Citizens Report - ប្រជាជន

ឧទ្យានជាតិព្រះសុរាម្រិតកុសុមៈ គិរីរម្យ នារដូវកាលបៃតង រដូវកាលបៃតងបានធ្វើឱ្យឧទ្យានជាតិព្រះសុរាម្រិតកុសមៈ គិរីរម្យ កាន់តែស្រស់បំព្រង ដោយព្រៃស្រល់ពណ៌បៃតងខៀវស្រងាត់ ខ្យល់អាកាសត្រជាក់ ទឹកជ្រោះថ្លាឈ្វេង និងទេសភាពធម្មជាតិដ៏ស្រស់ស្អាត ដែលជាទីកន្លែងដ៏ស័ក្តិសមសម្រាប់ការសម្រាកលំហែកាយ និងបង្កើតអនុស្សាវរីយ៍ល្អៗជាមួយក្រុមគ្រួសារ និងមិត្តភក្តិ។ បច្ចុប្បន្ន គិរីរម្យមានសេវាកម្មទេសចរណ៍ចម្រុះ រួមមានកន្លែងស្នាក់នៅ ភោជនីយដ្ឋាន ហាងកាហ្វេ កន្លែងបោះតង់ និងសកម្មភាពកម្សាន្តបែបធម្មជាតិជាច្រើន ដែលបានទាក់ទាញភ្ញៀវទេសចរជាតិ និងអន្តរជាតិ មកពីគ្រប់ទិសទី ធ្វើដំណើរកម្សាន្តនាថ្ងៃចុងសប្ដាហ៍កាន់តែច្រើនឡើង។ វត្តមានភ្ញៀវទេសចរជាតិ និងអន្តរជាតិ មិនត្រឹមតែរួមចំណែកលើកស្ទួយវិស័យទេសចរណ៍ប៉ុណ្ណោះទេ ប៉ុន្តែថែមទាំងជួយជំរុញសេដ្ឋកិច្ចគ្រួសារ បង្កើនចំណូលដល់អាជីវកម្មខ្នាតតូច អ្នកលក់ម្ហូបអាហារ ផលិតផលក្នុងស្រុក និងសេវាកម្មនានាក្នុងសហគមន៍ ស្របតាមគោលដៅអភិវឌ្ឍន៍សេដ្ឋកិច្ចមូលដ្ឋានប្រកបដោយចីរភាព។ 👉 Join Citizen Report - ប្រជាជន 🌐 Facebook 🌐 Telegram 🌐 TikTok 🌐 YouTube