IV Notes 💉

لو حليت الأمبول في ١٠ سم واديته هي هي زي ما تحله في لتر وتديه ❌❌ مش صح أبداً الكلام ده ، بيكون فيه نسبة وتناسب بين المادة المذابة والمذيبة النسبة دي ليها رنج ميصحش تقل عنه ولا تزيد ، لو قليت غالباً هيحصل thrombophlebitis ولو زودت غالبا ال effect بتاع المادة دي هيقل الحديد مثلا من الحاجات اللي بنحتاج نعلقها كتير ومظلوم ما بينا في الحكم عليه بنعلقه ازاي بإختصار حسب توصية lexicomp : أمبول الساكروفير مثلا فيه ١٠٠ مج حديد ⚠️⚠️⚠️⚠️⚠️⚠️ لو عايز تستفيد من الجرعة كاملة ياريت متزودش عن ٣ أمبولات حديد في الجرعة . ☢☢☢☢☢☢ لما تحل الأمبولات ممكن تحل ال ٢ أمبول في ١٠٠ سم ملح ولو هتزود أمبولات ممكن تزود ملح بس عشان تستفاد أقصى استفادة أخرك ٢٥٠ سم .. لو حليت الحديد بنسبة أقل من 1mg/1ml فأنت كدة بتخسر الاستفادة من الحديد ده. ⛔⛔⛔⛔⛔⛔ ال ٣ أمبولات يمشوا في ساعة ونص ، وال ٤ أمبولات يمشوا في ساعتين ونص ، وال ٥ أمبولات يمشوا في ثلاثة ساعات ونص .. ده يعني لو كنت مضطر أوي انك تزود عن ال ٣ أمبولات في كل جرعة . ☣☣☣☣☣☣ أمتى أوقف نقل حديد ؟ لما ال parameters تظبط طيب أقولهم يرجعولي ب CBC جديدة بعد كام جلسة عشان إعادة التقييم ؟ فيه معادلة كدة بنعوض فيها عشان نحسب الجرعة اللي المريض محتاجها تقريباً كالتالي : 0.6 x weight (kg) x [100 - (actual Hgb /12 x 100)] هيطلعلك المريض محتاج كام جرام والأمبول ١٠٠ مج فتحسب بقى عدد الأمبولات . #By_Dr_Mo #Iv_Notes

الرقم اللي هيطلعلك هو عدد النقط في الدقيقة اللي هتعدها عشان توصل الكمية اللي انت عايزها في الوقت اللي انت عايزه

