ այդ թիմերը մտնելու են մրցակցության մեջ։ 🙋🏻‍♀️ Մասնակցել կարող են Հայաստանի բոլոր մարզերում և Երևանում ապրող 7-11-րդ դասարաններում սովորող աղջիկները։ 🖇 Ծրագիրն ընթանալու է 3 փուլով Մանրամասներին ծանոթանալու և գրանցվելու համար կարող եք անցնել հետևյալ հղմամբ ⏰ Դիմելու վերջնաժամկետն է մայիսի 25-ը։

📢 3 ամսյա անվճար դասընթաց ՈՄԱ-Գյումրիում Ձեզ կսովորեցնեն՝ 🔹 Առաջին օգնություն էքստրեմալ պայմաններում 🔹 Կրակային պատրաստություն 🔹 Ֆիզիկական-մարտավարական պատրաստություն 🔹 Լեռնային պատրաստություն/ալպինիզմ 🔹 Քարտեզագրություն/ ռազմական տեղագրություն 🔹 FPV դռոնների օպերատորների դասընթաց 🔹 Ռազմապարեր 📆 Գյումրիում դասընթացները սկսում ենք՝ Հունիսի 21-ից: 🔸 Գրաֆիկը՝ երկուշաբթի, չորեքշաբթի, ուրբաթ՝ 19:00-22:00, 🔸 Սեռը՝ անկախ սեռից, 🔸 Տարիքը՝ 16 և բարձր, 🔸 ԱՆՎՃԱՐ Է ☎️ Դիմեք՝ (+374) 93 407540 կամ գրեք էջին

🚀 Շարունակվում է Հայաստանի 10 մարզերից ընտրված 20 դասընթացավարների երկարաժամկետ ուսուցման և աշխատանքի դասընթացների շարքը։ 💡 Մայիսի 4-ին և 5-ին մասնակիցներն ամփոփեցին իրենց կազմակերպած ֆոկուս խմբային քննարկման արդյունքները և ծանոթացան ոչ ֆորմալ կրթական դասընթացների նախագծման և իրականացման սկզբունքներին ու մեթոդներին։ ✨Առաջիկա տարվա ընթացքում ծրագրի մասնակիցները որպես դասընթացավարներ հնարավորություն կունենան իրենց համայնքներում իրականացնել երիտասարդների կարիքների վրա հիմնված դասընթացներ։

🔹«Սպասարկման արվեստ» երկօրյա դասընթաց Իջևանում Միասին կբացահայտեք․ 🔹Գերազանց սպասարկման փիլիսոփայությունը կամ «չմտնես սպասարկման ոլորտ , եթե չես սիրում օգնել մարդկանց»: 🔹Ի՞նչ են ակնկալում սպասարկողից հաճախորդները: 🔹Որո՞նք են ամենից կարևոր քայլերը` սպասարկման ամբողջ գործընթացի ժամանակ (ողջույն, կոնտակտ, կարիքի բացահայտում, կարիքի բավարարում, սպասարկման ավարտ): 🔹Ինչպե՞ս շրջանցել և արդյունավետորեն կառավարել հաճախորդների բողոքները: 🔹Ի՞նչ անել, եթե ստիպված ենք մերժել հաճախորդին կամ ինչպե՞ս մերժել հաճախորդին «ծաղկեփնջով»: 🔹Որո՞նք են հեռախոսային և առցանց սպասարկման առանձնահատկությունները: Դասընթացը տեղի կունենա մայիսի 14-15-ը ժամը՝ 10:30-17:30: Մասնակցելու համար անհրաժեշտ է լրացնել հայտը

«ԱՊԱկենտրոնացում» հաղորդման հերոսը Նարինե Պողոսյանն է, որը տեղափոխվել է Դիլիջան և այնտեղ կարպետագործություն և գորգագործություն է դասավանդում, ստեղծագործում և ընդեղենային կարագներ ու այլ օրգանիկ սնունդ պատրաստում: Վավերագրական հեռուստանախագիծը ներկայացնում է անձանց, որոնք Երևանից և արտասահմանից տեղափոխվել են մարզային բնակավայրեր և այնտեղ ակտիվ գործունեություն են ծավալում՝ փոխելով այն միջավայրը, որտեղ ապրում են:

