Bugun.uz — LIVE

Доллар кўтарилди. 6 декабрь куни амал қиладиган долларнинг расмий курси 12 837,10 сўмдан (+24,06 сўм) ҳисобланади.

Зойир Мирзаевга қишлоқ хўжалиги бўйича ўринбосар тайинланди. Хуршид Қорабоев мазкур лавозимга тайинлангунга қадар Ўзбекистон савдо-саноат палатаси Қишлоқ хўжалиги соҳасида тадбиркорликка кўмаклашиш бошқармаси бошлиғи лавозимида ишлаган.

Улуғбек Рашитов жаҳоннинг 2024 йилдаги энг яхши таэквондочиси деб топилди. Ўзбек таэквондочиси биринчи марта жаҳонда тенгсиз бўлди.

МИБнинг Когон туман бўлими мутахассиси бўлимнинг ҳисоб рақамларига келиб тушган 321 млн 79 минг сўмни ўзига таниш бўлган 4 кишининг пластик карталарига ўтказиш орқали нақдлаштириш йўли билан талон-торож қилган.

Самарқанд ва Қашқадарё вилоятларини боғловчи «Тахтақорача» довони 5 декабрь куни вақтинча, соат 09:00дан ёпилади. Йўлнинг ёпилиши фавқулотда вазиятларни олдини олиш мақсадида довондаги йирик тошларни тушириш ишлари билан боғлиқ.

Ўзбекистон ташқи ишлар вазири Бахтиёр Саидов Италиянинг янги тайинлан элчиси Пиергабриеле Пападиа де Боттинини қабул қилиб, ундан ишонч ёрлиқларини қабул қилиб олди.

❗️Bitcoin’нинг қиймати ўсишда давом этиб, унинг нархи 100 минг АҚШ долларидан ошиб кетди.

Самарқанд вилоят ҳокими вазифасини бажарувчи Адиз Бобоев раҳбарларга жамоат транспортидан фойдаланиб, унинг ҳолатини таҳлил қилиб кўришни топширди.

Ўзбекистоннинг кўплаб ҳудудларида 5 декабрь бироз булутли ҳаво сақланиб туради, айрим ҳудудларда туман тушиши ва шивалама ёғингарчилик бўлиши кутилмоқда. Ҳарорат -8 даражадан +12 даражагача ўзгаради.

Самарқандда эҳтиёжманд оилаларга имтиёзли нархларда тарқатилиши керак бўлган 50 тонна кўмирни сотган омбор мудири ушланди. У омбор қоровули билан кўмирни фуқарога сотиб, 28 млн сўм олганида қўлга олинган.

Бухоро давлат педагогика институти проректори Ҳафиза Ортиқова Бухоро вилояти ҳокими ўринбосари - Оила ва хотин-қизлар бошқармаси бошлиғи лавозимига тайинланди.

Шунингдек, сўровда ўзбекистонликлар коррупция хавфи бор йўналишларда ҳокимликлар фаолиятини (16%), ҳуқуқни муҳофаза қилувчи органлар фаолиятини (14%), қурилиш соҳасини (13%), таълим соҳасини (9%) қайд этган.

Ўзбекистонда 10 ойда иш ҳақи ва нафақаларнинг 5,8 млрд. сўми талон-торож қилинган. Ҳолат бўйича 71 та жиноят иши қўзғатилган.

Январь октябрь ойларида мамлакатда жами 783 089 нафар туғилишлар қайд этилган.

Коррупцияга қарши курашиш агентлиги томонидан ўтказилган сўровнома натижаларига кўра, ўзбекистонликлар соғлиқни сақлаш соҳасини коррупция хавфи энг юқори бўлган йўналиш сифатида танлаган.

Жиззахда 24 ноябрь куни соат 01:05 «Камаз» юк машинаси ҳайдовчиси темир йўлдаги светофорнинг қизил чироғига ўтиб, темир йўл шлагбаумини ва УЗП қурилмасини бузди.

Ўзбекистонда 2024 йилнинг 1 октябрь холатига доимий яшовчи аҳоли сони 37,4 млн кишини ташкил этди. Ушбу кўрсаткич 2023 йилнинг мос даврига нисбатан 2,1 фоизга кўпайган

Ўзбекистон—Хитой ўртасида 30 кунлик визасиз режим жорий қилинди.

Туркияда фоҳишалик қилишга мажбурланган ўзбекистонлик аёллар қутқарилди Бурсада полиция фоҳишалик қилишга мажбурланган 4 нафар ўзбекистонлик аёлни қутқарди. Аёлларга Анталия меҳмонхоналарида иш ваъда қилинган, лекин улар Бурсага олиб келиниб, фоҳишалик билан шуғулланишга мажбурланган. Рейд чоғида аёлларни тутқунликда ушлаб, фоҳишалик билан шуғулланишга мажбурлаган 4 нафар шахс қўлга олиниб, уларнинг 95 минг турк лираси мусодара қилинган. Ўзбекистонлик аёллар Туркиянинг Миграция бошқармасига топширилган, улар Ўзбекистонга депортация қилинади.

Ўзбекистоннинг Кобулдаги янги элчиси Толибонга ишонч ёрлиқларини топширди Ўзбекистоннинг Афғонистондаги янги элчиси Ойбек Усмонов 27 октабр куни Кобулга етиб келди. 62 ёшли дипломат Тошкент давлат университети (ҳозирги Ўзбекистон Миллий университети)нинг филология ва шарқшунослик факультетини тамомлаган бўлиб, 2020—2024-йилларда Покистонда элчи лавозимида фаолият юритган. Маълумот ўрнида, Афғонистоннинг Ўзбекистондаги дипломатик миссияси янги раҳбари Абдул Ғаффор Теравий 9 октабр куни Тошкентда ўз фаолиятини бошлади. Ушбу тайинлов икки давлат ўртасидаги алоқаларни мустаҳкамлашга қаратилган.