حاجة بسيطة بس محيرة بالنسبة للبعض خصوصاً لو مش معاك تمريض شاطر بيعرف يحسب الجرعات وال rate كويس 😨 لو انت معاك كمية fluids فيها دوا معين عايز توصله للعيان ب rate معين أو على وقت معين فبتقول للتمريض مشيلي ال 100 سم دول على ساعة مثلا ، وبتسيبه وتمشي بس لو هو مش معاه infusion pump هيضطر يعتمد على شطارته في الحساب ، ولو هو مش شاطر في الحساب هتضطر انت كدكتور توضحله الكمية دي هيمشيها للعيان ازاي عشان متلاقيش الساعة بقت ربع ساعة أو بقت أربع ساعات . 😁 مبدئيا لو عندنا بامب أو دايل فلو هنبقى كفينا نفسنا شر الحساب وخلصنا الحمد لله ، طيب لو مش معانا تعالى نعرف نحسبها ازاي .. 🤔 أولاً لازم تحدد انت شغال بأنهي line بالظبط مع العيان : 1- Blood transfusion line = 10 drops/ml وده أتخنهم في ال Diameter فهيوصل الكمية في عدد Drops أقل لأن كل نقطة فيها كمية كبيرة من ال fluid عشان كدة كل ١٠ نقط منه بتساوي ١ سم . 2- IV line = 15 Drops/ml يعني كل سم فيه ١٥ نقطة . 3- Soluset = 60 Drops/ml وده أرفع Diameter فهيوصل ال سم في كمية نقط كتيرة لان النقطة صغيرة عشان كدة ال ٦٠ نقطة منه بتساوي ١ سم . طيب ده هيفرق معايا في ايه ؟ كل ما ال Diameter قل كل ما هتزود عدد النقط اللي بتعدهم في خلال الدقيقة عشان توصل الكمية اللي انت عايزها في الساعة تعالى نشوف 😀 لو بتوصل في جهاز وريد عادي وده اللي غالباً بيحصل فانت هتعمل الأتي : الكمية اللي انت عايز توصلها بالسم هتقسمهم على ٤ في عدد الساعات اللي عايز توصلهم فيه مثال : عايز توصل ١٠٠ سم محلول ملح في ساعة 100 ÷ ( 4x1 ) = 100 ÷ 4 = 25 يبقى محتاج تعد ٢٥ نقطة في الدقيقة عشان توصل ١٠٠ سم في ساعة واختصاراً للوقت ممكن تعد ٤ نقط في ١٠ ثواني 🔥🔥🔥🔥 طيب لو بوصل في سوليوسيت ، يبقى الحسبة كالتالي الكمية اللي عايز توصلها على ١ في عدد الساعات اللي هتوصلها خلاله مثال : عايز توصل ١٥٠ سم محلول ملح في ٣ ساعات 150 ÷ ( 1 x 3 ) = 50 يبقى محتاج تعد ٥٠ نقطة في الدقيقة أو اختصاراً للوقت ٤ نقط في خمس ثواني 🔥🔥🔥🔥 طيب لو بوصل في جهاز نقل دم ، يبقى هتحسب كالتالي الكمية اللي عايز توصلها على ٦ في عدد الساعات اللي عايز توصل فيها مثال : عايز توصل ٥٠٠ سم في خلال ٥ ساعات 500 ÷ ( 6 x 5 ) = 500 ÷ 30 = 17 يبقى محتاج تعد ١٧ نقطة في الدقيقة أو اختصاراً للوقت عد ٤ نقط في ربع دقيقة 🔥🔥🔥🔥 معايا ولا ايه 😂 هتلاقي صورة في الكومنتات للمعادلات اللي بتعوض فيها على طول نزلها واحسب براحتك بقى 😌 #By_Dr_Mo #Iv_Notes

