БАКЪДЕРГ

Йеза цIе тилларх, Кхуьуш вац къонах, Нагахь и ца ларлахь Зуламах, вонах, Нагахь и стаг вацахь, Дика-вон къасто, Шена мел зе хиларх Нийсаниг хасто. ТIаьхьар алар: Мел хала латош ю Кхерчара цIе, Цулла а хала ду И хецна йаго. ХIора а сихлолаш, Вон хьулдай шен, Вежаршна серло луш, Деган чиркх баго. Дика цIе тилларх, Кхуьуш вац къонах, Нагахь и догдика Ца хьежахь гонах, Оьшшучу меттехь, ДоггIу дош олуш, ГIо эшна, мохь баьлча, Орцаха волуш. Мел хала латош ю Кхерчара цIе, Цулла а хала ду И хецна яго. ХIора а сихлолаш, Вон хьулдай шен, Вежаршна серло луш, Деган чиркх баго. Хаза цIе тилларх, Хуьлуш вац къонах, Нагахь и ца ларлахь, Зуламах, вонах. Дорцашка огуьйтуш, Шен деган гIайракх, Цо лаккха ца ийбахь, Стогаллин байракх! Мел хала латош ю Кхерчара цIе, Цулла а хала ду И хецна яго. ХIора а сихлолаш, Вон хьулдай шен, Вежаршна серло луш, Деган чиркх баго

Хьан дада ма лаьтта, ӏасанах накъост а вина! Хьан нана ма лаьтта, шен некъаш неӏсагӏехь сецна! Хьан йиша ма еха, нехан цӏентӏе ирс лаха, яхна! Хьан ваша ма веха, цӏийна дукъ шена а дисна… Цкъамукъне а юхахьажахь нохчо! Мохк а ма лаьтта хьан, бӏешарахь къийсинчух хаьдда! Дайн бӏаьвнаш лаьтта хьан, мостагӏчо баххьаш а аьтта! Ӏадаташ дуьсу хьан, дезначийн замане хаьжна! Гӏиллакхаш дуьсу хьан, доцчарна белам а хила… Цкъамукъне а юхахьажахь нохчо! Кхиъна юрт юьсу хьан, замано ширйина, яьсса… Лулахой буьсу хьан, мохь тоьхча ца хезчохь, кхайкха… Хийра мохк, гена мохк хьуна ма гергара хетта… Геннара ахь олу – хьайн ойла Нохчийчохь лаьтта…