ماذا بعد! 🖤

بصراحه هو انا لو قولتلكم تعالو واتساب ، كام واحده هتجنن وهتبقي مش قادره تتنفس غير لم تاخد رقمي !🫣

صحيت اليوم وفتحت عيوني بسهولة ‏تنفّست بدون أجهزة ‏غيرت ملابسي بدون مساعدة ‏أكلت بدون ألم ‏مشيت بدون عكّاز ‏مزاحِمين بالنِّعم يا الله، فلك الحمد كما ينبغي لجلال وجهك وعظيم سلطانك🤍.

اللهم أنَت ربِّي، لا يخفى عليك ما في قلبي، فاللهم طمأنينة منك، وغنى بك ، يارب أعوذ بك من ضيقة القلب، وشعور لا يُشكى ولا يفهم ، اللهم أرِح قلبي بما أنت به أعلم، ولا تجعلني أشكي لمن لا يخشى عليّ من حزني ، اللهم إني أُفوض دنياي كلها إليك❤️‍🩹.

أنا معاك ف إنك تاخد بالأسباب ف كل حاجه ، إلا ف حسن ظنك بالله ، إلا رحمة الله ، إلا يقينك بالله 🤍.

دا ربنا رحمته وسعت كل شئ . دا يوم القيامة ، من شدة رحمة وعفو ربنا ، أبليس هيشب نفسه (يعني يظهر نفسه عشان ربنا يشوفه وتشمله رحمة الله هو كمان ،لما شايف رحمة ربنا وسعت كل شئ ،ف جيه ف ظنه أنها تشمله هو كمان !!)

حب نفسك ، أكرم نفسك ، عز نفسك ، أرحمممم نفسك .

وبعد حبة مواجهات وشوية اختلافات ، أكتشف أننا كلنا زي بعض ، كلنا سواسيه فعلاً كأسنان المشط . بس الأختلاف ف توزيع الأرزاق ، والمميز عن كل إنسان والتاني .

دايما لما أحس أنه مش كفايه ، أو حاسه بحاجة كبيره نقصاني ، بروح وأدور ع حد مش عنده حاجتي ، ببص ع الأقل ، بقول لنفسي .. بصي ربنا أكرمك بالحاجة دي وانتي مفكره انها حاجه عاديه ، بالرغم أنه عند حد تاني أمنيه كبيره !!

ببقى عاوزه امسكه أقوله ، انت ف طريق غلط ،وتفكيرك غلط ، انت اصلا إنسان غلط .

أنا حقيقي مبحبش الناس المتشائمين نهائي ، مبحبش الناس اللي دايما تدور ع النواقص ، عاوزين كل حاجه كامله ، بالرغم أننا ف دار ناقصه !

وبعد نقاش طويل .. بكتشف أنه أنا فعلاً الشخصيه اللي دايما واثقه ف ربنا ، عندي يقين تام ، يقين حقيقي بشكل مريب أنه كل حاجه هتبقى حلوه جداً ، أنه لطفه حيفني ، لدرجة أحس أنه أنا عبدته الوحيده!💗

يقولي مش انتي دايما بتقولي يغير الموازين كلها ف غمضة عين لأجلك ؟.

أقول طب ما اهو الأمور والوضع قدامي أهو ، مش واضح أنه اللي عاوزاه هيحصل !

ساعات بحس أنه فيه جوايا حد ، اللي هو لما أجي خلاص هيأس ، الاقي صوت جوايا يقولي ، طب وإيمانك بربنا فين ؟

ممكن أصيح ؟

نصيبك لسه مجاش ، وكل ما العوض بيأخر ، كل ما كان أعظم. وفكرة أنه يرفضك دي فكرة متلققش منك نهائي ، دا بتبقى ع أساس اختباراته ومقايسه هو ، دا مش عيب فيكي انتي . ربنا يرزقك الزوج الصالح المصلح 🤍.

ربنا يعينك ع عبادته يا رب ، اللهم آمين أبقي ادعي لماما ❤️.

أعملي اللي قولته فوق لأختنا . كمان المفروض متخافيش ع المجموع، المجموع شئ دنيوي ، انتي المفروض تبقي خايفه انك تتمادي أو لاقدر الله ربنا يتوفاكي وانتي بتعملي الذنب ! معنى كلامي تكون نيتك خالصه جداً لله انك عاوزه تتوبي لأجل مغفرته ، لأجل الآخرة ، مش عشان خايفه ع مجموعك ! أصلا كدا كدا مجهودك ربنا هيدهولك حتى لو بتعملي بلاوي الدنيا ، ربنا عدل ، و كل حاجه نصيب.

محلك الأعرابي أنتي كدا أوابه، ونعم العبد هو الآواب . اوعي تفكري انتي كدا موافقه ولا حاجه ، لأ خالص انتي بتقاومي وبتجاهدي ، عشان خايفه من ربنا ، عشان مدركه أنه دا حرام وف نفس الوقت أنه ربنا غفور مهما وقعنا . الحل : انتي بتقولي بتستغفري ، ودا حاجه زي الفل ، بس انتي المفروض مثلاً كل ما تقعي ف الذنب ، تزودي طرق التوبه ، يعني ايه ؟ يعني النهارده استغفرت ، ووقعت مره تاني ف الذنب ، يبقى أزود حاجه ، اصلي ركعتين مع الاستغفار ، طب وقعت تاني ، أزود يوم صيام ، طب وقعت تاني أزود أنه اطلع صدقه ، ف الشيطان هيلاقي وقوعك ف الذنب دا ، بخساره عليه، دا انتي بتزود أعمال صالحة مقابل عمل سئ ؟ كمان حاولي تبعد عن المكان والوقت اللي بيخليكي تعملي كدا . وعموماً كلنا بنحاول وبنذنب ونتوب ، وربنا يشملنا برحمته ❤️‍🩹.

ساعتها أدركت بنعم عظيمه جداً ، الأنسان كان مفكرها حاجه عاديه . الأولى : أنك تقوم من النوم وتتنفس عادي ، وع سريرك ف البيت مش ع المستشفى ، وتتكلم عادي ، وتصلي وتتحرك ، دا نعمة كبيرة تسجد ل ربنا ليها، لعدم زوالها. التانيه : وجود سندك ، الأب ، أو الشخص اللي انت مسنود عليه ، لما تلاقي الشخص دا مش موجود بتلاقي نفسك تايهه ، وهتقوم بدور كبير ، ف وجوده حقيقي بيهون أي صعب عليك. ( وأنا ف الوقت دا شعوري صعب مفيش كلام يوصفه ، و يا رب ما يحرمني منهم أبدا وأشوفهم بأحسن حال ❤️‍🩹) أبقوا ادعولي❤️‍🩹.