حالة common و simple بس 99% مننا بيتعامل معاها غلط .. ومين فينا محدش جه قاله ضهري من تحت بيوجعني يا دكتور فراح صارفله شريط ال muscle relaxant مع ال analgesic المتين ... وياه بقى لما يحب يحط التاتش كمان ويقوله اعمل كمادات دافية .. يبقى كدة جبرت أوي =D التصرف ده صحيح ولكنه صحيح لما يسبقه 7 خطوات , لو معملتش قبله 7 خطوات فكدة أبقى كفتجي مش دكتور .. إزاي بقى ؟ إذا كان عندنا حالة low back pain فهي غالباً بشكل كبير جدا هتكون mechanical low back pain اللي تعالمنا معاها هيكون زي ما قولنا في أول البوست , لذلك السبع خطوات اللي هنخطيهم قبل التعامل معاها مش عشان ماشيين بمبدأ what common is common , لأ عشان بنحاول نـ exclude المشاكل الخطيرة الأول ولما نطمن نتعامل معاها كحالة بسيطة ... أيه هما السبع خطوات وإزاي هستثنيهم : 1- Cauda equina : sphincter dysfunction (( urinary or fecal incontinence )) Urinary retention saddle anesthesia (( perineal loss of sensation )) Neurogenic problems in both legs لو لقيت أي حاجة من الكلام ده , يبقى ده يطلع على الطوارئ (( مش ريفير لعيادة مخ وأعصاب )) لأ على الطوارئ يعمل MRI حالات لأن المشكلة اللي هتحصل هتبقى irreversible ومش هيقدر يسترجعها تاني . 2- infection : Fever - leucocytosis - CRP - ESR Localised tenderness immunocomprmised - IV drug abuser - DM - previous TB كل ده لازم اسأل عنه لو لقيت منه أي حاجة , يبقى هيتبعت يعمل MRI و Blood culture ويتحول . 3- Fructure : sudden onset of pain old age osteoporosis وال osteoporosis هنا ممكن تكون known وممكن تكون suspected يعني لا انا ولا هو عارفين انه عنده هشاشة بس انا عرفت انه ماشي على long term steroid وهكذا . ساعتها ده يتعمله x-ray ويتحول . 4- Tumor : old age active or previous cancer anywhere in the body (( metastasis )) fever , anorexia , weight loss focal tenderness لو لقيت أي حاجة من دول يبقى MRI ويتحول . 5- inflammatory : ساعتها دي مشكلة روماتولوجي , أشك فيها لما ألاقي Morning stiffness - symptoms resolved with excercise - nocturnal pain - sacroiliac tenderness - radiated to buttocks - unexplained elevated ESR & CRP ساعتها بيعمل x-ray ويتحول روماتولوجي 6- Herniated disk : acute onset - due to binding or lifting - pain icreased by sneezing, cough, straining ,sitting & releaved by standing confirmed by strech nerve tests يعني ال sciatica بنأكدها ب test إن العيان ينام على ضهرة ويعمل flexion لل hip برفع ال limb كله لفوق وهو مفرود .. لو الألم زاد يبقى كدة sciatica أما ال femoral nerve العيان بينام عل بطنه ويعمل flexion لل knee يعني يرفع ساقه فقط ساعتها الألم يزيد وممكن تشوفوا ميكانيزم ال tests دي فيديوهات أفضل . ده ساعتها بيحتاج analgesics وعلاج طبيعي لمدة شهرين أو تلاتة لو زاد عن كدة لازم يتحول . 7- lumbar stenosis : ده بيبقى عيان فوق الخمسين وجعه بيكون slowly progressive وبيزيد بالوقفة والمشي وال extension وبيقل بالقعدة والنوم وال flexion , وهيحتاج MRI ويتحول . بعد بقى ما أكون استثنيت كــــــــــــــــــــــــــــــل ده , أقدر أقول إنها غالبا Mechanical low back pain وهوصفله أحد أدوية السوق زي myofen or dimra or methoquick or relax مع الكمادات الدافية على الظهر ومتنصحوش بالراحة في السرير (( أيوة مش غلطة مطبعية =D )) متنصحوش بالراحة في السرير ولا تنصحه انه يمارس شغل شاق .. يمارس المجهود العادي ويمشي على العلاج شهر بالكتير لو لسة الأعراض مستمرة يبقى هيعمل MRI ويتحول . ده المفروض يكون تناولك السليم للـ case وليس طريقة الكحة تاخد anti ko7a وال fever تاخد anti fever 😁 #By_Dr_Mo #Iv_Notes

Effect of Calcitonin , PTH , Vit D on Ca & Ph in different organs . #By_Dr_Mo #Iv_Notes