Սևան համայնքի Ծովագյուղ բնակավայում տեղի ունեցավ «Գեղարքունիքի մարզի բնակիչների եկամուտների ավելացման մասնագիտական ուսումնացուցադրական կենտրոնի» բացման պաշտոնական արարողությունը Նախագիծը, կնպաստի տարեկան ավելի քան 400 կանանց և երիտասարդների համար արժեքավոր հմտությունների, փորձի և եկամուտների ստեղծմանը՝ գյուղատնտեսության, զբոսաշրջության և էներգիայի օգտագործման վերաբերյալ կարողությունների զարգացման միջոցով:

🌱 Բուսաբուծության աջակցության ծրագիրը իրականացվելու է 2024թ.-ին ՀՀ ամբողջ տարածքով։ Ըստ մարզերի խթանվում է գարնանացան հացահատիկային, հատիկաընդեղեն մշակաբույսերի և բազմամյա խոտաբույսերի հավաստագրված սերմերով մշակության իրականացումը։ Կփոխհատուցվի մինչև 100 հա մակերեսով գյուղատնտեսական նշանակության հողամասի վրա՝ հացահատիկային (գարնանացան ցորեն, գարնանացան գարի, եգիպտացորեն, վարսակ, հաճար), հատիկաընդեղեն (ոլոռ, լոբի, ոսպ, սիսեռ) մշակաբույսերի և բազմամյա խոտաբույսերի (առվույտ, կորնգան) մշակության մեկ հեկտարի հաշվով կատարվող հիմնական աշխատանքների (վարի, ցանքի, բերքահավաքի) և սերմի արժեքի համար նախատեսված ծախսերի 50%-ը։ 📌Փոխհատուցման սահմանաչափեր՝ • հացահատիկային մշակաբույսերի մշակության 1 հա մակերեսի հաշվով՝ 70 000 ՀՀ դրամ, իսկ եգիպտացորենի մշակության 1 հա մակերեսի հաշվով՝ 85 000 ՀՀ դրամ, • հատիկաընդեղեն մշակաբույսերի մշակության 1 հա մակերեսի հաշվով՝ 100 000 ՀՀ դրամ, • բազմամյա խոտաբույսերի 1 հա մակերեսի մշակության հաշվով՝ 110 000 ՀՀ դրամ։ Մինչև ցանքն անհրաժեշտ է դիմել համայնքի կամ բնակավայրի ղեկավարին։

Մինչև 2030-ը կշահագործվի Սիսիան-Քաջարան 60 կմ նոր ճանապարհը Ավելի մանրամասն տեսանյութում

Սյունիքի մարզի Կապան քաղաքում տեղի կունենա «Անվտանգություն և Ժողովրդավարություն. Երիտասարդների ներգրավվածությունը» խորագրով Սյունիքի Երիտասարդական Ֆորումը։ Ֆորումի նպատակն է ընդհանուր հարթակ տրամադրել երիտասարդներին, երիտասարդ մասնագետներին և հաստատություններին, տեղական և ազգային մակարդակներում որոշում կայացնողներին` ձևավորելու ցանցային համագործակցություն փորձի փոխանակման և ռեսուրսների արդյունավետ օգտագործման կարողություններ զարգացնելու համար: Հիմնական բանախոսները կներկայացնեն իրենց փորձը հետևյալ թեմաներով. ✅ Երիտասարդության դերն այսօրվա ժողովրդավարության և անվտանգության մարտահրավերներում ✅ Ոչ ֆորմալ կրթություն և երիտասարդական տարածքներ երիտասարդների ակտիվ մասնակցության խթանման համար ✅ Մեդիայի և հաղորդակցության ազդեցությունը ժողովրդավարության և անվտանգության վրա. երիտասարդական հեռանկարը 👉 Մասնակցությունն ԱՆՎՃԱՐ Է։ 🛑 Տեղափոխության, կեցության և սննդի հարցերը հոգում է ՄԱՍՆԱԿԻՑԸ։ Մասնակցության համար շտապի՛ր գրանցվել մինչև ս․թ մայիսի 12-ը 🔗 Մայիսի 18-ին, ժամը՝ 10։00-18։00-ին Կապանի մշակույթի կենտրոն