أيه علاقة إن حرارتي تبقى عالية بإني أحس بالبرد بإني أترعش !! Fever = high temperature Chills = feeling cold Rigors = shivering مبدئياً تعالى نتخيل إن حصل bacterial infection رد الفعل المناعي ضدها هينتج عنه خروج pyrogens من خلايا الجسم وساعتها هيبقى اسمها internal pyrogens زي IL1 وكذلك من البكتيريا اللي ماتت وساعتها هيبقى اسمها external pyrogens زي ال toxins الحاجات دي ليها receptors على ال hypothalamus لما تشوفها ترفع ال set point بتاعة الحرارة كنوع من ال defense mechanism إن الحرارة تموت ال bacteria فاللي يحصل إن ال PGE2 تزيد في ال hypothalamus وهي اللي تعلي ال set point عشان كدة antipyretic هما ال anti prostaglandins زي ال paracetamol & ibuprofen لأنهم هيقللوا ال PGs . طيب دي الحرارة ليه بحس بال Chills ؟ عشان لما ال set point زادت هي زودت درجة حرارة الدم لـ 40 أما ال skin & muscles من برة مازالت عند 37 درجة زي ما هي , عشان كدة برة بيكون more cold عن جوة عشان كدة برغم إني سخن بس حاسس ببرد . طيب وليه يحصل Rigors ؟ عشان الوضع ده مش مريح للجسم إن برة ساقع وجوة سخن فيبدأ يعمل muscles contractions عشان ال mechanical energy دي تتحول إلى Heat energy وبالتالي نحاول نوصل برة زي جوة . طيب ليه بدي خوافض حرارة مادام الحرارة ميكانيزم دفاعي ؟ عشان الحرارة ذات نفسها لما بتزيد عن حدها زيها زي ال autoimmunity بالظبط هتضر الجسم فالشئ إن زاد عن حدة ينقلب لضده فببدأ أنا أمسك زمام الأمور من برة بالعلاج بال Antibiotics ساعتها خلاص مش هحتاج الجسم يتدخل بحاجة وادي خوافض حرارة . #By_Dr_Mo #IV_Notes

ياااااااه بقالنا شوية حلوين متكلمناش 😁 نبل ريقنا بشوية عرقسوس طيب 😀 العرقسوس فيه كورتيزون ❌❌ العرقسوس بيقلل الكورتيزون ☑️☑️ إعتقد البعض إن ال licorice فيه الكورتيزون لأنه على حد قولهم بيخزن ماية في الجسم ... والحقيقة إن لو حد من العوام قال كدة مش هنعلقله عليها لأنه من العوام فكتر خيره انه قال المعلومة بهذا الشكل , ولكن حضرتك كـ طبيب مينفعش متكونش عارف المعلومة كما يجب أن يكون 😁 فيه كلمتين اتنين ما هو العرقسوس ؟ - has weak mineralocorticoid effect - inhibit 11 beta hydroxysteroid dehydrogenase يعني ايه ! 😏😒 ال licorice ما هو إلا مادة كيميائية عادي خالص بتثبط إنزيم معين اللي هو 11 beta hydroxysteroid dehydrogenase , الانزيم ده ليه دور مهم جدا في تصنيع الكورتيزن كالتالي : ال adrenal cortex بتنتج ال cortisol ثم يقوم الإنزيم السابق ذكره ده بتحويل ال cortisol إلى cortison , العرق سوس بقى وظيفته إنه يوقف العملية دي عن طريق تثبيط الإنزيم ده فيقلل تصنيع الكورتيزون ويزود تراكم الكورتيزول . Licorice Cortisol -----❌❌-------> Cortison طيب وبعد كدة ؟ ال cortisol ده ليه mineralocorticoid effect يعني بيشتغل زي ال aldosterone بيخزن ماية وملح عن طريق إنه بيقدر يرتبط بال aldosterone receptors إنما الكورتيزون ميقدرش . وبناء على هذا هيحصل : Hypertension عشان خزن ماية وملح Hypokalemia لأن الألدوستيرون بيرجع صوديوم ويرمي بوتاسيوم low plasma aldosterone level بنفس مبدأ الفيدباك لما الملح زاد أصبح الحاجة للأدلوستيرون قليلة فقل تصنيعه . ودمتم 😁 #By_Dr_Mo

ال Hypoglycemia بالبلدي كدة أحدد درجتها إزاي ؟ قالك لو العيان قادر يعالج نفسه تبقى mild قالك لو العيان محتاج IV glucose يبقى severe بردو مهم إنك تبقى ناصح إنك تلقط نوعية العيان اللي غالباً بييجي ب hypoglycemia هو يا إما عيان سكر نوع أول وده هييجي بسبب insulin overdose أو خد جرعة انسولين عادية جدا بس نسي ياكل بعدها أو ممكن يكون عيان سكر النوع التاني وبيتعالج ب sulfonylurea لأنها insulin stimulators عكس ال metformin اللي صعب جدا الحقيقة انه يعمل hypoglycemia لأنه بيمنع إرتفاع السكر أكتر ما بيحاول ينزله . طيب هعالجه إزاي ؟ مبدئياً واحد جاي ب hypoglycemic symptoms فبتقيسله ال random , عندك حل من إتنين يا إما : فوق ال 70 وده هتديله حاجة مسكرة وتروحه تحت ال 70 وده هتقعده معاك وتتصرف معاه كالتالي : 1- لو هو oriented & can swallow يبقى هتديله علبة عصير يشربها أو كباية ماء بسكر (( 4 معالق سكر صغيرة )) وقيس بعد 10 دقايق لو مفيش تحسن كرر نفس الخطوة تاني وقيس بعد 10 دقايق لو مفيش تحسن كرر نفس الخطوة تالت وقيس بعد 10 دقايق لو مفيش تحسن بعد نص ساعة يبقى هيحتاج IV glucose ولما يتظبط اديله باكو بسكوت عشان ميقعش بعد شوية وروحه . 2- طيب لو هو في DCL مبدئياً ABCD ثانياً هياخد على طول IV glucose وبعد ما يتظبط ياخد باكو بسكوت ويروح *** بقولك العيان اللي بياخد انسولين أو sulfonylurea المفروض ت monitor الجلوكوز بتاعه 24 ساعة بعد العلاج لأنه غالبا هيقع تاني . #By_Dr_Mo

في خلال الست سنين اللي فاتوا من ساعة ما بدأنا شغل على البيج هنا وإحنا كنا بنحاول نبسط المعلومات ونسهلها وننجزها قدر المستطاع فيه بوستات صغيرة بحيث أن أصعب الأمور في الطب كانت بتواجه الطبيب تكون سهلة ومفهومة ومفيش منها أي مشكلة ولكن أكتر من حد كان بيطلب مننا نعمل حاجة systematic بس للأسف كنا مشغولين جدا إننا نقدر نطلع حاجة بجودة وإتقان كويسين زي ما بنحاول دايماً بس دلوقتي استعنا بالله ونوينا نبدأ إن شاء الله نسجل محاضرات تخص شغل ال GP بشكل أساسي سواء كان في الطوارئ أو في العيادة بأسلوب عملي جدا وعلمي جدا يخليك تواجه الواقع العشوائي بجايدلاينز أمريكا عادي هيتم إنشاء ورشة عمل لكل موضوع هنتكلم فيه على قناة التليجرام وكذلك المحاضرات هتنزل على التليجرام بشكل أساسي . Group https://t.me/IVNOTESCHAT

Instagram link https://www.instagram.com/reel/C92cLrkN7pj/?igsh=MW1oZXZoaDQyMDJpbw==

Facebook link https://www.facebook.com/share/r/KAioJzgKsEWvyzdM/

Instagram link https://www.instagram.com/reel/C9zqr-kI5SD/?igsh=MXc1OTRxMmViZmc=

Facebook link https://www.facebook.com/share/r/fLfgKmdh2uQR1rBc/?mibextid=J7ZoRX

عيان ال peripheral arterial disease بتفكر فيه لما يكون قدامك حالة كبيرة في السن عنده HTN DM dyslipidemia smoker وجايلك بأعراض peripheral ischemia ... بعد ما تشخصه وتعمله الدوبلر وتحاليلك وتظبطله ال risk factors وكل حاجة هيكون بيشتكيلك من حاجة مضايقاه أوي , الحاجة اللي جابته يكشف أصلا intermittent claudication .. مبقتش أعرف أمشي مسافات زي الأول كل ما أمشي حتة صغيرة رجلي يحصلها شد عضل . ايه أفضل anti platlet ممكن توصفه للعيان ده ؟ سامعك ياللي بتقول أي حاجة ... لأ مش أي حاجة cilostazol (( pletaal )) 100mg twice daily without food طيب أنهي عيان PAD مش هعرف أوصفله بليتال ؟ عيان ال HF طيب أيه أسخف عرض جانبي ممكن يحصل منه ؟ Headache #By_Dr_Mo